(༢༦) ༦. ཨུ་པ་ས་མྤ་དཱ་ཝ་གྒོ

༡-༣. ཨུ་པ་ས་མྤཱ་དེ་ཏ་བྦ་སུ་ཏྟཱ་དི་ཝ་ཎྞ་ནཱ

༢༥༡-༢༥༣. ཚ་ཊྛ་སྶ པ་ཋ་མེ ཨུ་པ་ས་མྤཱ་དེ་ཏ་བྦནྟི ཨུ་པ་ཛ྄ཛྷཱ་ཡེ་ན ཧུ་ཏྭཱ ཨུ་པ་ས་མྤཱ་དེ་ཏ་བྦཾ. དུ་ཏི་ཡེ ནི་སྶ་ཡོ དཱ་ཏ་བྦོཏི ཨཱ་ཙ་རི་ཡེ་ན ཧུ་ཏྭཱ ནི་སྶ་ཡོ དཱ་ཏ་བྦོ. ཏ་ཏི་ཡེ སཱ་མ་ཎེ་རོ ཨུ་པ་ཊྛཱ་པེ་ཏ་བྦོཏི ཨུ་པ་ཛ྄ཛྷཱ་ཡེ་ན ཧུ་ཏྭཱ སཱ་མ་ཎེ་རོ ག་ཧེ་ཏ་བྦོ. ཨི་ཏི ཨི་མཱ་ནི ཏཱི་ཎི་པི སུ་ཏྟཱ་ནི པ་ཋ་མ་བོ་དྷི་ཡཾ ཁཱི་ཎཱ་ས་ཝ་ཝ་སེ་ན ཝུ་ཏྟཱ་ནི. ཙ་ཏུ་ཏྠཱ་དཱི་ནི ཨ་ནུ་པ་ད་ཝ་ཎྞ་ནཱ་ཏོ ཨུ་ཏྟཱ་ན་ཏྠཱ་ནེ་ཝ.

༡. ས་མྨུ་ཏི་པེ་ཡྻཱ་ལཱ་དི་ཝ་ཎྞ་ནཱ

༢༧༢. བྷ་ཏྟུ་དྡེ་ས་ཀཱ་དཱི་ནཾ ཝི་ནི་ཙྪ་ཡ་ཀ་ཐཱ ས་མ་ནྟ་པཱ་སཱ་དི་ཀཱ་ཡ ཝི་ན་ཡ་ཊྛ་ཀ་ཐཱ་ཡཾ (ཙཱུ་ལ༹་ཝ. ཨ་ཊྛ. ༣༢༥) ཝུ་ཏྟ་ན་ཡེ་ན ཝེ་དི་ཏ་བྦཱ་ཏི. ས་མྨ་ཏོ ན པེ་སེ་ཏ་བྦོཏི པ་ཀ་ཏི་ཡཱ ས་མྨ་ཏོ ‘‘ག་ཙྪ བྷ་ཏྟཱ་ནི ཨུ་དྡི་སཱ་ཧཱི’’ཏི ན པེ་སེ་ཏ་བྦོ.

༢༧༣-༢༨༥. སཱ་ཊི་ཡ་གྒཱ་ཧཱ་པ་ཀོཏི ཝ་སྶི་ཀ་སཱ་ཊི་ཀཱ་ཡ གཱ་ཧཱ་པ་ཀོ. པ་ཏྟ་གྒཱ་ཧཱ་པ་ཀོཏི ‘‘ཡོ ཙ ཏ་སྶཱ བྷི་ཀྑུ་པ་རི་སཱ་ཡ པ་ཏྟ་པ་རི་ཡ་ནྟོ, སོ ཏ་སྶ བྷི་ཀྑུ་ནོ པ་དཱ་ཏ་བྦོ’’ཏི ཨེ་ཏྠ ཝུ་ཏྟ་པ་ཏྟ་གྒཱ་ཧཱ་པ་ཀོ.

༢༩༣-༣༠༢. ཨཱ་ཛཱི་ཝ་ཀོཏི ན་གྒ་པ་རི་བྦཱ་ཛ་ཀོ. ནི་ག་ཎྛོཏི པུ་རི་མ་བྷཱ་ག་པྤ་ཊི་ཙྪ་ནྣོ. མུ་ཎྜ་སཱ་ཝ་ཀོཏི ནི་ག་ཎྛ་སཱ་ཝ་ཀོ. ཛ་ཊི་ལ་ཀོཏི ཏཱ་པ་སོ. པ་རི་བྦཱ་ཛ་ཀོཏི ཚ་ནྣ་པ་རི་བྦཱ་ཛ་ཀོ. མཱ་ག་ཎྜི་ཀཱད་ཡོ་པི ཏི་ཏྠི་ཡཱ ཨེ་ཝ. ཨེ་ཏེ་སཾ པ་ན སཱི་ལེ་སུ པ་རི་པཱུ་ར་ཀཱ་རི་ཏཱ་ཡ ཨ་བྷཱ་ཝེ་ན སུ་ཀྐ་པ་ཀྑོ ན ག་ཧི་ཏོ. སེ་ས་མེ་ཏྠ ཨུ་ཏྟཱ་ན་མེ་ཝཱ་ཏི.

མ་ནོ་ར་ཐ་པཱུ་ར་ཎི་ཡཱ ཨ་ངྒུ་ཏྟ་ར་ནི་ཀཱ་ཡ-ཨ་ཊྛ་ཀ་ཐཱ་ཡ