༡-༢. ཀཱ་མ་བྷོ་གཱི་སུ་ཏྟཱ་དི་ཝ་ཎྞ་ནཱ

༩༡-༩༢. པ་ཉྩ་མ་སྶ པ་ཋ་མེ སཱ་ཧ་སེ་ནཱཏི སཱ་ཧ་སི་ཡ་ཀ་མྨེ་ན. དུ་ཏི་ཡེ བྷ་ཡཱ་ནཱིཏི ཙི་ཏྟུ་ཏྲཱ་ས་བྷ་ཡཱ་ནི. ཝེ་རཱ་ནཱིཏི ཨ་ཀུ་ས་ལ་ཝེ་ར་པུ་གྒ་ལ་ཝེ་རཱ་ནི. ཨ་རི་ཡོ ཙ་སྶ ཉཱ་ཡོཏི ས་ཧ ཝི་པ་སྶ་ནཱ་ཡ མ་གྒོ. ཨི་ཏི ཨི་མ་སྨིཾ ས་ཏི ཨི་དཾ ཧོ་ཏཱིཏི ཨེ་ཝཾ ཨི་མ་སྨིཾ ཨ་ཝི་ཛྫཱ་དི་ཀེ ཀཱ་ར་ཎེ ས་ཏི ཨི་དཾ ས་ངྑཱ་རཱ་དི་ཀཾ ཕ་ལཾ ཧོ་ཏི. ཨི་མ་སྶུ་པྤཱ་དཱ ཨི་དཾ ཨུ་པྤ་ཛྫ་ཏཱིཏི ཡོ ཡ་སྶ ས་ཧ་ཛཱ་ཏ་པ་ཙྩ་ཡོ ཧོ་ཏི, ཏ་སྶ ཨུ་པྤཱ་དཱ ཨི་ཏ་རཾ ཨུ་པྤ་ཛྫ་ཏི ནཱ་མ. ཨི་མ་སྨིཾ ཨ་ས་ཏཱིཏི ཨ་ཝི་ཛྫཱ་དི་ཀེ ཀཱ་ར་ཎེ ཨ་ས་ཏི ས་ངྑཱ་རཱ་དི་ཀཾ ཕ་ལཾ ན ཧོ་ཏི. ཨི་མ་སྶ ནི་རོ་དྷཱཏི ཀཱ་ར་ཎ་སྶ ཨ་པྤ་ཝ་ཏྟི་ཡཱ ཕ་ལ་སྶ ཨ་པྤ་ཝ་ཏྟི ཧོ་ཏི.