༡-༢. ཨ་ནུ་པུ་བྦ་ཝི་ཧཱ་ར་སུ་ཏྟཱ་དི་ཝ་ཎྞ་ནཱ

༣༢-༣༣. ཙ་ཏུ་ཏྠ་སྶ པ་ཋ་མེ ཨ་ནུ་པུ་བྦ་ཝི་ཧཱ་རཱཏི ཨ་ནུ་པ་ཊི་པཱ་ཊི་ཡཱ ས་མཱ་པ་ཛྫི་ཏ་བྦ་ཝི་ཧཱ་རཱ. དུ་ཏི་ཡེ ཡ་ཏྠ ཀཱ་མཱ ནི་རུ་ཛ྄ཛྷ་ནྟཱིཏི ཡ་སྨིཾ ཋཱ་ནེ ཀཱ་མཱ ཝཱུ་པ་ས་མྨ་ནྟི. ནི་རོ་དྷེ་ཏྭཱཏི ཨ་པྤ་ཊི་ཝ་ཏྟེ ཀ་ཏྭཱ. ནི་ཙྪཱ་ཏཱཏི ཏ་ཎྷཱ་དི་ཊྛི་ཙྪཱ་ཏཱ་ནཾ ཨ་བྷཱ་ཝེ་ན ནི་ཙྪཱ་ཏཱ. ནི་བྦུ་ཏཱཏི ཨ་ཏྟ་པ་རི་ཏཱ་པ་ན་ཀི་ལེ་སཱ་ནཾ ཨ་བྷཱ་ཝེ་ན ནི་བྦུ་ཏཱ. ཏི་ཎྞཱཏི ཀཱ་མ་ཏོ ཏི་ཎྞཱ. པཱ་རཾ་ག་ཏཱཏི ཀཱ་མེ པཱ་རཾ ག་ཏཱ. ཏ་ད་ངྒེ་ནཱཏི ཏེ་ན ཛྷཱ་ན་ངྒེ་ན. ཨེ་ཏྠ ཀཱ་མཱ ནི་རུ་ཛ྄ཛྷ་ནྟཱིཏི ཨེ་ཏྠ པ་ཋ་མ་ཛ྄ཛྷཱ་ནེ ཀཱ་མཱ ནི་རུ་ཛ྄ཛྷ་ནྟི. ཏེ ཙཱཏི ཡེ པ་ཋ་མ་ཛ྄ཛྷཱ་ནཾ ས་མཱ་པ་ཛྫ་ནྟི, ཏེ ཀཱ་མེ ནི་རོ་དྷེ་ཏྭཱ ནི་རོ་དྷེ་ཏྭཱ ཝི་ཧ་ར་ནྟི ནཱ་མ. པ་ཉྫ་ལི་ཀོཏི པ་གྒ་ཧི་ཏ་ཨ་ཉྫ་ལི་ཀོ ཧུ་ཏྭཱ. པ་ཡི་རུ་པཱ་སེ་ཡྻཱཏི ཨུ་པ་ཊྛཱ་པེ་ཡྻ. ཨི་མི་ནཱ ཨུ་པཱ་ཡེ་ན ས་བྦ་ཏྠ ཨ་ཏྠོ ཝེ་དི་ཏ་བྦོ.