༨. དུ་ཏི་ཡ་མ་ཧཱ་པ་ཉྷ་སུ་ཏྟ་ཝ་ཎྞ་ནཱ

༢༨. ཨ་ཊྛ་མེ ཀ་ཛ་ངྒ་ལཱ་ཡནྟི ཨེ་ཝཾ་ནཱ་མ་ཀེ ན་ག་རེ. ཀ་ཛ་ངྒ་ལཱཏི ཀ་ཛ་ངྒ་ལཱ་ཝཱ་སི་ནོ. མ་ཧཱ་པ་ཉྷེ་སཱུཏི མ་ཧ་ནྟ་ཨ་ཏྠ་པ་རི་གྒཱ་ཧ་ཀེ་སུ པ་ཉྷེ་སུ. ཡ་ཐཱ མེ་ཏྠ ཁཱ་ཡ་ཏཱིཏི ཡ་ཐཱ མེ ཨེ་ཏྠ ཨུ་པ་ཊྛཱ་ཏི. ས་མྨཱ སུ་བྷཱ་ཝི་ཏ་ཙི་ཏྟོཏི ཧེ་ཏུ་ནཱ ན་ཡེ་ན སུ་ཊྛུ བྷཱ་ཝི་ཏ་ཙི་ཏྟོ. ཨེ་སོ ཙེ་ཝ ཏ་སྶ ཨ་ཏྠོཏི ཀི་ཉྩཱ་པི བྷ་ག་ཝ་ཏཱ ‘‘ཙ་ཏྟཱ་རོ དྷ་མྨཱ’’ཏི་ཨཱ་ད་ཡོ པ་ཉྷཱ ‘‘ཙ་ཏྟཱ་རོ ཨཱ་ཧཱ་རཱ’’ཏི་ཨཱ་དི་ནཱ ན་ཡེ་ན ཝི་སྶ་ཛྫི་ཏཱ, ཡ་སྨཱ པ་ན ཙ་ཏཱུ་སུ ཨཱ་ཧཱ་རེ་སུ པ་རི་ཉྙཱ་ཏེ་སུ ཙ་ཏྟཱ་རོ ས་ཏི་པ་ཊྛཱ་ནཱ བྷཱ་ཝི་ཏཱ ཧོ་ནྟི, ཏེ་སུ ཙ བྷཱ་ཝི་ཏེ་སུ ཙ་ཏྟཱ་རོ ཨཱ་ཧཱ་རཱ པ་རི་ཉྙཱ་ཏཱ་ཝ ཧོ་ནྟི. ཏ་སྨཱ དེ་ས་ནཱ་ཝི་ལཱ་སེ་ན བྱ་ཉྫ་ན་མེ་ཝེ་ཏྠ ནཱ་ནཾ, ཨ་ཏྠོ པ་ན ཨེ་ཀོ་ཡེ་ཝ. ཨི་ནྡྲི་ཡཱ་དཱི་སུ་པི ཨེ་སེ་ཝ ན་ཡོ. ཏེ་ན ཝུ་ཏྟཾ – ‘‘ཨེ་སོ ཙེ་ཝ ཏ་སྶ ཨ་ཏྠོ’’ཏི. ཨ་ཏྠ་ཏོ ཧི ཨུ་བྷ་ཡ་མྤེ་ཏཾ མ་ཛ྄ཛྷེ བྷི་ནྣ་སུ་ཝ་ཎྞ་མི་ཝ ཧོ་ཏི.