༤. ཝ་ཛྫི་ཡ་མཱ་ཧི་ཏ་སུ་ཏྟ་ཝ་ཎྞ་ནཱ

༩༤. ཙ་ཏུ་ཏྠེ ཝ་ཛྫི་ཡ་མཱ་ཧི་ཏོཏི ཨེ་ཝཾ་ནཱ་མ་ཀོ. ས་བྦཾ ཏ་པནྟི ས་བྦ་མེ་ཝ དུ་ཀྐ་ར་ཀཱ་རི་ཀཾ. ས་བྦཾ ཏ་པ་སྶིནྟི ས་བྦཾ ཏ་པ་ནི་སྶི་ཏ་ཀཾ. ལཱུ་ཁཱ་ཛཱི་ཝིནྟི དུ་ཀྐ་ར་ཀཱ་རི་ཀ་ཛཱི་ཝི་ཀཱ་ནུ་ཡོ་གཾ ཨ་ནུ་ཡུ་ཏྟཾ. གཱ་ར་ཡ྄ཧནྟི ག་ར་ཧི་ཏ་བྦ་ཡུ་ཏྟ་ཀཾ. པ་སཾ་སི་ཡནྟི པ་སཾ་སི་ཏ་བྦ་ཡུ་ཏྟ་ཀཾ. ཝེ་ན་ཡི་ཀོཏི ས་ཡཾ ཨ་ཝི་ནཱི་ཏོ ཨ་ཉྙེ་ཧི ཝི་ནེ་ཏ་བྦོ. ཨ་པ་ཉྙ་ཏྟི་ཀོཏི ན ཀི་ཉྩི པ་ཉྙཱ་པེ་ཏུཾ ས་ཀྐོ་ཏི. ཨ་ཐ ཝཱ ཝེ་ན་ཡི་ཀོཏི ས་ཏྟ་ཝི་ནཱ་ས་ཀོ. ཨ་པ་ཉྙ་ཏྟི་ཀོཏི ཨ་པ་ཙྩ་ཀྑཾ ནི་བྦཱ་ནཾ པ་ཉྙཱ་པེ་ཏི, ས་ཡཾ་ཀ་ཏཱ་དཱི་སུ ཀི་ཉྩི པ་ཉྙཱ་པེ་ཏུཾ ན ས་ཀྐོ་ཏི. ན སོ བྷ་ག་ཝཱ ཝེ་ན་ཡི་ཀོཏི སོ བྷ་ག་ཝཱ ཨེ་ཝཾ ཡཱ་ཐཱ་ཝ་ཏོ ཉ་ཏྭཱ ཀུ་ས་ལཱ་ཀུ་ས་ལཾ པ་ཉྙཱ་པེ་ནྟོ ན ཨ་ཉྙེ་ན ཝི་ནེ་ཏ་བྦོ ན ཨ་ཉྙ་སི་ཀྑི་ཏོ. ཡེ ཙ དྷ་མྨེ ཨུ་པཱ་དཱ་ཡ ས་ཏྟོ པ་ཉྙཱ་པི་ཡ་ཏི, ཏེ་སཾ པ་ཉྙཱ་པ་ན་ཏོ ན ས་ཏྟ་ཝི་ནཱ་ས་ཀོ, སུ་ཝི་ནཱི་ཏོ སུ་སི་ཀྑི་ཏོ ས་ཏྟ་ཝི་ནཱ་ཡ་ཀོ་ཏི ཨ་ཏྠོ. ཏ་སྶ ཙ པ་ཉྙ་ཏྟི་ཡོ ས་པ་ཉྙ་ཏྟི་ཡོ་ཡེ་ཝཱ་ཏི ད་སྶེ་ཏི. ཝི་མུ་ཏྟིཾ ཝི་མུ་ཙྩ་ཏོ ཨ་ཀུ་ས་ལཱ དྷ་མྨཱཏི མི་ཙྪཱ་དི་ཊྛི་ས་ངྑཱ་ཏཾ ཙི་ཏྟ་སྶ ཨ་དྷི་མུ་ཏྟིཾ ཨ་དྷི་མུ་ཙྩ་ཏོ ཨ་ཀུ་ས་ལཱ དྷ་མྨཱ ཝ་ཌྜྷ་ནྟི ནཱ་མ, ཏཾ ས་ནྡྷཱ་ཡེ་ཏཾ ཝུ་ཏྟཾ. སཱ་ས་ནེ པ་ན ཙི་ཏྟ་སྶ ཝི་མུ་ཏྟི་ས་ངྑཱ་ཏོ ཝི་མུ་ཏྟི ཀུ་ས་ལཱ་ནཾ་ཡེ་ཝ པ་ཙྩ་ཡོ ཧོ་ཏི.