༤. ཨུ་ཊྛཱ་ན་ཕ་ལ་སུ་ཏྟ་ཝ་ཎྞ་ནཱ

༡༣༤. ཙ་ཏུ་ཏྠེ ཨུ་ཊྛཱ་ན་ཝཱི་རི་ཡེ་ནེ་ཝ དི་ཝ་སཾ ཝཱི་ཏི་ནཱ་མེ་ཏྭཱ ཏ་སྶ ནི་སྶ་ནྡ་ཕ་ལ་མ་ཏྟཾ ཀི་ཉྩི་དེ་ཝ ལ་བྷི་ཏྭཱ ཛཱི་ཝི་ཀཾ ཀ་པྤེ་ཏི, ཏཾ པ་ན ཨུ་ཊྛཱ་ནཾ ཨཱ་ག་མྨ ཀི་ཉྩི པུ་ཉྙ་ཕ་ལཾ ན་པྤ་ཊི་ལ་བྷ་ཏི, ཨ་ཡཾ ཨུ་ཊྛཱ་ན་ཕ་ལཱུ་པ་ཛཱི་ཝཱི ན ཀ་མྨ་ཕ་ལཱུ་པ་ཛཱི་ཝཱི ནཱ་མ. ཙཱ་ཏུ་མ་ཧཱ་རཱ་ཛི་ཀེ པ་ན དེ་ཝེ ཨཱ་དིཾ ཀ་ཏྭཱ ས་བྦེ་པི དེ་ཝཱ ཨུ་ཊྛཱ་ན་ཝཱི་རི་ཡེ་ན ཝི་ནཱ པུ་ཉྙ་ཕ་ལ་སྶེ་ཝ ཨུ་པ་ཛཱི་ཝ་ན་ཏོ ཀ་མྨ་ཕ་ལཱུ་པ་ཛཱི་ཝི་ནོ ན ཨུ་ཊྛཱ་ན་ཕ་ལཱུ་པ་ཛཱི་ཝི་ནོ ནཱ་མ. རཱ་ཛ་རཱ་ཛ་མ་ཧཱ་མ་ཏྟཱ་ད་ཡོ ཨུ་ཊྛཱ་ན་ཕ་ལཱུ་པ་ཛཱི་ཝི་ནོ ཙ ཀ་མྨ་ཕ་ལཱུ་པ་ཛཱི་ཝི་ནོ ཙ. ནེ་ར་ཡི་ཀ་ས་ཏྟཱ ནེ་ཝ ཨུ་ཊྛཱ་ན་ཕ་ལཱུ་པ་ཛཱི་ཝི་ནོ ན ཀ་མྨ་ཕ་ལཱུ་པ་ཛཱི་ཝི་ནོ. ཨི་མ་སྨིཾ སུ་ཏྟེ པུ་ཉྙ་ཕ་ལ་མེ་ཝ ཀ་མྨ་ཕ་ལ་ནྟི ཨ་དྷི་པྤེ་ཏཾ, ཏ་ཉྩ ཏེ་སཾ ན་ཏྠི.