༣. པ་དྷཱ་ན་སུ་ཏྟ་ཝ་ཎྞ་ནཱ

༡༣. ཏ་ཏི་ཡེ ས་མྨ་པྤ་དྷཱ་ནཱ་ནཱིཏི སུ་ནྡ་ར་པ་དྷཱ་ནཱ་ནི ཨུ་ཏྟ་མ་ཝཱི་རི་ཡཱ་ནི. ས་མྨ་པྤ་དྷཱ་ནཱཏི པ་རི་པུ་ཎྞ་ཝཱི་རི་ཡཱ. མཱ་ར་དྷེ་ཡྻཱ་བྷི་བྷཱུ་ཏཱཏི ཏེ་བྷཱུ་མ་ཀ་ཝ་ཊྚ་ས་ངྑཱ་ཏཾ མཱ་ར་དྷེ་ཡྻཾ ཨ་བྷི་བྷ་ཝི་ཏྭཱ ས་མ་ཏི་ཀྐ་མི་ཏྭཱ ཋི་ཏཱ. ཏེ ཨ་སི་ཏཱཏི ཏེ ཁཱི་ཎཱ་ས་ཝཱ ཨ་ནི་སྶི་ཏཱ ནཱ་མ. ཛཱ་ཏི་མ་ར་ཎ་བྷ་ཡ་སྶཱཏི ཛཱ་ཏི་ཉྩ མ་ར་ཎ་ཉྩ པ་ཊི་ཙྩ ཨུ་པྤ་ཛྫ་ན་ཀ་བྷ་ཡ་སྶ, ཛཱ་ཏི་མ་ར་ཎ་ས་ངྑཱ་ཏ་སྶེ་ཝ ཝཱ བྷ་ཡ་སྶ. པཱ་ར་གཱུཏི པཱ་ར་ངྒ་ཏཱ. ཏེ ཏུ་སི་ཏཱཏི ཏེ ཁཱི་ཎཱ་ས་ཝཱ ཏུ་ཊྛཱ ནཱ་མ. ཛེ་ཏྭཱ མཱ་རཾ ས་ཝཱ་ཧི་ནིནྟི ས་སེ་ན་ཀཾ མཱ་རཾ ཛི་ནི་ཏྭཱ ཋི་ཏཱ. ཏེ ཨ་ནེ་ཛཱཏི ཏེ ཁཱི་ཎཱ་ས་ཝཱ ཏ་ཎྷཱ་ས་ངྑཱ་ཏཱ་ཡ ཨེ་ཛཱ་ཡ ཨ་ནེ་ཛཱ ནི་ཙྩ་ལཱ ནཱ་མ. ན་མུ་ཙི་བ་ལནྟི མཱ་ར་བ་ལཾ. ཨུ་པཱ་ཏི་ཝ་ཏྟཱཏི ཨ་ཏི་ཀྐ་ནྟཱ. ཏེ སུ་ཁི་ཏཱཏི ཏེ ཁཱི་ཎཱ་ས་ཝཱ ལོ་ཀུ་ཏྟ་ར་སུ་ཁེ་ན སུ་ཁི་ཏཱ ནཱ་མ. ཏེ་ནེ་ཝཱ་ཧ –

‘‘སུ་ཁི་ཏཱ ཝ་ཏ ཨ་ར་ཧ་ནྟོ, ཏ་ཎྷཱ ནེ་སཾ ན ཝི་ཛྫ་ཏི;

ཨ་སྨི་མཱ་ནོ ས་མུ་ཙྪི་ནྣོ, མོ་ཧ་ཛཱ་ལཾ པ་དཱ་ལི་ཏ’’ནྟི. (སཾ. ནི. ༣.༧༦);