༢. དུ་ཏི་ཡ་ཨུ་གྒ་སུ་ཏྟ་ཝ་ཎྞ་ནཱ

༢༢. དུ་ཏི་ཡེ ནཱ་ག་ཝ་ནེཏི ཏ་སྶ ཀི་ར སེ་ཊྛི་ནོ ནཱ་ག་ཝ་ནཾ ནཱ་མ ཨུ་ཡྻཱ་ནཾ, སོ ཏ་ཏྠ པུ་རེ་བྷ་ཏྟཾ ག་ནྡྷ་མཱ་ལཱ་དཱི་ནི གཱ་ཧཱ་པེ་ཏྭཱ ཨུ་ཡྻཱ་ན་ཀཱི་ལི༹་ཀཾ ཀཱི་ལི༹་ཏུ་ཀཱ་མོ ག་ནྟྭཱ པ་རི་ཙཱ་རི་ཡ་མཱ་ནོ བྷ་ག་ཝ་ནྟཾ ཨ་དྡ་ས. ས་ཧ ད་སྶ་ནེ་ནེ་ཝ་སྶ པུ་རི་མ་ན་ཡེ་ནེ་ཝ ཙི་ཏྟཾ པ་སཱི་དི, སུ་རཱ་པཱ་ནེ་ན ཙ ཨུ་པྤ་ནྣ་མ་ནྡོ ཏ་ངྑ་ཎཾ་ཡེ་ཝ པ་ཧཱི་ཡི. ཏཾ ས་ནྡྷཱ་ཡེ་ཝ་མཱ་ཧ. ཨོ་ཎོ་ཛེ་སིནྟི ཨུ་ད་ཀཾ ཧ་ཏྠེ པཱ་ཏེ་ཏྭཱ ཨ་དཱ་སིཾ. ཨ་སུ་ཀོཏི ཨ་མུ་ཀོ. ས་མ་ཙི་ཏྟོ་ཝ དེ་མཱིཏི ‘‘ཨི་མ་སྶ ཐོ་ཀཾ, ཨི་མ་སྶ བ་ཧུ་ཀ’’ནྟི ཨེ་ཝཾ ཙི་ཏྟ་ནཱ་ན་ཏྟཾ ན ཀ་རོ་མི, དེ་ཡྻ་དྷ་མྨཾ པ་ན ཨེ་ཀ་ས་དི་སཾ ཀ་རོ་མཱི་ཏི ད་སྶེ་ཏི. ཨཱ་རོ་ཙེ་ནྟཱིཏི ཨཱ་ཀཱ་སེ ཋ་ཏྭཱ ཨཱ་རོ་ཙེ་ནྟི. ན་ཏྠི ཏཾ སཾ་ཡོ་ཛ་ནནྟི ཨི་མི་ནཱ ཨུ་པཱ་ས་ཀོ ཨ་ཏྟ་ནོ ཨ་ནཱ་གཱ་མི་ཕ་ལཾ བྱཱ་ཀ་རོ་ཏི.