༤. ས་ཙྩ་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
༡༨༩. ཙ་ཏྟཱ་རི ཨ་རི་ཡ་ས་ཙྩཱ་ནི – དུ་ཀྑཾ ཨ་རི་ཡ་ས་ཙྩཾ, དུ་ཀྑ་ས་མུ་ད་ཡཾ [དུ་ཀྑ་ས་མུ་ད་ཡོ (སྱཱ.)] ཨ་རི་ཡ་ས་ཙྩཾ, དུ་ཀྑ་ནི་རོ་དྷཾ [དུ་ཀྑ་ནི་རོ་དྷོ (སྱཱ.)] ཨ་རི་ཡ་ས་ཙྩཾ, དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ ཨ་རི་ཡ་ས་ཙྩཾ.
༡. དུ་ཀྑ་ས་ཙྩཾ
༡༩༠. ཏ་ཏྠ ཀ་ཏ་མཾ དུ་ཀྑཾ ཨ་རི་ཡ་ས་ཙྩཾ? ཛཱ་ཏི་པི དུ་ཀྑཱ, ཛ་རཱ་པི དུ་ཀྑཱ, མ་ར་ཎ་མྤི དུ་ཀྑཾ, སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ་པི དུ་ཀྑཱ, ཨ་པྤི་ཡེ་ཧི ས་མྤ་ཡོ་གོ དུ་ཀྑོ, པི་ཡེ་ཧི ཝི་པྤ་ཡོ་གོ དུ་ཀྑོ, ཡཾ པི་ཙྪཾ ན ལ་བྷ་ཏི ཏ་མྤི དུ་ཀྑཾ, སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ དུ་ཀྑཱ.
༡༩༡. ཏ་ཏྠ ཀ་ཏ་མཱ ཛཱ་ཏི? ཡཱ ཏེ་སཾ ཏེ་སཾ ས་ཏྟཱ་ནཾ ཏ་མྷི ཏ་མྷི ས་ཏྟ་ནི་ཀཱ་ཡེ ཛཱ་ཏི ས་ཉྫཱ་ཏི ཨོ་ཀྐ་ནྟི ཨ་བྷི་ནི་བྦ་ཏྟི ཁ་ནྡྷཱ་ནཾ པཱ་ཏུ་བྷཱ་ཝོ ཨཱ་ཡ་ཏ་ནཱ་ནཾ པ་ཊི་ལཱ་བྷོ – ཨ་ཡཾ ཝུ་ཙྩ་ཏི ‘‘ཛཱ་ཏི’’.
༡༩༢. ཏ་ཏྠ ཀ་ཏ་མཱ ཛ་རཱ? ཡཱ ཏེ་སཾ ཏེ་སཾ ས་ཏྟཱ་ནཾ ཏ་མྷི ཏ་མྷི ས་ཏྟ་ནི་ཀཱ་ཡེ ཛ་རཱ ཛཱི་ར་ཎ་ཏཱ ཁ་ཎྜི་ཙྩཾ པཱ་ལི་ཙྩཾ ཝ་ལི་ཏྟ་ཙ་ཏཱ ཨཱ་ཡུ་ནོ སཾ་ཧཱ་ནི ཨི་ནྡྲི་ཡཱ་ནཾ པ་རི་པཱ་ཀོ – ཨ་ཡཾ ཝུ་ཙྩ་ཏི ‘‘ཛ་རཱ’’.
༡༩༣. ཏ་ཏྠ ཀ་ཏ་མཾ མ་ར་ཎཾ? ཡཱ ཏེ་སཾ ཏེ་སཾ ས་ཏྟཱ་ནཾ ཏ་མྷཱ ཏ་མྷཱ ས་ཏྟ་ནི་ཀཱ་ཡཱ ཙུ་ཏི ཙ་ཝ་ན་ཏཱ བྷེ་དོ ཨ་ནྟ་ར་དྷཱ་ནཾ མ་ཙྩུ མ་ར་ཎཾ ཀཱ་ལ་ཀི་རི་ཡཱ ཁ་ནྡྷཱ་ནཾ བྷེ་དོ ཀ་ལེ༹་ཝ་ར་སྶ ནི་ཀྑེ་པོ ཛཱི་ཝི་ཏི་ནྡྲི་ཡ་སྶུ་པ་ཙྪེ་དོ – ཨི་དཾ ཝུ་ཙྩ་ཏི ‘‘མ་ར་ཎཾ’’.
༡༩༤. ཏ་ཏྠ ཀ་ཏ་མོ སོ་ཀོ? ཉཱ་ཏི་བྱ་ས་ནེ་ན ཝཱ ཕུ་ཊྛ་སྶ བྷོ་ག་བྱ་ས་ནེ་ན ཝཱ ཕུ་ཊྛ་སྶ རོ་ག་བྱ་ས་ནེ་ན ཝཱ ཕུ་ཊྛ་སྶ སཱི་ལ་བྱ་ས་ནེ་ན ཝཱ ཕུ་ཊྛ་སྶ དི་ཊྛི་བྱ་ས་ནེ་ན ཝཱ ཕུ་ཊྛ་སྶ ཨ་ཉྙ་ཏ་ར་ཉྙ་ཏ་རེ་ན བྱ་ས་ནེ་ན ས་མ་ནྣཱ་ག་ཏ་སྶ ཨ་ཉྙ་ཏ་ར་ཉྙ་ཏ་རེ་ན དུ་ཀྑ་དྷ་མྨེ་ན ཕུ་ཊྛ་སྶ སོ་ཀོ སོ་ཙ་ནཱ སོ་ཙི་ཏ་ཏྟཾ ཨ་ནྟོ་སོ་ཀོ ཨ་ནྟོ་པ་རི་སོ་ཀོ ཙེ་ཏ་སོ པ་རི་ཛ྄ཛྷཱ་ཡ་ནཱ དོ་མ་ན་སྶཾ སོ་ཀ་ས་ལླཾ – ཨ་ཡཾ ཝུ་ཙྩ་ཏི ‘‘སོ་ཀོ’’.
༡༩༥. ཏ་ཏྠ ཀ་ཏ་མོ པ་རི་དེ་ཝོ? ཉཱ་ཏི་བྱ་ས་ནེ་ན ཝཱ ཕུ་ཊྛ་སྶ བྷོ་ག་བྱ་ས་ནེ་ན ཝཱ ཕུ་ཊྛ་སྶ རོ་ག་བྱ་ས་ནེ་ན ཝཱ ཕུ་ཊྛ་སྶ སཱི་ལ་བྱ་ས་ནེ་ན ཝཱ ཕུ་ཊྛ་སྶ དི་ཊྛི་བྱ་ས་ནེ་ན ཝཱ ཕུ་ཊྛ་སྶ ཨ་ཉྙ་ཏ་ར་ཉྙ་ཏ་རེ་ན བྱ་ས་ནེ་ན ས་མ་ནྣཱ་ག་ཏ་སྶ ཨ་ཉྙ་ཏ་ར་ཉྙ་ཏ་རེ་ན དུ་ཀྑ་དྷ་མྨེ་ན ཕུ་ཊྛ་སྶ ཨཱ་དེ་ཝོ པ་རི་དེ་ཝོ ཨཱ་དེ་ཝ་ནཱ པ་རི་དེ་ཝ་ནཱ ཨཱ་དེ་ཝི་ཏ་ཏྟཾ པ་རི་དེ་ཝི་ཏ་ཏྟཾ ཝཱ་ཙཱ པ་ལཱ་པོ ཝི་པྤ་ལཱ་པོ ལཱ་ལ་པྤོ ལཱ་ལ་པྤ་ནཱ ལཱ་ལ་པྤི་ཏ་ཏྟཾ [ལཱ་ལ་པོ ལཱ་ལ་པ་ནཱ ལཱ་ལ་པི་ཏ་ཏྟཾ (སྱཱ.)] – ཨ་ཡཾ ཝུ་ཙྩ་ཏི ‘‘པ་རི་དེ་ཝོ’’.
༡༩༦. ཏ་ཏྠ ཀ་ཏ་མཾ དུ་ཀྑཾ? ཡཾ ཀཱ་ཡི་ཀཾ ཨ་སཱ་ཏཾ ཀཱ་ཡི་ཀཾ དུ་ཀྑཾ ཀཱ་ཡ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཀཱ་ཡ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དུ་ཀྑཾ’’.
༡༩༧. ཏ་ཏྠ ཀ་ཏ་མཾ དོ་མ་ན་སྶཾ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨི་དཾ ཝུ་ཙྩ་ཏི ‘‘དོ་མ་ན་སྶཾ’’.
༡༩༨. ཏ་ཏྠ ཀ་ཏ་མོ ཨུ་པཱ་ཡཱ་སོ? ཉཱ་ཏི་བྱ་ས་ནེ་ན ཝཱ ཕུ་ཊྛ་སྶ བྷོ་ག་བྱ་ས་ནེ་ན ཝཱ ཕུ་ཊྛ་སྶ རོ་ག་བྱ་ས་ནེ་ན ཝཱ ཕུ་ཊྛ་སྶ སཱི་ལ་བྱ་ས་ནེ་ན ཝཱ ཕུ་ཊྛ་སྶ དི་ཊྛི་བྱ་ས་ནེ་ན ཝཱ ཕུ་ཊྛ་སྶ ཨ་ཉྙ་ཏ་ར་ཉྙ་ཏ་རེ་ན བྱ་ས་ནེ་ན ས་མ་ནྣཱ་ག་ཏ་སྶ ཨ་ཉྙ་ཏ་ར་ཉྙ་ཏ་རེ་ན དུ་ཀྑ་དྷ་མྨེ་ན ཕུ་ཊྛ་སྶ ཨཱ་ཡཱ་སོ ཨུ་པཱ་ཡཱ་སོ ཨཱ་ཡཱ་སི་ཏ་ཏྟཾ ཨུ་པཱ་ཡཱ་སི་ཏ་ཏྟཾ – ཨ་ཡཾ ཝུ་ཙྩ་ཏི ‘‘ཨུ་པཱ་ཡཱ་སོ’’.
༡༩༩. ཏ་ཏྠ ཀ་ཏ་མོ ཨ་པྤི་ཡེ་ཧི ས་མྤ་ཡོ་གོ དུ་ཀྑོ? ཨི་དྷ ཡ་སྶ ཏེ ཧོ་ནྟི ཨ་ནི་ཊྛཱ ཨ་ཀ་ནྟཱ ཨ་མ་ནཱ་པཱ རཱུ་པཱ ས་དྡཱ ག་ནྡྷཱ ར་སཱ ཕོ་ཊྛ་བྦཱ, ཡེ ཝཱ པ་ན་སྶ ཏེ ཧོ་ནྟི ཨ་ན་ཏྠ་ཀཱ་མཱ ཨ་ཧི་ཏ་ཀཱ་མཱ ཨ་ཕཱ་སུ་ཀ་ཀཱ་མཱ ཨ་ཡོ་ག་ཀྑེ་མ་ཀཱ་མཱ; ཡཱ ཏེ་ཧི ས་ངྒ་ཏི ས་མཱ་ག་མོ ས་མོ་དྷཱ་ནཾ མི་སྶཱི་བྷཱ་ཝོ – ཨ་ཡཾ ཝུ་ཙྩ་ཏི ‘‘ཨ་པྤི་ཡེ་ཧི ས་མྤ་ཡོ་གོ དུ་ཀྑོ’’.
༢༠༠. ཏ་ཏྠ ཀ་ཏ་མོ པི་ཡེ་ཧི ཝི་པྤ་ཡོ་གོ དུ་ཀྑོ? ཨི་དྷ ཡ་སྶ ཏེ ཧོ་ནྟི ཨི་ཊྛཱ ཀ་ནྟཱ མ་ནཱ་པཱ རཱུ་པཱ ས་དྡཱ ག་ནྡྷཱ ར་སཱ ཕོ་ཊྛ་བྦཱ, ཡེ ཝཱ པ་ན་སྶ ཏེ ཧོ་ནྟི ཨ་ཏྠ་ཀཱ་མཱ ཧི་ཏ་ཀཱ་མཱ ཕཱ་སུ་ཀ་ཀཱ་མཱ ཡོ་ག་ཀྑེ་མ་ཀཱ་མཱ མཱ་ཏཱ ཝཱ པི་ཏཱ ཝཱ བྷཱ་ཏཱ ཝཱ བྷ་གི་ནཱི ཝཱ མི་ཏྟཱ ཝཱ ཨ་མ་ཙྩཱ ཝཱ ཉཱ་ཏཱི ཝཱ སཱ་ལོ་ཧི་ཏཱ ཝཱ; ཡཱ ཏེ་ཧི ཨ་ས་ངྒ་ཏི ཨ་ས་མཱ་ག་མོ ཨ་ས་མོ་དྷཱ་ནཾ ཨ་མི་སྶཱི་བྷཱ་ཝོ – ཨ་ཡཾ ཝུ་ཙྩ་ཏི ‘‘པི་ཡེ་ཧི ཝི་པྤ་ཡོ་གོ དུ་ཀྑོ’’.
༢༠༡. ཏ་ཏྠ ཀ་ཏ་མཾ ཡ་མྤི་ཙྪཾ ན ལ་བྷ་ཏི ཏ་མྤི དུ་ཀྑཾ? ཛཱ་ཏི་དྷ་མྨཱ་ནཾ ས་ཏྟཱ་ནཾ ཨེ་ཝཾ ཨི་ཙྪཱ ཨུ་པྤ་ཛྫ་ཏི – ‘‘ཨ་ཧོ ཝ་ཏ, མ་ཡཾ ན ཛཱ་ཏི་དྷ་མྨཱ ཨ་སྶཱ་མ; ན ཙ, ཝ་ཏ, ནོ ཛཱ་ཏི ཨཱ་ག་ཙྪེ་ཡྻཱ’’ཏི! ན ཁོ པ་ནེ་ཏཾ ཨི་ཙྪཱ་ཡ པ་ཏྟ་བྦཾ. ཨི་ད་མྤི ‘‘ཡ་མྤི་ཙྪཾ ན ལ་བྷ་ཏི ཏ་མྤི དུ་ཀྑཾ’’.
ཛ་རཱ་དྷ་མྨཱ་ནཾ ས་ཏྟཱ་ནཾ…པེ… བྱཱ་དྷི་དྷ་མྨཱ་ནཾ ས་ཏྟཱ་ནཾ…པེ… མ་ར་ཎ་དྷ་མྨཱ་ནཾ ས་ཏྟཱ་ནཾ…པེ… སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་ས་དྷ་མྨཱ་ནཾ ས་ཏྟཱ་ནཾ ཨེ་ཝཾ ཨི་ཙྪཱ ཨུ་པྤ་ཛྫ་ཏི – ‘‘ཨ་ཧོ ཝ་ཏ, མ་ཡཾ ན སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་ས་དྷ་མྨཱ ཨ་སྶཱ་མ; ན ཙ, ཝ་ཏ, ནོ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ཨཱ་ག་ཙྪེ་ཡྻུ’’ནྟི! ན ཁོ པ་ནེ་ཏཾ ཨི་ཙྪཱ་ཡ པ་ཏྟ་བྦཾ. ཨི་ད་མྤི ‘‘ཡ་མྤི་ཙྪཾ ན ལ་བྷ་ཏི ཏ་མྤི དུ་ཀྑཾ’’.
༢༠༢. ཏ་ཏྠ ཀ་ཏ་མེ སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ དུ་ཀྑཱ? སེ་ཡྻ་ཐི་དཾ – རཱུ་པུ་པཱ་དཱ་ན་ཀྑ་ནྡྷོ, ཝེ་ད་ནུ་པཱ་དཱ་ན་ཀྑ་ནྡྷོ, ས་ཉྙུ་པཱ་དཱ་ན་ཀྑ་ནྡྷོ, ས་ངྑཱ་རུ་པཱ་དཱ་ན་ཀྑ་ནྡྷོ, ཝི་ཉྙཱ་ཎུ་པཱ་དཱ་ན་ཀྑ་ནྡྷོ. ཨི་མེ ཝུ་ཙྩ་ནྟི ‘‘སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ དུ་ཀྑཱ’’.
ཨི་དཾ ཝུ་ཙྩ་ཏི ‘‘དུ་ཀྑཾ ཨ་རི་ཡ་ས་ཙྩཾ’’.
༢. ས་མུ་ད་ཡ་ས་ཙྩཾ
༢༠༣. ཏ་ཏྠ ཀ་ཏ་མཾ དུ་ཀྑ་ས་མུ་ད་ཡཾ ཨ་རི་ཡ་ས་ཙྩཾ? ཡཱ་ཡཾ ཏ་ཎྷཱ པོ་ནོ་བྷ་ཝི་ཀཱ [པོ་ནོ་བྦྷ་ཝི་ཀཱ (སྱཱ. ཀ.)] ན་ནྡི་རཱ་ག་ས་ཧ་ག་ཏཱ ཏ་ཏྲ་ཏ་ཏྲཱ་བྷི་ན་ནྡི་ནཱི, སེ་ཡྻ་ཐི་དཾ – ཀཱ་མ་ཏ་ཎྷཱ, བྷ་ཝ་ཏ་ཎྷཱ, ཝི་བྷ་ཝ་ཏ་ཎྷཱ.
སཱ ཁོ པ་ནེ་སཱ ཏ་ཎྷཱ ཀ་ཏྠ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཀ་ཏྠ ནི་ཝི་ས་མཱ་ནཱ ནི་ཝི་ས་ཏི? ཡཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ, ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
ཀི་ཉྩ ལོ་ཀེ པི་ཡ་རཱུ་པཾ སཱ་ཏ་རཱུ་པཾ? ཙ་ཀྑུཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. སོ་ཏཾ ལོ་ཀེ…པེ… གྷཱ་ནཾ ལོ་ཀེ… ཛི་ཝ྄ཧཱ ལོ་ཀེ… ཀཱ་ཡོ ལོ་ཀེ… མ་ནོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
རཱུ་པཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ས་དྡཱ ལོ་ཀེ…པེ… ག་ནྡྷཱ ལོ་ཀེ… ར་སཱ ལོ་ཀེ… ཕོ་ཊྛ་བྦཱ ལོ་ཀེ… དྷ་མྨཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
ཙ་ཀྑུ་ཝི་ཉྙཱ་ཎཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. སོ་ཏ་ཝི་ཉྙཱ་ཎཾ ལོ་ཀེ…པེ… གྷཱ་ན་ཝི་ཉྙཱ་ཎཾ ལོ་ཀེ… ཛི་ཝ྄ཧཱ་ཝི་ཉྙཱ་ཎཾ ལོ་ཀེ… ཀཱ་ཡ་ཝི་ཉྙཱ་ཎཾ ལོ་ཀེ… མ་ནོ་ཝི་ཉྙཱ་ཎཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
ཙ་ཀྑུ་ས་མྥ་སྶོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. སོ་ཏ་ས་མྥ་སྶོ ལོ་ཀེ…པེ… གྷཱ་ན་ས་མྥ་སྶོ ལོ་ཀེ… ཛི་ཝ྄ཧཱ་ས་མྥ་སྶོ ལོ་ཀེ… ཀཱ་ཡ་ས་མྥ་སྶོ ལོ་ཀེ… མ་ནོ་ས་མྥ་སྶོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
ཙ་ཀྑུ་ས་མྥ་སྶ་ཛཱ ཝེ་ད་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. སོ་ཏ་ས་མྥ་སྶ་ཛཱ ཝེ་ད་ནཱ ལོ་ཀེ…པེ… གྷཱ་ན་ས་མྥ་སྶ་ཛཱ ཝེ་ད་ནཱ ལོ་ཀེ… ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ ལོ་ཀེ… ཀཱ་ཡ་ས་མྥ་སྶ་ཛཱ ཝེ་ད་ནཱ ལོ་ཀེ… མ་ནོ་ས་མྥ་སྶ་ཛཱ ཝེ་ད་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
རཱུ་པ་ས་ཉྙཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ས་དྡ་ས་ཉྙཱ ལོ་ཀེ…པེ… ག་ནྡྷ་ས་ཉྙཱ ལོ་ཀེ… ར་ས་ས་ཉྙཱ ལོ་ཀེ… ཕོ་ཊྛ་བྦ་ས་ཉྙཱ ལོ་ཀེ… དྷ་མྨ་ས་ཉྙཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
རཱུ་པ་ས་ཉྩེ་ཏ་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ས་དྡ་ས་ཉྩེ་ཏ་ནཱ ལོ་ཀེ…པེ… ག་ནྡྷ་ས་ཉྩེ་ཏ་ནཱ ལོ་ཀེ… ར་ས་ས་ཉྩེ་ཏ་ནཱ ལོ་ཀེ… ཕོ་ཊྛ་བྦ་ས་ཉྩེ་ཏ་ནཱ ལོ་ཀེ… དྷ་མྨ་ས་ཉྩེ་ཏ་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
རཱུ་པ་ཏ་ཎྷཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ས་དྡ་ཏ་ཎྷཱ ལོ་ཀེ…པེ… ག་ནྡྷ་ཏ་ཎྷཱ ལོ་ཀེ… ར་ས་ཏ་ཎྷཱ ལོ་ཀེ… ཕོ་ཊྛ་བྦ་ཏ་ཎྷཱ ལོ་ཀེ… དྷ་མྨ་ཏ་ཎྷཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
རཱུ་པ་ཝི་ཏ་ཀྐོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ས་དྡ་ཝི་ཏ་ཀྐོ ལོ་ཀེ…པེ… ག་ནྡྷ་ཝི་ཏ་ཀྐོ ལོ་ཀེ… ར་ས་ཝི་ཏ་ཀྐོ ལོ་ཀེ… ཕོ་ཊྛ་བྦ་ཝི་ཏ་ཀྐོ ལོ་ཀེ… དྷ་མྨ་ཝི་ཏ་ཀྐོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
རཱུ་པ་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ས་དྡ་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ག་ནྡྷ་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ར་ས་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. ཕོ་ཊྛ་བྦ་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི. དྷ་མྨ་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ ཨུ་པྤ་ཛྫ་མཱ་ནཱ ཨུ་པྤ་ཛྫ་ཏི, ཨེ་ཏྠ ནི་ཝི་ས་མཱ་ནཱ ནི་ཝི་ས་ཏི.
ཨི་དཾ ཝུ་ཙྩ་ཏི ‘‘དུ་ཀྑ་ས་མུ་ད་ཡཾ ཨ་རི་ཡ་ས་ཙྩཾ’’.
༣. ནི་རོ་དྷ་ས་ཙྩཾ
༢༠༤. ཏ་ཏྠ ཀ་ཏ་མཾ དུ་ཀྑ་ནི་རོ་དྷཾ ཨ་རི་ཡ་ས་ཙྩཾ? ཡོ ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷོ ཙཱ་གོ པ་ཊི་ནི་སྶ་གྒོ མུ་ཏྟི ཨ་ནཱ་ལ་ཡོ.
སཱ ཁོ པ་ནེ་སཱ ཏ་ཎྷཱ ཀ་ཏྠ པ་ཧཱི་ཡ་མཱ་ནཱ པ་ཧཱི་ཡ་ཏི, ཀ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི? ཡཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ, ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
ཀི་ཉྩ ལོ་ཀེ པི་ཡ་རཱུ་པཾ སཱ་ཏ་རཱུ་པཾ? ཙ་ཀྑུཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏཾ ལོ་ཀེ…པེ… གྷཱ་ནཾ ལོ་ཀེ… ཛི་ཝ྄ཧཱ ལོ་ཀེ… ཀཱ་ཡོ ལོ་ཀེ… མ་ནོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
རཱུ་པཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. ས་དྡཱ ལོ་ཀེ…པེ… ག་ནྡྷཱ ལོ་ཀེ… ར་སཱ ལོ་ཀེ… ཕོ་ཊྛ་བྦཱ ལོ་ཀེ… དྷ་མྨཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
ཙ་ཀྑུ་ཝི་ཉྙཱ་ཎཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏ་ཝི་ཉྙཱ་ཎཾ ལོ་ཀེ…པེ… གྷཱ་ན་ཝི་ཉྙཱ་ཎཾ ལོ་ཀེ… ཛི་ཝ྄ཧཱ་ཝི་ཉྙཱ་ཎཾ ལོ་ཀེ… ཀཱ་ཡ་ཝི་ཉྙཱ་ཎཾ ལོ་ཀེ… མ་ནོ་ཝི་ཉྙཱ་ཎཾ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
ཙ་ཀྑུ་ས་མྥ་སྶོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏ་ས་མྥ་སྶོ ལོ་ཀེ…པེ… གྷཱ་ན་ས་མྥ་སྶོ ལོ་ཀེ… ཛི་ཝ྄ཧཱ་ས་མྥ་སྶོ ལོ་ཀེ… ཀཱ་ཡ་ས་མྥ་སྶོ ལོ་ཀེ… མ་ནོ་ས་མྥ་སྶོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
ཙ་ཀྑུ་ས་མྥ་སྶ་ཛཱ ཝེ་ད་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི. སོ་ཏ་ས་མྥ་སྶ་ཛཱ ཝེ་ད་ནཱ ལོ་ཀེ…པེ… གྷཱ་ན་ས་མྥ་སྶ་ཛཱ ཝེ་ད་ནཱ ལོ་ཀེ… ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ ལོ་ཀེ… ཀཱ་ཡ་ས་མྥ་སྶ་ཛཱ ཝེ་ད་ནཱ ལོ་ཀེ… མ་ནོ་ས་མྥ་སྶ་ཛཱ ཝེ་ད་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
རཱུ་པ་ས་ཉྙཱ ལོ་ཀེ… ས་དྡ་ས་ཉྙཱ ལོ་ཀེ… ག་ནྡྷ་ས་ཉྙཱ ལོ་ཀེ… ར་ས་ས་ཉྙཱ ལོ་ཀེ… ཕོ་ཊྛ་བྦ་ས་ཉྙཱ ལོ་ཀེ… དྷ་མྨ་ས་ཉྙཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
རཱུ་པ་ས་ཉྩེ་ཏ་ནཱ ལོ་ཀེ… ས་དྡ་ས་ཉྩེ་ཏ་ནཱ ལོ་ཀེ… ག་ནྡྷ་ས་ཉྩེ་ཏ་ནཱ ལོ་ཀེ… ར་ས་ས་ཉྩེ་ཏ་ནཱ ལོ་ཀེ… ཕོ་ཊྛ་བྦ་ས་ཉྩེ་ཏ་ནཱ ལོ་ཀེ… དྷ་མྨ་ས་ཉྩེ་ཏ་ནཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
རཱུ་པ་ཏ་ཎྷཱ ལོ་ཀེ… ས་དྡ་ཏ་ཎྷཱ ལོ་ཀེ… ག་ནྡྷ་ཏ་ཎྷཱ ལོ་ཀེ… ར་ས་ཏ་ཎྷཱ ལོ་ཀེ… ཕོ་ཊྛ་བྦ་ཏ་ཎྷཱ ལོ་ཀེ… དྷ་མྨ་ཏ་ཎྷཱ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
རཱུ་པ་ཝི་ཏ་ཀྐོ ལོ་ཀེ… ས་དྡ་ཝི་ཏ་ཀྐོ ལོ་ཀེ… ག་ནྡྷ་ཝི་ཏ་ཀྐོ ལོ་ཀེ… ར་ས་ཝི་ཏ་ཀྐོ ལོ་ཀེ… ཕོ་ཊྛ་བྦ་ཝི་ཏ་ཀྐོ ལོ་ཀེ… དྷ་མྨ་ཝི་ཏ་ཀྐོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
རཱུ་པ་ཝི་ཙཱ་རོ ལོ་ཀེ… ས་དྡ་ཝི་ཙཱ་རོ ལོ་ཀེ… ག་ནྡྷ་ཝི་ཙཱ་རོ ལོ་ཀེ… ར་ས་ཝི་ཙཱ་རོ ལོ་ཀེ… ཕོ་ཊྛ་བྦ་ཝི་ཙཱ་རོ ལོ་ཀེ… དྷ་མྨ་ཝི་ཙཱ་རོ ལོ་ཀེ པི་ཡ་རཱུ་པཾ སཱ་ཏ་རཱུ་པཾ. ཨེ་ཏྠེ་སཱ ཏ་ཎྷཱ པ་ཧཱི་ཡ་མཱ་ནཱ པ་ཧཱི་ཡ་ཏི, ཨེ་ཏྠ ནི་རུ་ཛ྄ཛྷ་མཱ་ནཱ ནི་རུ་ཛ྄ཛྷ་ཏི.
ཨི་དཾ ཝུ་ཙྩ་ཏི ‘‘དུ་ཀྑ་ནི་རོ་དྷཾ ཨ་རི་ཡ་ས་ཙྩཾ’’.
༤. མ་གྒ་ས་ཙྩཾ
༢༠༥. ཏ་ཏྠ ཀ་ཏ་མཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ ཨ་རི་ཡ་ས་ཙྩཾ? ཨ་ཡ་མེ་ཝ ཨ་རི་ཡོ ཨ་ཊྛ་ངྒི་ཀོ མ་གྒོ, སེ་ཡྻ་ཐི་དཾ – ས་མྨཱ་དི་ཊྛི, ས་མྨཱ་ས་ངྐ་པྤོ, ས་མྨཱ་ཝཱ་ཙཱ, ས་མྨཱ་ཀ་མྨ་ནྟོ, ས་མྨཱ་ཨཱ་ཛཱི་ཝོ, ས་མྨཱ་ཝཱ་ཡཱ་མོ, ས་མྨཱ་ས་ཏི, ས་མྨཱ་ས་མཱ་དྷི.
ཏ་ཏྠ ཀ་ཏ་མཱ ས་མྨཱ་དི་ཊྛི? དུ་ཀྑེ ཉཱ་ཎཾ, དུ་ཀྑ་ས་མུ་ད་ཡེ ཉཱ་ཎཾ, དུ་ཀྑ་ནི་རོ་དྷེ ཉཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ – ཨ་ཡཾ ཝུ་ཙྩ་ཏི ‘‘ས་མྨཱ་དི་ཊྛི’’.
ཏ་ཏྠ ཀ་ཏ་མོ ས་མྨཱ་ས་ངྐ་པྤོ? ནེ་ཀྑ་མྨ་ས་ངྐ་པྤོ, ཨ་བྱཱ་པཱ་ད་ས་ངྐ་པྤོ, ཨ་ཝི་ཧིཾ་སཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ས་མྨཱ་ས་ངྐ་པྤོ’’.
ཏ་ཏྠ ཀ་ཏ་མཱ ས་མྨཱ་ཝཱ་ཙཱ? མུ་སཱ་ཝཱ་དཱ ཝེ་ར་མ་ཎཱི, པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎཱི, ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎཱི, ས་མྥ་པྤ་ལཱ་པཱ ཝེ་ར་མ་ཎཱི – ཨ་ཡཾ ཝུ་ཙྩ་ཏི ‘‘ས་མྨཱ་ཝཱ་ཙཱ’’.
ཏ་ཏྠ ཀ་ཏ་མོ ས་མྨཱ་ཀ་མྨ་ནྟོ? པཱ་ཎཱ་ཏི་པཱ་ཏཱ ཝེ་ར་མ་ཎཱི, ཨ་དི་ནྣཱ་དཱ་ནཱ ཝེ་ར་མ་ཎཱི, ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎཱི – ཨ་ཡཾ ཝུ་ཙྩ་ཏི ‘‘ས་མྨཱ་ཀ་མྨ་ནྟོ’’.
ཏ་ཏྠ ཀ་ཏ་མོ ས་མྨཱ་ཨཱ་ཛཱི་ཝོ? ཨི་དྷ ཨ་རི་ཡ་སཱ་ཝ་ཀོ མི་ཙྪཱ་ཨཱ་ཛཱི་ཝཾ པ་ཧཱ་ཡ ས་མྨཱ་ཨཱ་ཛཱི་ཝེ་ན ཛཱི་ཝི་ཀཾ ཀ་པྤེ་ཏི – ཨ་ཡཾ ཝུ་ཙྩ་ཏི ‘‘ས་མྨཱ་ཨཱ་ཛཱི་ཝོ’’.
ཏ་ཏྠ ཀ་ཏ་མོ ས་མྨཱ་ཝཱ་ཡཱ་མོ? ཨི་དྷ བྷི་ཀྑུ ཨ་ནུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ཨ་ནུ་པྤཱ་དཱ་ཡ ཚ་ནྡཾ ཛ་ནེ་ཏི, ཝཱ་ཡ་མ་ཏི, ཝཱི་རི་ཡཾ ཨཱ་ར་བྷ་ཏི, ཙི་ཏྟཾ པ་གྒ་ཎྷཱ་ཏི, པ་ད་ཧ་ཏི. ཨུ་པྤ་ནྣཱ་ནཾ པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཱ་ཡ ཚ་ནྡཾ ཛ་ནེ་ཏི, ཝཱ་ཡ་མ་ཏི, ཝཱི་རི་ཡཾ ཨཱ་ར་བྷ་ཏི, ཙི་ཏྟཾ པ་གྒ་ཎྷཱ་ཏི, པ་ད་ཧ་ཏི. ཨ་ནུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཨུ་པྤཱ་དཱ་ཡ ཚ་ནྡཾ ཛ་ནེ་ཏི, ཝཱ་ཡ་མ་ཏི, ཝཱི་རི་ཡཾ ཨཱ་ར་བྷ་ཏི, ཙི་ཏྟཾ པ་གྒ་ཎྷཱ་ཏི, པ་ད་ཧ་ཏི. ཨུ་པྤ་ནྣཱ་ནཾ ཀུ་ས་ལཱ་ནཾ དྷ་མྨཱ་ནཾ ཋི་ཏི་ཡཱ ཨ་ས་མྨོ་སཱ་ཡ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ བྷཱ་ཝ་ནཱ་ཡ པཱ་རི་པཱུ་རི་ཡཱ ཚ་ནྡཾ ཛ་ནེ་ཏི, ཝཱ་ཡ་མ་ཏི, ཝཱི་རི་ཡཾ ཨཱ་ར་བྷ་ཏི, ཙི་ཏྟཾ པ་གྒ་ཎྷཱ་ཏི, པ་ད་ཧ་ཏི. ཨ་ཡཾ ཝུ་ཙྩ་ཏི ‘‘ས་མྨཱ་ཝཱ་ཡཱ་མོ’’.
ཏ་ཏྠ ཀ་ཏ་མཱ ས་མྨཱ་ས་ཏི? ཨི་དྷ བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨ་ཡཾ ཝུ་ཙྩ་ཏི ‘‘ས་མྨཱ་ས་ཏི’’.
ཏ་ཏྠ ཀ་ཏ་མོ ས་མྨཱ་ས་མཱ་དྷི? ཨི་དྷ བྷི་ཀྑུ ཝི་ཝི་ཙྩེ་ཝ ཀཱ་མེ་ཧི, ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི, ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ, ཨ་ཛ྄ཛྷ་ཏྟཾ ས་མྤ་སཱ་ད་ནཾ, ཙེ་ཏ་སོ ཨེ་ཀོ་དི་བྷཱ་ཝཾ ཨ་ཝི་ཏ་ཀྐཾ ཨ་ཝི་ཙཱ་རཾ ས་མཱ་དྷི་ཛཾ པཱི་ཏི་སུ་ཁཾ དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. པཱི་ཏི་ཡཱ ཙ ཝི་རཱ་གཱ, ཨུ་པེ་ཀྑ་ཀོ ཙ ཝི་ཧ་ར་ཏི, ས་ཏོ ཙ ས་མྤ་ཛཱ་ནོ, སུ་ཁ་ཉྩ ཀཱ་ཡེ་ན པ་ཊི་སཾ་ཝེ་དེ་ཏི, ཡཾ ཏཾ ཨ་རི་ཡཱ ཨཱ་ཙི་ཀྑ་ནྟི – ‘‘ཨུ་པེ་ཀྑ་ཀོ ས་ཏི་མཱ སུ་ཁ་ཝི་ཧཱ་རཱི’’ཏི, ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. སུ་ཁ་སྶ ཙ པ་ཧཱ་ནཱ, དུ་ཀྑ་སྶ ཙ པ་ཧཱ་ནཱ, པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ, ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི ‘‘ས་མྨཱ་ས་མཱ་དྷི’’.
ཨི་དཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ ཨ་རི་ཡ་ས་ཙྩཾ’’.
སུ་ཏྟ་ནྟ་བྷཱ་ཛ་ནཱི་ཡཾ.
༢. ཨ་བྷི་དྷ་མྨ་བྷཱ་ཛ་ནཱི་ཡཾ
༢༠༦. ཙ་ཏྟཱ་རི ས་ཙྩཱ་ནི – དུ་ཀྑཾ, དུ་ཀྑ་ས་མུ་ད་ཡོ, དུ་ཀྑ་ནི་རོ་དྷོ, དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ.
ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ, སཱ་ས་ཝཱ ཙ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ, ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཨ་ཊྛ་ངྒི་ཀོ མ་གྒོ ཧོ་ཏི ས་མྨཱ་དི་ཊྛི…པེ… ས་མྨཱ་ས་མཱ་དྷི.
ཏ་ཏྠ ཀ་ཏ་མཱ ས་མྨཱ་དི་ཊྛི? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་དི་ཊྛི’’.
ཏ་ཏྠ ཀ་ཏ་མོ ས་མྨཱ་ས་ངྐ་པྤོ? ཡོ ཏ་ཀྐོ ཝི་ཏ་ཀྐོ…པེ… ས་མྨཱ་ས་ངྐ་པྤོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ས་ངྐ་པྤོ’’.
ཏ་ཏྠ ཀ་ཏ་མཱ ས་མྨཱ་ཝཱ་ཙཱ? ཡཱ ཙ་ཏཱུ་ཧི ཝ་ཙཱི་དུ་ཙྩ་རི་ཏེ་ཧི ཨཱ་ར་ཏི ཝི་ར་ཏི པ་ཊི་ཝི་ར་ཏི ཝེ་ར་མ་ཎཱི [ཝེ་ར་མ་ཎི (ཀ.) ཨེ་ཝ་མུ་པ་རི་པི] ཨ་ཀི་རི་ཡཱ ཨ་ཀ་ར་ཎཾ ཨ་ན་ཛ྄ཛྷཱ་པ་ཏྟི ཝེ་ལཱ་ཨ་ན་ཏི་ཀྐ་མོ སེ་ཏུ་གྷཱ་ཏོ ས་མྨཱ་ཝཱ་ཙཱ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ཝཱ་ཙཱ’’.
ཏ་ཏྠ ཀ་ཏ་མོ ས་མྨཱ་ཀ་མྨ་ནྟོ? ཡཱ ཏཱི་ཧི ཀཱ་ཡ་དུ་ཙྩ་རི་ཏེ་ཧི ཨཱ་ར་ཏི ཝི་ར་ཏི པ་ཊི་ཝི་ར་ཏི ཝེ་ར་མ་ཎཱི ཨ་ཀི་རི་ཡཱ ཨ་ཀ་ར་ཎཾ ཨ་ན་ཛ྄ཛྷཱ་པ་ཏྟི ཝེ་ལཱ་ཨ་ན་ཏི་ཀྐ་མོ སེ་ཏུ་གྷཱ་ཏོ ས་མྨཱ་ཀ་མྨ་ནྟོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ཀ་མྨ་ནྟོ’’.
ཏ་ཏྠ ཀ་ཏ་མོ ས་མྨཱ་ཨཱ་ཛཱི་ཝོ? ཡཱ མི་ཙྪཱ ཨཱ་ཛཱི་ཝཱ ཨཱ་ར་ཏི ཝི་ར་ཏི པ་ཊི་ཝི་ར་ཏི ཝེ་ར་མ་ཎཱི ཨ་ཀི་རི་ཡཱ ཨ་ཀ་ར་ཎཾ ཨ་ན་ཛ྄ཛྷཱ་པ་ཏྟི ཝེ་ལཱ་ཨ་ན་ཏི་ཀྐ་མོ སེ་ཏུ་གྷཱ་ཏོ ས་མྨཱ་ཨཱ་ཛཱི་ཝོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ཨཱ་ཛཱི་ཝོ’’.
ཏ་ཏྠ ཀ་ཏ་མོ ས་མྨཱ་ཝཱ་ཡཱ་མོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ [ཝི་རི་ཡཱ་ར་མྦྷོ (སཱི. སྱཱ.)] …པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ཝཱ་ཡཱ་མོ’’.
ཏ་ཏྠ ཀ་ཏ་མཱ ས་མྨཱ་ས་ཏི? ཡཱ ས་ཏི ཨ་ནུ་སྶ་ཏི…པེ… ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ས་ཏི’’.
ཏ་ཏྠ ཀ་ཏ་མོ ས་མྨཱ་ས་མཱ་དྷི? ཡཱ ཙི་ཏྟ་སྶ ཋི་ཏི ས་ཎྛི་ཏི…པེ… ས་མྨཱ་ས་མཱ་དྷི ས་མཱ་དྷི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ས་མཱ་དྷི’’. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’. ཨ་ཝ་སེ་སཱ དྷ་མྨཱ དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ས་མྤ་ཡུ་ཏྟཱ.
༢༠༧. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ ཙ ཨ་ཝ་སེ་སཱ ཙ ཀི་ལེ་སཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ, སཱ་ས་ཝཱ ཙ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ ཙ, ཨ་ཝ་སེ་སཱ་ན་ཉྩ ཀི་ལེ་སཱ་ནཾ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ, ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཨ་ཊྛ་ངྒི་ཀོ མ་གྒོ ཧོ་ཏི – ས་མྨཱ་དི་ཊྛི…པེ… ས་མྨཱ་ས་མཱ་དྷི. ཨ་ཡཾ ཝུ་ཙྩ་ཏི – ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’. ཨ་ཝ་སེ་སཱ དྷ་མྨཱ དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ས་མྤ་ཡུ་ཏྟཱ.
༢༠༨. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ ཙ ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ, སཱ་ས་ཝཱ ཙ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ ཙ, ཨ་ཝ་སེ་སཱ་ན་ཉྩ ཀི་ལེ་སཱ་ནཾ, ཨ་ཝ་སེ་སཱ་ན་ཉྩ ཨ་ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཨ་ཊྛ་ངྒི་ཀོ མ་གྒོ ཧོ་ཏི – ས་མྨཱ་དི་ཊྛི…པེ… ས་མྨཱ་ས་མཱ་དྷི. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’. ཨ་ཝ་སེ་སཱ དྷ་མྨཱ དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ས་མྤ་ཡུ་ཏྟཱ.
༢༠༩. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ ཙ ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ, སཱ་ས་ཝཱ ཙ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ ཙ, ཨ་ཝ་སེ་སཱ་ན་ཉྩ ཀི་ལེ་སཱ་ནཾ, ཨ་ཝ་སེ་སཱ་ན་ཉྩ ཨ་ཀུ་ས་ལཱ་ནཾ དྷ་མྨཱ་ནཾ, ཏི་ཎྞ་ཉྩ ཀུ་ས་ལ་མཱུ་ལཱ་ནཾ སཱ་ས་ཝཱ་ནཾ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཨ་ཊྛ་ངྒི་ཀོ མ་གྒོ ཧོ་ཏི – ས་མྨཱ་དི་ཊྛི…པེ… ས་མྨཱ་ས་མཱ་དྷི. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’. ཨ་ཝ་སེ་སཱ དྷ་མྨཱ དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ས་མྤ་ཡུ་ཏྟཱ.
༢༡༠. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ ཙ, ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? སཱ་ས་ཝཱ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ ཙ, ཨ་ཝ་སེ་སཱ་ན་ཉྩ ཀི་ལེ་སཱ་ནཾ, ཨ་ཝ་སེ་སཱ་ན་ཉྩ ཨ་ཀུ་ས་ལཱ་ནཾ དྷ་མྨཱ་ནཾ, ཏི་ཎྞ་ཉྩ ཀུ་ས་ལ་མཱུ་ལཱ་ནཾ སཱ་ས་ཝཱ་ནཾ, ཨ་ཝ་སེ་སཱ་ན་ཉྩ སཱ་ས་ཝཱ་ནཾ ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ, ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཨ་ཊྛ་ངྒི་ཀོ མ་གྒོ ཧོ་ཏི – ས་མྨཱ་དི་ཊྛི…པེ… ས་མྨཱ་ས་མཱ་དྷི. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’. ཨ་ཝ་སེ་སཱ དྷ་མྨཱ དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ས་མྤ་ཡུ་ཏྟཱ.
༢༡༡. ཙ་ཏྟཱ་རི ས་ཙྩཱ་ནི – དུ་ཀྑཾ, དུ་ཀྑ་ས་མུ་ད་ཡོ, དུ་ཀྑ་ནི་རོ་དྷོ, དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ.
ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ, སཱ་ས་ཝཱ ཙ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ, ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ པ་ཉྩ་ངྒི་ཀོ མ་གྒོ ཧོ་ཏི – ས་མྨཱ་དི་ཊྛི, ས་མྨཱ་ས་ངྐ་པྤོ, ས་མྨཱ་ཝཱ་ཡཱ་མོ, ས་མྨཱ་ས་ཏི, ས་མྨཱ་ས་མཱ་དྷི.
ཏ་ཏྠ ཀ་ཏ་མཱ ས་མྨཱ་དི་ཊྛི? ཡཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་དི་ཊྛི’’.
ཏ་ཏྠ ཀ་ཏ་མོ ས་མྨཱ་ས་ངྐ་པྤོ? ཡོ ཏ་ཀྐོ ཝི་ཏ་ཀྐོ…པེ… ས་མྨཱ་ས་ངྐ་པྤོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ས་ངྐ་པྤོ’’.
ཏ་ཏྠ ཀ་ཏ་མོ ས་མྨཱ་ཝཱ་ཡཱ་མོ? ཡོ ཙེ་ཏ་སི་ཀོ ཝཱི་རི་ཡཱ་ར་མྦྷོ…པེ… ས་མྨཱ་ཝཱ་ཡཱ་མོ ཝཱི་རི་ཡ་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ཝཱ་ཡཱ་མོ’’.
ཏ་ཏྠ ཀ་ཏ་མཱ ས་མྨཱ་ས་ཏི? ཡཱ ས་ཏི ཨ་ནུ་སྶ་ཏི…པེ… ས་མྨཱ་ས་ཏི ས་ཏི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ས་ཏི’’.
ཏ་ཏྠ ཀ་ཏ་མོ ས་མྨཱ་ས་མཱ་དྷི? ཡཱ ཙི་ཏྟ་སྶ ཋི་ཏི…པེ… ས་མྨཱ་ས་མཱ་དྷི ས་མཱ་དྷི་ས་མྦོ་ཛ྄ཛྷ་ངྒོ མ་གྒ་ངྒཾ མ་གྒ་པ་རི་ཡཱ་པ་ནྣཾ – ཨ་ཡཾ ཝུ་ཙྩ་ཏི ‘‘ས་མྨཱ་ས་མཱ་དྷི’’. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’. ཨ་ཝ་སེ་སཱ དྷ་མྨཱ དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ས་མྤ་ཡུ་ཏྟཱ.
༢༡༢. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ ཙ, ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? སཱ་ས་ཝཱ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ ཙ, ཨ་ཝ་སེ་སཱ་ན་ཉྩ ཀི་ལེ་སཱ་ནཾ, ཨ་ཝ་སེ་སཱ་ན་ཉྩ ཨ་ཀུ་ས་ལཱ་ནཾ དྷ་མྨཱ་ནཾ, ཏི་ཎྞ་ཉྩ ཀུ་ས་ལ་མཱུ་ལཱ་ནཾ སཱ་ས་ཝཱ་ནཾ, ཨ་ཝ་སེ་སཱ་ན་ཉྩ སཱ་ས་ཝཱ་ནཾ ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ, ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ པ་ཉྩ་ངྒི་ཀོ མ་གྒོ ཧོ་ཏི – ས་མྨཱ་དི་ཊྛི, ས་མྨཱ་ས་ངྐ་པྤོ, ས་མྨཱ་ཝཱ་ཡཱ་མོ, ས་མྨཱ་ས་ཏི, ས་མྨཱ་ས་མཱ་དྷི. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’. ཨ་ཝ་སེ་སཱ དྷ་མྨཱ དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ས་མྤ་ཡུ་ཏྟཱ.
༢༡༣. ཙ་ཏྟཱ་རི ས་ཙྩཱ་ནི – དུ་ཀྑཾ, དུ་ཀྑ་ས་མུ་ད་ཡོ, དུ་ཀྑ་ནི་རོ་དྷོ, དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ.
ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ, སཱ་ས་ཝཱ ཙ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’.
༢༡༤. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ? ཏ་ཎྷཱ ཙ, ཨ་ཝ་སེ་སཱ ཙ ཀི་ལེ་སཱ, ཨ་ཝ་སེ་སཱ ཙ ཨ་ཀུ་ས་ལཱ དྷ་མྨཱ, ཏཱི་ཎི ཙ ཀུ་ས་ལ་མཱུ་ལཱ་ནི སཱ་ས་ཝཱ་ནི, ཨ་ཝ་སེ་སཱ ཙ སཱ་ས་ཝཱ ཀུ་ས་ལཱ དྷ་མྨཱ – ཨ་ཡཾ ཝུ་ཙྩ་ཏི ‘‘དུ་ཀྑ་ས་མུ་ད་ཡོ’’.
ཏ་ཏྠ ཀ་ཏ་མཾ དུ་ཀྑཾ? སཱ་ས་ཝཱ ཀུ་ས་ལཱ་ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀཱ, ཡེ ཙ དྷ་མྨཱ ཀི་རི་ཡཱ ནེ་ཝ ཀུ་ས་ལཱ ནཱ་ཀུ་ས་ལཱ ན ཙ ཀ་མྨ་ཝི་པཱ་ཀཱ, ས་བྦ་ཉྩ རཱུ་པཾ – ཨི་དཾ ཝུ་ཙྩ་ཏི ‘‘དུ་ཀྑཾ’’.
ཏ་ཏྠ ཀ་ཏ་མོ དུ་ཀྑ་ནི་རོ་དྷོ? ཏ་ཎྷཱ་ཡ ཙ, ཨ་ཝ་སེ་སཱ་ན་ཉྩ ཀི་ལེ་སཱ་ནཾ, ཨ་ཝ་སེ་སཱ་ན་ཉྩ ཨ་ཀུ་ས་ལཱ་ནཾ དྷ་མྨཱ་ནཾ, ཏི་ཎྞ་ཉྩ ཀུ་ས་ལ་མཱུ་ལཱ་ནཾ སཱ་ས་ཝཱ་ནཾ, ཨ་ཝ་སེ་སཱ་ན་ཉྩ སཱ་ས་ཝཱ་ནཾ ཀུ་ས་ལཱ་ནཾ དྷ་མྨཱ་ནཾ པ་ཧཱ་ནཾ – ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷོ’’.
ཏ་ཏྠ ཀ་ཏ་མཱ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ? ཨི་དྷ བྷི་ཀྑུ ཡ་སྨིཾ ས་མ་ཡེ ལོ་ཀུ་ཏྟ་རཾ ཛྷཱ་ནཾ བྷཱ་ཝེ་ཏི ནི་ཡྻཱ་ནི་ཀཾ ཨ་པ་ཙ་ཡ་གཱ་མིཾ དི་ཊྛི་ག་ཏཱ་ནཾ པ་ཧཱ་ནཱ་ཡ པ་ཋ་མཱ་ཡ བྷཱུ་མི་ཡཱ པ་ཏྟི་ཡཱ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི དུ་ཀྑ་པ་ཊི་པ་དཾ ད་ནྡྷཱ་བྷི་ཉྙཾ, ཏ་སྨིཾ ས་མ་ཡེ ཕ་སྶོ ཧོ་ཏི…པེ… ཨ་ཝི་ཀྑེ་པོ ཧོ་ཏི. ཨ་ཡཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’’.
ཨ་བྷི་དྷ་མྨ་བྷཱ་ཛ་ནཱི་ཡཾ.
༣. པ་ཉྷཱ་པུ་ཙྪ་ཀཾ
༢༡༥. ཙ་ཏྟཱ་རི ཨ་རི་ཡ་ས་ཙྩཱ་ནི – དུ་ཀྑཾ ཨ་རི་ཡ་ས་ཙྩཾ, དུ་ཀྑ་ས་མུ་ད་ཡཾ ཨ་རི་ཡ་ས་ཙྩཾ, དུ་ཀྑ་ནི་རོ་དྷཾ ཨ་རི་ཡ་ས་ཙྩཾ, དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ ཨ་རི་ཡ་ས་ཙྩཾ.
༢༡༦. ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཀ་ཏི ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ…པེ… ཀ་ཏི ས་ར་ཎཱ, ཀ་ཏི ཨ་ར་ཎཱ?
༡. ཏི་ཀཾ
༢༡༧. ས་མུ་ད་ཡ་ས་ཙྩཾ ཨ་ཀུ་ས་ལཾ. མ་གྒ་ས་ཙྩཾ ཀུ་ས་ལཾ. ནི་རོ་དྷ་ས་ཙྩཾ ཨ་བྱཱ་ཀ་ཏཾ. དུ་ཀྑ་ས་ཙྩཾ སི་ཡཱ ཀུ་ས་ལཾ, སི་ཡཱ ཨ་ཀུ་ས་ལཾ, སི་ཡཱ ཨ་བྱཱ་ཀ་ཏཾ. དྭེ ས་ཙྩཱ སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. ནི་རོ་དྷ་ས་ཙྩཾ ན ཝ་ཏྟ་བྦཾ – ‘‘སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི, ‘‘དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི, ‘‘ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི. དུ་ཀྑ་ས་ཙྩཾ སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ ན ཝ་ཏྟ་བྦཾ – ‘‘སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི, ‘‘དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི, ‘‘ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི. དྭེ ས་ཙྩཱ ཝི་པཱ་ཀ་དྷ་མྨ་དྷ་མྨཱ. ནི་རོ་དྷ་ས་ཙྩཾ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཾ. དུ་ཀྑ་ས་ཙྩཾ སི་ཡཱ ཝི་པཱ་ཀཾ, སི་ཡཱ ཝི་པཱ་ཀ་དྷ་མྨ་དྷ་མྨཾ, སི་ཡཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཾ. ས་མུ་ད་ཡ་ས་ཙྩཾ ཨ་ནུ་པཱ་དི་ནྣུ་པཱ་དཱ་ནི་ཡཾ. དྭེ ས་ཙྩཱ ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡཱ. དུ་ཀྑ་ས་ཙྩཾ སི་ཡཱ ཨུ་པཱ་དི་ནྣུ་པཱ་དཱ་ནི་ཡཾ, སི་ཡཱ ཨ་ནུ་པཱ་དི་ནྣུ་པཱ་དཱ་ནི་ཡཾ.
ས་མུ་ད་ཡ་ས་ཙྩཾ སཾ་ཀི་ལི་ཊྛ་སཾ་ཀི་ལེ་སི་ཀཾ. དྭེ ས་ཙྩཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ. དུ་ཀྑ་ས་ཙྩཾ སི་ཡཱ སཾ་ཀི་ལི་ཊྛ་སཾ་ཀི་ལེ་སི་ཀཾ, སི་ཡཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཾ. ས་མུ་ད་ཡ་ས་ཙྩཾ ས་ཝི་ཏ་ཀྐ་ས་ཝི་ཙཱ་རཾ. ནི་རོ་དྷ་ས་ཙྩཾ ཨ་ཝི་ཏ་ཀྐ་ཨ་ཝི་ཙཱ་རཾ. མ་གྒ་ས་ཙྩཾ སི་ཡཱ ས་ཝི་ཏ་ཀྐ་ས་ཝི་ཙཱ་རཾ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཾ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཾ. དུ་ཀྑ་ས་ཙྩཾ སི་ཡཱ ས་ཝི་ཏ་ཀྐ་ས་ཝི་ཙཱ་རཾ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཾ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཾ, སི་ཡཱ ན ཝ་ཏྟ་བྦཾ – ‘‘ས་ཝི་ཏ་ཀྐ་ས་ཝི་ཙཱ་ར’’ནྟི་པི, ‘‘ཨ་ཝི་ཏ་ཀྐ་ཝི་ཙཱ་ར་མ་ཏྟ’’ནྟི་པི, ‘‘ཨ་ཝི་ཏ་ཀྐ་ཨ་ཝི་ཙཱ་ར’’ནྟི་པི. དྭེ ས་ཙྩཱ སི་ཡཱ པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, སི་ཡཱ ཨུ་པེ་ཀྑཱ་ས་ཧ་ག་ཏཱ. ནི་རོ་དྷ་ས་ཙྩཾ ན ཝ་ཏྟ་བྦཾ – ‘‘པཱི་ཏི་ས་ཧ་ག་ཏ’’ནྟི་པི, ‘‘སུ་ཁ་ས་ཧ་ག་ཏ’’ནྟི་པི, ‘‘ཨུ་པེ་ཀྑཱ་ས་ཧ་ག་ཏ’’ནྟི་པི. དུ་ཀྑ་ས་ཙྩཾ སི་ཡཱ པཱི་ཏི་ས་ཧ་ག་ཏཾ, སི་ཡཱ སུ་ཁ་ས་ཧ་ག་ཏཾ, སི་ཡཱ ཨུ་པེ་ཀྑཱ་ས་ཧ་ག་ཏཾ, སི་ཡཱ ན ཝ་ཏྟ་བྦཾ – ‘‘པཱི་ཏི་ས་ཧ་ག་ཏ’’ནྟི་པི, ‘‘སུ་ཁ་ས་ཧ་ག་ཏ’’ནྟི་པི, ‘‘ཨུ་པེ་ཀྑཱ་ས་ཧ་ག་ཏ’’ནྟི་པི.
དྭེ ས་ཙྩཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. ས་མུ་ད་ཡ་ས་ཙྩཾ སི་ཡཱ ད་སྶ་ནེ་ན པ་ཧཱ་ཏ་བྦཾ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཾ. དུ་ཀྑ་ས་ཙྩཾ སི་ཡཱ ད་སྶ་ནེ་ན པ་ཧཱ་ཏ་བྦཾ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཾ, སི་ཡཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཾ. དྭེ ས་ཙྩཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ས་མུ་ད་ཡ་ས་ཙྩཾ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཾ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཾ. དུ་ཀྑ་ས་ཙྩཾ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཾ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཾ, སི་ཡཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཾ. ས་མུ་ད་ཡ་ས་ཙྩཾ ཨཱ་ཙ་ཡ་གཱ་མི. མ་གྒ་ས་ཙྩཾ ཨ་པ་ཙ་ཡ་གཱ་མི. ནི་རོ་དྷ་ས་ཙྩཾ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི. དུ་ཀྑ་ས་ཙྩཾ སི་ཡཱ ཨཱ་ཙ་ཡ་གཱ་མི, སི་ཡཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི. མ་གྒ་ས་ཙྩཾ སེ་ཀྑཾ. ཏཱི་ཎི ས་ཙྩཱ་ནི ནེ་ཝ་སེ་ཀྑ་ནཱ་སེ་ཀྑཱ. ས་མུ་ད་ཡ་ས་ཙྩཾ པ་རི་ཏྟཾ. དྭེ ས་ཙྩཱ ཨ་པྤ་མཱ་ཎཱ. དུ་ཀྑ་ས་ཙྩཾ སི་ཡཱ པ་རི་ཏྟཾ, སི་ཡཱ མ་ཧ་གྒ་ཏཾ. ནི་རོ་དྷ་ས་ཙྩཾ ཨ་ནཱ་ར་མྨ་ཎཾ. མ་གྒ་ས་ཙྩཾ ཨ་པྤ་མཱ་ཎཱ་ར་མྨ་ཎཾ. ས་མུ་ད་ཡ་ས་ཙྩཾ སི་ཡཱ པ་རི་ཏྟཱ་ར་མྨ་ཎཾ, སི་ཡཱ མ་ཧ་གྒ་ཏཱ་ར་མྨ་ཎཾ ན ཨ་པྤ་མཱ་ཎཱ་ར་མྨ་ཎཾ, སི་ཡཱ ན ཝ་ཏྟ་བྦཾ – ‘‘པ་རི་ཏྟཱ་ར་མྨ་ཎ’’ནྟི་པི, ‘‘མ་ཧ་གྒ་ཏཱ་ར་མྨ་ཎ’’ནྟི་པི. དུ་ཀྑ་ས་ཙྩཾ སི་ཡཱ པ་རི་ཏྟཱ་ར་མྨ་ཎཾ, སི་ཡཱ མ་ཧ་གྒ་ཏཱ་ར་མྨ་ཎཾ, སི་ཡཱ ཨ་པྤ་མཱ་ཎཱ་ར་མྨ་ཎཾ, སི་ཡཱ ན ཝ་ཏྟ་བྦཾ – ‘‘པ་རི་ཏྟཱ་ར་མྨ་ཎ’’ནྟི་པི, ‘‘མ་ཧ་གྒ་ཏཱ་ར་མྨ་ཎ’’ནྟི་པི, ‘‘ཨ་པྤ་མཱ་ཎཱ་ར་མྨ་ཎ’’ནྟི་པི.
ས་མུ་ད་ཡ་ས་ཙྩཾ ཧཱི་ནཾ. དྭེ ས་ཙྩཱ པ་ཎཱི་ཏཱ. དུ་ཀྑ་ས་ཙྩཾ སི་ཡཱ ཧཱི་ནཾ, སི་ཡཱ མ་ཛ྄ཛྷི་མཾ. ནི་རོ་དྷ་ས་ཙྩཾ ཨ་ནི་ཡ་ཏཾ. མ་གྒ་ས་ཙྩཾ ས་མྨ་ཏྟ་ནི་ཡ་ཏཾ. དྭེ ས་ཙྩཱ སི་ཡཱ མི་ཙྪ་ཏྟ་ནི་ཡ་ཏཱ, སི་ཡཱ ཨ་ནི་ཡ་ཏཱ. ནི་རོ་དྷ་ས་ཙྩཾ ཨ་ནཱ་ར་མྨ་ཎཾ. ས་མུ་ད་ཡ་ས་ཙྩཾ ན ཝ་ཏྟ་བྦཾ – ‘‘མ་གྒཱ་ར་མྨ་ཎ’’ནྟི་པི, ‘‘མ་གྒ་ཧེ་ཏུ་ཀ’’ནྟི་པི, ‘‘མ་གྒཱ་དྷི་པ་ཏཱི’’ཏི་པི. མ་གྒ་ས་ཙྩཾ ན མ་གྒཱ་ར་མྨ་ཎཾ མ་གྒ་ཧེ་ཏུ་ཀཾ, སི་ཡཱ མ་གྒཱ་དྷི་པ་ཏི, སི་ཡཱ ན ཝ་ཏྟ་བྦཾ – ‘‘མ་གྒཱ་དྷི་པ་ཏཱི’’ཏི. དུ་ཀྑ་ས་ཙྩཾ སི་ཡཱ མ་གྒཱ་ར་མྨ་ཎཾ ན མ་གྒ་ཧེ་ཏུ་ཀཾ, སི་ཡཱ མ་གྒཱ་དྷི་པ་ཏི, སི་ཡཱ ན ཝ་ཏྟ་བྦཾ – ‘‘མ་གྒཱ་ར་མྨ་ཎ’’ནྟི་པི, ‘‘མ་གྒཱ་དྷི་པ་ཏཱི’’ཏི་པི. དྭེ ས་ཙྩཱ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, ན ཝ་ཏྟ་བྦཱ – ‘‘ཨུ་པྤཱ་དི་ནོ’’ཏི. ནི་རོ་དྷ་ས་ཙྩཾ ན ཝ་ཏྟ་བྦཾ – ‘‘ཨུ་པྤ་ནྣ’’ནྟི་པི, ‘‘ཨ་ནུ་པྤ་ནྣ’’ནྟི་པི, ‘‘ཨུ་པྤཱ་དཱི’’ཏི་པི. དུ་ཀྑ་ས་ཙྩཾ སི་ཡཱ ཨུ་པྤ་ནྣཾ, སི་ཡཱ ཨ་ནུ་པྤ་ནྣཾ, སི་ཡཱ ཨུ་པྤཱ་དི. ཏཱི་ཎི ས་ཙྩཱ་ནི སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. ནི་རོ་དྷ་ས་ཙྩཾ ན ཝ་ཏྟ་བྦཾ – ‘‘ཨ་ཏཱི་ཏ’’ནྟི་པི, ‘‘ཨ་ནཱ་ག་ཏ’’ནྟི་པི, ‘‘པ་ཙྩུ་པྤ་ནྣ’’ནྟི་པི. ནི་རོ་དྷ་ས་ཙྩཾ ཨ་ནཱ་ར་མྨ་ཎཾ. མ་གྒ་ས་ཙྩཾ ན ཝ་ཏྟ་བྦཾ – ‘‘ཨ་ཏཱི་ཏཱ་ར་མྨ་ཎ’’ནྟི་པི, ‘‘ཨ་ནཱ་ག་ཏཱ་ར་མྨ་ཎ’’ནྟི་པི, ‘‘པ་ཙྩུ་པྤ་ནྣཱ་ར་མྨ་ཎ’’ནྟི་པི. དྭེ ས་ཙྩཱ སི་ཡཱ ཨ་ཏཱི་ཏཱ་ར་མྨ་ཎཱ, སི་ཡཱ ཨ་ནཱ་ག་ཏཱ་ར་མྨ་ཎཱ, སི་ཡཱ པ་ཙྩུ་པྤ་ནྣཱ་ར་མྨ་ཎཱ, སི་ཡཱ ན ཝ་ཏྟ་བྦཱ – ‘‘ཨ་ཏཱི་ཏཱ་ར་མྨ་ཎཱ’’ཏི་པི, ‘‘ཨ་ནཱ་ག་ཏཱ་ར་མྨ་ཎཱ’’ཏི་པི, ‘‘པ་ཙྩུ་པྤ་ནྣཱ་ར་མྨ་ཎཱ’’ཏི་པི. ནི་རོ་དྷ་ས་ཙྩཾ བ་ཧི་དྡྷཱ. ཏཱི་ཎི ས་ཙྩཱ་ནི སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ. ནི་རོ་དྷ་ས་ཙྩཾ ཨ་ནཱ་ར་མྨ་ཎཾ. མ་གྒ་ས་ཙྩཾ བ་ཧི་དྡྷཱ་ར་མྨ་ཎཾ. ས་མུ་ད་ཡ་ས་ཙྩཾ སི་ཡཱ ཨ་ཛ྄ཛྷ་ཏྟཱ་ར་མྨ་ཎཾ, སི་ཡཱ བ་ཧི་དྡྷཱ་ར་མྨ་ཎཾ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཾ. དུ་ཀྑ་ས་ཙྩཾ སི་ཡཱ ཨ་ཛ྄ཛྷ་ཏྟཱ་ར་མྨ་ཎཾ, སི་ཡཱ བ་ཧི་དྡྷཱ་ར་མྨ་ཎཾ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཾ, སི་ཡཱ ན ཝ་ཏྟ་བྦཾ – ‘‘ཨ་ཛ྄ཛྷ་ཏྟཱ་ར་མྨ་ཎ’’ནྟི་པི, ‘‘བ་ཧི་དྡྷཱ་ར་མྨ་ཎ’’ནྟི་པི, ‘‘ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎ’’ནྟི་པི. ཏཱི་ཎི ས་ཙྩཱ་ནི ཨ་ནི་ད་སྶ་ན་ཨ་པྤ་ཊི་གྷཱ. དུ་ཀྑ་ས་ཙྩཾ སི་ཡཱ ས་ནི་ད་སྶ་ན་ས་པྤ་ཊི་གྷཾ, སི་ཡཱ ཨ་ནི་ད་སྶ་ན་ས་པྤ་ཊི་གྷཾ, སི་ཡཱ ཨ་ནི་ད་སྶ་ན་ཨ་པྤ་ཊི་གྷཾ.
༢. དུ་ཀཾ
༢༡༨. ས་མུ་ད་ཡ་ས་ཙྩཾ ཧེ་ཏུ. ནི་རོ་དྷ་ས་ཙྩཾ ན ཧེ་ཏུ. དྭེ ས་ཙྩཱ སི་ཡཱ ཧེ་ཏཱུ, སི་ཡཱ ན ཧེ་ཏཱུ. དྭེ ས་ཙྩཱ ས་ཧེ་ཏུ་ཀཱ. ནི་རོ་དྷ་ས་ཙྩཾ ཨ་ཧེ་ཏུ་ཀཾ. དུ་ཀྑ་ས་ཙྩཾ སི་ཡཱ ས་ཧེ་ཏུ་ཀཾ, སི་ཡཱ ཨ་ཧེ་ཏུ་ཀཾ. དྭེ ས་ཙྩཱ ཧེ་ཏུ་ས་མྤ་ཡུ་ཏྟཱ. ནི་རོ་དྷ་ས་ཙྩཾ ཧེ་ཏུ་ཝི་པྤ་ཡུ་ཏྟཾ. དུ་ཀྑ་ས་ཙྩཾ སི་ཡཱ ཧེ་ཏུ་ས་མྤ་ཡུ་ཏྟཾ, སི་ཡཱ ཧེ་ཏུ་ཝི་པྤ་ཡུ་ཏྟཾ. ས་མུ་ད་ཡ་ས་ཙྩཾ ཧེ་ཏུ ཙེ་ཝ ས་ཧེ་ཏུ་ཀ་ཉྩ. ནི་རོ་དྷ་ས་ཙྩཾ ན ཝ་ཏྟ་བྦཾ – ‘‘ཧེ་ཏུ ཙེ་ཝ ས་ཧེ་ཏུ་ཀ་ཉྩཱ’’ཏི་པི, ‘‘ས་ཧེ་ཏུ་ཀ་ཉྩེ་ཝ ན ཙ ཧེ་ཏཱུ’’ཏི་པི. མ་གྒ་ས་ཙྩཾ སི་ཡཱ ཧེ་ཏུ ཙེ་ཝ ས་ཧེ་ཏུ་ཀ་ཉྩ, སི་ཡཱ ས་ཧེ་ཏུ་ཀ་ཉྩེ་ཝ ན ཙ ཧེ་ཏུ. དུ་ཀྑ་ས་ཙྩཾ སི་ཡཱ ཧེ་ཏུ ཙེ་ཝ ས་ཧེ་ཏུ་ཀ་ཉྩ, སི་ཡཱ ས་ཧེ་ཏུ་ཀ་ཉྩེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཾ – ‘‘ཧེ་ཏུ ཙེ་ཝ ས་ཧེ་ཏུ་ཀ་ཉྩཱ’’ཏི་པི, ‘‘ས་ཧེ་ཏུ་ཀ་ཉྩེ་ཝ ན ཙ ཧེ་ཏཱུ’’ཏི་པི. ས་མུ་ད་ཡ་ས་ཙྩཾ ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩ. ནི་རོ་དྷ་ས་ཙྩཾ ན ཝ་ཏྟ་བྦཾ – ‘‘ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩཱ’’ཏི་པི, ‘‘ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏཱུ’’ཏི་པི. མ་གྒ་ས་ཙྩཾ སི་ཡཱ ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩ, སི་ཡཱ ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏུ. དུ་ཀྑ་ས་ཙྩཾ སི་ཡཱ ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩ, སི་ཡཱ ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཾ – ‘‘ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩཱ’’ཏི་པི, ‘‘ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏཱུ’’ཏི་པི. ནི་རོ་དྷ་ས་ཙྩཾ ན ཧེ་ཏུ་ཨ་ཧེ་ཏུ་ཀཾ. ས་མུ་ད་ཡ་ས་ཙྩཾ ན ཝ་ཏྟ་བྦཾ – ‘‘ན ཧེ་ཏུ་ས་ཧེ་ཏུ་ཀ’’ནྟི་པི, ‘‘ན ཧེ་ཏུ་ཨ་ཧེ་ཏུ་ཀ’’ནྟི་པི. མ་གྒ་ས་ཙྩཾ སི་ཡཱ ན ཧེ་ཏུ་ས་ཧེ་ཏུ་ཀཾ, སི་ཡཱ ན ཝ་ཏྟ་བྦཾ – ‘‘ན ཧེ་ཏུ་ས་ཧེ་ཏུ་ཀ’’ནྟི་པི, ‘‘ན ཧེ་ཏུ་ཨ་ཧེ་ཏུ་ཀ’’ནྟི་པི. དུ་ཀྑ་ས་ཙྩཾ སི་ཡཱ ན ཧེ་ཏུ་ས་ཧེ་ཏུ་ཀཾ, སི་ཡཱ ན ཧེ་ཏུ་ཨ་ཧེ་ཏུ་ཀཾ, སི་ཡཱ ན ཝ་ཏྟ་བྦཾ – ‘‘ན ཧེ་ཏུ་ས་ཧེ་ཏུ་ཀ’’ནྟི་པི, ‘‘ན ཧེ་ཏུ་ཨ་ཧེ་ཏུ་ཀ’’ནྟི་པི.
ཏཱི་ཎི ས་ཙྩཱ་ནི ས་པྤ་ཙྩ་ཡཱ. ནི་རོ་དྷ་ས་ཙྩཾ ཨ་པྤ་ཙྩ་ཡཾ. ཏཱི་ཎི ས་ཙྩཱ་ནི ས་ངྑ་ཏཱ. ནི་རོ་དྷ་ས་ཙྩཾ ཨ་ས་ངྑ་ཏཾ. ཏཱི་ཎི ས་ཙྩཱ་ནི ཨ་ནི་ད་སྶ་ནཱ. དུ་ཀྑ་ས་ཙྩཾ སི་ཡཱ ས་ནི་ད་སྶ་ནཾ, སི་ཡཱ ཨ་ནི་ད་སྶ་ནཾ. ཏཱི་ཎི ས་ཙྩཱ་ནི ཨ་པྤ་ཊི་གྷཱ. དུ་ཀྑ་ས་ཙྩཾ སི་ཡཱ ས་པྤ་ཊི་གྷཾ, སི་ཡཱ ཨ་པྤ་ཊི་གྷཾ. ཏཱི་ཎི ས་ཙྩཱ་ནི ཨ་རཱུ་པཱ་ནི. དུ་ཀྑ་ས་ཙྩཾ སི་ཡཱ རཱུ་པཾ, སི་ཡཱ ཨ་རཱུ་པཾ. དྭེ ས་ཙྩཱ ལོ་ཀི་ཡཱ. དྭེ ས་ཙྩཱ ལོ་ཀུ་ཏྟ་རཱ; ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ.
ས་མུ་ད་ཡ་ས་ཙྩཾ ཨཱ་ས་ཝོ. དྭེ ས་ཙྩཱ ནོ ཨཱ་ས་ཝཱ. དུ་ཀྑ་ས་ཙྩཾ སི་ཡཱ ཨཱ་ས་ཝོ, སི་ཡཱ ནོ ཨཱ་ས་ཝོ. དྭེ ས་ཙྩཱ སཱ་ས་ཝཱ. དྭེ ས་ཙྩཱ ཨ་ནཱ་ས་ཝཱ. ས་མུ་ད་ཡ་ས་ཙྩཾ ཨཱ་ས་ཝ་ས་མྤ་ཡུ་ཏྟཾ. དྭེ ས་ཙྩཱ ཨཱ་ས་ཝ་ཝི་པྤ་ཡུ་ཏྟཱ. དུ་ཀྑ་ས་ཙྩཾ སི་ཡཱ ཨཱ་ས་ཝ་ས་མྤ་ཡུ་ཏྟཾ, སི་ཡཱ ཨཱ་ས་ཝ་ཝི་པྤ་ཡུ་ཏྟཾ. ས་མུ་ད་ཡ་ས་ཙྩཾ ཨཱ་ས་ཝོ ཙེ་ཝ སཱ་ས་ཝ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ཨཱ་ས་ཝཱ ཙེ་ཝ སཱ་ས་ཝཱ ཙཱ’’ཏི་པི, ‘‘སཱ་ས་ཝཱ ཙེ་ཝ ནོ ཙ ཨཱ་ས་ཝཱ’’ཏི་པི. དུ་ཀྑ་ས་ཙྩཾ སི་ཡཱ ཨཱ་ས་ཝོ ཙེ་ཝ སཱ་ས་ཝ་ཉྩ, སི་ཡཱ སཱ་ས་ཝ་ཉྩེ་ཝ ནོ ཙ ཨཱ་ས་ཝོ. ས་མུ་ད་ཡ་ས་ཙྩཾ ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ’’ཏི་པི, ‘‘ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ’’ཏི་པི. དུ་ཀྑ་ས་ཙྩཾ སི་ཡཱ ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟ་ཉྩ, སི་ཡཱ ཨཱ་ས་ཝ་ས་མྤ་ཡུ་ཏྟ་ཉྩེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཾ – ‘‘ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟ་ཉྩཱ’’ཏི་པི, ‘‘ཨཱ་ས་ཝ་ས་མྤ་ཡུ་ཏྟ་ཉྩེ་ཝ ནོ ཙ ཨཱ་ས་ཝོ’’ཏི་པི. དྭེ ས་ཙྩཱ ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝཱ. ས་མུ་ད་ཡ་ས་ཙྩཾ ན ཝ་ཏྟ་བྦཾ – ‘‘ཨཱ་ས་ཝ་ཝི་པྤ་ཡུ་ཏྟ་སཱ་ས་ཝ’’ནྟི་པི, ‘‘ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝ’’ནྟི་པི. དུ་ཀྑ་ས་ཙྩཾ སི་ཡཱ ཨཱ་ས་ཝ་ཝི་པྤ་ཡུ་ཏྟ་སཱ་ས་ཝཾ, སི་ཡཱ ན ཝ་ཏྟ་བྦཾ – ‘‘ཨཱ་ས་ཝ་ཝི་པྤ་ཡུ་ཏྟ་སཱ་ས་ཝ’’ནྟི་པི, ‘‘ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝ’’ནྟི་པི.
ས་མུ་ད་ཡ་ས་ཙྩཾ སཾ་ཡོ་ཛ་ནཾ. དྭེ ས་ཙྩཱ ནོ སཾ་ཡོ་ཛ་ནཱ. དུ་ཀྑ་ས་ཙྩཾ སི་ཡཱ སཾ་ཡོ་ཛ་ནཾ, སི་ཡཱ ནོ སཾ་ཡོ་ཛ་ནཾ. དྭེ ས་ཙྩཱ སཾ་ཡོ་ཛ་ནི་ཡཱ. དྭེ ས་ཙྩཱ ཨ་སཾ་ཡོ་ཛ་ནི་ཡཱ. ས་མུ་ད་ཡ་ས་ཙྩཾ སཾ་ཡོ་ཛ་ན་ས་མྤ་ཡུ་ཏྟཾ. དྭེ ས་ཙྩཱ སཾ་ཡོ་ཛ་ན་ཝི་པྤ་ཡུ་ཏྟཱ. དུ་ཀྑ་ས་ཙྩཾ སི་ཡཱ སཾ་ཡོ་ཛ་ན་ས་མྤ་ཡུ་ཏྟཾ, སི་ཡཱ སཾ་ཡོ་ཛ་ན་ཝི་པྤ་ཡུ་ཏྟཾ. ས་མུ་ད་ཡ་ས་ཙྩཾ སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘སཾ་ཡོ་ཛ་ནཱ ཙེ་ཝ སཾ་ཡོ་ཛ་ནི་ཡཱ ཙཱ’’ཏི་པི, ‘‘སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཱ’’ཏི་པི. དུ་ཀྑ་ས་ཙྩཾ སི་ཡཱ སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡ་ཉྩ, སི་ཡཱ སཾ་ཡོ་ཛ་ནི་ཡ་ཉྩེ་ཝ ནོ ཙ སཾ་ཡོ་ཛ་ནཾ. ས་མུ་ད་ཡ་ས་ཙྩཾ སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘སཾ་ཡོ་ཛ་ནཱ ཙེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙཱ’’ཏི་པི, ‘‘སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཱ’’ཏི་པི. དུ་ཀྑ་ས་ཙྩཾ སི་ཡཱ སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟ་ཉྩ, སི་ཡཱ སཾ་ཡོ་ཛ་ན་ས་མྤ་ཡུ་ཏྟ་ཉྩེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཾ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟ་ཉྩཱ’’ཏི་པི, ‘‘སཾ་ཡོ་ཛ་ན་ས་མྤ་ཡུ་ཏྟ་ཉྩེ་ཝ ནོ ཙ སཾ་ཡོ་ཛ་ན’’ནྟི་པི. དྭེ ས་ཙྩཱ སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡཱ. ས་མུ་ད་ཡ་ས་ཙྩཾ ན ཝ་ཏྟ་བྦཾ – ‘‘སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡ’’ནྟི་པི, ‘‘སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡ’’ནྟི་པི. དུ་ཀྑ་ས་ཙྩཾ སི་ཡཱ སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡཾ, སི་ཡཱ ན ཝ་ཏྟ་བྦཾ – ‘‘སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡ’’ནྟི་པི, ‘‘སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡ’’ནྟི་པི.
ས་མུ་ད་ཡ་ས་ཙྩཾ ག་ནྠོ. དྭེ ས་ཙྩཱ ནོ ག་ནྠཱ. དུ་ཀྑ་ས་ཙྩཾ སི་ཡཱ ག་ནྠོ, སི་ཡཱ ནོ ག་ནྠོ. དྭེ ས་ཙྩཱ ག་ནྠ་ནི་ཡཱ. དྭེ ས་ཙྩཱ ཨ་ག་ནྠ་ནི་ཡཱ. དྭེ ས་ཙྩཱ ག་ནྠ་ཝི་པྤ་ཡུ་ཏྟཱ. དྭེ ས་ཙྩཱ སི་ཡཱ ག་ནྠ་ས་མྤ་ཡུ་ཏྟཱ, སི་ཡཱ ག་ནྠ་ཝི་པྤ་ཡུ་ཏྟཱ. ས་མུ་ད་ཡ་ས་ཙྩཾ ག་ནྠོ ཙེ་ཝ ག་ནྠ་ནི་ཡ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ག་ནྠཱ ཙེ་ཝ ག་ནྠ་ནི་ཡཱ ཙཱ’’ཏི་པི, ‘‘ག་ནྠ་ནི་ཡཱ ཙེ་ཝ ནོ ཙ ག་ནྠཱ’’ཏི་པི. དུ་ཀྑ་ས་ཙྩཾ སི་ཡཱ ག་ནྠོ ཙེ་ཝ ག་ནྠ་ནི་ཡ་ཉྩ, སི་ཡཱ ག་ནྠ་ནི་ཡ་ཉྩེ་ཝ ནོ ཙ ག་ནྠོ. ས་མུ་ད་ཡ་ས་ཙྩཾ ག་ནྠོ ཙེ་ཝ ག་ནྠ་ས་མྤ་ཡུ་ཏྟ་ཉྩ, སི་ཡཱ ན ཝ་ཏྟ་བྦཾ – ‘‘ག་ནྠོ ཙེ་ཝ ག་ནྠ་ས་མྤ་ཡུ་ཏྟ་ཉྩཱ’’ཏི་པི, ‘‘ག་ནྠ་ས་མྤ་ཡུ་ཏྟ་ཉྩེ་ཝ ནོ ཙ ག་ནྠོ’’ཏི་པི. དྭེ ས་ཙྩཱ ན ཝ་ཏྟ་བྦཱ – ‘‘ག་ནྠཱ ཙེ་ཝ ག་ནྠ་ས་མྤ་ཡུ་ཏྟཱ ཙཱ’’ཏི་པི, ‘‘ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠཱ’’ཏི་པི. དུ་ཀྑ་ས་ཙྩཾ སི་ཡཱ ག་ནྠོ ཙེ་ཝ ག་ནྠ་ས་མྤ་ཡུ་ཏྟ་ཉྩ, སི་ཡཱ ག་ནྠ་ས་མྤ་ཡུ་ཏྟ་ཉྩེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཾ – ‘‘ག་ནྠོ ཙེ་ཝ ག་ནྠ་ས་མྤ་ཡུ་ཏྟ་ཉྩཱ’’ཏི་པི, ‘‘ག་ནྠ་ས་མྤ་ཡུ་ཏྟ་ཉྩེ་ཝ ནོ ཙ ག་ནྠོ’’ཏི་པི. དྭེ ས་ཙྩཱ ག་ནྠ་ཝི་པྤ་ཡུ་ཏྟ་ཨ་ག་ནྠ་ནི་ཡཱ. དྭེ ས་ཙྩཱ སི་ཡཱ ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ, སི་ཡཱ ན ཝ་ཏྟ་བྦཱ – ‘‘ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ’’ཏི་པི, ‘‘ག་ནྠ་ཝི་པྤ་ཡུ་ཏྟ་ཨ་ག་ནྠ་ནི་ཡཱ’’ཏི་པི.
ས་མུ་ད་ཡ་ས་ཙྩཾ ཨོ་གྷོ…པེ… ཡོ་གོ…པེ… ནཱི་ཝ་ར་ཎཾ. དྭེ ས་ཙྩཱ ནོ ནཱི་ཝ་ར་ཎཱ. དུ་ཀྑ་ས་ཙྩཾ སི་ཡཱ ནཱི་ཝ་ར་ཎཾ, སི་ཡཱ ནོ ནཱི་ཝ་ར་ཎཾ. དྭེ ས་ཙྩཱ ནཱི་ཝ་ར་ཎི་ཡཱ དྭེ ས་ཙྩཱ ཨ་ནཱི་ཝ་ར་ཎི་ཡཱ. ས་མུ་ད་ཡ་ས་ཙྩཾ ནཱི་ཝ་ར་ཎ་ས་མྤ་ཡུ་ཏྟཾ. དྭེ ས་ཙྩཱ ནཱི་ཝ་ར་ཎ་ཝི་པྤ་ཡུ་ཏྟཱ. དུ་ཀྑ་ས་ཙྩཾ སི་ཡཱ ནཱི་ཝ་ར་ཎ་ས་མྤ་ཡུ་ཏྟཾ, སི་ཡཱ ནཱི་ཝ་ར་ཎ་ཝི་པྤ་ཡུ་ཏྟཾ. ས་མུ་ད་ཡ་ས་ཙྩཾ ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ནཱི་ཝ་ར་ཎཱ ཙེ་ཝ ནཱི་ཝ་ར་ཎི་ཡཱ ཙཱ’’ཏི་པི, ‘‘ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཱ’’ཏི་པི. དུ་ཀྑ་ས་ཙྩཾ སི་ཡཱ ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡ་ཉྩ, སི་ཡཱ ནཱི་ཝ་ར་ཎི་ཡ་ཉྩེ་ཝ ནོ ཙ ནཱི་ཝ་ར་ཎཾ. ས་མུ་ད་ཡ་ས་ཙྩཾ ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ནཱི་ཝ་ར་ཎཱ ཙེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙཱ’’ཏི་པི, ‘‘ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཱ’’ཏི་པི. དུ་ཀྑ་ས་ཙྩཾ སི་ཡཱ ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟ་ཉྩ, སི་ཡཱ ནཱི་ཝ་ར་ཎ་ས་མྤ་ཡུ་ཏྟ་ཉྩེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཾ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟ་ཉྩཱ’’ཏི་པི, ‘‘ནཱི་ཝ་ར་ཎ་ས་མྤ་ཡུ་ཏྟ་ཉྩེ་ཝ ནོ ཙ ནཱི་ཝ་ར་ཎ’’ནྟི་པི. དྭེ ས་ཙྩཱ ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡཱ. ས་མུ་ད་ཡ་ས་ཙྩཾ ན ཝ་ཏྟ་བྦཾ – ‘‘ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡ’’ནྟི་པི, ‘‘ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡ’’ནྟི་པི. དུ་ཀྑ་ས་ཙྩཾ སི་ཡཱ ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡཾ, སི་ཡཱ ན ཝ་ཏྟ་བྦཾ – ‘‘ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡ’’ནྟི་པི, ‘‘ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡ’’ནྟི་པི.
ཏཱི་ཎི ས་ཙྩཱ་ནི ནོ པ་རཱ་མཱ་སཱ. དུ་ཀྑ་ས་ཙྩཾ སི་ཡཱ པ་རཱ་མཱ་སོ, སི་ཡཱ ནོ པ་རཱ་མཱ་སོ. དྭེ ས་ཙྩཱ པ་རཱ་མ་ཊྛཱ. དྭེ ས་ཙྩཱ ཨ་པ་རཱ་མ་ཊྛཱ. དྭེ ས་ཙྩཱ པ་རཱ་མཱ་ས་ཝི་པྤ་ཡུ་ཏྟཱ. ས་མུ་ད་ཡ་ས་ཙྩཾ སི་ཡཱ པ་རཱ་མཱ་ས་ས་མྤ་ཡུ་ཏྟཾ, སི་ཡཱ པ་རཱ་མཱ་ས་ཝི་པྤ་ཡུ་ཏྟཾ. དུ་ཀྑ་ས་ཙྩཾ སི་ཡཱ པ་རཱ་མཱ་ས་ས་མྤ་ཡུ་ཏྟཾ, སི་ཡཱ པ་རཱ་མཱ་ས་ཝི་པྤ་ཡུ་ཏྟཾ, སི་ཡཱ ན ཝ་ཏྟ་བྦཾ – ‘‘པ་རཱ་མཱ་ས་ས་མྤ་ཡུ་ཏྟ’’ནྟི་པི, ‘‘པ་རཱ་མཱ་ས་ཝི་པྤ་ཡུ་ཏྟ’’ནྟི་པི. ས་མུ་ད་ཡ་ས་ཙྩཾ ན ཝ་ཏྟ་བྦཾ – ‘‘པ་རཱ་མཱ་སོ ཙེ་ཝ པ་རཱ་མ་ཊྛ་ཉྩཱ’’ཏི, པ་རཱ་མ་ཊྛ་ཉྩེ་ཝ ནོ ཙ པ་རཱ་མཱ་སོ. དྭེ ས་ཙྩཱ ན ཝ་ཏྟ་བྦཱ – ‘‘པ་རཱ་མཱ་སཱ ཙེ་ཝ པ་རཱ་མ་ཊྛཱ ཙཱ’’ཏི་པི, ‘‘པ་རཱ་མ་ཊྛཱ ཙེ་ཝ ནོ ཙ པ་རཱ་མཱ་སཱ’’ཏི་པི. དུ་ཀྑ་ས་ཙྩཾ སི་ཡཱ པ་རཱ་མཱ་སོ ཙེ་ཝ པ་རཱ་མ་ཊྛ་ཉྩ, སི་ཡཱ པ་རཱ་མ་ཊྛ་ཉྩེ་ཝ ནོ ཙ པ་རཱ་མཱ་སོ. དྭེ ས་ཙྩཱ པ་རཱ་མཱ་ས་ཝི་པྤ་ཡུ་ཏྟ་ཨ་པ་རཱ་མ་ཊྛཱ. དྭེ ས་ཙྩཱ སི་ཡཱ པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ, སི་ཡཱ ན ཝ་ཏྟ་བྦཱ – ‘‘པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ’’ཏི་པི, ‘‘པ་རཱ་མཱ་ས་ཝི་པྤ་ཡུ་ཏྟ་ཨ་པ་རཱ་མ་ཊྛཱ’’ཏི་པི.
དྭེ ས་ཙྩཱ སཱ་ར་མྨ་ཎཱ. ནི་རོ་དྷ་ས་ཙྩཾ ཨ་ནཱ་ར་མྨ་ཎཾ. དུ་ཀྑ་ས་ཙྩཾ སི་ཡཱ སཱ་ར་མྨ་ཎཾ, སི་ཡཱ ཨ་ནཱ་ར་མྨ་ཎཾ. ཏཱི་ཎི ས་ཙྩཱ་ནི ནོ ཙི་ཏྟཱ. དུ་ཀྑ་ས་ཙྩཾ སི་ཡཱ ཙི་ཏྟཾ, སི་ཡཱ ནོ ཙི་ཏྟཾ. དྭེ ས་ཙྩཱ ཙེ་ཏ་སི་ཀཱ. ནི་རོ་དྷ་ས་ཙྩཾ ཨ་ཙེ་ཏ་སི་ཀཾ. དུ་ཀྑ་ས་ཙྩཾ སི་ཡཱ ཙེ་ཏ་སི་ཀཾ, སི་ཡཱ ཨ་ཙེ་ཏ་སི་ཀཾ. དྭེ ས་ཙྩཱ ཙི་ཏྟ་ས་མྤ་ཡུ་ཏྟཱ. ནི་རོ་དྷ་ས་ཙྩཾ ཙི་ཏྟ་ཝི་པྤ་ཡུ་ཏྟཾ. དུ་ཀྑ་ས་ཙྩཾ སི་ཡཱ ཙི་ཏྟ་ས་མྤ་ཡུ་ཏྟཾ, སི་ཡཱ ཙི་ཏྟ་ཝི་པྤ་ཡུ་ཏྟཾ, སི་ཡཱ ན ཝ་ཏྟ་བྦཾ – ‘‘ཙི་ཏྟེ་ན ས་མྤ་ཡུ་ཏྟ’’ནྟི་པི, ‘‘ཙི་ཏྟེ་ན ཝི་པྤ་ཡུ་ཏྟ’’ནྟི་པི. དྭེ ས་ཙྩཱ ཙི་ཏྟ་སཾ་ས་ཊྛཱ. ནི་རོ་དྷ་ས་ཙྩཾ ཙི་ཏྟ་ཝི་སཾ་ས་ཊྛཾ. དུ་ཀྑ་ས་ཙྩཾ སི་ཡཱ ཙི་ཏྟ་སཾ་ས་ཊྛཾ, སི་ཡཱ ཙི་ཏྟ་ཝི་སཾ་ས་ཊྛཾ, སི་ཡཱ ན ཝ་ཏྟ་བྦཾ – ‘‘ཙི་ཏྟེ་ན སཾ་ས་ཊྛ’’ནྟི་པི, ‘‘ཙི་ཏྟེ་ན ཝི་སཾ་ས་ཊྛ’’ནྟི་པི. དྭེ ས་ཙྩཱ ཙི་ཏྟ་ས་མུ་ཊྛཱ་ནཱ. ནི་རོ་དྷ་ས་ཙྩཾ ནོ ཙི་ཏྟ་ས་མུ་ཊྛཱ་ནཾ. དུ་ཀྑ་ས་ཙྩཾ སི་ཡཱ ཙི་ཏྟ་ས་མུ་ཊྛཱ་ནཾ, སི་ཡཱ ནོ ཙི་ཏྟ་ས་མུ་ཊྛཱ་ནཾ. དྭེ ས་ཙྩཱ ཙི་ཏྟ་ས་ཧ་བྷུ་ནོ. ནི་རོ་དྷ་ས་ཙྩཾ ནོ ཙི་ཏྟ་ས་ཧ་བྷཱུ. དུ་ཀྑ་ས་ཙྩཾ སི་ཡཱ ཙི་ཏྟ་ས་ཧ་བྷཱུ, སི་ཡཱ ནོ ཙི་ཏྟ་ས་ཧ་བྷཱུ. དྭེ ས་ཙྩཱ ཙི་ཏྟཱ་ནུ་པ་རི་ཝ་ཏྟི་ནོ. ནི་རོ་དྷ་ས་ཙྩཾ ནོ ཙི་ཏྟཱ་ནུ་པ་རི་ཝ་ཏྟི. དུ་ཀྑ་ས་ཙྩཾ སི་ཡཱ ཙི་ཏྟཱ་ནུ་པ་རི་ཝ་ཏྟི, སི་ཡཱ ནོ ཙི་ཏྟཱ་ནུ་པ་རི་ཝ་ཏྟི. དྭེ ས་ཙྩཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ. ནི་རོ་དྷ་ས་ཙྩཾ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཾ. དུ་ཀྑ་ས་ཙྩཾ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ནཾ, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཾ. དྭེ ས་ཙྩཱ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷུ་ནོ. ནི་རོ་དྷ་ས་ཙྩཾ ནོ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ. དུ་ཀྑ་ས་ཙྩཾ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ. དྭེ ས་ཙྩཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི་ནོ. ནི་རོ་དྷ་ས་ཙྩཾ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི. དུ་ཀྑ་ས་ཙྩཾ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི. ཏཱི་ཎི ས་ཙྩཱ་ནི བཱ་ཧི་རཱ. དུ་ཀྑ་ས་ཙྩཾ སི་ཡཱ ཨ་ཛ྄ཛྷ་ཏྟཾ, སི་ཡཱ བཱ་ཧི་རཾ.
ཏཱི་ཎི ས་ཙྩཱ་ནི ནོ ཨུ་པཱ་དཱ. དུ་ཀྑ་ས་ཙྩཾ སི་ཡཱ ཨུ་པཱ་དཱ, སི་ཡཱ ནོ ཨུ་པཱ་དཱ. ཏཱི་ཎི ས་ཙྩཱ་ནི ཨ་ནུ་པཱ་དི་ནྣཱ. དུ་ཀྑ་ས་ཙྩཾ སི་ཡཱ ཨུ་པཱ་དི་ནྣཾ, སི་ཡཱ ཨ་ནུ་པཱ་དི་ནྣཾ. ས་མུ་ད་ཡ་ས་ཙྩཾ ཨུ་པཱ་དཱ་ནཾ. དྭེ ས་ཙྩཱ ནོ ཨུ་པཱ་དཱ་ནཱ. དུ་ཀྑ་ས་ཙྩཾ སི་ཡཱ ཨུ་པཱ་དཱ་ནཾ, སི་ཡཱ ནོ ཨུ་པཱ་དཱ་ནཾ. དྭེ ས་ཙྩཱ ཨུ་པཱ་དཱ་ནི་ཡཱ. དྭེ ས་ཙྩཱ ཨ་ནུ་པཱ་དཱ་ནི་ཡཱ. དྭེ ས་ཙྩཱ ཨུ་པཱ་དཱ་ན་ཝི་པྤ་ཡུ་ཏྟཱ. དྭེ ས་ཙྩཱ སི་ཡཱ ཨུ་པཱ་དཱ་ན་ས་མྤ་ཡུ་ཏྟཱ, སི་ཡཱ ཨུ་པཱ་དཱ་ན་ཝི་པྤ་ཡུ་ཏྟཱ. ས་མུ་ད་ཡ་ས་ཙྩཾ ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ཨུ་པཱ་དཱ་ནཱ ཙེ་ཝ ཨུ་པཱ་དཱ་ནི་ཡཱ ཙཱ’’ཏི་པི, ‘‘ཨུ་པཱ་དཱ་ནི་ཡཱ ཙེ་ཝ ནོ ཙ ཨུ་པཱ་དཱ་ནཱ’’ཏི་པི. དུ་ཀྑ་ས་ཙྩཾ སི་ཡཱ ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡ་ཉྩ, སི་ཡཱ ཨུ་པཱ་དཱ་ནི་ཡ་ཉྩེ་ཝ ནོ ཙ ཨུ་པཱ་དཱ་ནཾ. ས་མུ་ད་ཡ་ས་ཙྩཾ སི་ཡཱ ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟ་ཉྩ, སི་ཡཱ ན ཝ་ཏྟ་བྦཾ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟ་ཉྩཱ’’ཏི་པི, ‘‘ཨུ་པཱ་དཱ་ན་ས་མྤ་ཡུ་ཏྟ་ཉྩེ་ཝ ནོ ཙ ཨུ་པཱ་དཱ་ན’’ནྟི་པི. དྭེ ས་ཙྩཱ ན ཝ་ཏྟ་བྦཱ – ‘‘ཨུ་པཱ་དཱ་ནཱ ཙེ་ཝ ཨུ་པཱ་དཱ་ན་ས་མྤ་ཡུ་ཏྟཱ ཙཱ’’ཏི་པི, ‘‘ཨུ་པཱ་དཱ་ན་ས་མྤ་ཡུ་ཏྟཱ ཙེ་ཝ ནོ ཙ ཨུ་པཱ་དཱ་ནཱ’’ཏི་པི. དུ་ཀྑ་ས་ཙྩཾ སི་ཡཱ ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟ་ཉྩ, སི་ཡཱ ཨུ་པཱ་དཱ་ན་ས་མྤ་ཡུ་ཏྟ་ཉྩེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཾ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟ་ཉྩཱ’’ ཏི་པི, ‘‘ཨུ་པཱ་དཱ་ན་ས་མྤ་ཡུ་ཏྟ་ཉྩེ་ཝ ནོ ཙ ཨུ་པཱ་དཱ་ན’’ནྟི་པི. དྭེ ས་ཙྩཱ ཨུ་པཱ་དཱ་ན་ཝི་པྤ་ཡུ་ཏྟ་ཨ་ནུ་པཱ་དཱ་ནི་ཡཱ. དྭེ ས་ཙྩཱ སི་ཡཱ ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡཱ, སི་ཡཱ ན ཝ་ཏྟ་བྦཱ – ‘‘ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡཱ’’ཏི་པི, ‘‘ཨུ་པཱ་དཱ་ན་ཝི་པྤ་ཡུ་ཏྟ་ཨ་ནུ་པཱ་དཱ་ནི་ཡཱ’’ཏི་པི.
ས་མུ་ད་ཡ་ས་ཙྩཾ ཀི་ལེ་སོ. དྭེ ས་ཙྩཱ ནོ ཀི་ལེ་སཱ. དུ་ཀྑ་ས་ཙྩཾ སི་ཡཱ ཀི་ལེ་སོ, སི་ཡཱ ནོ ཀི་ལེ་སོ. དྭེ ས་ཙྩཱ སཾ་ཀི་ལེ་སི་ཀཱ. དྭེ ས་ཙྩཱ ཨ་སཾ་ཀི་ལེ་སི་ཀཱ. ས་མུ་ད་ཡ་ས་ཙྩཾ སཾ་ཀི་ལི་ཊྛཾ. དྭེ ས་ཙྩཱ ཨ་སཾ་ཀི་ལི་ཊྛཱ. དུ་ཀྑ་ས་ཙྩཾ སི་ཡཱ སཾ་ཀི་ལི་ཊྛཾ, སི་ཡཱ ཨ་སཾ་ཀི་ལི་ཊྛཾ. ས་མུ་ད་ཡ་ས་ཙྩཾ ཀི་ལེ་ས་ས་མྤ་ཡུ་ཏྟཾ. དྭེ ས་ཙྩཱ ཀི་ལེ་ས་ཝི་པྤ་ཡུ་ཏྟཱ. དུ་ཀྑ་ས་ཙྩཾ སི་ཡཱ ཀི་ལེ་ས་ས་མྤ་ཡུ་ཏྟཾ, སི་ཡཱ ཀི་ལེ་ས་ཝི་པྤ་ཡུ་ཏྟཾ. ས་མུ་ད་ཡ་ས་ཙྩཾ ཀི་ལེ་སོ ཙེ་ཝ སཾ་ཀི་ལེ་སི་ཀ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ སཾ་ཀི་ལེ་སི་ཀཱ ཙཱ’’ཏི་པི, ‘‘སཾ་ཀི་ལེ་སི་ཀཱ ཙེ་ཝ ནོ ཙ ཀི་ལེ་སཱ’’ཏི་པི. དུ་ཀྑ་ས་ཙྩཾ སི་ཡཱ ཀི་ལེ་སོ ཙེ་ཝ སཾ་ཀི་ལེ་སི་ཀ་ཉྩ, སི་ཡཱ སཾ་ཀི་ལེ་སི་ཀ་ཉྩེ་ཝ ནོ ཙ ཀི་ལེ་སོ. ས་མུ་ད་ཡ་ས་ཙྩཾ ཀི་ལེ་སོ ཙེ་ཝ སཾ་ཀི་ལི་ཊྛ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ སཾ་ཀི་ལི་ཊྛཱ ཙཱ’’ཏི་པི, ‘‘སཾ་ཀི་ལི་ཊྛཱ ཙེ་ཝ ནོ ཙ ཀི་ལེ་སཱ’’ཏི་པི. དུ་ཀྑ་ས་ཙྩཾ སི་ཡཱ ཀི་ལེ་སོ ཙེ་ཝ སཾ་ཀི་ལི་ཊྛ་ཉྩ, སི་ཡཱ སཾ་ཀི་ལི་ཊྛ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ སཾ་ཀི་ལི་ཊྛ་ཉྩཱ’’ཏི་པི, ‘‘སཾ་ཀི་ལི་ཊྛ་ཉྩེ་ཝ ནོ ཙ ཀི་ལེ་སོ’’ཏི་པི. ས་མུ་ད་ཡ་ས་ཙྩཾ ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟ་ཉྩ. དྭེ ས་ཙྩཱ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ ཀི་ལེ་ས་ས་མྤ་ཡུ་ཏྟཱ ཙཱ’’ཏི་པི, ‘‘ཀི་ལེ་ས་ས་མྤ་ཡུ་ཏྟཱ ཙེ་ཝ ནོ ཙ ཀི་ལེ་སཱ’’ཏི་པི. དུ་ཀྑ་ས་ཙྩཾ སི་ཡཱ ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟ་ཉྩ, སི་ཡཱ ཀི་ལེ་ས་ས་མྤ་ཡུ་ཏྟ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟ་ཉྩཱ’’ ཏི་པི, ‘‘ཀི་ལེ་ས་ས་མྤ་ཡུ་ཏྟ་ཉྩེ་ཝ ནོ ཙ ཀི་ལེ་སོ’’ཏི་པི. དྭེ ས་ཙྩཱ ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀཱ. ས་མུ་ད་ཡ་ས་ཙྩཾ ན ཝ་ཏྟ་བྦཾ – ‘‘ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀ’’ནྟི་པི, ‘‘ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀ’’ནྟི་པི. དུ་ཀྑ་ས་ཙྩཾ སི་ཡཱ ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀཾ, སི་ཡཱ ན ཝ་ཏྟ་བྦཾ – ‘‘ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀ’’ནྟི་པི, ‘‘ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀ’’ནྟི་པི.
དྭེ ས་ཙྩཱ ན ད་སྶ་ནེ་ན པ་ཧཱ་ཏ་བྦཱ. དྭེ ས་ཙྩཱ སི་ཡཱ ད་སྶ་ནེ་ན པ་ཧཱ་ཏ་བྦཱ, སི་ཡཱ ན ད་སྶ་ནེ་ན པ་ཧཱ་ཏ་བྦཱ. དྭེ ས་ཙྩཱ ན བྷཱ་ཝ་ནཱ་ཡ པ་ཧཱ་ཏ་བྦཱ. དྭེ ས་ཙྩཱ སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཱ, སི་ཡཱ ན བྷཱ་ཝ་ནཱ་ཡ པ་ཧཱ་ཏ་བྦཱ. དྭེ ས་ཙྩཱ ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. དྭེ ས་ཙྩཱ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ, སི་ཡཱ ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. དྭེ ས་ཙྩཱ ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. དྭེ ས་ཙྩཱ སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ, སི་ཡཱ ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ས་མུ་ད་ཡ་ས་ཙྩཾ ས་ཝི་ཏ་ཀྐཾ. ནི་རོ་དྷ་ས་ཙྩཾ ཨ་ཝི་ཏ་ཀྐཾ. དྭེ ས་ཙྩཱ སི་ཡཱ ས་ཝི་ཏ་ཀྐཱ, སི་ཡཱ ཨ་ཝི་ཏ་ཀྐཱ. ས་མུ་ད་ཡ་ས་ཙྩཾ ས་ཝི་ཙཱ་རཾ. ནི་རོ་དྷ་ས་ཙྩཾ ཨ་ཝི་ཙཱ་རཾ. དྭེ ས་ཙྩཱ སི་ཡཱ ས་ཝི་ཙཱ་རཱ, སི་ཡཱ ཨ་ཝི་ཙཱ་རཱ. ནི་རོ་དྷ་ས་ཙྩཾ ཨ་པྤཱི་ཏི་ཀཾ. ཏཱི་ཎི ས་ཙྩཱ་ནི སི་ཡཱ ས་པྤཱི་ཏི་ཀཱ, སི་ཡཱ ཨ་པྤཱི་ཏི་ཀཱ. ནི་རོ་དྷ་ས་ཙྩཾ ན པཱི་ཏི་ས་ཧ་ག་ཏཾ. ཏཱི་ཎི ས་ཙྩཱ་ནི སི་ཡཱ པཱི་ཏི་ས་ཧ་ག་ཏཱ, སི་ཡཱ ན པཱི་ཏི་ས་ཧ་ག་ཏཱ. ནི་རོ་དྷ་ས་ཙྩཾ ན སུ་ཁ་ས་ཧ་ག་ཏཾ. ཏཱི་ཎི ས་ཙྩཱ་ནི སི་ཡཱ སུ་ཁ་ས་ཧ་ག་ཏཱ, སི་ཡཱ ན སུ་ཁ་ས་ཧ་ག་ཏཱ. ནི་རོ་དྷ་ས་ཙྩཾ ན ཨུ་པེ་ཀྑཱ་ས་ཧ་ག་ཏཾ. ཏཱི་ཎི ས་ཙྩཱ་ནི སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཨུ་པེ་ཀྑཱ་ས་ཧ་ག་ཏཱ.
ས་མུ་ད་ཡ་ས་ཙྩཾ ཀཱ་མཱ་ཝ་ཙ་རཾ. དྭེ ས་ཙྩཱ ན ཀཱ་མཱ་ཝ་ཙ་རཱ. དུ་ཀྑ་ས་ཙྩཾ སི་ཡཱ ཀཱ་མཱ་ཝ་ཙ་རཾ, སི་ཡཱ ན ཀཱ་མཱ་ཝ་ཙ་རཾ. ཏཱི་ཎི ས་ཙྩཱ་ནི ན རཱུ་པཱ་ཝ་ཙ་རཱ. དུ་ཀྑ་ས་ཙྩཾ སི་ཡཱ རཱུ་པཱ་ཝ་ཙ་རཾ, སི་ཡཱ ན རཱུ་པཱ་ཝ་ཙ་རཾ. ཏཱི་ཎི ས་ཙྩཱ་ནི ན ཨ་རཱུ་པཱ་ཝ་ཙ་རཱ. དུ་ཀྑ་ས་ཙྩཾ སི་ཡཱ ཨ་རཱུ་པཱ་ཝ་ཙ་རཾ, སི་ཡཱ ན ཨ་རཱུ་པཱ་ཝ་ཙ་རཾ. དྭེ ས་ཙྩཱ པ་རི་ཡཱ་པ་ནྣཱ. དྭེ ས་ཙྩཱ ཨ་པ་རི་ཡཱ་པ་ནྣཱ. མ་གྒ་ས་ཙྩཾ ནི་ཡྻཱ་ནི་ཀཾ. ཏཱི་ཎི ས་ཙྩཱ་ནི ཨ་ནི་ཡྻཱ་ནི་ཀཱ. མ་གྒ་ས་ཙྩཾ ནི་ཡ་ཏཾ. ནི་རོ་དྷ་ས་ཙྩཾ ཨ་ནི་ཡ་ཏཾ. དྭེ ས་ཙྩཱ སི་ཡཱ ནི་ཡ་ཏཱ, སི་ཡཱ ཨ་ནི་ཡ་ཏཱ. དྭེ ས་ཙྩཱ ས་ཨུ་ཏྟ་རཱ. དྭེ ས་ཙྩཱ ཨ་ནུ་ཏྟ་རཱ. ས་མུ་ད་ཡ་ས་ཙྩཾ ས་ར་ཎཾ. དྭེ ས་ཙྩཱ ཨ་ར་ཎཱ. དུ་ཀྑ་ས་ཙྩཾ སི་ཡཱ ས་ར་ཎཾ, སི་ཡཱ ཨ་ར་ཎ་ནྟི.
པ་ཉྷཱ་པུ་ཙྪ་ཀཾ.
ས་ཙྩ་ཝི་བྷ་ངྒོ ནི་ཊྛི་ཏོ.