༡. སུ་ཏྟ་ནྟ་བྷཱ་ཛ་ནཱི་ཡཾ

༣༥༥. ཙ་ཏྟཱ་རོ ས་ཏི་པ་ཊྛཱ་ནཱ – ཨི་དྷ བྷི་ཀྑུ ཨ་ཛ྄ཛྷ་ཏྟཾ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཨ་ཛ྄ཛྷ་ཏྟཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཨ་ཛ྄ཛྷ་ཏྟཾ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཨ་ཛ྄ཛྷ་ཏྟཾ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.

༡. ཀཱ་ཡཱ་ནུ་པ་སྶ་ནཱ་ནི་དྡེ་སོ

༣༥༦. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཨ་ཛ྄ཛྷ་ཏྟཾ ཀཱ་ཡཾ ཨུ་དྡྷཾ པཱ་ད་ཏ་ལཱ ཨ་དྷོ ཀེ་ས་མ་ཏྠ་ཀཱ ཏ་ཙ་པ་རི་ཡ་ནྟཾ པཱུ་རཾ ནཱ་ན་པྤ་ཀཱ་ར་སྶ ཨ་སུ་ཙི་ནོ པ་ཙྩ་ཝེ་ཀྑ་ཏི – ‘‘ཨ་ཏྠི ཨི་མ་སྨིཾ ཀཱ་ཡེ ཀེ་སཱ ལོ་མཱ ན་ཁཱ ད་ནྟཱ ཏ་ཙོ མཾ་སཾ ནྷཱ་རུ [ན་ཧཱ་རུ (སཱི.)] ཨ་ཊྛི ཨ་ཊྛི་མི་ཉྫཾ [ཨ་ཊྛི་མི་ཉྫཱ (སཱི.)] ཝ་ཀྐཾ ཧ་ད་ཡཾ ཡ་ཀ་ནཾ ཀི་ལོ་མ་ཀཾ པི་ཧ་ཀཾ པ་པྥཱ་སཾ ཨ་ནྟཾ ཨ་ནྟ་གུ་ཎཾ ཨུ་ད་རི་ཡཾ ཀ་རཱི་སཾ པི་ཏྟཾ སེ་མྷཾ པུ་བྦོ ལོ་ཧི་ཏཾ སེ་དོ མེ་དོ ཨ་སྶུ ཝ་སཱ ཁེ་ལོ༹ སི་ངྒྷཱ་ཎི་ཀཱ ལ་སི་ཀཱ མུ་ཏྟ’’ནྟི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ ཀཱ་ཡེ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ བ་ཧི་དྡྷཱ ཀཱ་ཡཾ ཨུ་དྡྷཾ པཱ་ད་ཏ་ལཱ ཨ་དྷོ ཀེ་ས་མ་ཏྠ་ཀཱ ཏ་ཙ་པ་རི་ཡ་ནྟཾ པཱུ་རཾ ནཱ་ན་པྤ་ཀཱ་ར་སྶ ཨ་སུ་ཙི་ནོ པ་ཙྩ་ཝེ་ཀྑ་ཏི – ‘‘ཨ་ཏྠི་སྶ ཀཱ་ཡེ ཀེ་སཱ ལོ་མཱ ན་ཁཱ ད་ནྟཱ ཏ་ཙོ མཾ་སཾ ནྷཱ་རུ ཨ་ཊྛི ཨ་ཊྛི་མི་ཉྫཾ ཝ་ཀྐཾ ཧ་ད་ཡཾ ཡ་ཀ་ནཾ ཀི་ལོ་མ་ཀཾ པི་ཧ་ཀཾ པ་པྥཱ་སཾ ཨ་ནྟཾ ཨ་ནྟ་གུ་ཎཾ ཨུ་ད་རི་ཡཾ ཀ་རཱི་སཾ པི་ཏྟཾ སེ་མྷཾ པུ་བྦོ ལོ་ཧི་ཏཾ སེ་དོ མེ་དོ ཨ་སྶུ ཝ་སཱ ཁེ་ལོ༹ སི་ངྒྷཱ་ཎི་ཀཱ ལ་སི་ཀཱ མུ་ཏྟ’’ནྟི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡཾ ཨུ་དྡྷཾ པཱ་ད་ཏ་ལཱ ཨ་དྷོ ཀེ་ས་མ་ཏྠ་ཀཱ ཏ་ཙ་པ་རི་ཡ་ནྟཾ པཱུ་རཾ ནཱ་ན་པྤ་ཀཱ་ར་སྶ ཨ་སུ་ཙི་ནོ པ་ཙྩ་ཝེ་ཀྑ་ཏི – ‘‘ཨ་ཏྠི ཨི་མ་སྨིཾ ཀཱ་ཡེ ཀེ་སཱ ལོ་མཱ ན་ཁཱ ད་ནྟཱ ཏ་ཙོ མཾ་སཾ ནྷཱ་རུ ཨ་ཊྛི ཨ་ཊྛི་མི་ཉྫཾ ཝ་ཀྐཾ ཧ་ད་ཡཾ ཡ་ཀ་ནཾ ཀི་ལོ་མ་ཀཾ པི་ཧ་ཀཾ པ་པྥཱ་སཾ ཨ་ནྟཾ ཨ་ནྟ་གུ་ཎཾ ཨུ་ད་རི་ཡཾ ཀ་རཱི་སཾ པི་ཏྟཾ སེ་མྷཾ པུ་བྦོ ལོ་ཧི་ཏཾ སེ་དོ མེ་དོ ཨ་སྶུ ཝ་སཱ ཁེ་ལོ༹ སི་ངྒྷཱ་ཎི་ཀཱ ལ་སི་ཀཱ མུ་ཏྟ’’ནྟི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.

༣༥༧. ཨ་ནུ་པ་སྶཱི་ཏི. ཏ་ཏྠ ཀ་ཏ་མཱ ཨ་ནུ་པ་སྶ་ནཱ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་ནུ་པ་སྶ་ནཱ’’. ཨི་མཱ་ཡ ཨ་ནུ་པ་སྶ་ནཱ་ཡ ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨ་ནུ་པ་སྶཱི’’ཏི.

༣༥༨. ཝི་ཧ་ར་ཏཱི་ཏི. ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི ཙ་ར་ཏི ཝི་ཧ་ར་ཏི. ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༣༥༩. ཨཱ་ཏཱ་པཱི་ཏི. ཏ་ཏྠ ཀ་ཏ་མོ ཨཱ་ཏཱ་པོ [ཀ་ཏ་མཾ ཨཱ་ཏཱ་པཾ (ས་བྦ་ཏྠ)]? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘ཨཱ་ཏཱ་པོ’’. ཨི་མི་ནཱ ཨཱ་ཏཱ་པེ་ན ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨཱ་ཏཱ་པཱི’’ཏི.

༣༦༠. ས་མྤ་ཛཱ་ནོ་ཏི. ཏ་ཏྠ ཀ་ཏ་མཾ ས་མྤ་ཛ་ཉྙཾ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ས་མྤ་ཛ་ཉྙཾ’’. ཨི་མི་ནཱ ས་མྤ་ཛ་ཉྙེ་ན ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་མྤ་ཛཱ་ནོ’’ཏི.

༣༦༡. ས་ཏི་མཱ་ཏི. ཏ་ཏྠ ཀ་ཏ་མཱ ས་ཏི? ཡཱ ས་ཏི ཨ་ནུ་སྶ་ཏི…པེ… ས་མྨཱ་ས་ཏི – ཨ་ཡཾ ཝུ་ཙྩ་ཏི ‘‘ས་ཏི’’. ཨི་མཱ་ཡ ས་ཏི་ཡཱ ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་ཏི་མཱ’’ཏི.

༣༦༢. ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? སྭེ་ཝ ཀཱ་ཡོ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ. ཨ་ཡཾ ཝུ་ཙྩ་ཏི ‘‘ལོ་ཀོ’’. ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.

ཀཱ་ཡཱ་ནུ་པ་སྶ་ནཱ་ནི་དྡེ་སོ.

༢. ཝེ་ད་ནཱ་ནུ་པ་སྶ་ནཱ་ནི་དྡེ་སོ

༣༦༣. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, དུ་ཀྑཾ ཝེ་ད་ནཾ ཝེ་ད་ཡ་མཱ་ནོ ‘‘དུ་ཀྑཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, སཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘སཱ་མི་སཾ སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘ནི་རཱ་མི་སཾ སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, སཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནོ ‘‘སཱ་མི་སཾ དུ་ཀྑཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནོ ‘‘ནི་རཱ་མི་སཾ དུ་ཀྑཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, སཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘སཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘ནི་རཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ ཝེ་ད་ནཱ་སུ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, དུ་ཀྑཾ ཝེ་ད་ནཾ ཝེ་ད་ཡ་མཱ་ནཾ ‘‘དུ་ཀྑཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, སཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘སཱ་མི་སཾ སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘ནི་རཱ་མི་སཾ སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, སཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནཾ ‘‘སཱ་མི་སཾ དུ་ཀྑཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནཾ ‘‘ནི་རཱ་མི་སཾ དུ་ཀྑཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, སཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘སཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘ནི་རཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ སུ་ཁཾ ཝེ་ད་ནཾ ‘‘སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, དུ་ཀྑཾ ཝེ་ད་ནཾ ‘‘དུ་ཀྑཱ ཝེ་ད་ནཱ’’ཏི པ་ཛཱ་ནཱ་ཏི, ཨ་དུ་ཀྑ་མ་སུ་ཁཾ ཝེ་ད་ནཾ ‘‘ཨ་དུ་ཀྑ་མ་སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, སཱ་མི་སཾ ཝཱ སུ་ཁཾ ཝེ་ད་ནཾ ‘‘སཱ་མི་སཱ སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, ནི་རཱ་མི་སཾ ཝཱ སུ་ཁཾ ཝེ་ད་ནཾ ‘‘ནི་རཱ་མི་སཱ སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, སཱ་མི་སཾ ཝཱ དུ་ཀྑཾ ཝེ་ད་ནཾ ‘‘སཱ་མི་སཱ དུ་ཀྑཱ ཝེ་ད་ནཱ’’ཏི པ་ཛཱ་ནཱ་ཏི, ནི་རཱ་མི་སཾ ཝཱ དུ་ཀྑཾ ཝེ་ད་ནཾ ‘‘ནི་རཱ་མི་སཱ དུ་ཀྑཱ ཝེ་ད་ནཱ’’ཏི པ་ཛཱ་ནཱ་ཏི, སཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ‘‘སཱ་མི་སཱ ཨ་དུ་ཀྑ་མ་སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, ནི་རཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ‘‘ནི་རཱ་མི་སཱ ཨ་དུ་ཀྑ་མ་སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.

༣༦༤. ཨ་ནུ་པ་སྶཱི་ཏི …པེ… ཝི་ཧ་ར་ཏཱི་ཏི…པེ… ཨཱ་ཏཱ་པཱི་ཏི…པེ… ས་མྤ་ཛཱ་ནོ་ཏི…པེ… ས་ཏི་མཱ་ཏི…པེ… ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? སཱ་ཡེ་ཝ ཝེ་ད་ནཱ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ. ཨ་ཡཾ ཝུ་ཙྩ་ཏི ‘‘ལོ་ཀོ’’. ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.

ཝེ་ད་ནཱ་ནུ་པ་སྶ་ནཱ་ནི་དྡེ་སོ.

༣. ཙི་ཏྟཱ་ནུ་པ་སྶ་ནཱ་ནི་དྡེ་སོ

༣༦༥. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་རཱ་གཾ ཝཱ ཙི་ཏྟཾ ‘‘ས་རཱ་གཾ མེ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ ཙི་ཏྟཾ ‘‘ཝཱི་ཏ་རཱ་གཾ མེ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ ཙི་ཏྟཾ ‘‘ས་དོ་སཾ མེ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ ཙི་ཏྟཾ ‘‘ཝཱི་ཏ་དོ་སཾ མེ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ ཙི་ཏྟཾ ‘‘ས་མོ་ཧཾ མེ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ ཙི་ཏྟཾ ‘‘ཝཱི་ཏ་མོ་ཧཾ མེ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ ཙི་ཏྟཾ ‘‘སཾ་ཁི་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ ཙི་ཏྟཾ ‘‘ཝི་ཀྑི་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ ཙི་ཏྟཾ ‘‘མ་ཧ་གྒ་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ ཙི་ཏྟཾ ‘‘ཨ་མ་ཧ་གྒ་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ ཙི་ཏྟཾ ‘‘ས་ཨུ་ཏྟ་རཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ ཙི་ཏྟཾ ‘‘ཨ་ནུ་ཏྟ་རཾ མེ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ ཙི་ཏྟཾ ‘‘ས་མཱ་ཧི་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ ཙི་ཏྟཾ ‘‘ཨ་ས་མཱ་ཧི་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ ཙི་ཏྟཾ ‘‘ཝི་མུ་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ ཙི་ཏྟཾ ‘‘ཨ་ཝི་མུ་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ ཙི་ཏྟེ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་རཱ་གཾ ཝཱ་སྶ ཙི་ཏྟཾ ‘‘ས་རཱ་ག་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ་སྶ ཙི་ཏྟཾ ‘‘ཝཱི་ཏ་རཱ་ག་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ་སྶ ཙི་ཏྟཾ ‘‘ས་དོ་ས་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ་སྶ ཙི་ཏྟཾ ‘‘ཝཱི་ཏ་དོ་ས་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ་སྶ ཙི་ཏྟཾ ‘‘ས་མོ་ཧ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ་སྶ ཙི་ཏྟཾ ‘‘ཝཱི་ཏ་མོ་ཧ་མ་སྶ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ་སྶ ཙི་ཏྟཾ ‘‘སཾ་ཁི་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ་སྶ ཙི་ཏྟཾ ‘‘ཝི་ཀྑི་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ་སྶ ཙི་ཏྟཾ ‘‘མ་ཧ་གྒ་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ་སྶ ཙི་ཏྟཾ ‘‘ཨ་མ་ཧ་གྒ་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ་སྶ ཙི་ཏྟཾ ‘‘ས་ཨུ་ཏྟ་ར་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ་སྶ ཙི་ཏྟཾ ‘‘ཨ་ནུ་ཏྟ་ར་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ་སྶ ཙི་ཏྟཾ ‘‘ས་མཱ་ཧི་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ་སྶ ཙི་ཏྟཾ ‘‘ཨ་ས་མཱ་ཧི་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ་སྶ ཙི་ཏྟཾ ‘‘ཝི་མུ་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ་སྶ ཙི་ཏྟཾ ‘‘ཨ་ཝི་མུ་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་རཱ་གཾ ཝཱ ཙི་ཏྟཾ ‘‘ས་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ ཙི་ཏྟཾ ‘‘ཝཱི་ཏ་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ ཙི་ཏྟཾ ‘‘ས་དོ་སཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ ཙི་ཏྟཾ ‘‘ཝཱི་ཏ་དོ་སཾ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ ཙི་ཏྟཾ ‘‘ས་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ ཙི་ཏྟཾ ‘‘ཝཱི་ཏ་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ ཙི་ཏྟཾ ‘‘སཾ་ཁི་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ ཙི་ཏྟཾ ‘‘ཝི་ཀྑི་ཏྟཾ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ ཙི་ཏྟཾ ‘‘མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ ཙི་ཏྟཾ ‘‘ཨ་མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ ཙི་ཏྟཾ ‘‘ས་ཨུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ ཙི་ཏྟཾ ‘‘ཨ་ནུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ ཙི་ཏྟཾ ‘‘ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ ཙི་ཏྟཾ ‘‘ཨ་ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ ཙི་ཏྟཾ ‘‘ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ ཙི་ཏྟཾ ‘‘ཨ་ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.

༣༦༦. ཨ་ནུ་པ་སྶཱི་ཏི…པེ… ཝི་ཧ་ར་ཏཱི་ཏི…པེ… ཨཱ་ཏཱ་པཱི་ཏི…པེ… ས་མྤ་ཛཱ་ནོ་ཏི…པེ… ས་ཏི་མཱ་ཏི…པེ… ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? ཏཾ་ཡེ་ཝ ཙི་ཏྟཾ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ – ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.

ཙི་ཏྟཱ་ནུ་པ་སྶ་ནཱ་ནི་དྡེ་སོ.

༤. དྷ་མྨཱ་ནུ་པ་སྶ་ནཱ་ནི་དྡེ་སོ

༣༦༧. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་ནྟཾ ཝཱ ཨ་ཛ྄ཛྷ་ཏྟཾ ཀཱ་མ་ཙྪ་ནྡཾ ‘‘ཨ་ཏྠི མེ ཨ་ཛ྄ཛྷ་ཏྟཾ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ཀཱ་མ་ཙྪ་ནྡཾ ‘‘ན་ཏྠི མེ ཨ་ཛ྄ཛྷ་ཏྟཾ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཀཱ་མ་ཙྪ་ནྡ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཀཱ་མ་ཙྪ་ནྡ་སྶ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ན་སྶ ཀཱ་མ་ཙྪ་ནྡ་སྶ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ ཨ་ཛ྄ཛྷ་ཏྟཾ བྱཱ་པཱ་དཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཐི་ན་མི་དྡྷཾ [ཐཱི་ན་མི་དྡྷཾ (སཱི. སྱཱ.)] …པེ… ས་ནྟཾ ཝཱ ཨ་ཛ྄ཛྷ་ཏྟཾ ཨུ་དྡྷ་ཙྩ་ཀུ་ཀྐུ་ཙྩཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཝི་ཙི་ཀི་ཙྪཾ ‘‘ཨ་ཏྠི མེ ཨ་ཛ྄ཛྷ་ཏྟཾ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ཝི་ཙི་ཀི་ཙྪཾ ‘‘ན་ཏྠི མེ ཨ་ཛ྄ཛྷ་ཏྟཾ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣཱ་ཡ ཝི་ཙི་ཀི་ཙྪཱ་ཡ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣཱ་ཡ ཝི་ཙི་ཀི་ཙྪཱ་ཡ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ནཱ་ཡ ཝི་ཙི་ཀི་ཙྪཱ་ཡ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི.

ས་ནྟཾ ཝཱ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒཾ ‘‘ཨ་ཏྠི མེ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒཾ ‘‘ན་ཏྠི མེ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི, ས་ནྟཾ ཝཱ ཨ་ཛ྄ཛྷ་ཏྟཾ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཝཱི་རི་ཡ་ས་མྦོ་ཛ྄ཛྷ་ངྒཾ [ཝི་རི་ཡ་ས་མྦོ་ཛ྄ཛྷ་ངྒཾ (སཱི. སྱཱ.)] …པེ… ས་ནྟཾ ཝཱ ཨ་ཛ྄ཛྷ་ཏྟཾ པཱི་ཏི་ས་མྦོ་ཛ྄ཛྷ་ངྒཾ …པེ… ས་ནྟཾ ཝཱ ཨ་ཛ྄ཛྷ་ཏྟཾ པ་སྶ་དྡྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ས་མཱ་དྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ཨ་ཏྠི མེ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ན་ཏྠི མེ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ དྷ་མྨེ་སུ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་ནྟཾ ཝཱ་སྶ ཀཱ་མ་ཙྪ་ནྡཾ ‘‘ཨ་ཏྠི་སྶ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ཀཱ་མ་ཙྪ་ནྡཾ ‘‘ན་ཏྠི་སྶ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཀཱ་མ་ཙྪ་ནྡ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཀཱ་མ་ཙྪ་ནྡ་སྶ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ན་སྶ ཀཱ་མ་ཙྪ་ནྡ་སྶ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ་སྶ བྱཱ་པཱ་དཾ…པེ… ས་ནྟཾ ཝཱ་སྶ ཐི་ན་མི་དྡྷཾ…པེ… ས་ནྟཾ ཝཱ་སྶ ཨུ་དྡྷ་ཙྩ་ཀུ་ཀྐུ་ཙྩཾ…པེ… ས་ནྟཾ ཝཱ་སྶ ཝི་ཙི་ཀི་ཙྪཾ ‘‘ཨ་ཏྠི་སྶ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ཝི་ཙི་ཀི་ཙྪཾ ‘‘ན་ཏྠི་སྶ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣཱ་ཡ ཝི་ཙི་ཀི་ཙྪཱ་ཡ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣཱ་ཡ ཝི་ཙི་ཀི་ཙྪཱ་ཡ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ནཱ་ཡ ཝི་ཙི་ཀི་ཙྪཱ་ཡ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི.

ས་ནྟཾ ཝཱ་སྶ ས་ཏི་ས་མྦོ་ཛ྄ཛྷ་ངྒཾ ‘‘ཨ་ཏྠི་སྶ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ས་ཏི་ས་མྦོ་ཛ྄ཛྷ་ངྒཾ ‘‘ན་ཏྠི་སྶ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ་སྶ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ ཝཱི་རི་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ པཱི་ཏི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ པ་སྶ་དྡྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ ས་མཱ་དྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ཨ་ཏྠི་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ན་ཏྠི་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ ཙི་ཏྟཾ ཨུ་པ་སཾ་ཧ་ར་ཏི.

ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་ནྟཾ ཝཱ ཀཱ་མ་ཙྪ་ནྡཾ ‘‘ཨ་ཏྠི ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཀཱ་མ་ཙྪ་ནྡཾ ‘‘ན་ཏྠི ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཀཱ་མ་ཙྪ་ནྡ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཀཱ་མ་ཙྪ་ནྡ་སྶ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ན་སྶ ཀཱ་མ་ཙྪ་ནྡ་སྶ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ བྱཱ་པཱ་དཾ…པེ… ས་ནྟཾ ཝཱ ཐི་ན་མི་དྡྷཾ…པེ… ས་ནྟཾ ཝཱ ཨུ་དྡྷ་ཙྩ་ཀུ་ཀྐུ་ཙྩཾ…པེ… ས་ནྟཾ ཝཱ ཝི་ཙི་ཀི་ཙྪཾ ‘‘ཨ་ཏྠི ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཝི་ཙི་ཀི་ཙྪཾ ‘‘ན་ཏྠི ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣཱ་ཡ ཝི་ཙི་ཀི་ཙྪཱ་ཡ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣཱ་ཡ ཝི་ཙི་ཀི་ཙྪཱ་ཡ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ནཱ་ཡ ཝི་ཙི་ཀི་ཙྪཱ་ཡ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི.

ས་ནྟཾ ཝཱ ས་ཏི་ས་མྦོ་ཛ྄ཛྷ་ངྒཾ ‘‘ཨ་ཏྠི ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ས་ཏི་ས་མྦོ་ཛ྄ཛྷ་ངྒཾ ‘‘ན་ཏྠི ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཝཱི་རི་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ པཱི་ཏི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ པ་སྶ་དྡྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ས་མཱ་དྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ཨ་ཏྠི ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ན་ཏྠི ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.

༣༦༨. ཨ་ནུ་པ་སྶཱི་ཏི. ཏ་ཏྠ ཀ་ཏ་མཱ ཨ་ནུ་པ་སྶ་ནཱ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ཨ་ནུ་པ་སྶ་ནཱ. ཨི་མཱ་ཡ ཨ་ནུ་པ་སྶ་ནཱ་ཡ ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨ་ནུ་པ་སྶཱི’’ཏི.

༣༦༩. ཝི་ཧ་ར་ཏཱི་ཏི. ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི ཙ་ར་ཏི ཝི་ཧ་ར་ཏི. ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.

༣༧༠. ཨཱ་ཏཱ་པཱི་ཏི. ཏ་ཏྠ ཀ་ཏ་མོ ཨཱ་ཏཱ་པོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘ཨཱ་ཏཱ་པོ’’. ཨི་མི་ནཱ ཨཱ་ཏཱ་པེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨཱ་ཏཱ་པཱི’’ཏི.

༣༧༡. ས་མྤ་ཛཱ་ནོ་ཏི. ཏ་ཏྠ ཀ་ཏ་མཾ ས་མྤ་ཛ་ཉྙཾ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ས་མྤ་ཛ་ཉྙཾ’’. ཨི་མི་ནཱ ས་མྤ་ཛ་ཉྙེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་མྤ་ཛཱ་ནོ’’ཏི.

༣༧༢. ས་ཏི་མཱ་ཏི. ཏ་ཏྠ ཀ་ཏ་མཱ ས་ཏི? ཡཱ ས་ཏི ཨ་ནུ་སྶ་ཏི…པེ… ས་མྨཱ་ས་ཏི – ཨ་ཡཾ ཝུ་ཙྩ་ཏི ‘‘ས་ཏི’’. ཨི་མཱ་ཡ ས་ཏི་ཡཱ ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་ཏི་མཱ’’ཏི.

༣༧༣. ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? ཏེ་ཝ དྷ་མྨཱ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ. ཨ་ཡཾ ཝུ་ཙྩ་ཏི ‘‘ལོ་ཀོ’’. ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.

དྷ་མྨཱ་ནུ་པ་སྶ་ནཱ་ནི་དྡེ་སོ.

སུ་ཏྟ་ནྟ་བྷཱ་ཛ་ནཱི་ཡཾ.