༩. ཝ་ཎི་ཛྫ་སུ་ཏྟ་ཝ་ཎྞ་ནཱ

༧༩. ན་ཝ་མེ ཏཱ་དི་སཱ ཝཱཏི ཏཾ་ས་དི་སཱ་ཝ ཏཾ་ས་རི་ཀྑ་ཀཱ་ཝ. ཚེ་ད་གཱ་མི་ནཱི ཧོ་ཏཱིཏི ཚེ་དཾ ག་ཙྪ་ཏི. ཡཾ པ་ཏྠི་ཏཾ, ཏཾ ས་བྦཾ ན་སྶ་ཏཱི་ཏི ཨ་ཏྠོ. ན ཡ་ཐཱ་དྷི་པྤཱ་ཡཱ ཧོ་ཏཱིཏི ཡ་ཐཱ་ཛ྄ཛྷཱ་ས་ཡཱ ན ཧོ་ཏི. པ་རཱ་དྷི་པྤཱ་ཡཱ ཧོ་ཏཱིཏི པ་ར་ཛ྄ཛྷཱ་ས་ཡཱ ཨ་ཛ྄ཛྷཱ་ས་ཡ་ཏོ ཨ་དྷི་ཀ་ཏ་ར་ཕ་ལཱ ཧོ་ཏི. ས་མ་ཎཾ ཝཱ བྲཱ་ཧྨ་ཎཾ ཝཱཏི ཨེ་ཏྠ ས་མི་ཏ་པཱ་པ་བཱ་ཧི་ཏ་པཱ་པ་ཏཱ་ཧི ས་མ་ཎ་བྲཱ་ཧྨ་ཎ་ཏཱ ཝེ་དི་ཏ་བྦཱ. ཝ་ད་ཏུ, བྷ་ནྟེ, པ་ཙྩ་ཡེ་ནཱཏི, བྷ་ནྟེ, ཙ་ཏུ་བྦི་དྷེ་ན ཙཱི་ཝ་རཱ་དི་ནཱ པ་ཙྩ་ཡེ་ན ཝ་དེ་ཡྻཱ་སཱི་ཏི ཨེ་ཝཾ པ་ཝཱ་རེ་ཏི ནི་མ་ནྟེ་ཏི. ཡེ་ན པ་ཝཱ་རེ་ཏཱིཏི པ་རི་ཙྪི་ནྡི་ཏྭཱ ཡ་ཏྟ་ཀེ་ན པ་ཝཱ་རེ་ཏི. ཏཾ ན དེ་ཏཱིཏི ཏཾ ས་བྦ་སོ་ཝ ན དེ་ཏི. ན ཡ་ཐཱ་དྷི་པྤཱ་ཡཾ དེ་ཏཱིཏི ཡ་ཐཱ ཏ་སྶ ཨ་ཛ྄ཛྷཱ་ས་ཡོ, ཨེ་ཝཾ དཱ་ཏུཾ ན ས་ཀྐོ་ཏི, ཧཱ་པེ་ཏྭཱ ཨ་པྤ་ཀཾ དེ་ཏི. ཡ་ཐཱ་དྷི་པྤཱ་ཡཾ དེ་ཏཱིཏི ཡ་ཏྟ་ཀཾ སོ ཨི་ཙྪ་ཏི, ཏ་ཏྟ་ཀ་མེ་ཝ དེ་ཏི. པ་རཱ་དྷི་པྤཱ་ཡཾ དེ་ཏཱིཏི ཨ་པྤ་ཀཾ པ་ཝཱ་རེ་ཏྭཱ ཨ་ཝ་ཏྠ་རི་ཏྭཱ བ་ཧུཾ དེ་ཏི.