༧. ཨཱ་ཀཱ་སོ ས་ནི་ད་སྶ་ནོ་ཏི་ཀ་ཐཱ་ཝ་ཎྞ་ནཱ

༤༦༣-༤༦༤. ཨི་དཱ་ནི ཨཱ་ཀཱ་སོ ས་ནི་ད་སྶ་ནོ་ཏི་ཀ་ཐཱ ནཱ་མ ཧོ་ཏི. ཏ་ཏྠ ཡེ་སཾ ཏཱ་ལ༹་ཙྪི་དྡཱ་དཱི་སུ ཉཱ་ཎ་པྤ་ཝ་ཏྟིཾ ནི་སྶཱ་ཡ ‘‘ས་བྦོ་པི ཨ་ཛ་ཊཱ་ཀཱ་སོ ས་ནི་ད་སྶ་ནོ’’ཏི ལ་དྡྷི, སེ་ཡྻ་ཐཱ་པི ཨ་ནྡྷ་ཀཱ་ནཾ; ཏེ ས་ནྡྷཱ་ཡ ཨཱ་ཀཱ་སོ ས་ནི་ད་སྶ་ནོཏི པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཐ ནཾ ‘‘ཡ་དི ས་ནི་ད་སྶ་ནོ, ཨེ་ཝཾ་ཝི་དྷོ བྷ་ཝེ་ཡྻཱ’’ཏི ཙོ་ད་ན་ཏྠཾ རཱུ་པ་ནྟིཨཱ་དི ཝུ་ཏྟཾ. ཙ་ཀྑུ་ཉྩ པ་ཊི་ཙྩཱཏི་པ་ཉྷེ་སུ ཨེ་ཝ་རཱུ་པ་སྶ སུ་ཏྟ་སྶ ཨ་བྷཱ་ཝེ་ན པ་ཊི་ཀྑི་པི་ཏྭཱ ཏུ་ལ་ནྟ་རི་ཀཱ་དཱི་ནཾ ཨུ་པ་ལ་དྡྷིཾ ནི་སྶཱ་ཡ པ་ཊི་ཛཱ་ནཱ་ཏི. དྭི་ནྣཾ རུ་ཀྑཱ་ནཾ ཨ་ནྟ་རནྟི ཨེ་ཏྠ རུ་ཀྑ་རཱུ་པཾ ཙ་ཀྑུ་ནཱ དི་སྭཱ ཨ་ནྟ་རེ རཱུ་པཱ་བྷཱ་ཝ་ཏོ ཨཱ་ཀཱ་ས་ནྟི མ་ནོ་དྭཱ་ར་ཝི་ཉྙཱ་ཎཾ ཨུ་པྤ་ཛྫ་ཏི, ན ཙ་ཀྑུ་ཝི་ཉྙཱ་ཎཾ. སེ་སེ་སུ་པི ཨེ་སེ་ཝ ན་ཡོ. ཏ་སྨཱ ཨ་སཱ་དྷ་ཀ་མེ་ཏ་ནྟི.

ཨཱ་ཀཱ་སོ ས་ནི་ད་སྶ་ནོ་ཏི་ཀ་ཐཱ་ཝ་ཎྞ་ནཱ.