(༢༡) ༡. ས་པྤུ་རི་ས་ཝ་གྒོ

༡-༦. སི་ཀྑཱ་པ་ད་སུ་ཏྟ་ཝ་ཎྞ་ནཱ

༢༠༡. པ་ཉྩ་མ་སྶ པ་ཋ་མེ ཨ་ས་པྤུ་རི་སནྟི ལཱ་མ་ཀ་པུ་རི་སཾ ཏུ་ཙྪ་པུ་རི་སཾ མཱུ་ལ༹ྷ་པུ་རི་སཾ ཨ་ཝི་ཛྫཱ་ཡ ཨ་ནྡྷཱི་ཀ་ཏཾ བཱ་ལཾ. ཨ་ས་པྤུ་རི་ས་ཏ་རནྟི ཨ་ཏི་རེ་ཀེ་ན ཨ་ས་པྤུ་རི་སཾ. ཨི་ཏ་རེ དྭེ ཝུ་ཏྟ་པ་ཊི་པ་ཀྑ་ཝ་སེ་ན ཝེ་དི་ཏ་བྦཱ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ཡ་ཐཱ ཙེ་ཏྠ, ཨེ་ཝཾ ཨི་ཏོ པ་རེ་སུ པ་ཉྩ་སུ. ཨེ་ཏེ་སུ ཧི པ་ཋ་མཾ པ་ཉྩ་ཝེ་ར་ཝ་སེ་ན དེ་སི་ཏཾ, དུ་ཏི་ཡཾ ཨ་སྶ་དྡྷ་མྨ་ཝ་སེ་ན, ཏ་ཏི་ཡཾ ཀཱ་ཡ་ཝ་ཙཱི་དྭཱ་ར་ཝ་སེ་ན, ཙ་ཏུ་ཏྠཾ མ་ནོ་དྭཱ་ར་ཝ་སེ་ན, པ་ཉྩ་མཾ ཨ་ཊྛ་མི་ཙྪ་ཏྟ་ཝ་སེ་ན, ཚ་ཊྛཾ ད་ས་མི་ཙྪ་ཏྟ་ཝ་སེ་ན.

༧-༡༠. པཱ་པ་དྷ་མྨ་སུ་ཏྟ་ཙ་ཏུ་ཀྐ་ཝ་ཎྞ་ནཱ

༢༠༧-༢༡༠. ས་ཏྟ་མེ པཱ་པནྟི ལཱ་མ་ཀཾ སཾ་ཀི་ལི་ཊྛ་པུ་གྒ་ལཾ. ཀ་ལྱཱ་ཎནྟི བྷ་དྡ་ཀཾ ཨ་ན་ཝ་ཛྫ་པུ་གྒ་ལཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ཨ་ཊྛ་མེ་པི ཨེ་སེ་ཝ ན་ཡོ. ན་ཝ་མེ པཱ་པ་དྷ་མྨནྟི ལཱ་མ་ཀ་དྷ་མྨཾ. ཀ་ལྱཱ་ཎ་དྷ་མྨནྟི ཨ་ན་ཝ་ཛྫ་དྷ་མྨཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ. ད་ས་མེ་པི ཨེ་སེ་ཝ ན་ཡོ. ཨི་མ་སྨིཾ ཝ་གྒེ ད་ས་སུ་པི སུ་ཏྟེ་སུ ཨ་གཱ་རི་ཡ་པྤ་ཊི་པ་དཱ ཀ་ཐི་ཏཱ. ས་ཙེ་པི སོ་ཏཱ་པ་ནྣ་ས་ཀ་དཱ་གཱ་མི་ནོ ཧོ་ནྟི, ཝ་ཊྚ་ཏི་ཡེ་ཝཱ་ཏི.

ས་པྤུ་རི་ས་ཝ་གྒོ པ་ཋ་མོ.