༩. པ་བྦ་ཛྫཱ་སུ་ཏྟ་ཝ་ཎྞ་ནཱ

༥༩. ན་ཝ་མེ ཏ་སྨཱཏི ཡ་སྨཱ ཨེ་ཝཾ ཨ་པ་རི་ཙི་ཏ་ཙི་ཏྟ་སྶ སཱ་མ་ཉྙ་ཏྠོ ན ས་མྤ་ཛྫ་ཏི, ཏ་སྨཱ. ཡ་ཐཱ་པ་བྦ་ཛྫཱ་པ་རི་ཙི་ཏ་ཉྩ ནོ ཙི་ཏྟཾ བྷ་ཝི་སྶ་ཏཱིཏི ཡ་ཐཱ པ་བྦ་ཛྫཱ་ནུ་རཱུ་པེ་ན པ་རི་ཙི་ཏཾ. ཡེ ཧི ཀེ་ཙི པ་བྦ་ཛ་ནྟི ནཱ་མ, ས་བྦེ ཏེ ཨ་ར་ཧ་ཏྟཾ པ་ཏྠེ་ཏྭཱ. ཏ་སྨཱ ཡཾ ཙི་ཏྟཾ ཨ་ར་ཧ་ཏྟཱ་དྷི་ག་མ་ཏྠཱ་ཡ པ་རི་ཙི་ཏཾ ཝ་ཌྜྷི་ཏཾ, ཏཾ ཡ་ཐཱ་པ་བྦ་ཛྫཱ་པ་རི་ཙི་ཏཾ ནཱ་མཱ་ཏི ཝེ་དི་ཏ་བྦཾ. ཨེ་ཝ་རཱུ་པཾ པ་ན ཙི་ཏྟཾ བྷ་ཝི་སྶ་ཏཱི་ཏི སི་ཀྑི་ཏ་བྦཾ. ལོ་ཀ་སྶ ས་མ་ཉྩ ཝི་ས་མ་ཉྩཱཏི ས་ཏྟ་ལོ་ཀ་སྶ སུ་ཙ་རི་ཏ་དུ་ཙྩ་རི་ཏཱ་ནི. ལོ་ཀ་སྶ བྷ་ཝ་ཉྩ ཝི་བྷ་ཝ་ཉྩཱཏི ཏ་སྶ ཝ་ཌྜྷི་ཉྩ ཝི་ནཱ་ས་ཉྩ, ཏ་ཐཱ ས་མྤ་ཏྟི་ཉྩ ཝི་པ་ཏྟི་ཉྩ. ལོ་ཀ་སྶ ས་མུ་ད་ཡ་ཉྩ ཨ་ཏྠ་ངྒ་མ་ཉྩཱཏི པ་ན ས་ངྑཱ་ར་ལོ་ཀཾ ས་ནྡྷཱ་ཡ ཝུ་ཏྟཾ, ཁ་ནྡྷཱ་ནཾ ནི་བྦ་ཏྟི་ཉྩ བྷེ་ད་ཉྩཱ་ཏི ཨ་ཏྠོ.