༨. དེ་ཝ་ད་ཏྟ་སུ་ཏྟ་ཝ་ཎྞ་ནཱ

༦༨. ཨ་ཊྛ་མེ ཨ་ཙི་ར་པ་ཀྐ་ནྟེ དེ་ཝ་ད་ཏྟེཏི ས་ངྒྷཾ བྷི་ནྡི་ཏྭཱ ན་ཙི་ར་པ་ཀྐ་ནྟེ. པ་རཱ་བྷ་ཝཱ་ཡཱཏི ཨ་ཝ་ཌྜྷི་ཡཱ ཝི་ནཱ་སཱ་ཡ. ཨ་སྶ་ཏ་རཱིཏི ཝ་ལ༹་ཝཱ་ཡ ཀུ་ཙྪི་སྨིཾ ག་དྲ་བྷ་སྶ ཛཱ་ཏཱ. ཨ་ཏྟ་ཝ་དྷཱ་ཡ ག་བྦྷཾ ག་ཎྷཱ་ཏཱིཏི ཏཾ ཨ་སྶེ་ན ས་དྡྷིཾ ས་མྤ་ཡོ་ཛེ་ནྟི, སཱ ག་བྦྷཾ ག་ཎྷི་ཏྭཱ ཀཱ་ལེ ས་མྤ་ཏྟེ ཝི་ཛཱ་ཡི་ཏུཾ ན་ས་ཀྐོ་ནྟཱི པཱ་དེ་ཧི བྷཱུ་མིཾ པ་ཧ་ར་ནྟཱི ཏི་ཊྛ་ཏི. ཨ་ཐ་སྶཱ ཙ་ཏྟཱ་རོ པཱ་དེ ཙ་ཏཱུ་སུ ཁཱ་ཎཱུ་སུ བ་ནྡྷི་ཏྭཱ ཀུ་ཙྪིཾ ཕཱ་ལེ་ཏྭཱ པོ་ཏ་ཀཾ ནཱི་ཧ་ར་ནྟི. སཱ ཏ་ཏྠེ་ཝ མ་ར་ཏི. ཏེ་ནེ་ཏཾ ཝུ་ཏྟཾ.