༥. པ་ཉྩ་མ་པ་ཎྞཱ་ས་ཀཾ
(༢༡) ༡. ས་པྤུ་རི་ས་ཝ་གྒོ
༡-༦. སི་ཀྑཱ་པ་ད་སུ་ཏྟ་ཝ་ཎྞ་ནཱ
༢༠༡. པ་ཉྩ་མ་སྶ པ་ཋ་མེ ཨ་ས་པྤུ་རི་སནྟི ལཱ་མ་ཀ་པུ་རི་སཾ ཏུ་ཙྪ་པུ་རི་སཾ མཱུ་ལ༹ྷ་པུ་རི་སཾ ཨ་ཝི་ཛྫཱ་ཡ ཨ་ནྡྷཱི་ཀ་ཏཾ བཱ་ལཾ. ཨ་ས་པྤུ་རི་ས་ཏ་རནྟི ཨ་ཏི་རེ་ཀེ་ན ཨ་ས་པྤུ་རི་སཾ. ཨི་ཏ་རེ དྭེ ཝུ་ཏྟ་པ་ཊི་པ་ཀྑ་ཝ་སེ་ན ཝེ་དི་ཏ་བྦཱ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ཡ་ཐཱ ཙེ་ཏྠ, ཨེ་ཝཾ ཨི་ཏོ པ་རེ་སུ པ་ཉྩ་སུ. ཨེ་ཏེ་སུ ཧི པ་ཋ་མཾ པ་ཉྩ་ཝེ་ར་ཝ་སེ་ན དེ་སི་ཏཾ, དུ་ཏི་ཡཾ ཨ་སྶ་དྡྷ་མྨ་ཝ་སེ་ན, ཏ་ཏི་ཡཾ ཀཱ་ཡ་ཝ་ཙཱི་དྭཱ་ར་ཝ་སེ་ན, ཙ་ཏུ་ཏྠཾ མ་ནོ་དྭཱ་ར་ཝ་སེ་ན, པ་ཉྩ་མཾ ཨ་ཊྛ་མི་ཙྪ་ཏྟ་ཝ་སེ་ན, ཚ་ཊྛཾ ད་ས་མི་ཙྪ་ཏྟ་ཝ་སེ་ན.
༧-༡༠. པཱ་པ་དྷ་མྨ་སུ་ཏྟ་ཙ་ཏུ་ཀྐ་ཝ་ཎྞ་ནཱ
༢༠༧-༢༡༠. ས་ཏྟ་མེ པཱ་པནྟི ལཱ་མ་ཀཾ སཾ་ཀི་ལི་ཊྛ་པུ་གྒ་ལཾ. ཀ་ལྱཱ་ཎནྟི བྷ་དྡ་ཀཾ ཨ་ན་ཝ་ཛྫ་པུ་གྒ་ལཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ཨ་ཊྛ་མེ་པི ཨེ་སེ་ཝ ན་ཡོ. ན་ཝ་མེ པཱ་པ་དྷ་མྨནྟི ལཱ་མ་ཀ་དྷ་མྨཾ. ཀ་ལྱཱ་ཎ་དྷ་མྨནྟི ཨ་ན་ཝ་ཛྫ་དྷ་མྨཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ད་ས་མེ་པི ཨེ་སེ་ཝ ན་ཡོ. ཨི་མ་སྨིཾ ཝ་གྒེ ད་ས་སུ་པི སུ་ཏྟེ་སུ ཨ་གཱ་རི་ཡ་པྤ་ཊི་པ་དཱ ཀ་ཐི་ཏཱ. ས་ཙེ་པི སོ་ཏཱ་པ་ནྣ་ས་ཀ་དཱ་གཱ་མི་ནོ ཧོ་ནྟི, ཝ་ཊྚ་ཏི་ཡེ་ཝཱ་ཏི.
ས་པྤུ་རི་ས་ཝ་གྒོ པ་ཋ་མོ.
(༢༢) ༢. པ་རི་སཱ་ཝ་གྒོ
༡. པ་རི་སཱ་སུ་ཏྟ་ཝ་ཎྞ་ནཱ
༢༡༡. དུ་ཏི་ཡ་སྶ པ་ཋ་མེ པ་རི་སཾ དཱུ་སེ་ནྟཱི་ཏི པ་རི་ས་དཱུ་ས་ནཱ. པ་རི་སཾ སོ་བྷེ་ནྟཱི་ཏི པ་རི་ས་སོ་བྷ་ནཱ.
༢. དི་ཊྛི་སུ་ཏྟ་ཝ་ཎྞ་ནཱ
༢༡༢. དུ་ཏི་ཡེ མ་ནོ་དུ་ཙྩ་རི་ཏེ པ་རི་ཡཱ་པ་ནྣཱ་པི མི་ཙྪཱ་དི་ཊྛི མ་ཧཱ་སཱ་ཝ་ཛྫ་ཏཱ་ཡ ཝི་སུཾ ཝུ་ཏྟཱ, ཏ་སྶཱ ཙ པ་ཊི་པ་ཀྑ་ཝ་སེ་ན ས་མྨཱ་དི་ཊྛི.
༣. ཨ་ཀ་ཏ་ཉྙུ་ཏཱ་སུ་ཏྟ་ཝ་ཎྞ་ནཱ
༢༡༣. ཏ་ཏི་ཡེ ཨ་ཀ་ཏ་ཉྙུ་ཏཱ ཨ་ཀ་ཏ་ཝེ་དི་ཏཱཏི ཨ་ཀ་ཏ་ཉྙུ་ཏཱ་ཡ ཨ་ཀ་ཏ་ཝེ་དི་ཏཱ་ཡ. ཨུ་བྷ་ཡ་མྤེ་ཏཾ ཨ་ཏྠ་ཏོ ཨེ་ཀ་མེ་ཝ. སུ་ཀྐ་པ་ཀྑེ་པི ཨེ་སེ་ཝ ན་ཡོ.
༤-༧. པཱ་ཎཱ་ཏི་པཱ་ཏཱི་སུ་ཏྟཱ་དི་ཝ་ཎྞ་ནཱ
༢༡༤-༢༡༧. ཙ་ཏུ་ཏྠཾ ཙ་ཏུ་ནྣཾ ཀ་མྨ་ཀི་ལེ་སཱ་ནཾ ཏ་པྤ་ཊི་པ་ཀྑ་སྶ ཙ ཝ་སེ་ན ཝུ་ཏྟཾ, པ་ཉྩ་མཾ སུ་ཀྐ་པ་ཀྑཱ་ནཾ ཨཱ་དི་ཏོ ཙ་ཏུ་ནྣཾ མི་ཙྪ་ཏྟཱ་ནཾ ཝ་སེ་ན, ཚ་ཊྛཾ ཨ་ཝ་སེ་སཱ་ནཾ ཙ་ཏུ་ནྣཾ, ས་ཏྟ་མཾ ཨ་ན་རི་ཡ་ཝོ་ཧཱ་ར་ཨ་རི་ཡ་ཝོ་ཧཱ་རཱ་ནཾ. ཏ་ཐཱ ཨ་ཊྛ་མ་ན་ཝ་མ་ད་ས་མཱ་ནི ས་པྤ་ཊི་པ་ཀྑཱ་ནཾ ཨ་སྶ་དྡྷ་མྨཱ་ནཾ ཝ་སེ་ན ཝུ་ཏྟཱ་ནི. ས་བྦ་སུ་ཏྟེ་སུ པ་ན སུ་ཀྐ་པ་ཀྑ་དྷ་མྨཱ ལོ་ཀི་ཡ་ལོ་ཀུ་ཏྟ་ར་མི་སྶ་ཀཱ་ཝ ཀ་ཐི་ཏཱ. ན་ཝ་སུ སུ་ཏྟེ་སུ ཀི་ཉྩཱ་པི ‘‘ས་གྒེ’’ཏི ཝུ་ཏྟཾ, ཏ་ཡོ པ་ན མ་གྒཱ ཏཱི་ཎི ཙ ཕ་ལཱ་ནི ལ་བྦྷ་ནྟི་ཡེ་ཝཱ་ཏི.
པ་རི་སཱ་ཝ་གྒོ དུ་ཏི་ཡོ.
(༢༣) ༣. དུ་ཙྩ་རི་ཏ་ཝ་གྒ་ཝ་ཎྞ་ནཱ
༢༢༡-༢༣༡. ཏ་ཏི་ཡ་སྶ པ་ཋ་མཱ་དཱི་ནི ཨུ་ཏྟཱ་ན་ཏྠཱ་ནེ་ཝ. ད་ས་མེ ཡོ ཙི་ནྟེ་ཏྭཱ ཀ་བྱཾ ཀ་རོ་ཏི, ཨ་ཡཾ ཙི་ནྟཱ་ཀ་ཝི ནཱ་མ. ཡོ སུ་ཏྭཱ ཀ་རོ་ཏི, ཨ་ཡཾ སུ་ཏ་ཀ་ཝི ནཱ་མ. ཡོ ཨེ་ཀཾ ཨ་ཏྠཾ ནི་སྶཱ་ཡ ཀ་རོ་ཏི, ཨ་ཡཾ ཨ་ཏྠ་ཀ་ཝི ནཱ་མ. ཡོ ཏ་ངྑ་ཎ་ཉྙེ་ཝ ཝ་ངྒཱི་ས་ཏྠེ་རོ ཝི་ཡ ཨ་ཏྟ་ནོ པ་ཊི་བྷཱ་ནེ་ན ཀ་རོ་ཏི, ཨ་ཡཾ པ་ཊི་བྷཱ་ན་ཀ་ཝི ནཱ་མཱ་ཏི.
དུ་ཙྩ་རི་ཏ་ཝ་གྒོ ཏ་ཏི་ཡོ.
(༢༤) ༤. ཀ་མྨ་ཝ་གྒོ
༡. སཾ་ཁི་ཏྟ་སུ་ཏྟ་ཝ་ཎྞ་ནཱ
༢༣༢. ཙ་ཏུ་ཏྠ་སྶ པ་ཋ་མེ ཀ་ཎྷནྟི ཀཱ་ལ༹་ཀཾ ད་ས་ཨ་ཀུ་ས་ལ་ཀ་མྨ་པ་ཐ་ཀ་མྨཾ. ཀ་ཎྷ་ཝི་པཱ་ཀནྟི ཨ་པཱ་ཡེ ནི་བྦ་ཏྟ་ན་ཏོ ཀཱ་ལ༹་ཀ་ཝི་པཱ་ཀཾ. སུ་ཀྐནྟི པ་ཎྜ་ར་ཀཾ ཀུ་ས་ལ་ཀ་མྨ་པ་ཐ་ཀ་མྨཾ. སུ་ཀྐ་ཝི་པཱ་ཀནྟི ས་གྒེ ནི་བྦ་ཏྟ་ན་ཏོ པ་ཎྜ་ར་ཀ་ཝི་པཱ་ཀཾ. ཀ་ཎྷ་སུ་ཀྐནྟི མི་སྶ་ཀ་ཀ་མྨཾ. ཀ་ཎྷ་སུ་ཀྐ་ཝི་པཱ་ཀནྟི སུ་ཁ་དུ་ཀྑ་ཝི་པཱ་ཀཾ. མི་སྶ་ཀ་ཀ་མྨ་ཉྷི ཀ་ཏྭཱ ཨ་ཀུ་ས་ལེ་ན ཏི་ར་ཙྪཱ་ན་ཡོ་ནི་ཡཾ མ་ངྒ་ལ་ཧ་ཏྠི་ཊྛཱ་ནཱ་དཱི་སུ ཨུ་པྤ་ནྣོ ཀུ་ས་ལེ་ན པ་ཝ་ཏྟེ སུ་ཁཾ ཝེ་དི་ཡ་ཏི. ཀུ་ས་ལེ་ན རཱ་ཛ་ཀུ་ལེ་པི ནི་བྦ་ཏྟོ ཨ་ཀུ་ས་ལེ་ན པ་ཝ་ཏྟེ དུ་ཀྑཾ ཝེ་དི་ཡ་ཏི. ཨ་ཀ་ཎྷཾ ཨ་སུ་ཀྐནྟི ཀ་མྨ་ཀྑ་ཡ་ཀ་རཾ ཙ་ཏུ་མ་གྒ་ཉཱ་ཎཾ ཨ་དྷི་པྤེ་ཏཾ. ཏ་ཉྷི ཡ་དི ཀ་ཎྷཾ བྷ་ཝེ་ཡྻ, ཀ་ཎྷ་ཝི་པཱ་ཀཾ ད་དེ་ཡྻ. ཡ་དི སུ་ཀྐཾ བྷ་ཝེ་ཡྻ, སུ་ཀྐ་ཝི་པཱ་ཀཾ ད་དེ་ཡྻ. ཨུ་བྷ་ཡ་ཝི་པཱ་ཀ་སྶ པ་ན ཨ་པྤ་དཱ་ན་ཏོ ཨ་ཀ་ཎྷཾ ཨ་སུ་ཀྐ་ནྟི ཨ་ཡ་མེ་ཏྠ ཨ་ཏྠོ.
༢. ཝི་ཏྠཱ་ར་སུ་ཏྟ་ཝ་ཎྞ་ནཱ
༢༣༣. དུ་ཏི་ཡེ ས་བྱཱ་བ་ཛ྄ཛྷནྟི ས་དོ་སཾ. ཀཱ་ཡ་ས་ངྑཱ་རནྟི ཀཱ་ཡ་དྭཱ་ར་ཙེ་ཏ་ནཾ. ཨ་བྷི་ས་ངྑ་རོ་ཏཱིཏི ཨཱ་ཡཱུ་ཧ་ཏི ས་མྤི་ཎྜེ་ཏི. སེ་ས་དྭ་ཡེ་པི ཨེ་སེ་ཝ ན་ཡོ. ས་བྱཱ་བ་ཛ྄ཛྷཾ ལོ་ཀནྟི ས་དུ་ཀྑཾ ལོ་ཀཾ. ས་བྱཱ་བ་ཛ྄ཛྷཱ ཕ་སྶཱཏི ས་དུ་ཀྑཱ ཝི་པཱ་ཀ་ཕ་སྶཱ. ས་བྱཱ་བ་ཛ྄ཛྷཾ ཝེ་ད་ནཾ ཝེ་དི་ཡ་ཏཱིཏི སཱ་བཱ་དྷཾ ཝི་པཱ་ཀ་ཝེ་ད་ནཾ ཝེ་དི་ཡ་ཏི. ཨེ་ཀ་ནྟ་དུ་ཀྑནྟི ཨེ་ཀ་ནྟེ་ནེ་ཝ དུ་ཀྑཾ, ན སུ་ཁ་ས་མྨི་སྶཾ. སེ་ཡྻ་ཐཱ་པི ས་ཏྟཱ ནེ་ར་ཡི་ཀཱཏི ཨེ་ཏྠ སེ་ཡྻ་ཐཱ་པཱིཏི ནི་ད་སྶ་ན་ཏྠེ ནི་པཱ་ཏོ. ཏེ་ན ཀེ་ཝ་ལཾ ནེ་ར་ཡི་ཀ་ས་ཏྟེ ད་སྶེ་ཏི, ཨ་ཉྙེ པ་ན ཏཾ་ས་རི་ཀྑ་ཀཱ ནཱ་མ ན་ཏྠི. ཨི་མི་ནཱ ཨུ་པཱ་ཡེ་ན ས་བྦ་ཏྠ ཨ་ཏྠོ ཝེ་དི་ཏ་བྦོ. སེ་ཡྻ་ཐཱ་པི མ་ནུ་སྶཱཏི་ཨཱ་དཱི་སུ པ་ན མ་ནུ་སྶཱ་ནཾ ཏཱ་ཝ ཀཱ་ལེ་ན སུ་ཁཱ ཝེ་ད་ནཱ ཨུ་པྤ་ཛྫ་ཏི, ཀཱ་ལེ་ན དུ་ཀྑཱ ཝེ་ད་ནཱ. ཨེ་ཀ་ཙྩེ ཙ དེ་ཝཱཏི ཨེ་ཏྠ པ་ན ཀཱ་མཱ་ཝ་ཙ་ར་དེ་ཝཱ ད་ཊྛ་བྦཱ. ཏེ་ས་ཉྷི མ་ཧེ་ས་ཀྑ་ཏ་རཱ དེ་ཝ་ཏཱ དི་སྭཱ ནི་སི་ནྣཱ་ས་ན་ཏོ ཝུ་ཊྛཱ་ནཾ, པཱ་རུ་ཏ་ཨུ་ཏྟ་རཱ་ས་ངྒ་སྶ ཨོ་ཏཱ་ར་ཎཾ, ཨ་ཉྫ་ལི་པ་གྒ་ཎྷ་ན་ནྟི་ཨཱ་དཱི་ནཾ ཝ་སེ་ན ཀཱ་ལེ་ན དུ་ཀྑཾ ཨུ་པྤ་ཛྫ་ཏི, དི་བྦ་ས་མྤ་ཏྟིཾ ཨ་ནུ་བྷ་ཝ་ནྟཱ་ནཾ ཀཱ་ལེ་ན སུ་ཁཾ. ཨེ་ཀ་ཙྩེ ཙ ཝི་ནི་པཱ་ཏི་ཀཱཏི ཨེ་ཏྠ ཝེ་མཱ་ནི་ཀ་པེ་ཏཱ ད་ཊྛ་བྦཱ. ཏེ ནི་ར་ནྟ་ར་མེ་ཝ ཨེ་ཀ་སྨིཾ ཀཱ་ལེ སུ་ཁཾ, ཨེ་ཀ་སྨིཾ ཀཱ་ལེ དུ་ཀྑཾ ཝེ་དི་ཡ་ནྟི. ནཱ་ག་སུ་པ་ཎྞ་ཧ་ཏྠི་ཨ་སྶཱ་ད་ཡོ པ་ན མ་ནུ་སྶཱ ཝི་ཡ ཝོ་ཀི་ཎྞ་སུ་ཁ་དུ་ཀྑཱ་ཝ ཧོ་ནྟི. པ་ཧཱ་ནཱ་ཡ ཡཱ ཙེ་ཏ་ནཱཏི ཨེ་ཏྠ ཝི་ཝ་ཊྚ་གཱ་མི་ནཱི མ་གྒ་ཙེ་ཏ་ནཱ ཝེ་དི་ཏ་བྦཱ. སཱ ཧི ཀ་མྨ་ཀྑ་ཡཱ་ཡ སཾ་ཝ་ཏྟ་ཏཱི་ཏི.
༣. སོ་ཎ་ཀཱ་ཡ་ན་སུ་ཏྟ་ཝ་ཎྞ་ནཱ
༢༣༤. ཏ་ཏི་ཡེ སི་ཁཱ་མོ་གྒ་ལླཱ་ནོཏི སཱི་ས་མ་ཛ྄ཛྷེ ཋི་ཏཱ་ཡ མ་ཧ་ཏི་ཡཱ སི་ཁཱ་ཡ ས་མ་ནྣཱ་ག་ཏོ མོ་གྒ་ལླཱ་ན་གོ་ཏྟོ བྲཱ་ཧྨ་ཎོ. པུ་རི་མཱ་ནཱིཏི ཨ་ཏཱི་ཏཱ་ན་ནྟ་ར་དི་ཝ་ས་ཏོ པ་ཊྛཱ་ཡ པུ་རི་མཱ་ནི, དུ་ཏི་ཡཱ་དི་ཏོ པ་ཊྛཱ་ཡ པུ་རི་མ་ཏ་རཱ་ནི ཝེ་དི་ཏ་བྦཱ་ནི. སོ་ཎ་ཀཱ་ཡ་ནོཏི ཏ་སྶེ་ཝ ཨ་ནྟེ་ཝཱ་སི་ཀོ. ཀ་མྨ་ས་ཙྩཱ་ཡཾ བྷོ ལོ་ཀོཏི བྷོ ཨ་ཡཾ ལོ་ཀོ ཀ་མྨ་ས་བྷཱ་ཝོ. ཀ་མྨ་ས་མཱ་ར་མྦྷ་ཊྛཱ་ཡཱིཏི ཀ་མྨ་ས་མཱ་ར་མྦྷེ་ན ཏི་ཊྛ་ཏི. ཀ་མྨཾ ཨཱ་ཡཱུ་ཧ་ནྟོ་ཝ ཏི་ཊྛ་ཏི, ཨ་ནཱ་ཡཱུ་ཧ་ནྟོ ཨུ་ཙྪི་ཛྫ་ཏཱི་ཏི དཱི་པེ་ཏི. སེ་སཾ ཧེ་ཊྛཱ ཝུ་ཏྟ་ན་ཡ་མེ་ཝ.
༤-༩. སི་ཀྑཱ་པ་ད་སུ་ཏྟཱ་དི་ཝ་ཎྞ་ནཱ
༢༣༥. ཙ་ཏུ་ཏྠཱ་དཱི་ནི་པི ཨུ་ཏྟཱ་ན་ཏྠཱ་ནེ་ཝ. མ་གྒ་ངྒེ་སུ པ་ན ཡ་སྨཱ ས་ཏི་ཡཱ ཨུ་པ་ཊྛ་པེ་ཏྭཱ པ་ཉྙཱ་ཡ པ་རི་ཙྪི་ནྡ་ཏི, ཏ་སྨཱ ཨུ་བྷ་ཡ་མེ་ཝ ཀ་མྨཾ. སེ་སཱ ཨ་ངྒཱ་ནེ་ཝ ཧོ་ནྟི, ནོ ཀ་མྨ་ནྟི ཝུ་ཏྟཾ. བོ་ཛ྄ཛྷ་ངྒེ་སུ་པི ཨེ་སེ་ཝ ན་ཡོ. ཨ་བྷི་དྷ་མྨེ པ་ན ས་བྦ་མྤེ་ཏཾ ཨ་ཝི་སེ་སེ་ན ཙེ་ཏ་ནཱ་ས་མྤ་ཡུ་ཏྟ་ཀ་མྨ་ནྟེ་ཝ ཝ་ཎྞི་ཏཾ.
༡༠. ས་མ་ཎ་སུ་ཏྟ་ཝ་ཎྞ་ནཱ
༢༤༡. ད་ས་མེ ཨི་དྷེ་ཝཱཏི ཨི་མ་སྨིཾ་ཡེ་ཝ སཱ་ས་ནེ. ཨ་ཡཾ པ་ན ནི་ཡ་མོ སེ་ས་པ་དེ་སུ་པི ཝེ་དི་ཏ་བྦོ. དུ་ཏི་ཡཱ་ད་ཡོ་པི ཧི ས་མ་ཎཱ ཨི་དྷེ་ཝ, ན ཨ་ཉྙ་ཏྠ. སུ་ཉྙཱཏི རི་ཏྟཱ ཏུ་ཙྪཱ. པ་ར་པྤ་ཝཱ་དཱཏི ཙ་ཏྟཱ་རོ ས་སྶ་ཏ་ཝཱ་དཱ, ཙ་ཏྟཱ་རོ ཨེ་ཀ་ཙྩ་ས་སྶ་ཏི་ཀཱ, ཙ་ཏྟཱ་རོ ཨ་ནྟཱ་ན་ནྟི་ཀཱ, ཙ་ཏྟཱ་རོ ཨ་མ་རཱ་ཝི་ཀྑེ་པི་ཀཱ, དྭེ ཨ་དྷི་ཙྩ་ས་མུ་པྤ་ནྣི་ཀཱ, སོ་ལ༹་ས ས་ཉྙི་ཝཱ་དཱ, ཨ་ཊྛ ཨ་ས་ཉྙི་ཝཱ་དཱ, ཨ་ཊྛ ནེ་ཝ་ས་ཉྙི་ནཱ་ས་ཉྙི་ཝཱ་དཱ, ས་ཏྟ ཨུ་ཙྪེ་ད་ཝཱ་དཱ, པ་ཉྩ དི་ཊྛ་དྷ་མྨ་ནི་བྦཱ་ན་ཝཱ་དཱ་ཏི ཨི་མེ ས་བྦེ་པི བྲ་ཧྨ་ཛཱ་ལེ ཨཱ་ག་ཏ་དྭཱ་ས་ཊྛི་དི་ཊྛི་ཡོ ཨི་ཏོ བཱ་ཧི་རཱ་ནཾ པ་རེ་སཾ པ་ཝཱ་དཱ པ་ར་པྤ་ཝཱ་དཱ ནཱ་མ. ཏེ ས་བྦེ་པི ཨི་མེ་ཧི ཙ་ཏཱུ་ཧི ཕ་ལ་ཊྛ་ཀ་ས་མ་ཎེ་ཧི སུ་ཉྙཱ. ན ཧི ཏེ ཨེ་ཏྠ ས་ནྟི. ན ཀེ་ཝ་ལ་ཉྩ ཨེ་ཏེ་ཧེ་ཝ སུ་ཉྙཱ, ཙ་ཏཱུ་ཧི པ་ན མ་གྒ་ཊྛ་ཀ་ས་མ་ཎེ་ཧི་པི, ཙ་ཏུ་ནྣཾ མ་གྒཱ་ནཾ ཨ་ཏྠཱ་ཡ ཨཱ་ར་དྡྷ་ཝི་པ་སྶ་ཀེ་ཧི་པཱི་ཏི དྭཱ་ད་ས་ཧི་པི ས་མ་ཎེ་ཧི སུ་ཉྙཱ ཨེ་ཝ. ཨི་ད་མེ་ཝ ཨ་ཏྠཾ ས་ནྡྷཱ་ཡ བྷ་ག་ཝ་ཏཱ མ་ཧཱ་པ་རི་ནི་བྦཱ་ནེ (དཱི. ནི. ༢.༢༡༤) ཝུ་ཏྟཾ –
‘‘ཨེ་ཀཱུ་ན་ཏིཾ་སོ ཝ་ཡ་སཱ སུ་བྷ་དྡ,
ཡཾ པ་བྦ་ཛིཾ ཀིཾ་ཀུ་ས་ལཱ་ནུ་ཨེ་སཱི;
ཝ་སྶཱ་ནི པ་ཉྙཱ་ས ས་མཱ་དྷི་ཀཱ་ནི,
ཡ་ཏོ ཨ་ཧཾ པ་བྦ་ཛི་ཏོ སུ་བྷ་དྡ;
ཉཱ་ཡ་སྶ དྷ་མྨ་སྶ པ་དེ་ས་ཝ་ཏྟཱི,
ཨི་ཏོ བ་ཧི་དྡྷཱ ས་མ་ཎོ་པི ན་ཏྠི’’.
‘‘དུ་ཏི་ཡོ་པི ས་མ་ཎོ ན་ཏྠི, ཏ་ཏི་ཡོ་པི ས་མ་ཎོ ན་ཏྠི, ཙ་ཏུ་ཏྠོ་པི ས་མ་ཎོ ན་ཏྠི, སུ་ཉྙཱ པ་ར་པྤ་ཝཱ་དཱ ས་མ་ཎེ་ཧི ཨ་ཉྙེ་ཧཱི’’ཏི. ཨེ་ཏྠ ཧི པ་དེ་ས་ཝ་ཏྟཱི་ཏི ཨཱ་ར་དྡྷ་ཝི་པ་སྶ་ཀོ ཨ་དྷི་པྤེ་ཏོ. ཏ་སྨཱ སོ་ཏཱ་པ་ཏྟི་མ་གྒ་སྶ ཨཱ་ར་དྡྷ་ཝི་པ་སྶ་ཀཾ མ་གྒ་ཊྛཾ ཕ་ལ་ཊྛ་ནྟི ཏ་ཡོ་པི ཨེ་ཀ་ཏོ ཀ་ཏྭཱ ‘‘ས་མ་ཎོ་པི ན་ཏྠཱི’’ཏི ཨཱ་ཧ, ས་ཀ་དཱ་གཱ་མི་མ་གྒ་སྶ ཨཱ་ར་དྡྷ་ཝི་པ་སྶ་ཀཾ མ་གྒ་ཊྛཾ ཕ་ལ་ཊྛ་ནྟི ཏ་ཡོ་པི ཨེ་ཀ་ཏོ ཀ་ཏྭཱ ‘‘དུ་ཏི་ཡོ་པི ས་མ་ཎོ ན་ཏྠཱི’’ཏི ཨཱ་ཧ. ཨི་ཏ་རེ་སུ་པི དྭཱི་སུ ཨེ་སེ་ཝ ན་ཡོ. ཨེ་ཀཱ་ད་ས་མཾ ཨུ་ཏྟཱ་ན་ཏྠ་མེ་ཝཱ་ཏི.
ཀ་མྨ་ཝ་གྒོ ཙ་ཏུ་ཏྠོ.
(༢༥) ༥. ཨཱ་པ་ཏྟི་བྷ་ཡ་ཝ་གྒོ
༡. ས་ངྒྷ་བྷེ་ད་ཀ་སུ་ཏྟ་ཝ་ཎྞ་ནཱ
༢༤༣. པ་ཉྩ་མ་སྶ པ་ཋ་མེ ཨ་པི ནུ ཏཾ, ཨཱ་ན་ནྡ, ཨ་དྷི་ཀ་ར་ཎནྟི ཝི་ཝཱ་དཱ་དྷི་ཀ་ར་ཎཱ་དཱི་སུ ཨ་ཉྙ་ཏ་རཾ ཨ་དྷི་ཀ་ར་ཎཾ བྷི་ཀྑུ་ས་ངྒྷ་སྶ ཨུ་པྤ་ཛྫི, ས་ཏྠཱ ཏ་སྶ ཝཱུ་པ་ས་ནྟ་བྷཱ་ཝཾ པུ་ཙྪ་ནྟོ ཨེ་ཝ་མཱ་ཧ. ཀུ་ཏོ ཏཾ, བྷ་ནྟེཏི, བྷ་ནྟེ, ཀུ་ཏོ ཀི་ནྟི ཀེ་ན ཀཱ་ར་ཎེ་ན ཏཾ ཨ་དྷི་ཀ་ར་ཎཾ ཝཱུ་པ་ས་མི་སྶ་ཏཱི་ཏི ཝ་ད་ཏི. ཀེ་ཝ་ལ་ཀ་པྤནྟི ས་ཀ་ལཾ ས་མ་ནྟ་ཏོ. ས་ངྒྷ་བྷེ་དཱ་ཡ ཋི་ཏོཏི ས་ངྒྷེ་ན ས་དྡྷིཾ ཝཱ་ད་ཏྠཱ་ཡ ཀ་ཐི་ཏཾ པ་ཊི་ཀ་ཐེ་ནྟོ་ཝ ཋི་ཏོ. ཏ་ཏྲཱ་ཡ་སྨཱཏི ཏ་སྨིཾ ཨེ་ཝཾ ཋི་ཏེ ཨཱ་ཡ་སྨཱ ཨ་ནུ་རུ་དྡྷོ. ན ཨེ་ཀ་ཝཱ་ཙི་ཀ་མྤི བྷ་ཎི་ཏ་བྦཾ མ་ཉྙ་ཏཱིཏི ‘‘མཱ, ཨཱ་ཝུ་སོ, ས་ངྒྷེ་ན ས་དྡྷིཾ ཨེ་ཝཾ ཨ་ཝ་ཙཱ’’ཏི ཨེ་ཀ་ཝ་ཙ་ན་མྤི ཝ་ཏྟ་བྦཾ ན མ་ཉྙ་ཏི. ཝོ་ཡུ་ཉྫ་ཏཱིཏི ཨ་ནུ་ཡུ་ཉྫ་ཏི ཨ་ནུ་ཡོ་གཾ ཨཱ་པ་ཛྫ་ཏི. ཨ་ཏྠ་ཝ་སེཏི ཀཱ་ར་ཎ་ཝ་སེ. ནཱ་སེ་སྶ་ནྟཱིཏི ཨུ་པོ་ས་ཐ་པྤ་ཝཱ་ར་ཎཾ ཨུ་པ་ག་ནྟུཾ ཨ་ད་ཏྭཱ ནི་ཀྐ་ཌྜྷི་སྶ་ནྟི. སེ་སཾ པཱ་ལི༹་ཝ་སེ་ནེ་ཝ ཝེ་དི་ཏ་བྦཾ.
༢. ཨཱ་པ་ཏྟི་བྷ་ཡ་སུ་ཏྟ་ཝ་ཎྞ་ནཱ
༢༤༤. དུ་ཏི་ཡེ ཁུ་ར་མུ་ཎྜཾ ཀ་རི་ཏྭཱཏི པ་ཉྩ སི་ཁ་ཎྜ་ཀེ ཋ་པེ་ཏྭཱ ཁུ་རེ་ན མུ་ཎྜཾ ཀ་རི་ཏྭཱ. ཁ་ར་སྶ་རེ་ནཱཏི ཀ་ཀྑ་ལ༹་ས་དྡེ་ན. པ་ཎ་ཝེ་ནཱཏི ཝ་ཛ྄ཛྷ་བྷེ་རི་ཡཱ. ཐ་ལ་ཊྛ་སྶཱཏི ཨེ་ཀ་མ་ནྟེ ཋི་ཏ་སྶ. སཱི་ས་ཙྪེ་ཛྫནྟི སཱི་ས་ཙྪེ་དཱ་ར་ཧཾ. ཡ་ཏྲ ཧི ནཱ་མཱཏི ཡཾ ནཱ་མ. སོ ཝ་ཏ་སྶཱ་ཧནྟི སོ ཝ་ཏ ཨ་ཧཾ ཨ་སྶཾ, ཡཾ ཨེ་ཝ་རཱུ་པཾ པཱ་པཾ ན ཀ་རེ་ཡྻ་ནྟི ཨ་ཏྠོ. ཡ་ཐཱ་དྷ་མྨཾ པ་ཊི་ཀ་རི་སྶ་ཏཱིཏི དྷ་མྨཱ་ནུ་རཱུ་པཾ པ་ཊི་ཀ་རི་སྶ་ཏི, སཱ་མ་ཎེ་ར་བྷཱུ་མི་ཡཾ ཋ་སྶ་ཏཱི་ཏི ཨ་ཏྠོ. ཀཱ་ལ༹་ཝ་ཏྠཾ པ་རི་དྷཱ་ཡཱཏི ཀཱ་ལ༹་པི་ལོ་ཏི་ཀཾ ནི་ཝཱ་སེ་ཏྭཱ. མོ་ས་ལླནྟི མུ་ས་ལཱ་བྷི་པཱ་ཏཱ་ར་ཧཾ. ཡ་ཐཱ་དྷ་མྨནྟི ཨི་དྷ ཨཱ་པ་ཏྟི་ཏོ ཝུ་ཊྛཱ་ཡ སུ་དྡྷ་ནྟེ པ་ཏི་ཊྛ་ཧ་ནྟོ ཡ་ཐཱ་དྷ་མྨཾ ཀ་རོ་ཏི ནཱ་མ. བྷ་སྨ་པུ་ཊནྟི ཚཱ་རི་ཀཱ་བྷ་ཎྜི་ཀཾ. གཱ་ར་ཡ྄ཧཾ བྷ་སྨ་པུ་ཊནྟི ག་ར་ཧི་ཏ་བྦ་ཚཱ་རི་ཀཱ་པུ་ཊེ་ན མ་ཏྠ་ཀེ ཨ་བྷི་གྷཱ་ཏཱ་ར་ཧཾ. ཡ་ཐཱ་དྷ་མྨནྟི ཨི་དྷ ཨཱ་པ་ཏྟིཾ དེ་སེ་ནྟོ ཡ་ཐཱ་དྷ་མྨཾ པ་ཊི་ཀ་རོ་ཏི ནཱ་མ. ཨུ་པ་ཝ་ཛྫནྟི ཨུ་པ་ཝཱ་དཱ་ར་ཧཾ. པཱ་ཊི་དེ་ས་ནཱི་ཡེ་སཱུཏི པ་ཊི་དེ་སེ་ཏ་བྦེ་སུ. ཨི་མི་ནཱ ས་བྦཱ་པི སེ་སཱ་པ་ཏྟི་ཡོ ས་ངྒ་ཧི་ཏཱ. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཨཱ་པ་ཏྟི་བྷ་ཡཱ་ནཱིཏི, བྷི་ཀྑ་ཝེ, ཨི་མཱ་ནི ཙ་ཏྟཱ་རི ཨཱ་པ་ཏྟིཾ ནི་སྶཱ་ཡ ཨུ་པྤ་ཛྫ་ན་ཀ་བྷ་ཡཱ་ནི ནཱ་མཱ་ཏི.
༣. སི་ཀྑཱ་ནི་སཾ་ས་སུ་ཏྟ་ཝ་ཎྞ་ནཱ
༢༤༥. ཏ་ཏི་ཡེ སི་ཀྑཱ ཨཱ་ནི་སཾ་སཱ ཨེ་ཏྠཱ་ཏི སི་ཀྑཱ་ནི་སཾ་སཾ. པ་ཉྙཱ ཨུ་ཏྟ་རཱ ཨེ་ཏྠཱ་ཏི པ་ཉྙུ་ཏྟ་རཾ. ཝི་མུ་ཏྟི སཱ་རོ ཨེ་ཏྠཱ་ཏི ཝི་མུ་ཏྟི་སཱ་རཾ. ས་ཏི ཨཱ་དྷི་པ་ཏེ་ཡྻཱ ཨེ་ཏྠཱ་ཏི ས་ཏཱ་དྷི་པ་ཏེ་ཡྻཾ. ཨེ་ཏེ་སཾ ཧི སི་ཀྑཱ་དི་ས་ངྑཱ་ཏཱ་ནཾ ཨཱ་ནི་སཾ་སཱ་དཱི་ནཾ ཨ་ཏྠཱ་ཡ ཝུ་སྶ་ཏཱི་ཏི ཝུ་ཏྟཾ ཧོ་ཏི. ཨཱ་བྷི་ས་མཱ་ཙཱ་རི་ཀཱཏི ཨུ་ཏྟ་མ་ས་མཱ་ཙཱ་རི་ཀཱ. ཝ་ཏྟ་ཝ་སེ་ན པ་ཉྙ་ཏྟ་སཱི་ལ་སྶེ་ཏཾ ཨ་དྷི་ཝ་ཙ་ནཾ. ཏ་ཐཱ ཏ་ཐཱ སོ ཏ་སྶཱ སི་ཀྑཱ་ཡཱཏི ཏ་ཐཱ ཏ་ཐཱ སོ སི་ཀྑཱ་ཀཱ་མོ བྷི་ཀྑུ ཏ་སྨིཾ སི་ཀྑཱ་པ་དེ.
ཨཱ་དི་བྲ་ཧྨ་ཙ་རི་ཡི་ཀཱཏི མ་གྒ་བྲ་ཧྨ་ཙ་རི་ཡ་སྶ ཨཱ་དི་བྷཱུ་ཏཱ་ནཾ ཙ་ཏུ་ནྣཾ མ་ཧཱ་སཱི་ལཱ་ན་མེ་ཏཾ ཨ་དྷི་ཝ་ཙ་ནཾ. ས་བྦ་སོཏི ས་བྦཱ་ཀཱ་རེ་ན. དྷ་མྨཱཏི ཙ་ཏུ་ས་ཙྩ་དྷ་མྨཱ. པ་ཉྙཱ་ཡ ས་མ་ཝེ་ཀྑི་ཏཱ ཧོ་ནྟཱིཏི ས་ཧ་ཝི་པ་སྶ་ནཱ་ཡ མ་གྒ་པ་ཉྙཱ་ཡ སུ་དི་ཊྛཱ ཧོ་ནྟི. ཝི་མུ་ཏྟི་ཡཱ ཕུ་སི་ཏཱ ཧོ་ནྟཱིཏི ཨ་ར་ཧ་ཏྟ་ཕ་ལ་ཝི་མུ་ཏྟི་ཡཱ ཉཱ་ཎ་ཕ་སྶེ་ན ཕུ་ཊྛཱ ཧོ་ནྟི. ཨ་ཛ྄ཛྷ་ཏྟཾ་ཡེ་ཝ ས་ཏི སཱུ་པ་ཊྛི་ཏཱ ཧོ་ཏཱིཏི ནི་ཡ་ཀ་ཛ྄ཛྷ་ཏྟེ་ཡེ་ཝ ས་ཏི སུ་ཊྛུ ཨུ་པ་ཊྛི་ཏཱ ཧོ་ཏི. པ་ཉྙཱ་ཡ ཨ་ནུ་གྒ་ཧེ་སྶཱ་མཱིཏི ཝི་པ་སྶ་ནཱ་པ་ཉྙཱ་ཡ ཨ་ནུ་གྒ་ཧེ་སྶཱ་མི. པ་ཉྙཱ་ཡ ས་མ་ཝེ་ཀྑི་སྶཱ་མཱིཏི ཨི་དྷཱ་པི ཝི་པ་སྶ་ནཱ་པ་ཉྙཱ ཨ་དྷི་པྤེ་ཏཱ. ཕུ་སི་ཏཾ ཝཱ དྷ་མྨཾ ཏ་ཏྠ ཏ་ཏྠ པ་ཉྙཱ་ཡ ཨ་ནུ་གྒ་ཧེ་སྶཱ་མཱིཏི ཨེ་ཏྠ པ་ན མ་གྒ་པ་ཉྙཱ་ཝ ཨ་དྷི་པྤེ་ཏཱ.
༤. སེ་ཡྻཱ་སུ་ཏྟ་ཝ་ཎྞ་ནཱ
༢༤༦. ཙ་ཏུ་ཏྠེ པེ་ཏཱཏི ཀཱ་ལ་ཀ་ཏཱ ཝུ་ཙྩ་ནྟི. ཨུ་ཏྟཱ་ནཱ སེ་ནྟཱིཏི ཏེ ཡེ་བྷུ་ཡྻེ་ན ཨུ་ཏྟཱ་ན་ཀཱ་ཝ ས་ཡ་ནྟི. ཨ་ཐ ཝཱ པེ་ཏྟི་ཝི་ས་ཡེ ནི་བྦ་ཏྟཱ པེ་ཏཱ ནཱ་མ, ཏེ ཨ་པྤ་མཾ་ས་ལོ་ཧི་ཏ་ཏྟཱ ཨ་ཊྛི་ས་ངྒྷཱ་ཏ་ཛ་ཊི་ཏཱ ཨེ་ཀེ་ན པ་སྶེ་ན ས་ཡི་ཏུཾ ན ས་ཀྐོ་ནྟི, ཨུ་ཏྟཱ་ནཱ་ཝ སེ་ནྟི. ཨ་ན་ཏྟ་མ་ནོ ཧོ་ཏཱིཏི ཏེ་ཛུ་སྶ་ད་ཏྟཱ སཱི་ཧོ མི་ག་རཱ་ཛཱ དྭེ པུ་རི་མ་པཱ་དེ ཨེ་ཀ་སྨིཾ, པ་ཙྪི་མ་པཱ་དེ ཨེ་ཀ་སྨིཾ ཋཱ་ནེ ཋ་པེ་ཏྭཱ ན་ངྒུ་ཊྛཾ ཨ་ནྟ་ར་ས་ཏྠི་མྷི པ་ཀྑི་པི་ཏྭཱ པུ་རི་མ་པཱ་ད་པ་ཙྪི་མ་པཱ་ད་ན་ངྒུ་ཊྛཱ་ནཾ ཋི་ཏོ་ཀཱ་སཾ ས་ལླ་ཀྑེ་ཏྭཱ དྭི་ནྣཾ པུ་རི་མ་པཱ་དཱ་ནཾ མ་ཏྠ་ཀེ སཱི་སཾ ཋ་པེ་ཏྭཱ ས་ཡ་ཏི. དི་ཝ་ས་མྤི ས་ཡི་ཏྭཱ པ་བུ་ཛ྄ཛྷ་མཱ་ནོ ན ཨུ་ཏྟ་ས་ནྟོ པ་བུ་ཛ྄ཛྷ་ཏི, སཱི་སཾ པ་ན ཨུ་ཀྑི་པི་ཏྭཱ པུ་རི་མ་པཱ་དཱ་དཱི་ནཾ ཋི་ཏོ་ཀཱ་སཾ ས་ལླ་ཀྑེ་ཏྭཱ ས་ཙེ ཀི་ཉྩི ཋཱ་ནཾ ཝི་ཛ་ཧི་ཏྭཱ ཋི་ཏཾ ཧོ་ཏི, ‘‘ན་ཡི་དཾ ཏུ་ཡ྄ཧཾ ཛཱ་ཏི་ཡཱ, ན སཱུ་ར་བྷཱ་ཝ་སྶ ཨ་ནུ་རཱུ་པ’’ནྟི ཨ་ན་ཏྟ་མ་ནོ ཧུ་ཏྭཱ ཏ་ཏྠེ་ཝ ས་ཡ་ཏི, ན གོ་ཙ་རཱ་ཡ པ་ཀྐ་མ་ཏི. ཨི་དཾ ས་ནྡྷཱ་ཡ ཝུ་ཏྟཾ – ‘‘ཨ་ན་ཏྟ་མ་ནོ ཧོ་ཏཱི’’ཏི. ཨ་ཝི་ཛ་ཧི་ཏྭཱ ཋི་ཏེ པ་ན ‘‘ཏུ་ཡ྄ཧཾ ཛཱ་ཏི་ཡཱ ཙ སཱུ་ར་བྷཱ་ཝ་སྶ ཙ ཨ་ནུ་རཱུ་པ་མི་ད’’ནྟི ཧ་ཊྛ་ཏུ་ཊྛོ ཨུ་ཊྛཱ་ཡ སཱི་ཧ་ཝི་ཛ་མྦྷ་ནཾ ཝི་ཛ་མྦྷི་ཏྭཱ ཀེ་ས་ར་བྷཱ་རཾ ཝི་དྷུ་ནི་ཏྭཱ ཏི་ཀྑ་ཏྟུཾ སཱི་ཧ་ནཱ་དཾ ན་དི་ཏྭཱ གོ་ཙ་རཱ་ཡ པ་ཀྐ་མ་ཏི. ཏེ་ན ཝུ་ཏྟཾ – ‘‘ཨ་ཏྟ་མ་ནོ ཧོ་ཏཱི’’ཏི.
༥. ཐཱུ་པཱ་ར་ཧ་སུ་ཏྟ་ཝ་ཎྞ་ནཱ
༢༤༧. པ་ཉྩ་མེ རཱ་ཛཱ ཙ་ཀྐ་ཝ་ཏྟཱིཏི ཨེ་ཏྠ ཀ་སྨཱ བྷ་ག་ཝཱ ཨ་གཱ་ར་མ་ཛ྄ཛྷེ ཝ་སི་ཏྭཱ ཀཱ་ལ་ཀ་ཏ་སྶ ར་ཉྙོ ཐཱུ་པ་ཀ་ར་ཎཾ ཨ་ནུ་ཛཱ་ནཱ་ཏི, ན སཱི་ལ་ཝ་ཏོ པུ་ཐུ་ཛྫ་ན་བྷི་ཀྑུ་སྶཱ་ཏི? ཨ་ན་ཙྪ་རི་ཡ་ཏྟཱ. པུ་ཐུ་ཛྫ་ན་བྷི་ཀྑཱུ་ན་ཉྷི ཐཱུ་པེ ཨ་ནུ་ཉྙཱ་ཡ་མཱ་ནེ ཏ་མྦ་པ་ཎྞི་དཱི་པེ ཏཱ་ཝ ཐཱུ་པཱ་ནཾ ཨོ་ཀཱ་སོ ན བྷ་ཝེ་ཡྻ, ཏ་ཐཱ ཨ་ཉྙེ་སུ ཋཱ་ནེ་སུ. ཏ་སྨཱ ‘‘ཨ་ན་ཙྪ་རི་ཡཱ ཏེ བྷ་ཝི་སྶ་ནྟཱི’’ཏི ནཱ་ནུ་ཛཱ་ནཱ་ཏི. ཙ་ཀྐ་ཝ་ཏྟཱི རཱ་ཛཱ ཨེ་ཀོ་ཝ ནི་བྦ་ཏྟ་ཏི, ཏེ་ན་སྶ ཐཱུ་པོ ཨ་ཙྪ་རི་ཡོ ཧོ་ཏི. པུ་ཐུ་ཛྫ་ན་སཱི་ལ་ཝ་ཏོ པ་ན པ་རི་ནི་བྦུ་ཏ་བྷི་ཀྑུ་ནོ ཝི་ཡ མ་ཧ་ནྟ་མྤི ས་ཀྐཱ་རཾ ཀཱ་ཏུཾ ཝ་ཊྚ་ཏི་ཡེ་ཝ. ཚ་ཊྛ་ས་ཏྟ་མཱ་ནི ཨུ་ཏྟཱ་ན་ཏྠཱ་ནེ་ཝ.
༨. པ་ཋ་མ་ཝོ་ཧཱ་ར་སུ་ཏྟ་ཝ་ཎྞ་ནཱ
༢༥༠. ཨ་ཊྛ་མེ ཨ་ན་རི་ཡ་ཝོ་ཧཱ་རཱཏི ཨ་ན་རི་ཡཱ་ནཾ ཀ་ཐཱ. སེ་སེ་སུ་པི ཨེ་སེ་ཝ ན་ཡོ.
ཨཱ་པ་ཏྟི་བྷ་ཡ་ཝ་གྒོ པ་ཉྩ་མོ.
པ་ཉྩ་མ་པ་ཎྞཱ་ས་ཀཾ ནི་ཊྛི་ཏཾ.