༧. པ་ཋ་མ་ས་མ་ཡ་སུ་ཏྟ་ཝ་ཎྞ་ནཱ

༢༧. ས་ཏྟ་མེ མ་ནོ་བྷཱ་ཝ་ནཱི་ཡ་སྶཱཏི ཨེ་ཏྠ མ་ནཾ བྷཱ་ཝེ་ཏི ཝ་ཌྜྷེ་ཏཱི་ཏི མ་ནོ་བྷཱ་ཝ་ནཱི་ཡོ. ད་སྶ་ནཱ་ཡཱཏི ད་སྶ་ན་ཏྠཾ. ནི་སྶ་ར་ཎནྟི ནི་གྒ་མ་ནཾ ཝཱུ་པ་ས་མ་ནཾ. དྷ་མྨཾ དེ་སེ་ཏཱིཏི ཀཱ་མ་རཱ་ག་པྤ་ཛ་ཧ་ན་ཏྠཱ་ཡ ཨ་སུ་བྷ་ཀ་མྨ་ཊྛཱ་ནཾ ཀ་ཐེ་ཏི. དུ་ཏི་ཡ་ཝཱ་རཱ་དཱི་སུ བྱཱ་པཱ་ད་པྤ་ཧཱ་ནཱ་ཡ མེ་ཏྟཱ་ཀ་མྨ་ཊྛཱ་ནཾ, ཐི་ན་མི་དྡྷ་པྤ་ཧཱ་ནཱ་ཡ ཐི་ན་མི་དྡྷ་ཝི་ནོ་ད་ན་ཀ་མྨ་ཊྛཱ་ནཾ, ཨཱ་ལོ་ཀ་ས་ཉྙཾ ཝཱ ཝཱི་རི་ཡཱ་ར་མྦྷ་ཝ་ཏྠུ་ཨཱ་དཱི་ནཾ ཝཱ ཨ་ཉྙ་ཏ་རཾ, ཨུ་དྡྷ་ཙྩ་ཀུ་ཀྐུ་ཙྩ་པྤ་ཧཱ་ནཱ་ཡ ས་མ་ཐ་ཀ་མྨ་ཊྛཱ་ནཾ, ཝི་ཙི་ཀི་ཙྪཱ་པ་ཧཱ་ནཱ་ཡ ཏི་ཎྞཾ ར་ཏ་ནཱ་ནཾ གུ་ཎ་ཀ་ཐཾ ཀ་ཐེ་ནྟོ དྷ་མྨཾ དེ་སེ་ཏཱི་ཏི ཝེ་དི་ཏ་བྦོ. ཨཱ་ག་མྨཱཏི ཨཱ་ར་བྦྷ. མ་ན་སི་ཀ་རོ་ཏོཏི ཨཱ་ར་མྨ་ཎ་ཝ་སེ་ན ཙི་ཏྟེ ཀ་རོ་ནྟ་སྶ. ཨ་ན་ནྟ་རཱ ཨཱ་ས་ཝཱ་ནཾ ཁ་ཡོ ཧོ་ཏཱིཏི ཨ་ན་ནྟ་རཱ་ཡེ་ན ཨཱ་ས་ཝཱ་ནཾ ཁ་ཡོ ཧོ་ཏི.