༣. ནི་རོ་དྷ་ས་ཙྩཾ

༢༠༤. ཏ་ཏྠ ཀ་ཏ་མཾ དུ་ཀྑ་ནི་རོ་དྷཾ ཨ་རི་ཡ་ས་ཙྩཾ? ཡོ ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷོ ཙཱ་གོ པ་ཊི་ནི་སྶ་གྒོ མུ་ཏྟི ཨ་ནཱ་ལ་ཡོ.

སཱ ཁོ པ་ནེ་སཱ ཏ་ཎྷཱ ཀ་ཏྠ པ་ཧཱི་ཡ་མཱ་ནཱ པ་ཧཱི་ཡ་ཏི, ཀ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི? ཡཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ, ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

ཀི་ཉྩ ལོ་ཀེ པི་ཡ་རཱུ་པཾ སཱ་ཏ་རཱུ་པཾ? ཙ་ཀྑུཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏཾ ལོ་ཀེ…པེ… གྷཱ་ནཾ ལོ་ཀེ… ཛི་ཝ྄ཧཱ ལོ་ཀེ… ཀཱ་ཡོ ལོ་ཀེ… མ་ནོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

རཱུ་པཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. ས་དྡཱ ལོ་ཀེ…པེ… ག་ནྡྷཱ ལོ་ཀེ… ར་སཱ ལོ་ཀེ… ཕོ་ཊྛ་བྦཱ ལོ་ཀེ… དྷ་མྨཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

ཙ་ཀྑུ་ཝི་ཉྙཱ་ཎཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏ་ཝི་ཉྙཱ་ཎཾ ལོ་ཀེ…པེ… གྷཱ་ན་ཝི་ཉྙཱ་ཎཾ ལོ་ཀེ… ཛི་ཝ྄ཧཱ་ཝི་ཉྙཱ་ཎཾ ལོ་ཀེ… ཀཱ་ཡ་ཝི་ཉྙཱ་ཎཾ ལོ་ཀེ… མ་ནོ་ཝི་ཉྙཱ་ཎཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

ཙ་ཀྑུ་ས་མྥ་སྶོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏ་ས་མྥ་སྶོ ལོ་ཀེ…པེ… གྷཱ་ན་ས་མྥ་སྶོ ལོ་ཀེ… ཛི་ཝ྄ཧཱ་ས་མྥ་སྶོ ལོ་ཀེ… ཀཱ་ཡ་ས་མྥ་སྶོ ལོ་ཀེ… མ་ནོ་ས་མྥ་སྶོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

ཙ་ཀྑུ་ས་མྥ་སྶ་ཛཱ ཝེ་ད་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏ་ས་མྥ་སྶ་ཛཱ ཝེ་ད་ནཱ ལོ་ཀེ…པེ… གྷཱ་ན་ས་མྥ་སྶ་ཛཱ ཝེ་ད་ནཱ ལོ་ཀེ… ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ ལོ་ཀེ… ཀཱ་ཡ་ས་མྥ་སྶ་ཛཱ ཝེ་ད་ནཱ ལོ་ཀེ… མ་ནོ་ས་མྥ་སྶ་ཛཱ ཝེ་ད་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

རཱུ་པ་ས་ཉྙཱ ལོ་ཀེ… ས་དྡ་ས་ཉྙཱ ལོ་ཀེ… ག་ནྡྷ་ས་ཉྙཱ ལོ་ཀེ… ར་ས་ས་ཉྙཱ ལོ་ཀེ… ཕོ་ཊྛ་བྦ་ས་ཉྙཱ ལོ་ཀེ… དྷ་མྨ་ས་ཉྙཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

རཱུ་པ་ས་ཉྩེ་ཏ་ནཱ ལོ་ཀེ… ས་དྡ་ས་ཉྩེ་ཏ་ནཱ ལོ་ཀེ… ག་ནྡྷ་ས་ཉྩེ་ཏ་ནཱ ལོ་ཀེ… ར་ས་ས་ཉྩེ་ཏ་ནཱ ལོ་ཀེ… ཕོ་ཊྛ་བྦ་ས་ཉྩེ་ཏ་ནཱ ལོ་ཀེ… དྷ་མྨ་ས་ཉྩེ་ཏ་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

རཱུ་པ་ཏ་ཎྷཱ ལོ་ཀེ… ས་དྡ་ཏ་ཎྷཱ ལོ་ཀེ… ག་ནྡྷ་ཏ་ཎྷཱ ལོ་ཀེ… ར་ས་ཏ་ཎྷཱ ལོ་ཀེ… ཕོ་ཊྛ་བྦ་ཏ་ཎྷཱ ལོ་ཀེ… དྷ་མྨ་ཏ་ཎྷཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

རཱུ་པ་ཝི་ཏ་ཀྐོ ལོ་ཀེ… ས་དྡ་ཝི་ཏ་ཀྐོ ལོ་ཀེ… ག་ནྡྷ་ཝི་ཏ་ཀྐོ ལོ་ཀེ… ར་ས་ཝི་ཏ་ཀྐོ ལོ་ཀེ… ཕོ་ཊྛ་བྦ་ཝི་ཏ་ཀྐོ ལོ་ཀེ… དྷ་མྨ་ཝི་ཏ་ཀྐོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

རཱུ་པ་ཝི་ཙཱ་རོ ལོ་ཀེ… ས་དྡ་ཝི་ཙཱ་རོ ལོ་ཀེ… ག་ནྡྷ་ཝི་ཙཱ་རོ ལོ་ཀེ… ར་ས་ཝི་ཙཱ་རོ ལོ་ཀེ… ཕོ་ཊྛ་བྦ་ཝི་ཙཱ་རོ ལོ་ཀེ… དྷ་མྨ་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.

ཨི་དཾ ཝུ་ཙྩ་ཏི ‘‘དུ་ཀྑ་ནི་རོ་དྷཾ ཨ་རི་ཡ་ས་ཙྩཾ’’.