༧. ས་ཏི་པ་ཊྛཱ་ན་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
༣༥༥. ཙ་ཏྟཱ་རོ ས་ཏི་པ་ཊྛཱ་ནཱ – ཨི་དྷ བྷི་ཀྑུ ཨ་ཛ྄ཛྷ་ཏྟཾ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཨ་ཛ྄ཛྷ་ཏྟཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཨ་ཛ྄ཛྷ་ཏྟཾ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཨ་ཛ྄ཛྷ་ཏྟཾ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.
༡. ཀཱ་ཡཱ་ནུ་པ་སྶ་ནཱ་ནི་དྡེ་སོ
༣༥༦. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཨ་ཛ྄ཛྷ་ཏྟཾ ཀཱ་ཡཾ ཨུ་དྡྷཾ པཱ་ད་ཏ་ལཱ ཨ་དྷོ ཀེ་ས་མ་ཏྠ་ཀཱ ཏ་ཙ་པ་རི་ཡ་ནྟཾ པཱུ་རཾ ནཱ་ན་པྤ་ཀཱ་ར་སྶ ཨ་སུ་ཙི་ནོ པ་ཙྩ་ཝེ་ཀྑ་ཏི – ‘‘ཨ་ཏྠི ཨི་མ་སྨིཾ ཀཱ་ཡེ ཀེ་སཱ ལོ་མཱ ན་ཁཱ ད་ནྟཱ ཏ་ཙོ མཾ་སཾ ནྷཱ་རུ [ན་ཧཱ་རུ (སཱི.)] ཨ་ཊྛི ཨ་ཊྛི་མི་ཉྫཾ [ཨ་ཊྛི་མི་ཉྫཱ (སཱི.)] ཝ་ཀྐཾ ཧ་ད་ཡཾ ཡ་ཀ་ནཾ ཀི་ལོ་མ་ཀཾ པི་ཧ་ཀཾ པ་པྥཱ་སཾ ཨ་ནྟཾ ཨ་ནྟ་གུ་ཎཾ ཨུ་ད་རི་ཡཾ ཀ་རཱི་སཾ པི་ཏྟཾ སེ་མྷཾ པུ་བྦོ ལོ་ཧི་ཏཾ སེ་དོ མེ་དོ ཨ་སྶུ ཝ་སཱ ཁེ་ལོ༹ སི་ངྒྷཱ་ཎི་ཀཱ ལ་སི་ཀཱ མུ་ཏྟ’’ནྟི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ ཀཱ་ཡེ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ བ་ཧི་དྡྷཱ ཀཱ་ཡཾ ཨུ་དྡྷཾ པཱ་ད་ཏ་ལཱ ཨ་དྷོ ཀེ་ས་མ་ཏྠ་ཀཱ ཏ་ཙ་པ་རི་ཡ་ནྟཾ པཱུ་རཾ ནཱ་ན་པྤ་ཀཱ་ར་སྶ ཨ་སུ་ཙི་ནོ པ་ཙྩ་ཝེ་ཀྑ་ཏི – ‘‘ཨ་ཏྠི་སྶ ཀཱ་ཡེ ཀེ་སཱ ལོ་མཱ ན་ཁཱ ད་ནྟཱ ཏ་ཙོ མཾ་སཾ ནྷཱ་རུ ཨ་ཊྛི ཨ་ཊྛི་མི་ཉྫཾ ཝ་ཀྐཾ ཧ་ད་ཡཾ ཡ་ཀ་ནཾ ཀི་ལོ་མ་ཀཾ པི་ཧ་ཀཾ པ་པྥཱ་སཾ ཨ་ནྟཾ ཨ་ནྟ་གུ་ཎཾ ཨུ་ད་རི་ཡཾ ཀ་རཱི་སཾ པི་ཏྟཾ སེ་མྷཾ པུ་བྦོ ལོ་ཧི་ཏཾ སེ་དོ མེ་དོ ཨ་སྶུ ཝ་སཱ ཁེ་ལོ༹ སི་ངྒྷཱ་ཎི་ཀཱ ལ་སི་ཀཱ མུ་ཏྟ’’ནྟི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡཾ ཨུ་དྡྷཾ པཱ་ད་ཏ་ལཱ ཨ་དྷོ ཀེ་ས་མ་ཏྠ་ཀཱ ཏ་ཙ་པ་རི་ཡ་ནྟཾ པཱུ་རཾ ནཱ་ན་པྤ་ཀཱ་ར་སྶ ཨ་སུ་ཙི་ནོ པ་ཙྩ་ཝེ་ཀྑ་ཏི – ‘‘ཨ་ཏྠི ཨི་མ་སྨིཾ ཀཱ་ཡེ ཀེ་སཱ ལོ་མཱ ན་ཁཱ ད་ནྟཱ ཏ་ཙོ མཾ་སཾ ནྷཱ་རུ ཨ་ཊྛི ཨ་ཊྛི་མི་ཉྫཾ ཝ་ཀྐཾ ཧ་ད་ཡཾ ཡ་ཀ་ནཾ ཀི་ལོ་མ་ཀཾ པི་ཧ་ཀཾ པ་པྥཱ་སཾ ཨ་ནྟཾ ཨ་ནྟ་གུ་ཎཾ ཨུ་ད་རི་ཡཾ ཀ་རཱི་སཾ པི་ཏྟཾ སེ་མྷཾ པུ་བྦོ ལོ་ཧི་ཏཾ སེ་དོ མེ་དོ ཨ་སྶུ ཝ་སཱ ཁེ་ལོ༹ སི་ངྒྷཱ་ཎི་ཀཱ ལ་སི་ཀཱ མུ་ཏྟ’’ནྟི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.
༣༥༧. ཨ་ནུ་པ་སྶཱི་ཏི. ཏ་ཏྠ ཀ་ཏ་མཱ ཨ་ནུ་པ་སྶ་ནཱ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་ནུ་པ་སྶ་ནཱ’’. ཨི་མཱ་ཡ ཨ་ནུ་པ་སྶ་ནཱ་ཡ ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨ་ནུ་པ་སྶཱི’’ཏི.
༣༥༨. ཝི་ཧ་ར་ཏཱི་ཏི. ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི ཙ་ར་ཏི ཝི་ཧ་ར་ཏི. ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.
༣༥༩. ཨཱ་ཏཱ་པཱི་ཏི. ཏ་ཏྠ ཀ་ཏ་མོ ཨཱ་ཏཱ་པོ [ཀ་ཏ་མཾ ཨཱ་ཏཱ་པཾ (ས་བྦ་ཏྠ)]? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘ཨཱ་ཏཱ་པོ’’. ཨི་མི་ནཱ ཨཱ་ཏཱ་པེ་ན ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨཱ་ཏཱ་པཱི’’ཏི.
༣༦༠. ས་མྤ་ཛཱ་ནོ་ཏི. ཏ་ཏྠ ཀ་ཏ་མཾ ས་མྤ་ཛ་ཉྙཾ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ས་མྤ་ཛ་ཉྙཾ’’. ཨི་མི་ནཱ ས་མྤ་ཛ་ཉྙེ་ན ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་མྤ་ཛཱ་ནོ’’ཏི.
༣༦༡. ས་ཏི་མཱ་ཏི. ཏ་ཏྠ ཀ་ཏ་མཱ ས་ཏི? ཡཱ ས་ཏི ཨ་ནུ་སྶ་ཏི…པེ… ས་མྨཱ་ས་ཏི – ཨ་ཡཾ ཝུ་ཙྩ་ཏི ‘‘ས་ཏི’’. ཨི་མཱ་ཡ ས་ཏི་ཡཱ ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་ཏི་མཱ’’ཏི.
༣༦༢. ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? སྭེ་ཝ ཀཱ་ཡོ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ. ཨ་ཡཾ ཝུ་ཙྩ་ཏི ‘‘ལོ་ཀོ’’. ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.
ཀཱ་ཡཱ་ནུ་པ་སྶ་ནཱ་ནི་དྡེ་སོ.
༢. ཝེ་ད་ནཱ་ནུ་པ་སྶ་ནཱ་ནི་དྡེ་སོ
༣༦༣. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, དུ་ཀྑཾ ཝེ་ད་ནཾ ཝེ་ད་ཡ་མཱ་ནོ ‘‘དུ་ཀྑཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, སཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘སཱ་མི་སཾ སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘ནི་རཱ་མི་སཾ སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, སཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནོ ‘‘སཱ་མི་སཾ དུ་ཀྑཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནོ ‘‘ནི་རཱ་མི་སཾ དུ་ཀྑཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, སཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘སཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནོ ‘‘ནི་རཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡཱ་མཱི’’ཏི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ ཝེ་ད་ནཱ་སུ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, དུ་ཀྑཾ ཝེ་ད་ནཾ ཝེ་ད་ཡ་མཱ་ནཾ ‘‘དུ་ཀྑཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, སཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘སཱ་མི་སཾ སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘ནི་རཱ་མི་སཾ སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, སཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནཾ ‘‘སཱ་མི་སཾ དུ་ཀྑཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ དུ་ཀྑཾ ཝེ་ད་ནཾ ཝེ་ད་ཡ་མཱ་ནཾ ‘‘ནི་རཱ་མི་སཾ དུ་ཀྑཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, སཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘སཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི, ནི་རཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་མཱ་ནཾ ‘‘ནི་རཱ་མི་སཾ ཨ་དུ་ཀྑ་མ་སུ་ཁཾ ཝེ་ད་ནཾ ཝེ་ད་ཡ་ཏཱི’’ཏི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ སུ་ཁཾ ཝེ་ད་ནཾ ‘‘སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, དུ་ཀྑཾ ཝེ་ད་ནཾ ‘‘དུ་ཀྑཱ ཝེ་ད་ནཱ’’ཏི པ་ཛཱ་ནཱ་ཏི, ཨ་དུ་ཀྑ་མ་སུ་ཁཾ ཝེ་ད་ནཾ ‘‘ཨ་དུ་ཀྑ་མ་སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, སཱ་མི་སཾ ཝཱ སུ་ཁཾ ཝེ་ད་ནཾ ‘‘སཱ་མི་སཱ སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, ནི་རཱ་མི་སཾ ཝཱ སུ་ཁཾ ཝེ་ད་ནཾ ‘‘ནི་རཱ་མི་སཱ སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, སཱ་མི་སཾ ཝཱ དུ་ཀྑཾ ཝེ་ད་ནཾ ‘‘སཱ་མི་སཱ དུ་ཀྑཱ ཝེ་ད་ནཱ’’ཏི པ་ཛཱ་ནཱ་ཏི, ནི་རཱ་མི་སཾ ཝཱ དུ་ཀྑཾ ཝེ་ད་ནཾ ‘‘ནི་རཱ་མི་སཱ དུ་ཀྑཱ ཝེ་ད་ནཱ’’ཏི པ་ཛཱ་ནཱ་ཏི, སཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ‘‘སཱ་མི་སཱ ཨ་དུ་ཀྑ་མ་སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི, ནི་རཱ་མི་སཾ ཝཱ ཨ་དུ་ཀྑ་མ་སུ་ཁཾ ཝེ་ད་ནཾ ‘‘ནི་རཱ་མི་སཱ ཨ་དུ་ཀྑ་མ་སུ་ཁཱ ཝེ་ད་ནཱ’’ཏི པ་ཛཱ་ནཱ་ཏི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.
༣༦༤. ཨ་ནུ་པ་སྶཱི་ཏི …པེ… ཝི་ཧ་ར་ཏཱི་ཏི…པེ… ཨཱ་ཏཱ་པཱི་ཏི…པེ… ས་མྤ་ཛཱ་ནོ་ཏི…པེ… ས་ཏི་མཱ་ཏི…པེ… ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? སཱ་ཡེ་ཝ ཝེ་ད་ནཱ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ. ཨ་ཡཾ ཝུ་ཙྩ་ཏི ‘‘ལོ་ཀོ’’. ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.
ཝེ་ད་ནཱ་ནུ་པ་སྶ་ནཱ་ནི་དྡེ་སོ.
༣. ཙི་ཏྟཱ་ནུ་པ་སྶ་ནཱ་ནི་དྡེ་སོ
༣༦༥. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་རཱ་གཾ ཝཱ ཙི་ཏྟཾ ‘‘ས་རཱ་གཾ མེ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ ཙི་ཏྟཾ ‘‘ཝཱི་ཏ་རཱ་གཾ མེ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ ཙི་ཏྟཾ ‘‘ས་དོ་སཾ མེ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ ཙི་ཏྟཾ ‘‘ཝཱི་ཏ་དོ་སཾ མེ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ ཙི་ཏྟཾ ‘‘ས་མོ་ཧཾ མེ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ ཙི་ཏྟཾ ‘‘ཝཱི་ཏ་མོ་ཧཾ མེ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ ཙི་ཏྟཾ ‘‘སཾ་ཁི་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ ཙི་ཏྟཾ ‘‘ཝི་ཀྑི་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ ཙི་ཏྟཾ ‘‘མ་ཧ་གྒ་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ ཙི་ཏྟཾ ‘‘ཨ་མ་ཧ་གྒ་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ ཙི་ཏྟཾ ‘‘ས་ཨུ་ཏྟ་རཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ ཙི་ཏྟཾ ‘‘ཨ་ནུ་ཏྟ་རཾ མེ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ ཙི་ཏྟཾ ‘‘ས་མཱ་ཧི་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ ཙི་ཏྟཾ ‘‘ཨ་ས་མཱ་ཧི་ཏཾ མེ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ ཙི་ཏྟཾ ‘‘ཝི་མུ་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ ཙི་ཏྟཾ ‘‘ཨ་ཝི་མུ་ཏྟཾ མེ ཙི་ཏྟ’’ནྟི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ ཙི་ཏྟེ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་རཱ་གཾ ཝཱ་སྶ ཙི་ཏྟཾ ‘‘ས་རཱ་ག་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ་སྶ ཙི་ཏྟཾ ‘‘ཝཱི་ཏ་རཱ་ག་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ་སྶ ཙི་ཏྟཾ ‘‘ས་དོ་ས་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ་སྶ ཙི་ཏྟཾ ‘‘ཝཱི་ཏ་དོ་ས་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ་སྶ ཙི་ཏྟཾ ‘‘ས་མོ་ཧ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ་སྶ ཙི་ཏྟཾ ‘‘ཝཱི་ཏ་མོ་ཧ་མ་སྶ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ་སྶ ཙི་ཏྟཾ ‘‘སཾ་ཁི་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ་སྶ ཙི་ཏྟཾ ‘‘ཝི་ཀྑི་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ་སྶ ཙི་ཏྟཾ ‘‘མ་ཧ་གྒ་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ་སྶ ཙི་ཏྟཾ ‘‘ཨ་མ་ཧ་གྒ་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ་སྶ ཙི་ཏྟཾ ‘‘ས་ཨུ་ཏྟ་ར་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ་སྶ ཙི་ཏྟཾ ‘‘ཨ་ནུ་ཏྟ་ར་མ་སྶ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ་སྶ ཙི་ཏྟཾ ‘‘ས་མཱ་ཧི་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ་སྶ ཙི་ཏྟཾ ‘‘ཨ་ས་མཱ་ཧི་ཏ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ་སྶ ཙི་ཏྟཾ ‘‘ཝི་མུ་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ་སྶ ཙི་ཏྟཾ ‘‘ཨ་ཝི་མུ་ཏྟ་མ་སྶ ཙི་ཏྟ’’ནྟི པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་རཱ་གཾ ཝཱ ཙི་ཏྟཾ ‘‘ས་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ ཙི་ཏྟཾ ‘‘ཝཱི་ཏ་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ ཙི་ཏྟཾ ‘‘ས་དོ་སཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ ཙི་ཏྟཾ ‘‘ཝཱི་ཏ་དོ་སཾ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ ཙི་ཏྟཾ ‘‘ས་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ ཙི་ཏྟཾ ‘‘ཝཱི་ཏ་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ ཙི་ཏྟཾ ‘‘སཾ་ཁི་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ ཙི་ཏྟཾ ‘‘ཝི་ཀྑི་ཏྟཾ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ ཙི་ཏྟཾ ‘‘མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ ཙི་ཏྟཾ ‘‘ཨ་མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ ཙི་ཏྟཾ ‘‘ས་ཨུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ ཙི་ཏྟཾ ‘‘ཨ་ནུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ ཙི་ཏྟཾ ‘‘ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ ཙི་ཏྟཾ ‘‘ཨ་ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ ཙི་ཏྟཾ ‘‘ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ ཙི་ཏྟཾ ‘‘ཨ་ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.
༣༦༦. ཨ་ནུ་པ་སྶཱི་ཏི…པེ… ཝི་ཧ་ར་ཏཱི་ཏི…པེ… ཨཱ་ཏཱ་པཱི་ཏི…པེ… ས་མྤ་ཛཱ་ནོ་ཏི…པེ… ས་ཏི་མཱ་ཏི…པེ… ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? ཏཾ་ཡེ་ཝ ཙི་ཏྟཾ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ – ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.
ཙི་ཏྟཱ་ནུ་པ་སྶ་ནཱ་ནི་དྡེ་སོ.
༤. དྷ་མྨཱ་ནུ་པ་སྶ་ནཱ་ནི་དྡེ་སོ
༣༦༧. ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟཾ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་ནྟཾ ཝཱ ཨ་ཛ྄ཛྷ་ཏྟཾ ཀཱ་མ་ཙྪ་ནྡཾ ‘‘ཨ་ཏྠི མེ ཨ་ཛ྄ཛྷ་ཏྟཾ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ཀཱ་མ་ཙྪ་ནྡཾ ‘‘ན་ཏྠི མེ ཨ་ཛ྄ཛྷ་ཏྟཾ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཀཱ་མ་ཙྪ་ནྡ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཀཱ་མ་ཙྪ་ནྡ་སྶ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ན་སྶ ཀཱ་མ་ཙྪ་ནྡ་སྶ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ ཨ་ཛ྄ཛྷ་ཏྟཾ བྱཱ་པཱ་དཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཐི་ན་མི་དྡྷཾ [ཐཱི་ན་མི་དྡྷཾ (སཱི. སྱཱ.)] …པེ… ས་ནྟཾ ཝཱ ཨ་ཛ྄ཛྷ་ཏྟཾ ཨུ་དྡྷ་ཙྩ་ཀུ་ཀྐུ་ཙྩཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཝི་ཙི་ཀི་ཙྪཾ ‘‘ཨ་ཏྠི མེ ཨ་ཛ྄ཛྷ་ཏྟཾ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ཝི་ཙི་ཀི་ཙྪཾ ‘‘ན་ཏྠི མེ ཨ་ཛ྄ཛྷ་ཏྟཾ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣཱ་ཡ ཝི་ཙི་ཀི་ཙྪཱ་ཡ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣཱ་ཡ ཝི་ཙི་ཀི་ཙྪཱ་ཡ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ནཱ་ཡ ཝི་ཙི་ཀི་ཙྪཱ་ཡ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི.
ས་ནྟཾ ཝཱ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒཾ ‘‘ཨ་ཏྠི མེ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒཾ ‘‘ན་ཏྠི མེ ཨ་ཛ྄ཛྷ་ཏྟཾ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི, ས་ནྟཾ ཝཱ ཨ་ཛ྄ཛྷ་ཏྟཾ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཝཱི་རི་ཡ་ས་མྦོ་ཛ྄ཛྷ་ངྒཾ [ཝི་རི་ཡ་ས་མྦོ་ཛ྄ཛྷ་ངྒཾ (སཱི. སྱཱ.)] …པེ… ས་ནྟཾ ཝཱ ཨ་ཛ྄ཛྷ་ཏྟཾ པཱི་ཏི་ས་མྦོ་ཛ྄ཛྷ་ངྒཾ …པེ… ས་ནྟཾ ཝཱ ཨ་ཛ྄ཛྷ་ཏྟཾ པ་སྶ་དྡྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ས་མཱ་དྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ཨ་ཏྠི མེ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ན་ཏྠི མེ ཨ་ཛ྄ཛྷ་ཏྟཾ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ བ་ཧི་དྡྷཱ དྷ་མྨེ་སུ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་ནྟཾ ཝཱ་སྶ ཀཱ་མ་ཙྪ་ནྡཾ ‘‘ཨ་ཏྠི་སྶ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ཀཱ་མ་ཙྪ་ནྡཾ ‘‘ན་ཏྠི་སྶ ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཀཱ་མ་ཙྪ་ནྡ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཀཱ་མ་ཙྪ་ནྡ་སྶ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ན་སྶ ཀཱ་མ་ཙྪ་ནྡ་སྶ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ་སྶ བྱཱ་པཱ་དཾ…པེ… ས་ནྟཾ ཝཱ་སྶ ཐི་ན་མི་དྡྷཾ…པེ… ས་ནྟཾ ཝཱ་སྶ ཨུ་དྡྷ་ཙྩ་ཀུ་ཀྐུ་ཙྩཾ…པེ… ས་ནྟཾ ཝཱ་སྶ ཝི་ཙི་ཀི་ཙྪཾ ‘‘ཨ་ཏྠི་སྶ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ཝི་ཙི་ཀི་ཙྪཾ ‘‘ན་ཏྠི་སྶ ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣཱ་ཡ ཝི་ཙི་ཀི་ཙྪཱ་ཡ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣཱ་ཡ ཝི་ཙི་ཀི་ཙྪཱ་ཡ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ནཱ་ཡ ཝི་ཙི་ཀི་ཙྪཱ་ཡ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི.
ས་ནྟཾ ཝཱ་སྶ ས་ཏི་ས་མྦོ་ཛ྄ཛྷ་ངྒཾ ‘‘ཨ་ཏྠི་སྶ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ས་ཏི་ས་མྦོ་ཛ྄ཛྷ་ངྒཾ ‘‘ན་ཏྠི་སྶ ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ་སྶ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ ཝཱི་རི་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ པཱི་ཏི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ པ་སྶ་དྡྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ ས་མཱ་དྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ཨ་ཏྠི་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ན་ཏྠི་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. སོ ཏཾ ནི་མི་ཏྟཾ ཨཱ་སེ་ཝ་ཏི བྷཱ་ཝེ་ཏི བ་ཧུ་ལཱི་ཀ་རོ་ཏི སྭཱ་ཝ་ཏྠི་ཏཾ ཝ་ཝ་ཏྠ་པེ་ཏི. སོ ཏཾ ནི་མི་ཏྟཾ ཨཱ་སེ་ཝི་ཏྭཱ བྷཱ་ཝེ་ཏྭཱ བ་ཧུ་ལཱི་ཀ་རི་ཏྭཱ སྭཱ་ཝ་ཏྠི་ཏཾ ཝ་ཝ་ཏྠ་པེ་ཏྭཱ ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ ཙི་ཏྟཾ ཨུ་པ་སཾ་ཧ་ར་ཏི.
ཀ་ཐ་ཉྩ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ས་ནྟཾ ཝཱ ཀཱ་མ་ཙྪ་ནྡཾ ‘‘ཨ་ཏྠི ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཀཱ་མ་ཙྪ་ནྡཾ ‘‘ན་ཏྠི ཀཱ་མ་ཙྪ་ནྡོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཀཱ་མ་ཙྪ་ནྡ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཀཱ་མ་ཙྪ་ནྡ་སྶ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ན་སྶ ཀཱ་མ་ཙྪ་ནྡ་སྶ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ བྱཱ་པཱ་དཾ…པེ… ས་ནྟཾ ཝཱ ཐི་ན་མི་དྡྷཾ…པེ… ས་ནྟཾ ཝཱ ཨུ་དྡྷ་ཙྩ་ཀུ་ཀྐུ་ཙྩཾ…པེ… ས་ནྟཾ ཝཱ ཝི་ཙི་ཀི་ཙྪཾ ‘‘ཨ་ཏྠི ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཝི་ཙི་ཀི་ཙྪཾ ‘‘ན་ཏྠི ཝི་ཙི་ཀི་ཙྪཱ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣཱ་ཡ ཝི་ཙི་ཀི་ཙྪཱ་ཡ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣཱ་ཡ ཝི་ཙི་ཀི་ཙྪཱ་ཡ པ་ཧཱ་ནཾ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ པ་ཧཱི་ནཱ་ཡ ཝི་ཙི་ཀི་ཙྪཱ་ཡ ཨཱ་ཡ་ཏིཾ ཨ་ནུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི.
ས་ནྟཾ ཝཱ ས་ཏི་ས་མྦོ་ཛ྄ཛྷ་ངྒཾ ‘‘ཨ་ཏྠི ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ས་ཏི་ས་མྦོ་ཛ྄ཛྷ་ངྒཾ ‘‘ན་ཏྠི ས་ཏི་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ས་ཏི་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. ས་ནྟཾ ཝཱ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཝཱི་རི་ཡ་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ པཱི་ཏི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ པ་སྶ་དྡྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ས་མཱ་དྷི་ས་མྦོ་ཛ྄ཛྷ་ངྒཾ…པེ… ས་ནྟཾ ཝཱ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ཨ་ཏྠི ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཨ་ས་ནྟཾ ཝཱ ཨུ་པེ་ཀྑཱ་ས་མྦོ་ཛ྄ཛྷ་ངྒཾ ‘‘ན་ཏྠི ཨུ་པེ་ཀྑཱ་ས་མྦོ་ཛ྄ཛྷ་ངྒོ’’ཏི པ་ཛཱ་ནཱ་ཏི, ཡ་ཐཱ ཙ ཨ་ནུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ ཨུ་པྤཱ་དོ ཧོ་ཏི ཏ་ཉྩ པ་ཛཱ་ནཱ་ཏི, ཡ་ཐཱ ཙ ཨུ་པྤ་ནྣ་སྶ ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ བྷཱ་ཝ་ནཱ་ཡ པཱ་རི་པཱུ་རཱི ཧོ་ཏི ཏ་ཉྩ པ་ཛཱ་ནཱ་ཏི. ཨེ་ཝཾ བྷི་ཀྑུ ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.
༣༦༨. ཨ་ནུ་པ་སྶཱི་ཏི. ཏ་ཏྠ ཀ་ཏ་མཱ ཨ་ནུ་པ་སྶ་ནཱ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ཨ་ནུ་པ་སྶ་ནཱ. ཨི་མཱ་ཡ ཨ་ནུ་པ་སྶ་ནཱ་ཡ ཨུ་པེ་ཏོ ཧོ་ཏི ས་མུ་པེ་ཏོ ཨུ་པཱ་ག་ཏོ ས་མུ་པཱ་ག་ཏོ ཨུ་པ་པ་ནྣོ ས་མྤ་ནྣོ ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨ་ནུ་པ་སྶཱི’’ཏི.
༣༦༩. ཝི་ཧ་ར་ཏཱི་ཏི. ཨི་རི་ཡ་ཏི ཝ་ཏྟ་ཏི པཱ་ལེ་ཏི ཡ་པེ་ཏི ཡཱ་པེ་ཏི ཙ་ར་ཏི ཝི་ཧ་ར་ཏི. ཏེ་ན ཝུ་ཙྩ་ཏི ‘‘ཝི་ཧ་ར་ཏཱི’’ཏི.
༣༧༠. ཨཱ་ཏཱ་པཱི་ཏི. ཏ་ཏྠ ཀ་ཏ་མོ ཨཱ་ཏཱ་པོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ – ཨ་ཡཾ ཝུ་ཙྩ་ཏི ‘‘ཨཱ་ཏཱ་པོ’’. ཨི་མི་ནཱ ཨཱ་ཏཱ་པེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ཨཱ་ཏཱ་པཱི’’ཏི.
༣༧༡. ས་མྤ་ཛཱ་ནོ་ཏི. ཏ་ཏྠ ཀ་ཏ་མཾ ས་མྤ་ཛ་ཉྙཾ? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ས་མྤ་ཛ་ཉྙཾ’’. ཨི་མི་ནཱ ས་མྤ་ཛ་ཉྙེ་ན ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་མྤ་ཛཱ་ནོ’’ཏི.
༣༧༢. ས་ཏི་མཱ་ཏི. ཏ་ཏྠ ཀ་ཏ་མཱ ས་ཏི? ཡཱ ས་ཏི ཨ་ནུ་སྶ་ཏི…པེ… ས་མྨཱ་ས་ཏི – ཨ་ཡཾ ཝུ་ཙྩ་ཏི ‘‘ས་ཏི’’. ཨི་མཱ་ཡ ས་ཏི་ཡཱ ཨུ་པེ་ཏོ ཧོ་ཏི…པེ… ས་མ་ནྣཱ་ག་ཏོ. ཏེ་ན ཝུ་ཙྩ་ཏི ‘‘ས་ཏི་མཱ’’ཏི.
༣༧༣. ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ་ནྟི. ཏ་ཏྠ ཀ་ཏ་མོ ལོ་ཀོ? ཏེ་ཝ དྷ་མྨཱ ལོ་ཀོ. པ་ཉྩ་པི ཨུ་པཱ་དཱ་ན་ཀྑ་ནྡྷཱ ལོ་ཀོ. ཨ་ཡཾ ཝུ་ཙྩ་ཏི ‘‘ལོ་ཀོ’’. ཏ་ཏྠ ཀ་ཏ་མཱ ཨ་བྷི་ཛ྄ཛྷཱ? ཡོ རཱ་གོ སཱ་རཱ་གོ…པེ… ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་བྷི་ཛ྄ཛྷཱ’’. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’. ཨི་ཏི ཨ་ཡ་ཉྩ ཨ་བྷི་ཛ྄ཛྷཱ ཨི་ད་ཉྩ དོ་མ་ན་སྶཾ ཨི་མ་མྷི ལོ་ཀེ ཝི་ནཱི་ཏཱ ཧོ་ནྟི པ་ཊི་ཝི་ནཱི་ཏཱ ས་ནྟཱ ས་མི་ཏཱ ཝཱུ་པ་ས་ནྟཱ ཨ་ཏྠ་ངྒ་ཏཱ ཨ་བྦྷ་ཏྠ་ངྒ་ཏཱ ཨ་པྤི་ཏཱ བྱ་པྤི་ཏཱ སོ་སི་ཏཱ ཝི་སོ་སི་ཏཱ བྱ་ནྟཱི་ཀ་ཏཱ. ཏེ་ན ཝུ་ཙྩ་ཏི ‘‘ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’’ནྟི.
དྷ་མྨཱ་ནུ་པ་སྶ་ནཱ་ནི་དྡེ་སོ.
སུ་ཏྟ་ནྟ་བྷཱ་ཛ་ནཱི་ཡཾ.
༢. ཨ་བྷི་དྷ་མྨ་བྷཱ་ཛ་ནཱི་ཡཾ
༣༧༤. ཙ་ཏྟཱ་རོ ས་ཏི་པ་ཊྛཱ་ནཱ – ཨི་དྷ བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི, ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི, ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི, དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི.
༣༧༥. ཀ་ཐ་ཉྩ བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ ཀཱ་ཡེ ཀཱ་ཡཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༧༦. ཀ་ཐ་ཉྩ བྷི་ཀྑུ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ས་ཏི་པ་ཊྛཱ་ནཾ. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༧༧. ཀ་ཐ་ཉྩ བྷི་ཀྑུ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ ཙི་ཏྟེ ཙི་ཏྟཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༧༨. ཀ་ཐ་ཉྩ བྷི་ཀྑུ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ དྷ་མྨེ་སུ དྷ་མྨཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༧༩. ཏ་ཏྠ ཀ་ཏ་མཾ ས་ཏི་པ་ཊྛཱ་ནཾ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ དྷ་མྨེ་སུ དྷ་མྨཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༨༠. ཙ་ཏྟཱ་རོ ས་ཏི་པ་ཊྛཱ་ནཱ – ཨི་དྷ བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི, ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི, ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི, དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི.
༣༨༡. ཀ་ཐ་ཉྩ བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ལོ་ཀུ་ཏྟ་ར་སྶ ཀུ་ས་ལ་སྶ ཛྷཱ་ན་སྶ ཀ་ཏ་ཏྟཱ བྷཱ་ཝི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ སུ་ཉྙ་ཏཾ ཀཱ་ཡེ ཀཱ་ཡཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༨༢. ཀ་ཐ་ཉྩ བྷི་ཀྑུ ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ལོ་ཀུ་ཏྟ་ར་སྶ ཀུ་ས་ལ་སྶ ཛྷཱ་ན་སྶ ཀ་ཏ་ཏྟཱ བྷཱ་ཝི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ སུ་ཉྙ་ཏཾ ཝེ་ད་ནཱ་སུ ཝེ་ད་ནཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༨༣. ཀ་ཐ་ཉྩ བྷི་ཀྑུ ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ལོ་ཀུ་ཏྟ་ར་སྶ ཀུ་ས་ལ་སྶ ཛྷཱ་ན་སྶ ཀ་ཏ་ཏྟཱ བྷཱ་ཝི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ སུ་ཉྙ་ཏཾ ཙི་ཏྟེ ཙི་ཏྟཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༨༤. ཀ་ཐ་ཉྩ བྷི་ཀྑུ དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ལོ་ཀུ་ཏྟ་ར་སྶ ཀུ་ས་ལ་སྶ ཛྷཱ་ན་སྶ ཀ་ཏ་ཏྟཱ བྷཱ་ཝི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ སུ་ཉྙ་ཏཾ དྷ་མྨེ་སུ དྷ་མྨཱ་ནུ་པ་སྶཱི, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
༣༨༥. ཏ་ཏྠ ཀ་ཏ་མཾ ས་ཏི་པ་ཊྛཱ་ནཾ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨི་མེ དྷ་མྨཱ ཀུ་ས་ལཱ. ཏ་སྶེ་ཝ ལོ་ཀུ་ཏྟ་ར་སྶ ཀུ་ས་ལ་སྶ ཛྷཱ་ན་སྶ ཀ་ཏ་ཏྟཱ བྷཱ་ཝི་ཏ་ཏྟཱ ཝི་པཱ་ཀཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ སུ་ཉྙ་ཏཾ, ཡཱ ཏ་སྨིཾ ས་མ་ཡེ ས་ཏི ཨ་ནུ་སྶ་ཏི ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨི་དཾ ཝུ་ཙྩ་ཏི ‘‘ས་ཏི་པ་ཊྛཱ་ནཾ’’. ཨ་ཝ་སེ་སཱ དྷ་མྨཱ ས་ཏི་པ་ཊྛཱ་ན་ས་མྤ་ཡུ་ཏྟཱ.
ཨ་བྷི་དྷ་མྨ་བྷཱ་ཛ་ནཱི་ཡཾ.
༣. པ་ཉྷཱ་པུ་ཙྪ་ཀཾ
༣༨༦. ཙ་ཏྟཱ་རོ ས་ཏི་པ་ཊྛཱ་ནཱ – ཨི་དྷ བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཝེ་ད་ནཱ་སུ ཝེ་ད་ནཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, ཙི་ཏྟེ ཙི་ཏྟཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ, དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ.
༣༨༧. ཙ་ཏུ་ནྣཾ ས་ཏི་པ་ཊྛཱ་ནཱ་ནཾ ཀ་ཏི ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ…པེ… ཀ་ཏི ས་ར་ཎཱ, ཀ་ཏི ཨ་ར་ཎཱ?
༡. ཏི་ཀཾ
༣༨༨. སི་ཡཱ ཀུ་ས་ལཱ, སི་ཡཱ ཨ་བྱཱ་ཀ་ཏཱ. སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. སི་ཡཱ ཝི་པཱ་ཀཱ སི་ཡཱ ཝི་པཱ་ཀ་དྷ་མྨ་དྷ་མྨཱ. ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡཱ. ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ. སི་ཡཱ ས་ཝི་ཏ་ཀྐ་ས་ཝི་ཙཱ་རཱ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཱ. སི་ཡཱ པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, སི་ཡཱ ཨུ་པེ་ཀྑཱ་ས་ཧ་ག་ཏཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. སི་ཡཱ ཨ་པ་ཙ་ཡ་གཱ་མི་ནོ, སི་ཡཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ. སི་ཡཱ སེ་ཀྑཱ, སི་ཡཱ ཨ་སེ་ཀྑཱ. ཨ་པྤ་མཱ་ཎཱ. ཨ་པྤ་མཱ་ཎཱ་ར་མྨ་ཎཱ. པ་ཎཱི་ཏཱ. སི་ཡཱ ས་མྨ་ཏྟ་ནི་ཡ་ཏཱ, སི་ཡཱ ཨ་ནི་ཡ་ཏཱ. ན མ་གྒཱ་ར་མྨ་ཎཱ, སི་ཡཱ མ་གྒ་ཧེ་ཏུ་ཀཱ, སི་ཡཱ མ་གྒཱ་དྷི་པ་ཏི་ནོ, སི་ཡཱ ན ཝ་ཏྟ་བྦཱ མ་གྒ་ཧེ་ཏུ་ཀཱ་ཏི་པི, མ་གྒཱ་དྷི་པ་ཏི་ནོ་ཏི་པི. སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, སི་ཡཱ ཨུ་པྤཱ་དི་ནོ. སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. ན ཝ་ཏྟ་བྦཱ ཨ་ཏཱི་ཏཱ་ར་མྨ་ཎཱ་ཏི་པི, ཨ་ནཱ་ག་ཏཱ་ར་མྨ་ཎཱ་ཏི་པི, པ་ཙྩུ་པྤ་ནྣཱ་ར་མྨ་ཎཱ་ཏི་པི. སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ. བ་ཧི་དྡྷཱ་ར་མྨ་ཎཱ. ཨ་ནི་ད་སྶ་ན་ཨ་པྤ་ཊི་གྷཱ.
༢. དུ་ཀཾ
༣༨༩. ན ཧེ་ཏཱུ. ས་ཧེ་ཏུ་ཀཱ. ཧེ་ཏུ་ས་མྤ་ཡུ་ཏྟཱ. ན ཝ་ཏྟ་བྦཱ ཧེ་ཏཱུ ཙེ་ཝ ས་ཧེ་ཏུ་ཀཱ ཙཱ་ཏི, ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ. ན ཝ་ཏྟ་བྦཱ ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ་ཏི, ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ. ན ཧེ་ཏཱུ ས་ཧེ་ཏུ་ཀཱ.
ས་པྤ་ཙྩ་ཡཱ. ས་ངྑ་ཏཱ. ཨ་ནི་ད་སྶ་ནཱ. ཨ་པྤ་ཊི་གྷཱ. ཨ་རཱུ་པཱ. ལོ་ཀུ་ཏྟ་རཱ. ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ. ནོ ཨཱ་ས་ཝཱ. ཨ་ནཱ་ས་ཝཱ. ཨཱ་ས་ཝ་ཝི་པྤ་ཡུ་ཏྟཱ. ན ཝ་ཏྟ་བྦཱ ཨཱ་ས་ཝཱ ཙེ་ཝ སཱ་ས་ཝཱ་ཙཱ་ཏི་པི, སཱ་ས་ཝཱ ཙེ་ཝ ནོ ཙ ཨཱ་ས་ཝཱ་ཏི་པི. ན ཝ་ཏྟ་བྦཱ ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ་ཙཱ་ཏི་པི, ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ་ཏི་པི. ཨཱ་ས་ཝ་ཝི་པྤ་ཡུ་ཏྟཱ. ཨ་ནཱ་ས་ཝཱ. ནོ སཾ་ཡོ་ཛ་ནཱ…པེ… ནོ ག་ནྠཱ…པེ… ནོ ཨོ་གྷཱ…པེ… ནོ ཡོ་གཱ…པེ… ནོ ནཱི་ཝ་ར་ཎཱ…པེ… ནོ པ་རཱ་མཱ་སཱ…པེ… སཱ་ར་མྨ་ཎཱ. ནོ ཙི་ཏྟཱ. ཙེ་ཏ་སི་ཀཱ. ཙི་ཏྟ་ས་མྤ་ཡུ་ཏྟཱ. ཙི་ཏྟ་སཾ་ས་ཊྛཱ. ཙི་ཏྟ་ས་མུ་ཊྛཱ་ནཱ. ཙི་ཏྟ་ས་ཧ་བྷུ་ནོ. ཙི་ཏྟཱ་ནུ་པ་རི་ཝ་ཏྟི་ནོ. ཙི་ཏྟ་སཾ་ས་ཊྛ་ས་མུ་ཊྛཱ་ནཱ. ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷུ་ནོ. ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི་ནོ. བཱ་ཧི་རཱ. ནོ ཨུ་པཱ་དཱ. ཨ་ནུ་པཱ་དི་ནྣཱ. ནོ ཨུ་པཱ་དཱ་ནཱ…པེ… ནོ ཀི་ལེ་སཱ…པེ… ན ད་སྶ་ནེ་ན པ་ཧཱ་ཏ་བྦཱ, ན བྷཱ་ཝ་ནཱ་ཡ པ་ཧཱ་ཏ་བྦཱ. ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ.
སི་ཡཱ ས་ཝི་ཏ་ཀྐཱ, སི་ཡཱ ཨ་ཝི་ཏ་ཀྐཱ. སི་ཡཱ ས་ཝི་ཙཱ་རཱ, སི་ཡཱ ཨ་ཝི་ཙཱ་རཱ. སི་ཡཱ ས་པྤཱི་ཏི་ཀཱ, སི་ཡཱ ཨ་པྤཱི་ཏི་ཀཱ. སི་ཡཱ པཱི་ཏི་ས་ཧ་ག་ཏཱ, སི་ཡཱ ན པཱི་ཏི་ས་ཧ་ག་ཏཱ. སི་ཡཱ སུ་ཁ་ས་ཧ་ག་ཏཱ, སི་ཡཱ ན སུ་ཁ་ས་ཧ་ག་ཏཱ. སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཨུ་པེ་ཀྑཱ་ས་ཧ་ག་ཏཱ. ན ཀཱ་མཱ་ཝ་ཙ་རཱ. ན རཱུ་པཱ་ཝ་ཙ་རཱ. ན ཨ་རཱུ་པཱ་ཝ་ཙ་རཱ. ཨ་པ་རི་ཡཱ་པ་ནྣཱ. སི་ཡཱ ནི་ཡྻཱ་ནི་ཀཱ, སི་ཡཱ ཨ་ནི་ཡྻཱ་ནི་ཀཱ. སི་ཡཱ ནི་ཡ་ཏཱ, སི་ཡཱ ཨ་ནི་ཡ་ཏཱ. ཨ་ནུ་ཏྟ་རཱ. ཨ་ར་ཎཱ་ཏི.
པ་ཉྷཱ་པུ་ཙྪ་ཀཾ.
ས་ཏི་པ་ཊྛཱ་ན་ཝི་བྷ་ངྒོ ནི་ཊྛི་ཏོ.