༨. ས་པྤུ་རི་ས་སུ་ཏྟ་ཝ་ཎྞ་ནཱ

༣༨. ཨ་ཊྛ་མེ ཨ་ཏྠཱ་ཡཱཏི ཨ་ཏྠ་ཏྠཱ་ཡ. ཧི་ཏཱ་ཡ སུ་ཁཱ་ཡཱཏི ཧི་ཏ་ཏྠཱ་ཡ སུ་ཁ་ཏྠཱ་ཡ. པུ་བྦ་པེ་ཏཱ་ནནྟི པ་ར་ལོ་ཀ་ག་ཏཱ་ནཾ ཉཱ་ཏཱི་ནཾ. ཨི་མ་སྨིཾ སུ་ཏྟེ ཨ་ནུ་པྤ་ནྣེ བུ་དྡྷེ ཙ་ཀྐ་ཝ་ཏྟི་རཱ་ཛཱ་ནོ བོ་དྷི་ས་ཏྟཱ པ་ཙྩེ་ཀ་བུ་དྡྷཱ ལ་བྦྷ་ནྟི, བུ་དྡྷ་ཀཱ་ལེ བུ་དྡྷཱ ཙེ་ཝ བུ་དྡྷ་སཱ་ཝ་ཀཱ ཙ. ཡ་ཐཱ་ཝུ་ཏྟཱ་ན་ཉྷི ཨེ་ཏེ་སཾ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ སཾ་ཝ་ཏྟ་ནྟི. བ་ཧུ་ནྣཾ ཝ་ཏ ཨ་ཏྠཱ་ཡ, ས་པྤ་ཉྙོ གྷ་ར་མཱ་ཝ་སནྟི ས་པྤ་ཉྙོ གྷ་རེ ཝ་ས་ནྟོ བ་ཧཱུ་ནཾ ཝ་ཏ ཨ་ཏྠཱ་ཡ ཧོ་ཏི. པུ་བྦེཏི པ་ཋ་མེ་ཝ. པུ་བྦེ་ཀ་ཏ་མ་ནུ་སྶ་རནྟི མཱ་ཏཱ་པི་ཏཱུ་ནཾ པུ་བྦ་ཀཱ་ར་གུ་ཎེ ཨ་ནུ་སྶ་ར་ནྟོ. ས་ཧ་དྷ་མྨེ་ནཱཏི ས་ཀཱ་ར་ཎེ་ན པ་ཙྩ་ཡ་པཱུ་ཛ་ནེ་ན པཱུ་ཛེ་ཏི. ཨ་པ་ཙེ བྲ་ཧྨ་ཙཱ་ར་ཡོཏི བྲ་ཧྨ་ཙཱ་རི་ནོ ཨ་པ་ཙ་ཡ་ཏི, ནཱི་ཙ་ཝུ་ཏྟི་ཏཾ ནེ་སཾ ཨཱ་པ་ཛྫ་ཏི. པེ་ས་ལོཏི པི་ཡ་སཱི་ལོ.