༤. གཱ་ཝཱི་ཨུ་པ་མཱ་སུ་ཏྟ་ཝ་ཎྞ་ནཱ

༣༥. ཙ་ཏུ་ཏྠེ པ་བྦ་ཏེ་ཡྻཱཏི པ་བྦ་ཏ་ཙཱ་རི་ནཱི. ན སུ་པྤ་ཏི་ཊྛི་ཏཾ པ་ཏི་ཊྛཱ་པེ་ཏྭཱཏི ཡ་ཐཱ སུ་པྤ་ཏི་ཊྛི་ཏཱ ཧོ་ཏི, ཨེ་ཝཾ ན པ་ཏི་ཊྛཱ་པེ་ཏྭཱ. ཏཾ ནི་མི་ཏྟནྟི ཏཾ པ་ཋ་མ་ཛ྄ཛྷཱ་ན་ས་ངྑཱ་ཏཾ ནི་མི་ཏྟཾ. ན སྭཱ་དྷི་ཊྛི་ཏཾ ཨ་དྷི་ཊྛཱ་ཏཱིཏི ཡ་ཐཱ སུ་ཊྛུ ཨ་དྷི་ཊྛི་ཏཾ ཧོ་ཏི, ན ཨེ་ཝཾ ཨ་དྷི་ཊྛཱ་ཏི. ཨ་ན་བྷི་ཧིཾ་ས་མཱ་ནོཏི ཨ་པོ་ཐེ་ནྟོ ཨ་ཝི་ཧེ་ཋེ་ནྟོ. མུ་དུ ཙི་ཏྟཾ ཧོ་ཏི ཀ་མྨ་ཉྙནྟི ཡ་ཐཱ ཝི་པ་སྶ་ནཱ་ཙི་ཏྟཾ ལོ་ཀུ་ཏྟ་ར་མ་གྒ་ཀྑ་ཎེ མུ་དུ ཀ་མྨ་ཀྑ་མཾ ཀ་མྨ་ཡོ་གྒཾ ཧོ་ཏི, ཨེ་ཝ་མ་སྶ ཨ་བྷི་ཉྙཱ་པཱ་ད་ཀཾ ཙ་ཏུ་ཏྠ་ཛ྄ཛྷཱ་ན་ཙི་ཏྟཾ མུ་དུ ཧོ་ཏི ཀ་མྨ་ཉྙཾ. ཨ་པྤ་མཱ་ཎོ ས་མཱ་དྷཱིཏི ཙ་ཏུ་བྲ་ཧྨ་ཝི་ཧཱ་ར་ས་མཱ་དྷི་པི མ་གྒ་ཕ་ལ་ས་མཱ་དྷི་པི ཨ་པྤ་མཱ་ཎོ ས་མཱ་དྷི ནཱ་མ, ཨི་དྷ པ་ན ‘‘ཨ་པྤ་མཱ་ཎཾ ཨ་པྤ་མཱ་ཎཱ་ར་མྨ་ཎ’’ནྟི ཨི་མི་ནཱ པ་རི་ཡཱ་ཡེ་ན སུ་པྤ་གུ་ཎ་ས་མཱ་དྷི ཨ་པྤ་མཱ་ཎ་ས་མཱ་དྷཱི་ཏི ད་ཊྛ་བྦོ. སོ ཨ་པྤ་མཱ་ཎེ་ན ས་མཱ་དྷི་ནཱ སུ་བྷཱ་ཝི་ཏེ་ནཱཏི ཨི་མ་སྨིཾ ཋཱ་ནེ ཨ་ཡཾ བྷི་ཀྑུ ཝི་པ་སྶ་ནཾ ཝ་ཌྜྷེ་ཏྭཱ ཨ་ར་ཧ་ཏྟཾ པ་ཏྟོ. ཨི་དཱ་ནི ཁཱི་ཎཱ་ས་ཝ་སྶ ཨ་བྷི་ཉྙཱ་པ་ཊི་པཱ་ཊིཾ ད་སྶེ་ནྟོ ཡ་སྶ ཡ་སྶ ཙཱཏི་ཨཱ་དི་མཱ་ཧ.