༥. ཋཱ་ན་སུ་ཏྟ་ཝ་ཎྞ་ནཱ

༡༡༥. པ་ཉྩ་མེ ཋཱ་ནཱ་ནཱིཏི ཀཱ་ར་ཎཱ་ནི. ཨ་ན་ཏྠཱ་ཡ སཾ་ཝ་ཏྟ་ཏཱིཏི ཨ་ཧི་ཏཱ་ཡ ཨ་ཝ་ཌྜྷི་ཡཱ སཾ་ཝ་ཏྟ་ཏི. ཨེ་ཏྠ ཙ པ་ཋ་མཾ ཨོ་པཱ་ཏ་ཀྑ་ཎ་ན་མ་ཙྪ་བ་ནྡྷ་ན་ས་ནྡྷི་ཙྪེ་ད་ནཱ་དི་བྷེ་དཾ ས་དུ་ཀྑཾ ས་ཝི་གྷཱ་ཏཾ པཱ་པ་ཀ་མྨཾ ཝེ་དི་ཏ་བྦཾ, དུ་ཏི་ཡཾ ས་མ་ཛཱི་ཝི་ཀཱ་ནཾ གི་ཧཱི་ནཾ པུ་པྥ་ཙྪ་ཌྜ་ཀཱ་དི་ཀ་མྨཾ སུ་དྷཱ་ཀོ་ཊྚ་ན-གེ་ཧ་ཙྪཱ་ད་ན་ཨ་སུ་ཙི་ཊྛཱ་ན་ས་མྨ་ཛྫ་ནཱ་དི་ཀ་མྨ་ཉྩ ཝེ་དི་ཏ་བྦཾ, ཏ་ཏི་ཡཾ སུ་རཱ་པཱ་ན་ག་ནྡྷ་ཝི་ལེ་པ་ན་མཱ་ལཱ་པི་ལ༹་ནྡྷ་ནཱ་དི་ཀ་མྨ་ཉྩེ་ཝ ཨ་སྶཱ་ད་ཝ་སེ་ན པ་ཝ་ཏྟཾ པཱ་ཎཱ་ཏི་པཱ་ཏཱ་དི་ཀ་མྨ་ཉྩ ཝེ་དི་ཏ་བྦཾ, ཙ་ཏུ་ཏྠཾ དྷ་མྨ་སྶ་ཝ་ན་ཏྠཱ་ཡ ག་མ་ན་ཀཱ་ལེ སུ་དྡྷ་ཝ་ཏྠ་ཙྪཱ་ད་ན-མཱ་ལཱ་ག་ནྡྷཱ་དཱི་ནཾ ཨཱ་དཱ་ཡ ག་མ་ནཾ ཙེ་ཏི་ཡ་ཝ་ནྡ་ནཾ བོ་དྷི་ཝ་ནྡ་ནཾ མ་དྷུ་ར་དྷ་མྨ་ཀ་ཐཱ་ས་ཝ་ནཾ པ་ཉྩ་སཱི་ལ་ས་མཱ་དཱ་ན་ནྟི ཨེ་ཝ་མཱ་དཱི་སུ སོ་མ་ན་སྶ་ས་མྤ་ཡུ་ཏྟཾ ཀུ་ས་ལ་ཀ་མྨཾ ཝེ་དི་ཏ་བྦཾ. པུ་རི་ས་ཐཱ་མེཏི པུ་རི་ས་སྶ ཉཱ་ཎ་ཐཱ་མ་སྨིཾ. སེ་ས་དྭ་ཡེ་པི ཨེ་སེ་ཝ ན་ཡོ.