༢. ཨཱ་ན་ཎྱ་སུ་ཏྟ་ཝ་ཎྞ་ནཱ

༦༢. དུ་ཏི་ཡེ ཨ་དྷི་ག་མ་ནཱི་ཡཱ་ནཱིཏི པ་ཏྟ་བྦཱ་ནི. ཀཱ་མ་བྷོ་གི་ནཱཏི ཝ་ཏྠུ་ཀཱ་མེ ཙ ཀི་ལེ་ས་ཀཱ་མེ ཙ པ་རི་བྷུ་ཉྫ་ནྟེ་ན. ཨ་ཏྠི་སུ་ཁཱདཱི་སུ ཨ་ཏྠཱི་ཏི ཨུ་པྤ་ཛྫ་ན་ཀ་སུ་ཁཾ ཨ་ཏྠི་སུ་ཁཾ ནཱ་མ. བྷོ་གེ པ་རི་བྷུ་ཉྫ་ནྟ་སྶ ཨུ་པྤ་ཛྫ་ན་ཀ་སུ་ཁཾ བྷོ་ག་སུ་ཁཾ ནཱ་མ. ཨ་ན་ཎོ་སྨཱི་ཏི ཨུ་པྤ་ཛྫ་ན་ཀ་སུ་ཁཾ ཨཱ་ན་ཎྱ་སུ་ཁཾ ནཱ་མ. ནི་དྡོ་སོ ཨ་ན་ཝ་ཛྫོ་སྨཱི་ཏི ཨུ་པྤ་ཛྫ་ན་ཀ་སུ་ཁཾ ཨ་ན་ཝ་ཛྫ་སུ་ཁཾ ནཱ་མ.

བྷུ་ཉྫནྟི བྷུ་ཉྫ་མཱ་ནོ. པ་ཉྙཱ ཝི་པ་སྶ་ཏཱིཏི པ་ཉྙཱ་ཡ ཝི་པ་སྶ་ཏི. ཨུ་བྷོ བྷཱ་གེཏི དྭེ ཀོ་ཊྛཱ་སེ, ཧེ་ཊྛི་མཱ་ནི ཏཱི་ཎི ཨེ་ཀཾ ཀོ་ཊྛཱ་སཾ, ཨ་ན་ཝ་ཛྫ་སུ་ཁཾ ཨེ་ཀཾ ཀོ་ཊྛཱ་ས་ནྟི ཨེ་ཝཾ པ་ཉྙཱ་ཡ པ་སྶ་མཱ་ནོ དྭེ ཀོ་ཊྛཱ་སེ ཛཱ་ནཱ་ཏཱི་ཏི ཨ་ཏྠོ. ཨ་ན་ཝ་ཛྫ་སུ་ཁ་སྶེ་ཏནྟི ཨེ་ཏཾ ཏི་ཝི་དྷ་མྤི སུ་ཁཾ ཨ་ན་ཝ་ཛྫ་སུ་ཁ་སྶ སོ་ལ༹་སིཾ ཀ་ལཾ ནཱ་གྒྷ་ཏཱི་ཏི.