༡༡. དཱ་རུ་ཀྑ་ནྡྷ་སུ་ཏྟ་ཝ་ཎྞ་ནཱ

༤༡. ཨེ་ཀཱ་ད་ས་མེ ཙེ་ཏོ་ཝ་སི་པྤ་ཏྟོཏི ཙི་ཏྟ་ཝ་སི་བྷཱ་ཝཾ པ་ཏྟོ. པ་ཐ་ཝཱི་ཏྭེ་ཝ ཨ་དྷི་མུ་ཙྩེ་ཡྻཱཏི ཐ་དྡྷཱ་ཀཱ་རཾ པ་ཐ་ཝཱི་དྷཱ་ཏཱུ་ཏི ས་ལླ་ཀྑེ་ཡྻ. ཡཾ ནི་སྶཱ་ཡཱཏི ཡཾ ཝི་ཛྫ་མཱ་ནཾ ཐ་དྡྷཱ་ཀཱ་རཾ པ་ཐ་ཝཱི་དྷཱ་ཏུཾ ནི་སྶཱ་ཡ ཨ་མུཾ དཱ་རུ་ཀྑ་ནྡྷཾ པ་ཐ་ཝཱི་ཏྭེ་ཝ ཨ་དྷི་མུ་ཙྩེ་ཡྻ, སཱ ཨེ་ཏྠ པ་ཐ་ཝཱི་དྷཱ་ཏུ ཨ་ཏྠཱི་ཏི. ཨི་མི་ནཱ ན་ཡེ་ན སེ་ས་པ་དཱ་ནི་པི ཝེ་དི་ཏ་བྦཱ་ནི. ཡ་ཐེ་ཝ ཧི ཏ་སྨིཾ ཐ་དྡྷཱ་ཀཱ་རཱ པ་ཐ་ཝཱི་དྷཱ་ཏུ ཨ་ཏྠི, ཨེ་ཝཾ ཡཱུ་སཱ་ཀཱ་རཱ ཨཱ་པོ་དྷཱ་ཏུ, ཨུ་ཎྷཱ་ཀཱ་རཱ ཏེ་ཛོ་དྷཱ་ཏུ, ཝི་ཏྠ་མྦྷ་ནཱ་ཀཱ་རཱ ཝཱ་ཡོ་དྷཱ་ཏུ, ར་ཏྟ་ཝ་ཎྞ་མྷི སཱ་རེ པ་དུ་མ་པུ་པྥ་ཝ་ཎྞཱ སུ་བྷ་དྷཱ་ཏུ, པཱུ་ཏི་བྷཱུ་ཏེ ཙུ་ཎྞེ ཙེ་ཝ ཕེ་གྒུ་པ་པ་ཊི་ཀཱ་སུ ཙ ཨ་མ་ནུ་ཉྙ་ཝ་ཎྞཱ ཨ་སུ་བྷ་དྷཱ་ཏུ, ཏཾ ནི་སྶཱ་ཡ ཨ་མུཾ དཱ་རུ་ཀྑ་ནྡྷཾ ཨ་སུ་བྷ་ནྟྭེ་ཝ ཨ་དྷི་མུ་ཙྩེ་ཡྻ ས་ལླ་ཀྑེ་ཡྻཱ་ཏི. ཨི་མ་སྨིཾ སུ་ཏྟེ མི་སྶ་ཀ་ཝི་ཧཱ་རོ ནཱ་མ ཀ་ཐི་ཏོ.