༦. སེ་ཝ་ནཱ་སུ་ཏྟ་ཝ་ཎྞ་ནཱ

༦. ཚ་ཊྛེ ཛཱི་ཝི་ཏ་པ་རི་ཀྑཱ་རཱཏི ཛཱི་ཝི་ཏ་ས་མྦྷཱ་རཱ. ས་མུ་དཱ་ནེ་ཏ་བྦཱཏི ས་མཱ་ཧ་རི་ཏ་བྦཱ. ཀ་སི་རེ་ན ས་མུ་དཱ་ག་ཙྪ་ནྟཱིཏི དུ་ཀྑེ་ན ཨུ་པྤ་ཛྫ་ནྟི. ར་ཏྟི་བྷཱ་གཾ ཝཱ དི་ཝ་ས་བྷཱ་གཾ ཝཱཏི ཨེ་ཏྠ ར་ཏྟི་བྷཱ་གེ ཉ་ཏྭཱ ར་ཏྟི་བྷཱ་གེ་ཡེ་ཝ པ་ཀྐ་མི་ཏ་བྦཾ, ར་ཏྟིཾ ཙ་ཎྜ་ཝཱ་ལཱ༹་དི་པ་རི་པ་ནྠེ ས་ཏི ཨ་རུ་ཎུ་གྒ་མ་ནཾ ཨཱ་ག་མེ་ཏ་བྦཾ. དི་ཝ་ས་བྷཱ་གེ ཉ་ཏྭཱ དི་ཝཱ པ་ཀྐ་མི་ཏ་བྦཾ, དི་ཝཱ པ་རི་པ་ནྠེ ས་ཏི སཱུ་རི་ཡ་ཏྠ་ངྒ་མ་ནཾ ཨཱ་ག་མེ་ཏ་བྦཾ. ས་ངྑཱ་པཱིཏི སཱ་མ་ཉྙ་ཏྠ་སྶ བྷཱ་ཝ་ནཱ་པཱ་རི་པཱུ་རི་ཨཱ་ག་མ་ནཾ ཛཱ་ནི་ཏྭཱ. སོ པུ་གྒ་ལོཏི པ་ད་སྶ པ་ན ‘‘ནཱ་ནུ་བ་ནྡྷི་ཏ་བྦོ’’ཏི ཨི་མི་ནཱ ས་མྦ་ནྡྷོ. ཨ་ནཱ་པུ་ཙྪཱཏི ཨི་དྷ པ་ན ཏཾ པུ་གྒ་ལཾ ཨ་ནཱ་པུ་ཙྪཱ པ་ཀྐ་མི་ཏ་བྦ་ནྟི ཨ་ཏྠོ. ཨ་པི པ་ནུ་ཛྫ་མཱ་ནེ་ནཱཏི ཨ་པི ནི་ཀྐ་ཌྜྷི་ཡ་མཱ་ནེ་ན. ཨེ་ཝ་རཱུ་པོ ཧི པུ་གྒ་ལོ ས་ཙེ་པི དཱ་རུ་ཀ་ལཱ་པ་ས་ཏཾ ཝཱ ཨུ་ད་ཀ་གྷ་ཊ་ས་ཏཾ ཝཱ ཝཱ་ལི་ཀཱ་གྷ་ཊ་ས་ཏཾ ཝཱ ད་ཎྜཾ ཨཱ་རོ་པེ་ཏི, མཱ ཨི་དྷ ཝ་སཱི་ཏི ནི་ཀྐ་ཌྜྷཱ་པེ་ཏི ཝཱ, ཏཾ ཁ་མཱ་པེ་ཏྭཱ་པི ཡཱ་ཝ་ཛཱི་ཝཾ སོ ཨ་ནུ་བ་ནྡྷི་ཏ་བྦོ་ཝ, ན ཝི་ཛ་ཧི་ཏ་བྦོ.