༥. པ་ཋ་མ་ལོ་ཀ་དྷ་མྨ་སུ་ཏྟ་ཝ་ཎྞ་ནཱ

༥. པ་ཉྩ་མེ ལོ་ཀ་སྶ དྷ་མྨཱ་ཏི ལོ་ཀ་དྷ་མྨཱ. ཨེ་ཏེ་ཧི མུ་ཏྟཱ ནཱ་མ ན་ཏྠི, བུ་དྡྷཱ་ན་མྤི ཧོ་ནྟི. ཏེ་ནེ་ཝཱ་ཧ – ལོ་ཀཾ ཨ་ནུ་པ་རི་ཝ་ཏྟ་ནྟཱིཏི ཨ་ནུ་བ་ནྡྷ་ནྟི ན་པྤ་ཛ་ཧ་ནྟི, ལོ་ཀ་ཏོ ན ནི་ཝ་ཏྟ་ནྟཱི་ཏི ཨ་ཏྠོ. ལོ་ཀོ ཙ ཨ་ཊྛ ལོ་ཀ་དྷ་མྨེ ཨ་ནུ་པ་རི་ཝ་ཏྟ་ཏཱིཏི ཨ་ཡ་ཉྩ ལོ་ཀོ ཨེ་ཏེ ཨ་ནུ་བ་ནྡྷ་ཏི ན པ་ཛ་ཧ་ཏི, ཏེ་ཧི དྷ་མྨེ་ཧི ན ནི་ཝ་ཏྟ་ཏཱི་ཏི ཨ་ཏྠོ.

ལཱ་བྷོ ཨ་ལཱ་བྷོཏི ལཱ་བྷེ ཨཱ་ག་ཏེ ཨ་ལཱ་བྷོ ཨཱ་ག་ཏོ་ཡེ་ཝཱ་ཏི ཝེ་དི་ཏ་བྦོ. ཨ་ཡ་སཱདཱི་སུ་པི ཨེ་སེ་ཝ ན་ཡོ. ཨ་ཝེ་ཀྑ་ཏི ཝི་པ་རི་ཎཱ་མ་དྷ་མྨེཏི ‘‘ཝི་པ་རི་ཎཱ་མ་དྷ་མྨཱ ཨི་མེ’’ཏི ཨེ་ཝཾ ཨ་ཝེ་ཀྑ་ཏི. ཝི་དྷཱུ་པི་ཏཱཏི ཝི་དྷ་མི་ཏཱ ཝི་དྡྷཾ་སི་ཏཱ. པ་ད་ཉྩ ཉ་ཏྭཱཏི ནི་བྦཱ་ན་པ་དཾ ཛཱ་ནི་ཏྭཱ. ས་མྨ་པྤ་ཛཱ་ནཱ་ཏི བྷ་ཝ་སྶ པཱ་ར་གཱུཏི བྷ་ཝ་སྶ པཱ་རཾ ག་ཏོ ནི་པྥ་ཏྟིཾ མ་ཏྠ་ཀཾ པ་ཏྟོ, ནི་བྦཱ་ན་པ་དཾ ཉ་ཏྭཱ་ཝ ཏཾ པཱ་རཾ ག་ཏ་བྷཱ་ཝཾ ས་མྨ་པྤ་ཛཱ་ནཱ་ཏཱི་ཏི. ཨི་མ་སྨིཾ སུ་ཏྟེ ཝ་ཊྚ་ཝི་ཝ་ཊྚཾ ཀ་ཐི་ཏཾ.