༡. སཾ་ཁི་ཏྟ་སུ་ཏྟ་ཝ་ཎྞ་ནཱ

༢༣༢. ཙ་ཏུ་ཏྠ་སྶ པ་ཋ་མེ ཀ་ཎྷནྟི ཀཱ་ལ༹་ཀཾ ད་ས་ཨ་ཀུ་ས་ལ་ཀ་མྨ་པ་ཐ་ཀ་མྨཾ. ཀ་ཎྷ་ཝི་པཱ་ཀནྟི ཨ་པཱ་ཡེ ནི་བྦ་ཏྟ་ན་ཏོ ཀཱ་ལ༹་ཀ་ཝི་པཱ་ཀཾ. སུ་ཀྐནྟི པ་ཎྜ་ར་ཀཾ ཀུ་ས་ལ་ཀ་མྨ་པ་ཐ་ཀ་མྨཾ. སུ་ཀྐ་ཝི་པཱ་ཀནྟི ས་གྒེ ནི་བྦ་ཏྟ་ན་ཏོ པ་ཎྜ་ར་ཀ་ཝི་པཱ་ཀཾ. ཀ་ཎྷ་སུ་ཀྐནྟི མི་སྶ་ཀ་ཀ་མྨཾ. ཀ་ཎྷ་སུ་ཀྐ་ཝི་པཱ་ཀནྟི སུ་ཁ་དུ་ཀྑ་ཝི་པཱ་ཀཾ. མི་སྶ་ཀ་ཀ་མྨ་ཉྷི ཀ་ཏྭཱ ཨ་ཀུ་ས་ལེ་ན ཏི་ར་ཙྪཱ་ན་ཡོ་ནི་ཡཾ མ་ངྒ་ལ་ཧ་ཏྠི་ཊྛཱ་ནཱ་དཱི་སུ ཨུ་པྤ་ནྣོ ཀུ་ས་ལེ་ན པ་ཝ་ཏྟེ སུ་ཁཾ ཝེ་དི་ཡ་ཏི. ཀུ་ས་ལེ་ན རཱ་ཛ་ཀུ་ལེ་པི ནི་བྦ་ཏྟོ ཨ་ཀུ་ས་ལེ་ན པ་ཝ་ཏྟེ དུ་ཀྑཾ ཝེ་དི་ཡ་ཏི. ཨ་ཀ་ཎྷཾ ཨ་སུ་ཀྐནྟི ཀ་མྨ་ཀྑ་ཡ་ཀ་རཾ ཙ་ཏུ་མ་གྒ་ཉཱ་ཎཾ ཨ་དྷི་པྤེ་ཏཾ. ཏ་ཉྷི ཡ་དི ཀ་ཎྷཾ བྷ་ཝེ་ཡྻ, ཀ་ཎྷ་ཝི་པཱ་ཀཾ ད་དེ་ཡྻ. ཡ་དི སུ་ཀྐཾ བྷ་ཝེ་ཡྻ, སུ་ཀྐ་ཝི་པཱ་ཀཾ ད་དེ་ཡྻ. ཨུ་བྷ་ཡ་ཝི་པཱ་ཀ་སྶ པ་ན ཨ་པྤ་དཱ་ན་ཏོ ཨ་ཀ་ཎྷཾ ཨ་སུ་ཀྐ་ནྟི ཨ་ཡ་མེ་ཏྠ ཨ་ཏྠོ.