༣. ཨུ་བྦཱ་ཧི་ཀཱ་སུ་ཏྟ་ཝ་ཎྞ་ནཱ

༣༣. ཏ་ཏི་ཡེ ཨུ་བྦཱ་ཧི་ཀཱ་ཡཱཏི ས་མྤ་ཏྟ་ཨ་དྷི་ཀ་ར་ཎཾ ཝཱུ་པ་ས་མེ་ཏུཾ ས་ངྒྷ་ཏོ ཨུ་བྦཱ་ཧི་ཏྭཱ ཨུ་དྡྷ་རི་ཏྭཱ ག་ཧ་ཎ་ཏྠཱ་ཡ. ཝི་ན་ཡེ ཁོ པ་ན ཋི་ཏོ ཧོ་ཏཱིཏི ཝི་ན་ཡ་ལ་ཀྑ་ཎེ པ་ཏི་ཊྛི་ཏོ ཧོ་ཏི. ཨ་སཾ་ཧཱི་རོཏི ན ཨ་ཉྙ་སྶ ཝ་ཙ་ན་མ་ཏྟེ་ནེ་ཝ ཨ་ཏྟ་ནོ ལ་དྡྷིཾ ཝི་སྶ་ཛྫེ་ཏི. པ་ཊི་བ་ལོཏི ཀཱ་ཡ་བ་ལེ་ན་པི ཉཱ་ཎ་བ་ལེ་ན་པི ས་མ་ནྣཱ་ག་ཏོ. ས་ཉྙཱ་པེ་ཏུནྟི ཛཱ་ནཱ་པེ་ཏུཾ. པ་ཉྙཱ་པེ་ཏུནྟི ས་མྤ་ཛཱ་ནཱ་པེ་ཏུཾ. ནི་ཛ྄ཛྷཱ་པེ་ཏུནྟི ཨོ་ལོ་ཀཱ་པེ་ཏུཾ. པེ་ཀྑ་ཏུནྟི པ་སྶཱ་པེ་ཏུཾ. པ་སཱ་དེ་ཏུནྟི ས་ཉྫཱ་ཏ་པ་སཱ་དཾ ཀཱ་ཏུཾ. ཨ་དྷི་ཀ་ར་ཎནྟི ཝི་ཝཱ་དཱ་དྷི་ཀ་ར་ཎཱ་དི་ཙ་ཏུ་བྦི་དྷཾ. ཨ་དྷི་ཀ་ར་ཎ་ས་མུ་ད་ཡནྟི ཝི་ཝཱ་ད་མཱུ་ལཱ་དི་ཀཾ ཨ་དྷི་ཀ་ར་ཎ་ཀཱ་ར་ཀཾ. ཨ་དྷི་ཀ་ར་ཎ་ནི་རོ་དྷནྟི ཨ་དྷི་ཀ་ར་ཎཱ་ནཾ ཝཱུ་པ་ས་མཾ. ཨ་དྷི་ཀ་ར་ཎ་ནི་རོ་དྷ་གཱ་མི་ནིཾ པ་ཊི་པ་དནྟི ས་ཏྟ་ཝི་དྷ་ཨ་དྷི་ཀ་ར་ཎ་ས་མ་ཐཾ.