༧. ཨ་ཙི་ནྟེ་ཡྻ་སུ་ཏྟ་ཝ་ཎྞ་ནཱ

༧༧. ས་ཏྟ་མེ ཨ་ཙི་ནྟེ་ཡྻཱ་ནཱིཏི ཙི་ནྟེ་ཏུཾ ཨ་ཡུ་ཏྟཱ་ནི. ན ཙི་ནྟེ་ཏ་བྦཱ་ནཱིཏི ཨ་ཙི་ནྟེ་ཡྻ་ཏྟཱ་ཡེ་ཝ ན ཙི་ནྟེ་ཏ་བྦཱ་ནི. ཡཱ་ནི ཙི་ནྟེ་ནྟོཏི ཡཱ་ནི ཀཱ་ར་ཎཱ་ནི ཙི་ནྟེ་ནྟོ. ཨུ་མྨཱ་ད་སྶཱཏི ཨུ་མྨ་ཏྟ་ཀ་བྷཱ་ཝ་སྶ. ཝི་གྷཱ་ཏ་སྶཱཏི དུ་ཀྑ་སྶ. བུ་དྡྷ་ཝི་ས་ཡོཏི བུ་དྡྷཱ་ནཾ ཝི་ས་ཡོ, ས་བྦ་ཉྙུ་ཏ་ཉྙཱ་ཎཱ་དཱི་ནཾ བུ་དྡྷ་གུ་ཎཱ་ནཾ པ་ཝ་ཏྟི ཙ ཨཱ་ནུ་བྷཱ་ཝོ ཙ. ཛྷཱ་ན་ཝི་ས་ཡོཏི ཨ་བྷི་ཉྙཱ་ཛྷཱ་ན་ཝི་ས་ཡོ. ཀ་མྨ་ཝི་པཱ་ཀོཏི དི་ཊྛ་དྷ་མྨ་ཝེ་ད་ནཱི་ཡཱ་དཱི་ནཾ ཀ་མྨཱ་ནཾ ཝི་པཱ་ཀོ. ལོ་ཀ་ཙི་ནྟཱཏི ‘‘ཀེ་ན ནུ ཁོ ཙ་ནྡི་མ་སཱུ་རི་ཡཱ ཀ་ཏཱ, ཀེ་ན མ་ཧཱ་པ་ཐ་ཝཱི, ཀེ་ན མ་ཧཱ་ས་མུ་དྡོ, ཀེ་ན ས་ཏྟཱ ཨུ་པྤཱ་དི་ཏཱ, ཀེ་ན པ་བྦ་ཏཱ, ཀེ་ན ཨ་མྦ་ཏཱ་ལ་ནཱ་ལི༹་ཀེ་རཱ་ད་ཡོ’’ཏི ཨེ་ཝ་རཱུ་པཱ ལོ་ཀ་ཙི་ནྟཱ.