(༢༦) ༦. ཨ་བྷི་ཉྙཱ་ཝ་གྒོ

༡-༣. ཨ་བྷི་ཉྙཱ་སུ་ཏྟཱ་དི་ཝ་ཎྞ་ནཱ

༢༥༤-༢༥༦. ཚ་ཊྛ་སྶ པ་ཋ་མེ ཨ་བྷི་ཉྙཱ་ཡཱཏི ཛཱ་ནི་ཏྭཱ. ས་མ་ཐོ ཙ ཝི་པ་སྶ་ནཱ ཙཱཏི ཙི་ཏྟེ་ཀ་གྒ་ཏཱ ཙ ས་ངྑཱ་ར་པ་རི་གྒ་ཧ་ཝི་པ་སྶ་ནཱ་ཉཱ་ཎ་ཉྩ. ཝི་ཛྫཱ ཙ ཝི་མུ་ཏྟི ཙཱཏི མ་གྒ་ཉཱ་ཎ་ཝི་ཛྫཱ ཙ སེ་སཱ ས་མྤ་ཡུ་ཏྟ་ཀ་དྷ་མྨཱ ཙ. དུ་ཏི་ཡེ ཨ་ན་རི་ཡ་པ་རི་ཡེ་ས་ནཱཏི ཨ་ན་རི་ཡཱ་ནཾ ཨེ་ས་ནཱ ག་ཝེ་ས་ནཱ. ཛ་རཱ་དྷ་མྨནྟི ཛ་རཱ་ས་བྷཱ་ཝཾ. སེ་སེ་སུ་པི ཨེ་སེ་ཝ ན་ཡོ. ཏ་ཏི་ཡཾ ཨུ་ཏྟཱ་ན་མེ་ཝ.

༤. མཱ་ལུ་ཀྱ་པུ་ཏྟ་སུ་ཏྟ་ཝ་ཎྞ་ནཱ

༢༥༧. ཙ་ཏུ་ཏྠེ མཱ་ལུ་ཀྱ་པུ་ཏྟོཏི མཱ་ལུ་ཀྱ་བྲཱ་ཧྨ་ཎི་ཡཱ པུ་ཏྟོ. ཨེ་ཏྠཱཏི ཨེ་ཏ་སྨིཾ ཏ་ཝ ཨོ་ཝཱ་ད་ཡཱ་ཙ་ནེ. ཨི་མི་ནཱ ཐེ་རཾ ཨ་པ་སཱ་དེ་ཏི་པི ཨུ་སྶཱ་དེ་ཏི་པི. ཀ་ཐཾ? ཨ་ཡཾ ཀི་ར ད་ཧ་ར་ཀཱ་ལེ པ་ཙྩ་ཡེ་སུ ལ་གྒོ ཧུ་ཏྭཱ པ་ཙྪཱ མ་ཧ་ལླ་ཀ་ཀཱ་ལེ ཨ་ར་ཉྙ་ཝཱ་སཾ པ་ཏྠེ་ནྟོ ཀ་མྨ་ཊྛཱ་ནཾ ཡཱ་ཙ་ཏི. ཨ་ཐ བྷ་ག་ཝཱ ‘‘ཨེ་ཏྠ ད་ཧ་རེ ཀིཾ ཝ་ཀྑཱ་མ, མཱ་ལུ་ཀྱ་པུ་ཏྟོ ཝི་ཡ ཏུ་མྷེ་པི ཏ་རུ་ཎ་ཀཱ་ལེ པ་ཙྩ་ཡེ་སུ ལ་གྒི་ཏྭཱ མ་ཧ་ལླ་ཀ་ཀཱ་ལེ ཨ་ར་ཉྙཾ པ་ཝི་སི་ཏྭཱ ས་མ་ཎ་དྷ་མྨཾ ཀ་རེ་ཡྻཱ་ཐཱ’’ཏི ཨི་མི་ནཱ ཨ་དྷི་པྤཱ་ཡེ་ན བྷ་ཎ་ནྟོ ཐེ་རཾ ཨ་པ་སཱ་དེ་ཏི ནཱ་མ. ཡ་སྨཱ པ་ན ཐེ་རོ མ་ཧ་ལླ་ཀ་ཀཱ་ལེ་ཝ ཨ་ར་ཉྙཾ པ་ཝི་སི་ཏྭཱ ས་མ་ཎ་དྷ་མྨཾ ཀཱ་ཏུ་ཀཱ་མོ, ཏ་སྨཱ བྷ་ག་ཝཱ ‘‘ཨེ་ཏྠ ད་ཧ་རེ ཀིཾ ཝ་ཀྑཱ་མ, ཨ་ཡཾ ཨ་མྷཱ་ཀཾ མཱ་ལུ་ཀྱ་པུ་ཏྟོ མ་ཧ་ལླ་ཀ་ཀཱ་ལེ་པི ཨ་ར་ཉྙཾ པ་ཝི་སི་ཏྭཱ ས་མ་ཎ་དྷ་མྨཾ ཀཱ་ཏུ་ཀཱ་མོ ཀ་མྨ་ཊྛཱ་ནཾ ཡཱ་ཙ་ཏི. ཏུ་མྷེ ཏཱ་ཝ ཏ་རུ་ཎ་ཀཱ་ལེ་པི ཝཱི་རི་ཡཾ ན ཀ་རོ་ཐཱ’’ཏི ཨི་མི་ནཱ ཨ་དྷི་པྤཱ་ཡེ་ན བྷ་ཎ་ནྟོ ཐེ་རཾ ཨུ་སྶཱ་དེ་ཏི ནཱ་མཱ་ཏི ཡོ་ཛ་ནཱ.

༥-༡༠. ཀུ་ལ་སུ་ཏྟཱ་དི་ཝ་ཎྞ་ནཱ

༢༥༨-༢༦༣. པ་ཉྩ་མེ ཨཱ་དྷི་པ་ཙྩེ ཋ་པེ་ནྟཱིཏི བྷ་ཎྜཱ་གཱ་རི་ཀ་ཊྛཱ་ནེ ཋ་པེ་ནྟི. ཚ་ཊྛེ ཝ་ཎྞ་ས་མྤ་ནྣོཏི ས་རཱི་ར་ཝ་ཎྞེ་ན ས་མ་ནྣཱ་ག་ཏོ. བ་ལ་ས་མྤ་ནྣོཏི ཀཱ་ཡ་བ་ལེ་ན ས་མ་ནྣཱ་ག་ཏོ. བྷི་ཀྑུ་ཝཱ་རེ ཝ་ཎྞ་ས་མྤ་ནྣོཏི གུ་ཎ་ཝ་ཎྞེ་ན ས་མ་ནྣཱ་ག་ཏོ. བ་ལ་ས་མྤ་ནྣོཏི ཝཱི་རི་ཡ་བ་ལེ་ན ས་མ་ནྣཱ་ག་ཏོ. ཛ་ཝ་ས་མྤ་ནྣོཏི ཉཱ་ཎ་ཛ་ཝེ་ན ས་མ་ནྣཱ་ག་ཏོ. ས་ཏྟ་མེ་པི ཨེ་སེ་ཝ ན་ཡོ. སེ་ས་མེ་ཏྠ ཨུ་ཏྟཱ་ན་མེ་ཝཱ་ཏི.

ཨ་བྷི་ཉྙཱ་ཝ་གྒོ ཚ་ཊྛོ.