༨. ཝི་ན་ཡ་ཝ་གྒོ

༡. པ་ཋ་མ་ཝི་ན་ཡ་དྷ་ར་སུ་ཏྟ་ཝ་ཎྞ་ནཱ

༧༥. ཨ་ཊྛ་མ་སྶ པ་ཋ་མེ ཨཱ་པ་ཏྟིཾ ཛཱ་ནཱ་ཏཱིཏི ཨཱ་པ་ཏྟིཾ་ཡེ་ཝ ཨཱ་པ་ཏྟཱི་ཏི ཛཱ་ནཱ་ཏི. སེ་ས་པ་དེ་སུ་པི ཨེ་སེ་ཝ ན་ཡོ.

༢. དུ་ཏི་ཡ་ཝི་ན་ཡ་དྷ་ར་སུ་ཏྟ་ཝ་ཎྞ་ནཱ

༧༦. དུ་ཏི་ཡེ སྭཱ་ག་ཏཱ་ནཱིཏི སུ་ཨཱ་ག་ཏཱ་ནི སུ་པྤ་གུ་ཎཱ་ནི. སུ་ཝི་བྷ་ཏྟཱ་ནཱིཏི ཀོ་ཊྛཱ་ས་ཏོ སུ་ཊྛུ ཝི་བྷ་ཏྟཱ་ནི. སུ་པྤ་ཝ་ཏྟཱི་ནཱིཏི ཨཱ་ཝ་ཛྫི་ཏཱ་ཝ་ཛྫི་ཏ་ཊྛཱ་ནེ སུ་ཊྛུ པ་ཝ་ཏྟཱ་ནི ད་ལ༹ྷ་པྤ་གུ་ཎཱ་ནི. སུ་ཝི་ནི་ཙྪི་ཏཱ་ནཱིཏི སུ་ཊྛུ ཝི་ནི་ཙྪི་ཏཱ་ནི. སུ་ཏྟ་སོཏི ཝི་བྷ་ངྒ་ཏོ. ཨ་ནུ་བྱ་ཉྫ་ན་སོཏི ཁ་ནྡྷ་ཀ་པ་རི་ཝཱ་ར་ཏོ.

༣. ཏ་ཏི་ཡ་ཝི་ན་ཡ་དྷ་ར་སུ་ཏྟ་ཝ་ཎྞ་ནཱ

༧༧. ཏ་ཏི་ཡེ ཝི་ན་ཡེ ཁོ པ་ན ཋི་ཏོ ཧོ་ཏཱིཏི ཝི་ན་ཡ་ལ་ཀྑ་ཎེ པ་ཏི་ཊྛི་ཏོ ཧོ་ཏི. ཨ་སཾ་ཧཱི་རོཏི ན ས་ཀྐཱ ཧོ་ཏི ག་ཧི་ཏ་གྒ་ཧ་ཎཾ ཝི་སྶ་ཛྫཱ་པེ་ཏུཾ.

༩. ས་ཏྠུ་སཱ་ས་ན་སུ་ཏྟ་ཝ་ཎྞ་ནཱ

༨༣. ན་ཝ་མེ ཨེ་ཀོཏི ཨ་དུ་ཏི་ཡོ. ཝཱུ་པ་ཀ་ཊྛོཏི ཀཱ་ཡེ་ན ག་ཎ་ཏོ, ཙི་ཏྟེ་ན ཀི་ལེ་སེ་ཧི ཝཱུ་པ་ཀ་ཊྛོ ཝི་ཝེ་ཀ་ཊྛོ དཱུ་རཱི་བྷཱུ་ཏོ. ཨ་པྤ་མ་ཏྟོཏི ས་ཏི་ཨ་ཝི་པྤ་ཝཱ་སེ ཋི་ཏོ. པ་ཧི་ཏ་ཏྟོཏི པེ་སི་ཏ་ཏྟོ. ནི་བྦི་དཱ་ཡཱཏི ཝ་ཊྚེ ཨུ་ཀྐ་ཎྛ་ན་ཏྠཱ་ཡ. ཝི་རཱ་གཱ་ཡཱཏི རཱ་གཱ་དཱི་ནཾ ཝི་ར་ཛྫ་ན་ཏྠཱ་ཡ. ནི་རོ་དྷཱ་ཡཱཏི ཨ་པྤ་ཝ་ཏྟི་ཀ་ར་ཎ་ཏྠཱ་ཡ. ཝཱུ་པ་ས་མཱ་ཡཱཏི ཀི་ལེ་ས་ཝཱུ་པ་ས་མཱ་ཡ ཨ་པྤ་ཝ་ཏྟི་ཡཱ. ཨ་བྷི་ཉྙཱ་ཡཱཏི ཏི་ལ་ཀྑ་ཎཾ ཨཱ་རོ་པེ་ཏྭཱ ཨ་བྷི་ཛཱ་ན་ན་ཏྠཱ་ཡ. ས་མྦོ་དྷཱ་ཡཱཏི མ་གྒ་ས་ངྑཱ་ཏ་སྶ ས་མྦོ་དྷ་སྶ ཨ་ཏྠཱ་ཡ. ནི་བྦཱ་ནཱ་ཡཱཏི ནི་བྦཱ་ན་སྶ ས་ཙྪི་ཀ་ར་ཎ་ཏྠཱ་ཡ.

༡༠. ཨ་དྷི་ཀ་ར་ཎ་ས་མ་ཐ་སུ་ཏྟ་ཝ་ཎྞ་ནཱ

༨༤. ད་ས་མེ ཨ་དྷི་ཀ་ར་ཎཱ་ནི ས་མེ་ནྟི ཝཱུ་པ་ས་མེ་ནྟཱི་ཏི ཨ་དྷི་ཀ་ར་ཎ་ས་མ་ཐཱ. ཨུ་པྤ་ནྣུ་པྤ་ནྣཱ་ནནྟི ཨུ་པྤ་ནྣཱ་ནཾ ཨུ་པྤ་ནྣཱ་ནཾ. ཨ་དྷི་ཀ་ར་ཎཱ་ནནྟི ཝི་ཝཱ་དཱ་དྷི་ཀ་ར་ཎཾ ཨ་ནུ་ཝཱ་དཱ་དྷི་ཀ་ར་ཎཾ ཨཱ་པ་ཏྟཱ་དྷི་ཀ་ར་ཎཾ ཀི་ཙྩཱ་དྷི་ཀ་ར་ཎ་ནྟི ཨི་མེ་སཾ ཙ་ཏུ་ནྣཾ. ས་མ་ཐཱ་ཡ ཝཱུ་པ་ས་མཱ་ཡཱཏི ས་མ་ཐ་ཏྠ་ཉྩེ་ཝ ཝཱུ་པ་ས་མ་ན་ཏྠ་ཉྩ. ས་མྨུ་ཁཱ་ཝི་ན་ཡོ དཱ་ཏ་བྦོ…པེ… ཏི་ཎ་ཝ་ཏྠཱ་ར་ཀོཏི ཨི་མེ ས་ཏྟ ས་མ་ཐཱ དཱ་ཏ་བྦཱ. ཏེ་སཾ ཝི་ནི་ཙྪ་ཡོ ཝི་ན་ཡ་སཾ་ཝ་ཎྞ་ན་ཏོ (ཙཱུ་ལ༹་ཝ. ཨ་ཊྛ. ༡༨༦-༡༨༧ ཨཱ་ད་ཡོ) ག་ཧེ་ཏ་བྦོ. ཨ་པི་ཙ དཱི་གྷ་ནི་ཀཱ་ཡེ ས་ངྒཱི་ཏི་སུ་ཏྟ་ཝ་ཎྞ་ནཱ་ཡ་མྤི (དཱི. ནི. ཨ་ཊྛ. ༣.༣༣༡ ཨ་དྷི་ཀ་ར་ཎ་ས་མ་ཐ་ས་ཏྟ་ཀ་ཝ་ཎྞ་ནཱ) ཝི་ཏྠཱ་རི་ཏོ་ཡེ་ཝ, ཏ་ཐཱ མ་ཛ྄ཛྷི་མ་ནི་ཀཱ་ཡེ སཱ་མ་གཱ་མ་སུ་ཏྟ་ཝ་ཎྞ་ནཱ་ཡཱ་ཏི (མ. ནི. ཨ་ཊྛ. ༣.༤༦).

ཝི་ན་ཡ་ཝ་གྒོ ཨ་ཊྛ་མོ.