༥. ཚ་ཝཱ་ལཱ་ཏ་སུ་ཏྟ་ཝ་ཎྞ་ནཱ

༩༥. པ་ཉྩ་མེ ཚ་ཝཱ་ལཱ་ཏནྟི སུ་སཱ་ནེ ཨ་ལཱ་ཏཾ. མ་ཛ྄ཛྷེ གཱུ་ཐ་ག་ཏནྟི མ་ཛ྄ཛྷ་ཊྛཱ་ནེ གཱུ་ཐ་མ་ཀྑི་ཏཾ. ནེ་ཝ གཱ་མེ ཀ་ཊྛ་ཏྠཾ ཕ་ར་ཏཱིཏི ཀཱུ་ཊ་གོ་པཱ་ན་སི་ཐ་མྦྷ་སོ་པཱ་ནཱ་དཱི་ནཾ ཨ་ཏྠཱ་ཡ ཨ་ནུ་པ་ནེ་ཡྻ་ཏཱ་ཡ གཱ་མེ ན ཀ་ཊྛ་ཏྠཾ སཱ་དྷེ་ཏི, ཁེ་ཏྟ་ཀུ་ཊི་པཱ་དཾ ཝཱ མ་ཉྩ་པཱ་དཾ ཝཱ ཀཱ་ཏུཾ ཨ་ནུ་པ་ནེ་ཡྻ་ཏཱ་ཡ ན ཨ་ར་ཉྙེ ཀ་ཊྛ་ཏྠཾ སཱ་དྷེ་ཏི. དྭཱི་སུ ཀོ་ཊཱི་སུ ག་ཡ྄ཧ་མཱ་ནཾ ཧ་ཏྠཾ ཌ་ཧ་ཏི, མ་ཛ྄ཛྷེ ག་ཡ྄ཧ་མཱ་ནཾ གཱུ་ཐེ་ན མ་ཀྑེ་ཏི. ཏ་ཐཱུ་པ་མནྟི ཏཾ་ས་རི་ཀྑ་ཀཾ. ཨ་བྷི་ཀྐ་ནྟ་ཏ་རོཏི སུ་ནྡ་ར་ཏ་རོ. པ་ཎཱི་ཏ་ཏ་རོཏི ཨུ་ཏྟ་མ་ཏ་རོ. ག་ཝཱ ཁཱི་རནྟི གཱ་ཝི་ཏོ ཁཱི་རཾ. ཁཱི་ར་མྷཱ ད་དྷཱིཏི་ཨཱ་དཱི་སུ པ་རཾ པ་རཾ པུ་རི་མ་ཏོ པུ་རི་མ་ཏོ ཨ་གྒཾ, ས་པྤི་མ་ཎྜོ པ་ན ཏེ་སུ ས་བྦེ་སུ་པི ཨ་གྒ་མེ་ཝ. ཨ་གྒོཏི་ཨཱ་དཱི་སུ གུ་ཎེ་ཧི ཨ་གྒོ ཙེ་ཝ སེ་ཊྛོ ཙ པ་མུ་ཁོ ཙ ཨུ་ཏྟ་མོ ཙ པ་ཝ་རོ ཙཱ་ཏི ཝེ་དི་ཏ་བྦོ. ཚ་ཝཱ་ལཱ་ཏཱུ་པ་མཱ་ཡ ན དུ་སྶཱི་ལོ པུ་གྒ་ལོ ཀ་ཐི་ཏོ, ཨ་པྤ་སྶུ་ཏོ པ་ན ཝི་སྶ་ཊྛ་ཀ་མྨ་ནྟོ གོ་ཎ་ས་དི་སོ པུ་གྒ་ལོ ཀ་ཐི་ཏོ་ཏི ཝེ་དི་ཏ་བྦོ. ཚ་ཊྛེ ས་བྦཾ ཨུ་ཏྟཱ་ན་ཏྠ་མེ་ཝ.