༡༡. ཨ་པྤ་མཱ་ད་སུ་ཏྟ་ཝ་ཎྞ་ནཱ

༥༣. ཨེ་ཀཱ་ད་ས་མེ ས་མ་དྷི་གྒ་ཡ྄ཧཱཏི སུ་ཊྛུ ག་ཎྷི་ཏྭཱ. ཛ་ངྒ་ལཱ་ནཾ པཱ་ཎཱ་ནནྟི པ་ཐ་ཝཱི་ཏ་ལ་ཙཱ་རཱི་ནཾ ས་པཱ་ད་ཀ་པཱ་ཎཱ་ནཾ. པ་ད་ཛཱ་ཏཱ་ནཱིཏི པ་དཱ་ནི. ས་མོ་དྷཱ་ནཾ ག་ཙྪ་ནྟཱིཏི ཨོ་དྷཱ་ནཾ ཨུ་པ་ནི་ཀྑེ་པཾ ག་ཙྪ་ནྟི. ཨ་གྒ་མ་ཀྑཱ་ཡ་ཏཱིཏི སེ་ཊྛཾ ཨ་ཀྑཱ་ཡ་ཏི. པ་བྦ་ཛ་ལཱ་ཡ་ཀོཏི པ་བྦ་ཛ་ཏི་ཎ་ཙྪེ་ད་ཀོ. ཨོ་དྷུ་ནཱ་ཏཱིཏི ཧེ་ཊྛཱ མུ་ཁཾ དྷུ་ནཱ་ཏི. ནི་དྷུ་ནཱ་ཏཱིཏི ཨུ་བྷོ་ཧི པ་སྶེ་ཧི དྷུ་ནཱ་ཏི. ནི་ཙྪཱ་དེ་ཏཱིཏི བཱ་ཧཱ་ཡ ཝཱ པ་ཧ་ར་ཏི, རུ་ཀྑེ ཝཱ པ་ཧ་ར་ཏི. ཨ་མྦ་པི་ཎྜི་ཡཱཏི ཨ་མྦ་ཕ་ལ་པི་ཎྜི་ཡཱ. ཝ་ཎྚཱུ་པ་ནི་བ་ནྡྷ་ནཱ་ནཱིཏི ཝ་ཎྚེ ཨུ་པ་ནི་བ་ནྡྷ་ནཱ་ནི, ཝ་ཎྚེ ཝཱ པ་ཏི་ཊྛི་ཏཱ་ནི. ཏ་ད་ནྭ་ཡཱ་ནི བྷ་ཝ་ནྟཱིཏི ཝ་ཎྚཱ་ནུ་ཝ་ཏྟ་ཀཱ་ནི བྷ་ཝ་ནྟི, ཨ་མྦ་པི་ཎྜི་ད་ཎྜ་ཀཱ་ནུ་ཝ་ཏྟ་ཀཱ་ནི བྷ་ཝ་ནྟཱི་ཏི་པི ཨ་ཏྠོ. ཁུ་དྡ་རཱ་ཛཱ་ནོཏི ཁུ་དྡ་ཀ་རཱ་ཛཱ་ནོ, པ་ཀ་ཏི་རཱ་ཛཱ་ནོ ཝཱ.