༡༠. ད་ས་མ་ན་ཡོ ཝི་པྤ་ཡུ་ཏྟེ་ན་ཝི་པྤ་ཡུ་ཏྟ་པ་ད་ཝ་ཎྞ་ནཱ

༣༥༣. ཨི་དཱ་ནི ཝི་པྤ་ཡུ་ཏྟེ་ན་ཝི་པྤ་ཡུ་ཏྟ་པ་དཾ བྷཱ་ཛེ་ཏུཾ རཱུ་པ་ཀྑ་ནྡྷེ་ནཱཏི་ཨཱ་དི ཨཱ་ར་དྡྷཾ. ཏ་ཏྠ ཡེ ས་མྤ་ཡོ་ག་ཝི་པྤ་ཡོ་ག་པ་ད་ནི་དྡེ་སེ རཱུ་པ་ཀྑ་ནྡྷཱ་ད་ཡོ དྷ་མྨཱ ཨུ་དྡྷ་ཊཱ, ས་བྦ་པུ་ཙྪཱ་སུ ཏེ་ཡེ་ཝ ཨུ་དྡྷ་ཊཱ. ས་དི་ས་ཝི་སྶ་ཛྫ་ནཱ་ནཾ པ་ན ཨེ་ཀ་ཏོ ག་ཧི་ཏ་ཏྟཱ པ་དཱ་ནི ཨ་ཉྙཱ་ཡ པ་ཊི་པཱ་ཊི་ཡཱ ཨཱ་ག་ཏཱ་ནི. ཏ་ཏྠ ཡཾ པ་དཾ པུ་ཙྪཱ་ཡ ཨུ་དྡྷ་ཊཾ, ཏཾ ཡེ་ཧི དྷ་མྨེ་ཧི ཝི་པྤ་ཡུ་ཏྟཾ, ཏེ་སཾ ཝ་སེ་ན ཁ་ནྡྷཱ་དི་ཝི་བྷཱ་གོ ཝེ་དི་ཏ་བྦོ. རཱུ་པ་ཀྑ་ནྡྷེ་ན ཧི ཝེ་ད་ནཱ་ད་ཡོ ཝི་པྤ་ཡུ་ཏྟཱ, ཏེ་ཧི ཙ རཱུ་པ་ཀྑ་ནྡྷོ ཝི་པྤ་ཡུ་ཏྟོ. ནི་བྦཱ་ནཾ པ་ན སུ་ཁུ་མ་རཱུ་པ་ག་ཏི་ཀ་མེ་ཝ. སོ རཱུ་པ་ཀྑ་ནྡྷོ ཙ་ཏཱུ་ཧི ཁ་ནྡྷེ་ཧི, ཨེ་ཀེ་ན མ་ནཱ་ཡ་ཏ་ནེ་ན ས་ཏྟ་ཧི ཝི་ཉྙཱ་ཎ་དྷཱ་ཏཱུ་ཧི, དྷ་མྨཱ་ཡ་ཏ་ན་དྷ་མྨ་དྷཱ་ཏཱུ་སུ, ཀེ་ཧི་ཙི ཝེ་ད་ནཱ་དཱི་ཧི དྷ་མྨེ་ཧེ་ཝ ཝི་པྤ་ཡུ་ཏྟོ. ཨེ་སེ་ཝ ན་ཡོ ས་བྦ་ཏྠཱ་ཏི.

ཝི་པྤ་ཡུ་ཏྟེ་ན་ཝི་པྤ་ཡུ་ཏྟ་པ་ད་ཝ་ཎྞ་ནཱ.