༦. པུ་ཉྙ་ཀི་རི་ཡ་ཝ་ཏྠུ་སུ་ཏྟ་ཝ་ཎྞ་ནཱ

༣༦. ཚ་ཊྛེ པུ་ཉྙ་ཀི་རི་ཡཱ་ནི ཙ ཏཱ་ནི ཏེ་སཾ ཏེ་སཾ ཨཱ་ནི་སཾ་སཱ་ནཾ ཝ་ཏྠཱུ་ནི ཙཱ་ཏི པུ་ཉྙ་ཀི་རི་ཡ་ཝ་ཏྠཱུ་ནི. དཱ་ནཱ་དཱི་ན་ཉྷི ལ་ཀྑ་ཎེ ཙི་ཏྟཾ ཋ་པེ་ཏྭཱ ‘‘ཨེ་ཝ་རཱུ་པཾ ནཱ་མ ཨ་མྷེ་ཧི དཱ་ནཾ དཱ་ཏ་བྦཾ, སཱི་ལཾ ར་ཀྑི་ཏ་བྦཾ, བྷཱ་ཝ་ནཱ བྷཱ་ཝེ་ཏ་བྦཱ’’ཏི ས་ཏྟཱ པུ་ཉྙཱ་ནི ཀ་རོ་ནྟི. དཱ་ན་མེ་ཝ དཱ་ན་མ་ཡཾ, དཱ་ན་ཙེ་ཏ་ནཱ་སུ ཝཱ པུ་རི་མ་ཙེ་ཏ་ནཱ་ཏོ ནི་པྥ་ནྣཱ ས་ནྣི་ཊྛཱ་པ་ཀ་ཙེ་ཏ་ནཱ དཱ་ན་མ་ཡཾ སཱི་ལཱ་དཱི་ཧི སཱི་ལ་མ་ཡཱ་དཱི་ནི ཝི་ཡ. སེ་ས་དྭ་ཡེ་སུ་པི ཨེ་སེ་ཝ ན་ཡོ. པ་རི་ཏྟཾ ཀ་ཏཾ ཧོ་ཏཱིཏི ཐོ་ཀཾ མ་ནྡཾ ཀ་ཏཾ ཧོ་ཏི. ནཱ་བྷི་ས་མྦྷོ་ཏཱིཏི ན ནི་པྥ་ཛྫ་ཏི. ཨ་ཀ་ཏཾ ཧོ་ཏཱིཏི བྷཱ་ཝ་ནཱ་ཡ་ཡོ་གོ་ཡེ་ཝ ཨ་ནཱ་ར་དྡྷོ ཧོ་ཏཱི་ཏི ཨ་ཏྠོ. མ་ནུ་སྶ་དོ་བྷ་གྱནྟི མ་ནུ་སྶེ་སུ ས་མྤ་ཏྟི་ར་ཧི་ཏཾ པ་ཉྩ་ཝི་དྷཾ ནཱི་ཙ་ཀུ་ལཾ. ཨུ་པ་པ་ཛྫ་ཏཱིཏི པ་ཊི་ས་ནྡྷི་ཝ་སེ་ན ཨུ་པ་ག་ཙྪ་ཏི, ཏ་ཏྠ ནི་བྦ་ཏྟ་ཏཱི་ཏི ཨ་ཏྠོ. མ་ཏྟ་སོ ཀ་ཏནྟི པ་མཱ་ཎེ་ན ཀ་ཏཾ, ཐོ་ཀཾ ན བ་ཧུ. མ་ནུ་སྶ་སོ་བྷ་གྱནྟི མ་ནུ་སྶེ་སུ སུ་བྷ་ག་བྷཱ་ཝཾ ཏི་ཝི་དྷ་ཀུ་ལ་ས་མྤ་ཏྟིཾ. ཨ་དྷི་མ་ཏྟནྟི ཨ་དྷི་ཀ་པྤ་མཱ་ཎཾ བ་ལ་ཝཾ ཝཱ. ཨ་དྷི་ག་ཎྷ་ནྟཱིཏི ཨ་བྷི་བྷ་ཝི་ཏྭཱ ག་ཎྷ་ནྟི, ཝི་སི་ཊྛ་ཏ་རཱ ཛེ་ཊྛ་ཀཱ ཧོ་ནྟཱི་ཏི ཨ་ཏྠོ.