༢. ཨ་སེ་ཁ་ཉཱ་ཎ་ཀ་ཐཱ་ཝ་ཎྞ་ནཱ

༤༢༡. ཨི་དཱ་ནི ཨ་སེ་ཁ་ཀ་ཐཱ ནཱ་མ ཧོ་ཏི. ཏ་ཏྠ ཡ་སྨཱ ཨཱ་ན་ནྡ་ཏྠེ་རཱ་ད་ཡོ སེ་ཁཱ ‘‘ཨུ་ལཱ༹་རོ བྷ་ག་ཝཱ’’ཏི་ཨཱ་དི་ནཱ ན་ཡེ་ན ཨ་སེ་ཁེ ཛཱ་ན་ནྟི, ཏ་སྨཱ ‘‘སེ་ཁ་སྶ ཨ་སེ་ཁ་ཉཱ་ཎཾ ཨ་ཏྠཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི ཨུ་ཏྟ་རཱ་པ་ཐ་ཀཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཛཱ་ནཱ་ཏི པ་སྶ་ཏཱིཏི ཨི་དཾ ཨ་ཏྟ་ནཱ ཨ་དྷི་ག་ཏ་སྶ ཛཱ་ན་ན་ཝ་སེ་ན ཝུ་ཏྟཾ. གོ་ཏྲ་བྷུ་ནོཏི་ཨཱ་དི ཧེ་ཊྛི་མཱ་ཡ བྷཱུ་མི་ཡཾ ཋི་ཏ་སྶ ཨུ་པ་རཱུ་པ་རི་ཉཱ་ཎ་སྶ ཨ་བྷཱ་ཝ་ད་སྶ་ན་ཏྠཾ ཝུ་ཏྟཾ. ན་ནུ ཨཱ་ཡ་སྨཱ ཨཱ་ན་ནྡོ སེ་ཁོ ‘‘ཨུ་ལཱ༹་རོ བྷ་ག་ཝཱ’’ཏི ཛཱ་ནཱ་ཏཱིཏི པ་ར་ཝཱ་དཱི ཨ་སེ་ཁེ བྷ་ག་ཝ་ཏི པ་ཝ་ཏྟ་ཏྟཱ ཏཾ ཨ་སེ་ཁ་ཉཱ་ཎ་ནྟི ཨི་ཙྪ་ཏི, ན པ་ནེ་ཏཾ ཨ་སེ་ཁཾ. ཏ་སྨཱ ཨེ་ཝཾ པ་ཏི་ཊྛཱ་པི་ཏཱ་པི ལ་དྡྷི ཨ་པྤ་ཏི་ཊྛཱ་པི་ཏཱ་ཝ ཧོ་ཏཱི་ཏི.

ཨ་སེ་ཁ་ཉཱ་ཎ་ཀ་ཐཱ་ཝ་ཎྞ་ནཱ.