༧. སོ་པྤ་སུ་ཏྟ་ཝ་ཎྞ་ནཱ

༡༧. ས་ཏྟ་མེ པ་ཊི་ས་ལླཱ་ནཱ ཝུ་ཊྛི་ཏོཏི ཨེ་ཀཱི་བྷཱ་ཝཱ་ཡ དྷ་མྨ་ནི་ཛ྄ཛྷཱ་ན་ཀྑ་ནྟི་ཏོ ཕ་ལ་ས་མཱ་པ་ཏྟི་ཝི་ཧཱ་ར་ཏོ ཝུ་ཊྛི་ཏོ. ཡ་ཐཱ་ཝི་ཧཱ་རནྟི ཨ་ཏྟ་ནོ ཨ་ཏྟ་ནོ ཝ་ས་ན་ཝི་ཧཱ་རཾ. ན་ཝཱཏི པ་བྦ་ཛྫཱ་ཡ ན་ཝ་ཀཱ. ཏེ པ་ཉྩ་ས་ཏ་མ་ཏྟཱ ཨ་ཧེ་སུཾ. ཀཱ་ཀ་ཙྪ་མཱ་ནཱཏི ཀཱ་ཀ་ས་དྡཾ ཀ་རོ་ནྟཱ ད་ནྟེ ཁཱ་ད་ནྟཱ. ཐེ་རཱཏི ཐི་ར་བྷཱ་ཝཾ པ་ཏྟཱ. ཏེ་ན ནོཏི ཏེ་ན ནུ. སེ་ཡྻ་སུ་ཁཱདཱི་ནི ཧེ་ཊྛཱ ཝུ་ཏྟ་ཏྠཱ་ནེ་ཝ. ར་ཊྛི་ཀོཏི ཡོ ར་ཊྛཾ བྷུ་ཉྫ་ཏི. པེ་ཏྟ་ཎི་ཀོཏི ཡོ པི་ཏ་རཱ བྷུ་ཏྟཱ་ནུ་བྷུ་ཏྟཾ བྷུ་ཉྫ་ཏི. སེ་ནཱ་པ་ཏི་ཀོཏི སེ་ནཱ་ཡ ཛེ་ཊྛ་ཀོ. གཱ་མ་གཱ་མ་ཎི་ཀོཏི གཱ་མ་བྷོ་ཛ་ཀོ. པཱུ་ག་གཱ་མ་ཎི་ཀོཏི ག་ཎ་ཛེ་ཊྛ་ཀོ. ཨ་ཝི་པ་སྶ་ཀོ ཀུ་ས་ལཱ་ནཾ དྷ་མྨཱ་ནནྟི ཀུ་ས་ལཱ་ནཾ དྷ་མྨཱ་ནཾ ཨ་ནེ་ས་ཀོ ཨ་ག་ཝེ་ས་ཀོ ཧུ་ཏྭཱ. བོ་དྷི་པ་ཀྑི་ཡཱ་ནཾ དྷ་མྨཱ་ནནྟི ས་ཏྟ་ཏིཾ་སཱ་ཡ བོ་དྷི་པ་ཀྑི་ཡ་དྷ་མྨཱ་ནཾ.