༧. པ་ཋ་མ་ནཱ་ཐ་སུ་ཏྟ་ཝ་ཎྞ་ནཱ

༡༧. ས་ཏྟ་མེ ས་ནཱ་ཐཱཏི ས་ཉཱ་ཏ་ཀཱ བ་ཧུ་ཉཱ་ཏི་ཝ་གྒཱ ཧུ་ཏྭཱ ཝི་ཧ་ར་ཐ. ནཱ་ཐཾ ཀ་རོ་ནྟཱི་ཏི ནཱ་ཐ་ཀ་ར་ཎཱ, ཨ་ཏྟ་ནོ ས་ནཱ་ཐ་བྷཱ་ཝ་ཀ་རཱ པ་ཏི་ཊྛཱ་ཀ་རཱ་ཏི ཨ་ཏྠོ. ཀ་ལྱཱ་ཎ་མི་ཏྟོཏི་ཨཱ་དཱི་སུ སཱི་ལཱ་དི་གུ་ཎ་ས་མྤ་ནྣཱ ཀ་ལྱཱ་ཎཱ མི་ཏྟཱ ཨ་སྶཱ་ཏི ཀ་ལྱཱ་ཎ་མི་ཏྟོ. ཏེ་ཝ་སྶ ཋཱ་ན་ནི་ས་ཛྫཱ་དཱི་སུ ས་ཧ ཨ་ཡ་ན་ཏོ ས་ཧཱ་ཡཱ་ཏི ཀ་ལྱཱ་ཎ་ས་ཧཱ་ཡོ. ཙི་ཏྟེ་ན ཙེ་ཝ ཀཱ་ཡེ་ན ཙ ཀ་ལྱཱ་ཎ་མི་ཏྟེ་སུ་ཡེ་ཝ ས་མྤ་ཝ་ངྐོ ཨོ་ཎ་ཏོ་ཏི ཀ་ལྱཱ་ཎ་ས་མྤ་ཝ་ངྐོ. སུ་ཝ་ཙོ ཧོ་ཏཱིཏི སུ་ཁེ་ན ཝ་ཏྟ་བྦོ ཧོ་ཏི, སུ་ཁེ་ན ཨ་ནུ་སཱ་སི་ཏ་བྦོ. ཁ་མོཏི གཱ་ལ༹ྷེ་ན ཕ་རུ་སེ་ན ཀ་ཀྑ་ལེ༹་ན ཝུ་ཏྟོ ཁ་མ་ཏི ན ཀུ་པྤ་ཏི. པ་ད་ཀྑི་ཎ་གྒཱ་ཧཱི ཨ་ནུ་སཱ་ས་ནིནྟི ཡ་ཐཱ ཨེ་ཀ་ཙྩོ ཨོ་ཝ་དི་ཡ་མཱ་ནོ ཝཱ་མ་ཏོ ག་ཎྷཱ་ཏི, པ་ཊི་པྥ་ར་ཏི ཝཱ, ཨ་སྶུ་ཎ་ནྟོ ཝཱ ག་ཙྪ་ཏི, ཨེ་ཝཾ ཨ་ཀ་ཏྭཱ ‘‘ཨོ་ཝ་ད་ཐ, བྷ་ནྟེ, ཨ་ནུ་སཱ་ས་ཐ, ཏུ་མྷེ་སུ ཨ་ནོ་ཝ་ད་ནྟེ་སུ ཀོ ཨ་ཉྙོ ཨོ་ཝ་དི་སྶ་ཏཱི’’ཏི པ་ད་ཀྑི་ཎཾ ག་ཎྷཱ་ཏི.

ཨུ་ཙྩཱ་ཝ་ཙཱ་ནཱིཏི ཨུ་ཙྩ་ནཱི་ཙཱ་ནི. ཀིཾ་ཀ་ར་ཎཱི་ཡཱ་ནཱིཏི ‘‘ཀིཾ ཀ་རོ་མཱི’’ཏི ཨེ་ཝཾ ཝ་ཏྭཱ ཀ་ཏྟ་བྦ་ཀ་མྨཱ་ནི. ཏ་ཏྠ ཨུ་ཙྩ་ཀ་མྨཾ ནཱ་མ ཙཱི་ཝ་ར་སྶ ཀ་ར་ཎཾ ར་ཛ་ནཾ, ཙེ་ཏི་ཡེ སུ་དྷཱ་ཀ་མྨཾ, ཨུ་པོ་ས་ཐཱ་གཱ་ར་ཙེ་ཏི་ཡ་གྷ་ར་བོ་དྷི་གྷ་རེ་སུ ཀ་ཏྟ་བྦ་ཀ་མྨ་ནྟི ཨེ་ཝ་མཱ་དི. ཨ་ཝ་ཙ་ཀ་མྨཾ ནཱ་མ པཱ་ད་དྷོ་ཝ་ན་མ་ཀྑ་ནཱ་དི་ཁུ་དྡ་ཀ་ཀ་མྨཾ. ཏ་ཏྲཱུ་པཱ་ཡཱ་ཡཱཏི ཏ་ཏྲུ་པ་ག་མ་ནི་ཡཱ་ཡ. ཨ་ལཾ ཀཱ་ཏུནྟི ཀཱ་ཏུཾ ས་མ་ཏྠོ ཧོ་ཏི. ཨ་ལཾ སཾ་ཝི་དྷཱ་ཏུནྟི ཝི་ཙཱ་རེ་ཏུཾ ས་མ་ཏྠོ ཧོ་ཏི.

དྷ་མྨེ ཨ་སྶ ཀཱ་མོ སི་ནེ་ཧོ་ཏི དྷ་མྨ་ཀཱ་མོ, ཏེ་པི་ཊ་ཀཾ བུ་དྡྷ་ཝ་ཙ་ནཾ པི་ཡཱ་ཡ་ཏཱི་ཏི ཨ་ཏྠོ. པི་ཡ་ས་མུ་དཱ་ཧཱ་རོཏི པ་ར་སྨིཾ ཀ་ཐེ་ནྟེ ས་ཀྐ་ཙྩཾ སུ་ཎཱ་ཏི, ས་ཡ་ཉྩ པ་རེ་སཾ དེ་སེ་ཏུ་ཀཱ་མོ ཧོ་ཏཱི་ཏི ཨ་ཏྠོ. ཨ་བྷི་དྷ་མྨེ ཨ་བྷི་ཝི་ན་ཡེཏི ཨེ་ཏྠ དྷ་མྨོ ཨ་བྷི་དྷ་མྨོ, ཝི་ན་ཡོ ཨ་བྷི་ཝི་ན་ཡོ་ཏི ཙ་ཏུ་ཀྐཾ ཝེ་དི་ཏ་བྦཾ. ཏ་ཏྠ དྷ་མྨོཏི སུ་ཏྟ་ནྟ་པི་ཊ་ཀཾ. ཨ་བྷི་དྷ་མྨོཏི ས་ཏྟ པ་ཀ་ར་ཎཱ་ནི. ཝི་ན་ཡོཏི ཨུ་བྷ་ཏོ་ཝི་བྷ་ངྒོ. ཨ་བྷི་ཝི་ན་ཡོཏི ཁ་ནྡྷ་ཀ་པ་རི་ཝཱ་རཱ. ཨ་ཐ ཝཱ སུ་ཏྟ་ནྟ་པི་ཊ་ཀ་མྤི ཨ་བྷི་དྷ་མྨ་པི་ཊ་ཀ་མྤི དྷ་མྨོ ཨེ་ཝ, མ་གྒ་ཕ་ལཱ་ནི ཨ་བྷི་དྷ་མྨོ. ས་ཀ་ལ་ཝི་ན་ཡ་པི་ཊ་ཀཾ ཝི་ན་ཡོ, ཀི་ལེ་ས་ཝཱུ་པ་ས་མ་ཀ་ར་ཎཾ ཨ་བྷི་ཝི་ན་ཡོ. ཨི་ཏི ས་བྦ་སྨི་མྤི ཨེ་ཏྠ དྷ་མྨེ ཙ ཨ་བྷི་དྷ་མྨེ ཙ ཝི་ན་ཡེ ཙ ཨ་བྷི་ཝི་ན་ཡེ ཙ ཨུ་ལཱ༹་ར་པཱ་མོ་ཛྫོ ཧོ་ཏཱི་ཏི ཨ་ཏྠོ. ཀུ་ས་ལེ་སུ དྷ་མྨེ་སཱུཏི ཀཱ་ར་ཎ་ཏྠེ བྷུ་མྨཾ, ཙཱ་ཏུ་བྷཱུ་མ་ཀ་ཀུ་ས་ལ་དྷ་མྨ་ཀཱ་ར་ཎཱ ཏེ་སཾ ཨ་དྷི་ག་མ་ཏྠཱ་ཡ ཨ་ནི་ཀྑི་ཏྟ་དྷུ་རོ ཧོ་ཏཱི་ཏི ཨ་ཏྠོ.