༦. སོ་ཁུ་མྨ་སུ་ཏྟ་ཝ་ཎྞ་ནཱ

༡༦. ཚ་ཊྛེ སོ་ཁུ་མྨཱ་ནཱིཏི སུ་ཁུ་མ་ལ་ཀྑ་ཎ་པ་ཊི་ཝི་ཛ྄ཛྷ་ན་ཀཱ་ནི ཉཱ་ཎཱ་ནི. རཱུ་པ་སོ་ཁུ་མྨེ་ན ས་མ་ནྣཱ་ག་ཏོ ཧོ་ཏཱིཏི རཱུ་པེ ས་ཎྷ་སུ་ཁུ་མ་ལ་ཀྑ་ཎ་པ་རི་གྒཱ་ཧ་ཀེ་ན ཉཱ་ཎེ་ན ས་མ་ནྣཱ་ག་ཏོ ཧོ་ཏི. པ་ར་མེ་ནཱཏི ཨུ་ཏྟ་མེ་ན. ཏེ་ན ཙ རཱུ་པ་སོ་ཁུ་མྨེ་ནཱཏི ཏེ་ན ཡཱ་ཝ ཨ་ནུ་ལོ་མ་བྷཱ་ཝཾ པ་ཏྟེ་ན སུ་ཁུ་མ་ལ་ཀྑ་ཎ་པ་རི་གྒཱ་ཧ་ཀ་ཉཱ་ཎེ་ན. ན ས་མ་ནུ་པ་སྶ་ཏཱིཏི ན་ཏྠི་བྷཱ་ཝེ་ནེ་ཝ ན པ་སྶ་ཏི. ན པ་ཏྠེ་ཏཱིཏི ན་ཏྠི་བྷཱ་ཝེ་ནེ་ཝ ན པ་ཏྠེ་ཏི. ཝེ་ད་ནཱ་སོ་ཁུ་མྨཱདཱི་སུ་པི ཨེ་སེ་ཝ ན་ཡོ.

རཱུ་པ་སོ་ཁུ་མྨ་ཏཾ ཉ་ཏྭཱཏི རཱུ་པ་ཀྑ་ནྡྷ་སྶ ས་ཎྷ་སུ་ཁུ་མ་ལ་ཀྑ་ཎ་པ་རི་གྒཱ་ཧ་ཀེ་ན ཉཱ་ཎེ་ན སུ་ཁུ་མ་ཏཾ ཛཱ་ནི་ཏྭཱ. ཝེ་ད་ནཱ་ན་ཉྩ ས་མྦྷ་ཝནྟི ཝེ་ད་ནཱ་ཀྑ་ནྡྷ་སྶ ཙ པ་བྷ་ཝཾ ཛཱ་ནི་ཏྭཱ. ས་ཉྙཱ ཡ་ཏོ ས་མུ་དེ་ཏཱིཏི ཡ་སྨཱ ཀཱ་ར་ཎཱ ས་ཉྙཱ་ཀྑ་ནྡྷོ ས་མུ་དེ་ཏི ནི་བྦ་ཏྟ་ཏི, ཏ་ཉྩ ཛཱ་ནི་ཏྭཱ. ཨ་ཏྠཾ ག་ཙྪ་ཏི ཡ་ཏྠ ཙཱཏི ཡ་སྨིཾ ཋཱ་ནེ ནི་རུ་ཛ྄ཛྷ་ཏི, ཏ་ཉྩ ཛཱ་ནི་ཏྭཱ. ས་ངྑཱ་རེ པ་ར་ཏོ ཉ་ཏྭཱཏི ས་ངྑཱ་ར་ཀྑ་ནྡྷཾ ཨ་ནི་ཙྩ་ཏཱ་ཡ ལུ་ཛྫ་ན་བྷཱ་ཝེ་ན པ་ར་ཏོ ཛཱ་ནི་ཏྭཱ. ཨི་མི་ནཱ ཧི པ་དེ་ན ཨ་ནི་ཙྩཱ་ནུ་པ་སྶ་ནཱ ཀ་ཐི་ཏཱ. དུ་ཀྑ་ཏོ ནོ ཙ ཨ་ཏྟ་ཏོཏི ཨི་མི་ནཱ དུ་ཀྑཱ་ན་ཏྟཱ་ནུ་པ་སྶ་ནཱ. ས་ནྟོཏི ཀི་ལེ་ས་ས་ནྟ་ཏཱ་ཡ ས་ནྟོ. ས་ནྟི་པ་དེ ར་ཏོཏི ནི་བྦཱ་ནེ ར་ཏོ. ཨི་ཏི སུ་ཏྟ་ནྟེ ཙ་ཏཱུ་སུ ཋཱ་ནེ་སུ ཝི་པ་སྶ་ནཱ་ཝ ཀ་ཐི་ཏཱ, གཱ་ཐཱ་སུ ལོ་ཀུ་ཏྟ་ར་དྷ་མྨོ་པཱི་ཏི.