༦. དཱུ་ཏེ་ཡྻ་སུ་ཏྟ་ཝ་ཎྞ་ནཱ

༡༦. ཚ་ཊྛེ དཱུ་ཏེ་ཡྻནྟི དཱུ་ཏ་ཀ་མྨཾ. ག་ནྟུ་མ་ར་ཧ་ཏཱིཏི ཏཾ དཱུ་ཏེ་ཡྻ་ས་ངྑཱ་ཏཾ སཱ་ས་ནཾ དྷཱ་རེ་ཏྭཱ ཧ་རི་ཏུཾ ཨ་ར་ཧ་ཏི. སོ་ཏཱཏི ཡོ ཏཾ ཨ་སྶ སཱ་ས་ནཾ དེ་ཏི, ཏ་སྶ སོ་ཏཱ. སཱ་ཝེ་ཏཱཏི ཏཾ ཨུ་གྒ་ཎྷི་ཏྭཱ ‘‘ཨི་དཾ ནཱ་མ ཏུ་མྷེ་ཧི ཝུ་ཏྟ’’ནྟི པ་ཊི་སཱ་ཝེ་ཏཱ. ཨུ་གྒ་ཧེ་ཏཱཏི སུ་གྒ་ཧི་ཏཾ ཀ་ཏྭཱ ཨུ་གྒ་ཧེ་ཏཱ. དྷཱ་རེ་ཏཱཏི སུ་དྷཱ་རི་ཏཾ ཀ་ཏྭཱ དྷཱ་རེ་ཏཱ. ཝི་ཉྙཱཏི ཨ་ཏྠཱ་ན་ཏྠ་སྶ ཨ་ཏྠཾ ཛཱ་ནི་ཏཱ. ཝི་ཉྙཱ་པེ་ཏཱཏི པ་རཾ ཝི་ཛཱ་ནཱ་པེ་ཏཱ. ས་ཧི་ཏཱ ས་ཧི་ཏ་སྶཱཏི ཨི་དཾ ས་ཧི་ཏཾ, ཨི་དཾ ཨ་ས་ཧི་ཏ་ནྟི ཨེ་ཝཾ ས་ཧི་ཏཱ་ས་ཧི་ཏ་སྶ ཀུ་ས་ལོ, ཨུ་པ་ག་ཏཱ་ནུ་པ་ག་ཏེ་སུ ཚེ་ཀོ སཱ་ས་ནཾ ཨཱ་རོ་ཙེ་ནྟོ ས་ཧི་ཏཾ ས་ལླ་ཀྑེ་ཏྭཱ ཨཱ་རོ་ཙེ་ཏི. ན བྱ་ཐ་ཏཱིཏི ཝེ་དྷ་ཏི ན ཚ་མྦྷ་ཏི. ཨ་ས་ནྡི་དྡྷནྟི ནི་སྶ་ནྡེ་ཧཾ ཝི་ག་ཏ་སཾ་ས་ཡཾ. པུ་ཙྪི་ཏོཏི པ་ཉྷ་ཏྠཱ་ཡ པུ་ཙྪི་ཏོ.