༤. ཨ་སྶ་ཁ་ལུ༹་ངྐ་སུ་ཏྟ་ཝ་ཎྞ་ནཱ

༡༤. ཙ་ཏུ་ཏྠེ ‘‘པེ་ཧཱི’’ཏི ཝུ་ཏྟོཏི ‘‘ག་ཙྪཱ’’ཏི ཝུ་ཏྟོ. པི་ཊྛི་ཏོ ར་ཐཾ པ་ཝ་ཏྟེ་ཏཱིཏི ཁ་ནྡྷ་ཊྛི་ཀེ་ན ཡུ་གཾ ཨུ་པྤཱི་ལི༹་ཏྭཱ པ་ཙྪི་མ་བྷཱ་གེ་ན ར་ཐཾ པ་ཝ་ཊྚེ་ནྟོ ཨོ་ས་ཀྐ་ཏི. པ་ཙྪཱ ལ་ངྒྷ་ཏི, ཀུ་བྦ་རཾ ཧ་ན་ཏཱིཏི དྭེ པ་ཙྪི་མ་པཱ་དེ ཨུ་ཀྑི་པི་ཏྭཱ ཏེ་ཧི པ་ཧ་རི་ཏྭཱ ར་ཐ་ཀུ་བྦ་རཾ བྷི་ནྡ་ཏི. ཏི་ད་ཎྜཾ བྷ་ཉྫ་ཏཱིཏི ར་ཐ་སྶ པུ་ར་ཏོ ཏ་ཡོ ད་ཎྜ་ཀཱ ཧོ་ནྟི, ཏེ བྷ་ཉྫ་ཏི. ར་ཐཱི་སཱ་ཡ ས་ཏྠིཾ ཨུ་སྶ་ཛྫི་ཏྭཱཏི སཱི་སཾ ནཱ་མེ་ཏྭཱ ཡུ་གཾ བྷཱུ་མི་ཡཾ པཱ་ཏེ་ཏྭཱ ས་ཏྠི་ནཱ ར་ཐཱི་སཾ པ་ཧ་རི་ཏྭཱ. ཨ་ཛ྄ཛྷོ་མ་དྡ་ཏཱིཏི དྭཱི་ཧི པུ་རི་མ་པཱ་དེ་ཧི ཨཱི་སཾ མ་དྡ་ནྟོ ཏི་ཊྛ་ཏི. ཨུ་བྦ་ཊུ་མཾ ར་ཐཾ ཀ་རོ་ཏཱིཏི ཐ་ལཾ ཝཱ ཀ་ཎྜ་ཀ་ཊྛཱ་ནཾ ཝཱ ར་ཐཾ ཨཱ་རོ་པེ་ཏི. ཨ་ནཱ་དི་ཡི་ཏྭཱཏི ཨ་མ་ན་སི་ཀ་ཏྭཱ ཨ་ག་ཎི་ཏྭཱ. མུ་ཁཱ་དྷཱ་ནནྟི མུ་ཁ་ཋ་པ་ན་ཏྠཱ་ཡ དི་ནྣཾ ཨ་ཡ་ས་ངྑ་ལི་ཀཾ. ཁཱི་ལ་ཊྛཱ་ཡཱིཏི ཙ་ཏྟཱ་རོ པཱ་དེ ཐ་མྦྷེ ཝི་ཡ ནི་ཙྩ་ལཾ ཋ་པེ་ཏྭཱ ཁཱི་ལ་ཊྛཱ་ན་ས་དི་སེ་ན ཋཱ་ནེ་ན ཏི་ཊྛ་ཏི. ཨི་མ་སྨིཾ སུ་ཏྟེ ཝ་ཊྚ་མེ་ཝ ཀ་ཐི་ཏཾ.