༣. དྷཱ་ཏུ་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
༡༧༢. ཚ དྷཱ་ཏུ་ཡོ – པ་ཐ་ཝཱི་དྷཱ་ཏུ [པ་ཋ་ཝཱི་དྷཱ་ཏུ (སཱི. སྱཱ.) ཨེ་ཝ་མུ་པ་རི་པི], ཨཱ་པོ་དྷཱ་ཏུ, ཏེ་ཛོ་དྷཱ་ཏུ, ཝཱ་ཡོ་དྷཱ་ཏུ, ཨཱ་ཀཱ་ས་དྷཱ་ཏུ, ཝི་ཉྙཱ་ཎ་དྷཱ་ཏུ.
༡༧༣. ཏ་ཏྠ ཀ་ཏ་མཱ པ་ཐ་ཝཱི་དྷཱ་ཏུ? པ་ཐ་ཝཱི་དྷཱ་ཏུ་དྭ་ཡཾ – ཨ་ཏྠི ཨ་ཛ྄ཛྷ་ཏྟི་ཀཱ, ཨ་ཏྠི བཱ་ཧི་རཱ. ཏ་ཏྠ ཀ་ཏ་མཱ ཨ་ཛ྄ཛྷ་ཏྟི་ཀཱ པ་ཐ་ཝཱི་དྷཱ་ཏུ? ཡཾ ཨ་ཛ྄ཛྷ་ཏྟཾ པ་ཙྩ་ཏྟཾ ཀ་ཀྑ་ལ༹ཾ ཁ་རི་ག་ཏཾ ཀ་ཀྑ་ལ༹་ཏྟཾ ཀ་ཀྑ་ལ༹་བྷཱ་ཝོ ཨ་ཛ྄ཛྷ་ཏྟཾ ཨུ་པཱ་དི་ནྣཾ, སེ་ཡྻ་ཐི་དཾ – ཀེ་སཱ ལོ་མཱ ན་ཁཱ ད་ནྟཱ ཏ་ཙོ མཾ་སཾ ནྷཱ་རུ [ན་ཧཱ་རུ (སཱི.)] ཨ་ཊྛི ཨ་ཊྛི་མི་ཉྫཾ [ཨ་ཊྛི་མི་ཉྫཱ (སཱི.)] ཝ་ཀྐཾ ཧ་ད་ཡཾ ཡ་ཀ་ནཾ ཀི་ལོ་མ་ཀཾ པི་ཧ་ཀཾ པ་པྥཱ་སཾ ཨ་ནྟཾ ཨ་ནྟ་གུ་ཎཾ ཨུ་ད་རི་ཡཾ ཀ་རཱི་སཾ, ཡཾ ཝཱ པ་ན་ཉྙ་མྤི ཨ་ཏྠི ཨ་ཛ྄ཛྷ་ཏྟཾ པ་ཙྩ་ཏྟཾ ཀ་ཀྑ་ལ༹ཾ ཁ་རི་ག་ཏཾ ཀ་ཀྑ་ལ༹་ཏྟཾ ཀ་ཀྑ་ལ༹་བྷཱ་ཝོ ཨ་ཛ྄ཛྷ་ཏྟཾ ཨུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘ཨ་ཛ྄ཛྷ་ཏྟི་ཀཱ པ་ཐ་ཝཱི་དྷཱ་ཏུ’.
ཏ་ཏྠ ཀ་ཏ་མཱ བཱ་ཧི་རཱ པ་ཐ་ཝཱི་དྷཱ་ཏུ? ཡཾ བཱ་ཧི་རཾ ཀ་ཀྑ་ལ༹ཾ ཁ་རི་ག་ཏཾ ཀ་ཀྑ་ལ༹་ཏྟཾ ཀ་ཀྑ་ལ༹་བྷཱ་ཝོ བ་ཧི་དྡྷཱ ཨ་ནུ་པཱ་དི་ནྣཾ, སེ་ཡྻ་ཐི་དཾ – ཨ་ཡོ ལོ་ཧཾ ཏི་པུ སཱི་སཾ ས་ཛ྄ཛྷཾ [ས་ཛ྄ཛྷུ (སྱཱ.)] མུ་ཏྟཱ མ་ཎི ཝེ་ལུ༹་རི་ཡོ ས་ངྑོ སི་ལཱ པ་ཝཱ་ལ༹ཾ ར་ཛ་ཏཾ ཛཱ་ཏ་རཱུ་པཾ ལོ་ཧི་ཏ་ངྐོ [ལོ་ཧི་ཏ་ངྒོ (སྱཱ. ཀ.), ལོ་ཧི་ཏ་ཀོ (?)] མ་སཱ་ར་ག་ལླཾ ཏི་ཎཾ ཀ་ཊྛཾ ས་ཀྑ་རཱ ཀ་ཋ་ལཾ [ཀ་ཐ་ལཾ (ཀ.)] བྷཱུ་མི པཱ་སཱ་ཎོ པ་བྦ་ཏོ, ཡཾ ཝཱ པ་ན་ཉྙ་མྤི ཨ་ཏྠི བཱ་ཧི་རཾ ཀ་ཀྑ་ལ༹ཾ ཁ་རི་ག་ཏཾ ཀ་ཀྑ་ལ༹་ཏྟཾ ཀ་ཀྑ་ལ༹་བྷཱ་ཝོ བ་ཧི་དྡྷཱ ཨ་ནུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘བཱ་ཧི་རཱ པ་ཐ་ཝཱི་དྷཱ་ཏུ’. ཡཱ ཙ ཨ་ཛ྄ཛྷ་ཏྟི་ཀཱ པ་ཐ་ཝཱི་དྷཱ་ཏུ ཡཱ ཙ བཱ་ཧི་རཱ པ་ཐ་ཝཱི་དྷཱ་ཏུ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ‘‘པ་ཐ་ཝཱི་དྷཱ་ཏུ’’.
༡༧༤. ཏ་ཏྠ ཀ་ཏ་མཱ ཨཱ་པོ་དྷཱ་ཏུ? ཨཱ་པོ་དྷཱ་ཏུ་དྭ་ཡཾ – ཨ་ཏྠི ཨ་ཛ྄ཛྷ་ཏྟི་ཀཱ, ཨ་ཏྠི བཱ་ཧི་རཱ. ཏ་ཏྠ ཀ་ཏ་མཱ ཨ་ཛ྄ཛྷ་ཏྟི་ཀཱ ཨཱ་པོ་དྷཱ་ཏུ? ཡཾ ཨ་ཛ྄ཛྷ་ཏྟཾ པ་ཙྩ་ཏྟཾ ཨཱ་པོ ཨཱ་པོ་ག་ཏཾ སི་ནེ་ཧོ སི་ནེ་ཧ་ག་ཏཾ [སྣེ་ཧོ སྣེ་ཧ་ག་ཏཾ (སྱཱ.)] བ་ནྡྷ་ན་ཏྟཾ རཱུ་པ་སྶ ཨ་ཛ྄ཛྷ་ཏྟཾ ཨུ་པཱ་དི་ནྣཾ, སེ་ཡྻ་ཐི་དཾ – པི་ཏྟཾ སེ་མྷཾ པུ་བྦོ ལོ་ཧི་ཏཾ སེ་དོ མེ་དོ ཨ་སྶུ ཝ་སཱ ཁེ་ལོ༹ སི་ངྒྷཱ་ཎི་ཀཱ ལ་སི་ཀཱ མུ་ཏྟཾ, ཡཾ ཝཱ པ་ན་ཉྙ་མྤི ཨ་ཏྠི ཨ་ཛ྄ཛྷ་ཏྟཾ པ་ཙྩ་ཏྟཾ ཨཱ་པོ ཨཱ་པོ་ག་ཏཾ སི་ནེ་ཧོ སི་ནེ་ཧ་ག་ཏཾ བ་ནྡྷ་ན་ཏྟཾ རཱུ་པ་སྶ ཨ་ཛ྄ཛྷ་ཏྟཾ ཨུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘ཨ་ཛ྄ཛྷ་ཏྟི་ཀཱ ཨཱ་པོ་དྷཱ་ཏུ’.
ཏ་ཏྠ ཀ་ཏ་མཱ བཱ་ཧི་རཱ ཨཱ་པོ་དྷཱ་ཏུ? ཡཾ བཱ་ཧི་རཾ ཨཱ་པོ ཨཱ་པོ་ག་ཏཾ སི་ནེ་ཧོ སི་ནེ་ཧ་ག་ཏཾ བ་ནྡྷ་ན་ཏྟཾ རཱུ་པ་སྶ བ་ཧི་དྡྷཱ ཨ་ནུ་པཱ་དི་ནྣཾ, སེ་ཡྻ་ཐི་དཾ – མཱུ་ལ་ར་སོ ཁ་ནྡྷ་ར་སོ ཏ་ཙ་ར་སོ པ་ཏྟ་ར་སོ པུ་པྥ་ར་སོ ཕ་ལ་ར་སོ ཁཱི་རཾ ད་དྷི ས་པྤི ན་ཝ་ནཱི་ཏཾ ཏེ་ལཾ མ་དྷུ ཕཱ་ཎི་ཏཾ བྷུ་མྨཱ་ནི ཝཱ ཨུ་ད་ཀཱ་ནི ཨ་ནྟ་ལི་ཀྑཱ་ནི ཝཱ, ཡཾ ཝཱ པ་ན་ཉྙ་མྤི ཨ་ཏྠི བཱ་ཧི་རཾ ཨཱ་པོ ཨཱ་པོ་ག་ཏཾ སི་ནེ་ཧོ སི་ནེ་ཧ་ག་ཏཾ བ་ནྡྷ་ན་ཏྟཾ རཱུ་པ་སྶ བ་ཧི་དྡྷཱ ཨ་ནུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘བཱ་ཧི་རཱ ཨཱ་པོ་དྷཱ་ཏུ’. ཡཱ ཙ ཨ་ཛ྄ཛྷ་ཏྟི་ཀཱ ཨཱ་པོ་དྷཱ་ཏུ ཡཱ ཙ བཱ་ཧི་རཱ ཨཱ་པོ་དྷཱ་ཏུ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ‘‘ཨཱ་པོ་དྷཱ་ཏུ’’.
༡༧༥. ཏ་ཏྠ ཀ་ཏ་མཱ ཏེ་ཛོ་དྷཱ་ཏུ? ཏེ་ཛོ་དྷཱ་ཏུ་དྭ་ཡཾ – ཨ་ཏྠི ཨ་ཛ྄ཛྷ་ཏྟི་ཀཱ, ཨ་ཏྠི བཱ་ཧི་རཱ. ཏ་ཏྠ ཀ་ཏ་མཱ ཨ་ཛ྄ཛྷ་ཏྟི་ཀཱ ཏེ་ཛོ་དྷཱ་ཏུ? ཡཾ ཨ་ཛ྄ཛྷ་ཏྟཾ པ་ཙྩ་ཏྟཾ ཏེ་ཛོ ཏེ་ཛོ་ག་ཏཾ ཨུ་སྨཱ ཨུ་སྨཱ་ག་ཏཾ ཨུ་སུ་མཾ ཨུ་སུ་མ་ག་ཏཾ ཨ་ཛ྄ཛྷ་ཏྟཾ ཨུ་པཱ་དི་ནྣཾ, སེ་ཡྻ་ཐི་དཾ – ཡེ་ན ཙ ས་ནྟ་པྤ་ཏི ཡེ་ན ཙ ཛཱི་རཱི་ཡ་ཏི ཡེ་ན ཙ པ་རི་ཌ་ཡ྄ཧ་ཏི ཡེ་ན ཙ ཨ་སི་ཏ་པཱི་ཏ་ཁཱ་ཡི་ཏ་སཱ་ཡི་ཏཾ ས་མྨཱ པ་རི་ཎཱ་མཾ ག་ཙྪ་ཏི, ཡཾ ཝཱ པ་ན་ཉྙ་མྤི ཨ་ཏྠི ཨ་ཛ྄ཛྷ་ཏྟཾ པ་ཙྩ་ཏྟཾ ཏེ་ཛོ ཏེ་ཛོ་ག་ཏཾ ཨུ་སྨཱ ཨུ་སྨཱ་ག་ཏཾ ཨུ་སུ་མཾ ཨུ་སུ་མ་ག་ཏཾ ཨ་ཛ྄ཛྷ་ཏྟཾ ཨུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘ཨ་ཛ྄ཛྷ་ཏྟི་ཀཱ ཏེ་ཛོ་དྷཱ་ཏུ’.
ཏ་ཏྠ ཀ་ཏ་མཱ བཱ་ཧི་རཱ ཏེ་ཛོ་དྷཱ་ཏུ? ཡཾ བཱ་ཧི་རཾ ཏེ་ཛོ ཏེ་ཛོ་ག་ཏཾ ཨུ་སྨཱ ཨུ་སྨཱ་ག་ཏཾ ཨུ་སུ་མཾ ཨུ་སུ་མ་ག་ཏཾ བ་ཧི་དྡྷཱ ཨ་ནུ་པཱ་དི་ནྣཾ, སེ་ཡྻ་ཐི་དཾ – ཀ་ཊྛ་གྒི པ་ལཱ་ལ་གྒི [ས་ཀ་ལི་ཀ་གྒི (ས་བྦ་ཏྠ)] ཏི་ཎ་གྒི གོ་མ་ཡ་གྒི ཐུ་ས་གྒི ས་ངྐཱ་ར་གྒི ཨི་ནྡ་གྒི ཨ་གྒི་ས་ནྟཱ་པོ སཱུ་རི་ཡ་ས་ནྟཱ་པོ ཀ་ཊྛ་ས་ནྣི་ཙ་ཡ་ས་ནྟཱ་པོ ཏི་ཎ་ས་ནྣི་ཙ་ཡ་ས་ནྟཱ་པོ དྷ་ཉྙ་ས་ནྣི་ཙ་ཡ་ས་ནྟཱ་པོ བྷ་ཎྜ་ས་ནྣི་ཙ་ཡ་ས་ནྟཱ་པོ, ཡཾ ཝཱ པ་ན་ཉྙ་མྤི ཨ་ཏྠི བཱ་ཧི་རཾ ཏེ་ཛོ ཏེ་ཛོ་ག་ཏཾ ཨུ་སྨཱ ཨུ་སྨཱ་ག་ཏཾ ཨུ་སུ་མཾ ཨུ་སུ་མ་ག་ཏཾ བ་ཧི་དྡྷཱ ཨ་ནུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘བཱ་ཧི་རཱ ཏེ་ཛོ་དྷཱ་ཏུ’. ཡཱ ཙ ཨ་ཛ྄ཛྷ་ཏྟི་ཀཱ ཏེ་ཛོ་དྷཱ་ཏུ ཡཱ ཙ བཱ་ཧི་རཱ ཏེ་ཛོ་དྷཱ་ཏུ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ‘‘ཏེ་ཛོ་དྷཱ་ཏུ’’.
༡༧༦. ཏ་ཏྠ ཀ་ཏ་མཱ ཝཱ་ཡོ་དྷཱ་ཏུ? ཝཱ་ཡོ་དྷཱ་ཏུ་དྭ་ཡཾ – ཨ་ཏྠི ཨ་ཛ྄ཛྷ་ཏྟི་ཀཱ, ཨ་ཏྠི བཱ་ཧི་རཱ. ཏ་ཏྠ ཀ་ཏ་མཱ ཨ་ཛ྄ཛྷ་ཏྟི་ཀཱ ཝཱ་ཡོ་དྷཱ་ཏུ? ཡཾ ཨ་ཛ྄ཛྷ་ཏྟཾ པ་ཙྩ་ཏྟཾ ཝཱ་ཡོ ཝཱ་ཡོ་ག་ཏཾ ཐ་མྦྷི་ཏ་ཏྟཾ རཱུ་པ་སྶ ཨ་ཛ྄ཛྷ་ཏྟཾ ཨུ་པཱ་དི་ནྣཾ, སེ་ཡྻ་ཐི་དཾ – ཨུ་དྡྷ་ངྒ་མཱ ཝཱ་ཏཱ ཨ་དྷོ་ག་མཱ ཝཱ་ཏཱ ཀུ་ཙྪི་ས་ཡཱ ཝཱ་ཏཱ ཀོ་ཊྛཱ་ས་ཡཱ [ཀོ་ཊྛ་ས་ཡཱ (སཱི. སྱཱ.)] ཝཱ་ཏཱ ཨ་ངྒ་མ་ངྒཱ་ནུ་སཱ་རི་ནོ ཝཱ་ཏཱ ས་ཏྠ་ཀ་ཝཱ་ཏཱ ཁུ་ར་ཀ་ཝཱ་ཏཱ ཨུ་པྤ་ལ་ཀ་ཝཱ་ཏཱ ཨ་སྶཱ་སོ པ་སྶཱ་སོ ཨི་ཏི ཝཱ, ཡཾ ཝཱ པ་ན་ཉྙ་མྤི ཨ་ཏྠི ཨ་ཛ྄ཛྷ་ཏྟཾ པ་ཙྩ་ཏྟཾ ཝཱ་ཡོ ཝཱ་ཡོ་ག་ཏཾ ཐ་མྦྷི་ཏ་ཏྟཾ རཱུ་པ་སྶ ཨ་ཛ྄ཛྷ་ཏྟཾ ཨུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘ཨ་ཛ྄ཛྷ་ཏྟི་ཀཱ ཝཱ་ཡོ་དྷཱ་ཏུ’.
ཏ་ཏྠ ཀ་ཏ་མཱ བཱ་ཧི་རཱ ཝཱ་ཡོ་དྷཱ་ཏུ? ཡཾ བཱ་ཧི་རཾ ཝཱ་ཡོ ཝཱ་ཡོ་ག་ཏཾ ཐ་མྦྷི་ཏ་ཏྟཾ རཱུ་པ་སྶ བ་ཧི་དྡྷཱ ཨ་ནུ་པཱ་དི་ནྣཾ, སེ་ཡྻ་ཐི་དཾ – པུ་ར་ཏྠི་མཱ ཝཱ་ཏཱ པ་ཙྪི་མཱ ཝཱ་ཏཱ ཨུ་ཏྟ་རཱ ཝཱ་ཏཱ ད་ཀྑི་ཎཱ ཝཱ་ཏཱ ས་ར་ཛཱ ཝཱ་ཏཱ ཨ་ར་ཛཱ ཝཱ་ཏཱ སཱི་ཏཱ ཝཱ་ཏཱ ཨུ་ཎྷཱ ཝཱ་ཏཱ པ་རི་ཏྟཱ ཝཱ་ཏཱ ཨ་དྷི་མ་ཏྟཱ ཝཱ་ཏཱ ཀཱ་ལ༹་ཝཱ་ཏཱ ཝེ་ར་མྦྷ་ཝཱ་ཏཱ པ་ཀྑ་ཝཱ་ཏཱ སུ་པ་ཎྞ་ཝཱ་ཏཱ ཏཱ་ལ་ཝ་ཎྚ་ཝཱ་ཏཱ ཝི་དྷཱུ་པ་ན་ཝཱ་ཏཱ, ཡཾ ཝཱ པ་ན་ཉྙ་མྤི ཨ་ཏྠི བཱ་ཧི་རཾ ཝཱ་ཡོ ཝཱ་ཡོ་ག་ཏཾ ཐ་མྦྷི་ཏ་ཏྟཾ རཱུ་པ་སྶ བ་ཧི་དྡྷཱ ཨ་ནུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘བཱ་ཧི་རཱ ཝཱ་ཡོ་དྷཱ་ཏུ’. ཡཱ ཙ ཨ་ཛ྄ཛྷ་ཏྟི་ཀཱ ཝཱ་ཡོ་དྷཱ་ཏུ ཡཱ ཙ བཱ་ཧི་རཱ ཝཱ་ཡོ་དྷཱ་ཏུ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ‘‘ཝཱ་ཡོ་དྷཱ་ཏུ’’.
༡༧༧. ཏ་ཏྠ ཀ་ཏ་མཱ ཨཱ་ཀཱ་ས་དྷཱ་ཏུ? ཨཱ་ཀཱ་ས་དྷཱ་ཏུ་དྭ་ཡཾ – ཨ་ཏྠི ཨ་ཛ྄ཛྷ་ཏྟི་ཀཱ, ཨ་ཏྠི བཱ་ཧི་རཱ. ཏ་ཏྠ ཀ་ཏ་མཱ ཨ་ཛ྄ཛྷ་ཏྟི་ཀཱ ཨཱ་ཀཱ་ས་དྷཱ་ཏུ? ཡཾ ཨ་ཛ྄ཛྷ་ཏྟཾ པ་ཙྩ་ཏྟཾ ཨཱ་ཀཱ་སོ ཨཱ་ཀཱ་ས་ག་ཏཾ ཨ་གྷཾ ཨ་གྷ་ག་ཏཾ ཝི་ཝ་རོ ཝི་ཝ་ར་ག་ཏཾ ཨ་ས་མྥུ་ཊྛཾ མཾ་ས་ལོ་ཧི་ཏེ་ཧི ཨ་ཛ྄ཛྷ་ཏྟཾ ཨུ་པཱ་དི་ནྣཾ, སེ་ཡྻ་ཐི་དཾ – ཀ་ཎྞ་ཙྪི་དྡཾ ནཱ་ས་ཙྪི་དྡཾ མུ་ཁ་དྭཱ་རཾ, ཡེ་ན ཙ ཨ་སི་ཏ་པཱི་ཏ་ཁཱ་ཡི་ཏ་སཱ་ཡི་ཏཾ ཨ་ཛ྄ཛྷོ་ཧ་ར་ཏི, ཡ་ཏྠ ཙ ཨ་སི་ཏ་པཱི་ཏ་ཁཱ་ཡི་ཏ་སཱ་ཡི་ཏཾ ས་ནྟི་ཊྛ་ཏི, ཡེ་ན ཙ ཨ་སི་ཏ་པཱི་ཏ་ཁཱ་ཡི་ཏ་སཱ་ཡི་ཏཾ ཨ་དྷོ་བྷཱ་གཾ ནི་ཀྑ་མ་ཏི, ཡཾ ཝཱ པ་ན་ཉྙ་མྤི ཨ་ཏྠི ཨ་ཛ྄ཛྷ་ཏྟཾ པ་ཙྩ་ཏྟཾ ཨཱ་ཀཱ་སོ ཨཱ་ཀཱ་ས་ག་ཏཾ ཨ་གྷཾ ཨ་གྷ་ག་ཏཾ ཝི་ཝ་རོ ཝི་ཝ་ར་ག་ཏཾ ཨ་ས་མྥུ་ཊྛཾ མཾ་ས་ལོ་ཧི་ཏེ་ཧི ཨ་ཛ྄ཛྷ་ཏྟཾ ཨུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘ཨ་ཛ྄ཛྷ་ཏྟི་ཀཱ ཨཱ་ཀཱ་ས་དྷཱ་ཏུ’.
ཏ་ཏྠ ཀ་ཏ་མཱ བཱ་ཧི་རཱ ཨཱ་ཀཱ་ས་དྷཱ་ཏུ? ཡཾ བཱ་ཧི་རཾ ཨཱ་ཀཱ་སོ ཨཱ་ཀཱ་ས་ག་ཏཾ ཨ་གྷཾ ཨ་གྷ་ག་ཏཾ ཝི་ཝ་རོ ཝི་ཝ་ར་ག་ཏཾ ཨ་ས་མྥུ་ཊྛཾ ཙ་ཏཱུ་ཧི མ་ཧཱ་བྷཱུ་ཏེ་ཧི བ་ཧི་དྡྷཱ ཨ་ནུ་པཱ་དི་ནྣཾ – ཨ་ཡཾ ཝུ་ཙྩ་ཏི ‘བཱ་ཧི་རཱ ཨཱ་ཀཱ་ས་དྷཱ་ཏུ’. ཡཱ ཙ ཨ་ཛ྄ཛྷ་ཏྟི་ཀཱ ཨཱ་ཀཱ་ས་དྷཱ་ཏུ ཡཱ ཙ བཱ་ཧི་རཱ ཨཱ་ཀཱ་ས་དྷཱ་ཏུ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ – ཨ་ཡཾ ཝུ་ཙྩ་ཏི ‘‘ཨཱ་ཀཱ་ས་དྷཱ་ཏུ’’.
༡༧༨. ཏ་ཏྠ ཀ་ཏ་མཱ ཝི་ཉྙཱ་ཎ་དྷཱ་ཏུ? ཙ་ཀྑུ་ཝི་ཉྙཱ་ཎ་དྷཱ་ཏུ, སོ་ཏ་ཝི་ཉྙཱ་ཎ་དྷཱ་ཏུ, གྷཱ་ན་ཝི་ཉྙཱ་ཎ་དྷཱ་ཏུ, ཛི་ཝ྄ཧཱ་ཝི་ཉྙཱ་ཎ་དྷཱ་ཏུ, ཀཱ་ཡ་ཝི་ཉྙཱ་ཎ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘ཝི་ཉྙཱ་ཎ་དྷཱ་ཏུ’’.
ཨི་མཱ ཚ དྷཱ་ཏུ་ཡོ.
༡༧༩. ཨ་པ་རཱ་པི ཚ དྷཱ་ཏུ་ཡོ – སུ་ཁ་དྷཱ་ཏུ, དུ་ཀྑ་དྷཱ་ཏུ, སོ་མ་ན་སྶ་དྷཱ་ཏུ, དོ་མ་ན་སྶ་དྷཱ་ཏུ, ཨུ་པེ་ཀྑཱ་དྷཱ་ཏུ, ཨ་ཝི་ཛྫཱ་དྷཱ་ཏུ.
༡༨༠. ཏ་ཏྠ ཀ་ཏ་མཱ སུ་ཁ་དྷཱ་ཏུ? ཡཾ ཀཱ་ཡི་ཀཾ སཱ་ཏཾ ཀཱ་ཡི་ཀཾ སུ་ཁཾ ཀཱ་ཡ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཀཱ་ཡ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ‘‘སུ་ཁ་དྷཱ་ཏུ’’.
ཏ་ཏྠ ཀ་ཏ་མཱ དུ་ཀྑ་དྷཱ་ཏུ? ཡཾ ཀཱ་ཡི་ཀཾ ཨ་སཱ་ཏཾ ཀཱ་ཡི་ཀཾ དུ་ཀྑཾ ཀཱ་ཡ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཀཱ་ཡ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨ་ཡཾ ཝུ་ཙྩ་ཏི ‘‘དུ་ཀྑ་དྷཱ་ཏུ’’.
ཏ་ཏྠ ཀ་ཏ་མཱ སོ་མ་ན་སྶ་དྷཱ་ཏུ? ཡཾ ཙེ་ཏ་སི་ཀཾ སཱ་ཏཾ ཙེ་ཏ་སི་ཀཾ སུ་ཁཾ ཙེ་ཏོ་ས་མྥ་སྶ་ཛཾ སཱ་ཏཾ སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ སཱ་ཏཱ སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ‘‘སོ་མ་ན་སྶ་དྷཱ་ཏུ’’.
ཏ་ཏྠ ཀ་ཏ་མཱ དོ་མ་ན་སྶ་དྷཱ་ཏུ? ཡཾ ཙེ་ཏ་སི་ཀཾ ཨ་སཱ་ཏཾ ཙེ་ཏ་སི་ཀཾ དུ་ཀྑཾ ཙེ་ཏོ་ས་མྥ་སྶ་ཛཾ ཨ་སཱ་ཏཾ དུ་ཀྑཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་སཱ་ཏཱ དུ་ཀྑཱ ཝེ་ད་ནཱ – ཨ་ཡཾ ཝུ་ཙྩ་ཏི ‘‘དོ་མ་ན་སྶ་དྷཱ་ཏུ’’.
ཏ་ཏྠ ཀ་ཏ་མཱ ཨུ་པེ་ཀྑཱ་དྷཱ་ཏུ? ཡཾ ཙེ་ཏ་སི་ཀཾ ནེ་ཝ སཱ་ཏཾ ནཱ་སཱ་ཏཾ ཙེ་ཏོ་ས་མྥ་སྶ་ཛཾ ཨ་དུ་ཀྑ་མ་སུ་ཁཾ ཝེ་ད་ཡི་ཏཾ ཙེ་ཏོ་ས་མྥ་སྶ་ཛཱ ཨ་དུ་ཀྑ་མ་སུ་ཁཱ ཝེ་ད་ནཱ – ཨ་ཡཾ ཝུ་ཙྩ་ཏི ‘‘ཨུ་པེ་ཀྑཱ་དྷཱ་ཏུ’’.
ཏ་ཏྠ ཀ་ཏ་མཱ ཨ་ཝི་ཛྫཱ་དྷཱ་ཏུ? ཡཾ ཨ་ཉྙཱ་ཎཾ ཨ་ད་སྶ་ནཾ ཨ་ན་བྷི་ས་མ་ཡོ ཨ་ན་ནུ་བོ་དྷོ ཨ་ས་མྦོ་དྷོ ཨ་པྤ་ཊི་ཝེ་དྷོ ཨ་ས་ངྒཱ་ཧ་ཎཱ ཨ་པ་རི་ཡོ་གཱ་ཧ་ཎཱ ཨ་ས་མ་པེ་ཀྑ་ནཱ ཨ་པ་ཙྩ་ཝེ་ཀྑ་ཎཱ ཨ་པ་ཙྩ་ཀྑ་ཀ་མྨཾ དུ་མྨེ་ཛ྄ཛྷཾ བཱ་ལྱཾ ཨ་ས་མྤ་ཛ་ཉྙཾ མོ་ཧོ པ་མོ་ཧོ ས་མྨོ་ཧོ ཨ་ཝི་ཛྫཱ ཨ་ཝི་ཛྫོ་གྷོ ཨ་ཝི་ཛྫཱ་ཡོ་གོ ཨ་ཝི་ཛྫཱ་ནུ་ས་ཡོ ཨ་ཝི་ཛྫཱ་པ་རི་ཡུ་ཊྛཱ་ནཾ ཨ་ཝི་ཛྫཱ་ལ་ངྒཱི མོ་ཧོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ‘‘ཨ་ཝི་ཛྫཱ་དྷཱ་ཏུ’’.
ཨི་མཱ ཚ དྷཱ་ཏུ་ཡོ.
༡༨༡. ཨ་པ་རཱ་པི ཚ དྷཱ་ཏུ་ཡོ – ཀཱ་མ་དྷཱ་ཏུ, བྱཱ་པཱ་ད་དྷཱ་ཏུ, ཝི་ཧིཾ་སཱ་དྷཱ་ཏུ, ནེ་ཀྑ་མྨ་དྷཱ་ཏུ, ཨ་བྱཱ་པཱ་ད་དྷཱ་ཏུ, ཨ་ཝི་ཧིཾ་སཱ་དྷཱ་ཏུ.
༡༨༢. ཏ་ཏྠ ཀ་ཏ་མཱ ཀཱ་མ་དྷཱ་ཏུ? ཀཱ་མ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ ས་ངྐ་པྤོ ཨ་པྤ་ནཱ བྱ་པྤ་ནཱ ཙེ་ཏ་སོ ཨ་བྷི་ནི་རོ་པ་ནཱ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ཀཱ་མ་དྷཱ་ཏུ. ཧེ་ཊྛ་ཏོ ཨ་ཝཱི་ཙི་ནི་ར་ཡཾ པ་རི་ཡ་ནྟཾ ཀ་རི་ཏྭཱ ཨུ་པ་རི་ཏོ པ་ར་ནི་མྨི་ཏ་ཝ་ས་ཝ་ཏྟཱི དེ་ཝེ ཨ་ནྟོ ཀ་རི་ཏྭཱ ཡཾ ཨེ་ཏ་སྨིཾ ཨ་ནྟ་རེ ཨེ་ཏྠཱ་ཝ་ཙ་རཱ ཨེ་ཏྠ པ་རི་ཡཱ་པ་ནྣཱ ཁ་ནྡྷ་དྷཱ་ཏུ་ཨཱ་ཡ་ཏ་ནཱ རཱུ་པཱ [རཱུ་པཾ (སྱཱ.)] ཝེ་ད་ནཱ ས་ཉྙཱ ས་ངྑཱ་རཱ ཝི་ཉྙཱ་ཎཾ – ཨ་ཡཾ ཝུ་ཙྩ་ཏི ‘‘ཀཱ་མ་དྷཱ་ཏུ’’.
ཏ་ཏྠ ཀ་ཏ་མཱ བྱཱ་པཱ་ད་དྷཱ་ཏུ? བྱཱ་པཱ་ད་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ…པེ… མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘བྱཱ་པཱ་ད་དྷཱ་ཏུ’’. ད་ས་སུ ཝཱ ཨཱ་གྷཱ་ཏ་ཝ་ཏྠཱུ་སུ ཙི་ཏྟ་སྶ ཨཱ་གྷཱ་ཏོ པ་ཊི་གྷཱ་ཏོ པ་ཊི་གྷཾ པ་ཊི་ཝི་རོ་དྷོ ཀོ་པོ པ་ཀོ་པོ ས་མྤ་ཀོ་པོ དོ་སོ པ་དོ་སོ ས་མྤ་དོ་སོ ཙི་ཏྟ་སྶ བྱཱ་པ་ཏྟི མ་ནོ་པ་དོ་སོ ཀོ་དྷོ ཀུ་ཛ྄ཛྷ་ནཱ ཀུ་ཛ྄ཛྷི་ཏ་ཏྟཾ དོ་སོ དུ་སྶ་ནཱ དུ་སྶི་ཏ་ཏྟཾ བྱཱ་པ་ཏྟི བྱཱ་པ་ཛྫ་ནཱ ཝི་རོ་དྷོ པ་ཊི་ཝི་རོ་དྷོ ཙ་ཎྜི་ཀྐཾ ཨ་སུ་རོ་པོ ཨ་ན་ཏྟ་མ་ན་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘བྱཱ་པཱ་ད་དྷཱ་ཏུ’’.
ཏ་ཏྠ ཀ་ཏ་མཱ ཝི་ཧིཾ་སཱ་དྷཱ་ཏུ? ཝི་ཧིཾ་སཱ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ…པེ… མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཝི་ཧིཾ་སཱ་དྷཱ་ཏུ’’. ཨི་དྷེ་ཀ་ཙྩོ པཱ་ཎི་ནཱ ཝཱ ལེ་ཌྜུ་ནཱ ཝཱ ད་ཎྜེ་ན ཝཱ ས་ཏྠེ་ན ཝཱ ར་ཛྫུ་ཡཱ ཝཱ ཨ་ཉྙ་ཏ་ར་ཉྙ་ཏ་རེ་ན ས་ཏྟེ ཝི་ཧེ་ཋེ་ཏི, ཡཱ ཨེ་ཝ་རཱུ་པཱ ཧེ་ཋ་ནཱ ཝི་ཧེ་ཋ་ནཱ ཧིཾ་ས་ནཱ ཝི་ཧིཾ་ས་ནཱ རོ་ས་ནཱ ཝི་རོ་ས་ནཱ པ་རཱུ་པ་གྷཱ་ཏོ – ཨ་ཡཾ ཝུ་ཙྩ་ཏི ‘‘ཝི་ཧིཾ་སཱ་དྷཱ་ཏུ’’.
ཏ་ཏྠ ཀ་ཏ་མཱ ནེ་ཀྑ་མྨ་དྷཱ་ཏུ? ནེ་ཀྑ་མྨ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ…པེ… ས་མྨཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ནེ་ཀྑ་མྨ་དྷཱ་ཏུ’’. ས་བྦེ་པི ཀུ་ས་ལཱ དྷ་མྨཱ ‘‘ནེ་ཀྑ་མྨ་དྷཱ་ཏུ’’.
ཏ་ཏྠ ཀ་ཏ་མཱ ཨ་བྱཱ་པཱ་ད་དྷཱ་ཏུ? ཨ་བྱཱ་པཱ་ད་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ…པེ… ས་མྨཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཨ་བྱཱ་པཱ་ད་དྷཱ་ཏུ’’. ཡཱ ས་ཏྟེ་སུ མེ་ཏྟི མེ་ཏྟཱ་ཡ་ནཱ མེ་ཏྟཱ་ཡི་ཏ་ཏྟཾ མེ་ཏྟཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཨ་བྱཱ་པཱ་ད་དྷཱ་ཏུ’’.
ཏ་ཏྠ ཀ་ཏ་མཱ ཨ་ཝི་ཧིཾ་སཱ་དྷཱ་ཏུ? ཨ་ཝི་ཧིཾ་སཱ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ ས་ངྐ་པྤོ ཨ་པྤ་ནཱ བྱ་པྤ་ནཱ ཙེ་ཏ་སོ ཨ་བྷི་ནི་རོ་པ་ནཱ ས་མྨཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཨ་ཝི་ཧིཾ་སཱ་དྷཱ་ཏུ’’. ཡཱ ས་ཏྟེ་སུ ཀ་རུ་ཎཱ ཀ་རུ་ཎཱ་ཡ་ནཱ ཀ་རུ་ཎཱ་ཡི་ཏ་ཏྟཾ ཀ་རུ་ཎཱ་ཙེ་ཏོ་ཝི་མུ་ཏྟི – ཨ་ཡཾ ཝུ་ཙྩ་ཏི ‘‘ཨ་ཝི་ཧིཾ་སཱ་དྷཱ་ཏུ’’.
ཨི་མཱ ཚ དྷཱ་ཏུ་ཡོ.
ཨི་ཏི ཨི་མཱ་ནི ཏཱི་ཎི ཚ་ཀྐཱ་ནི ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ ཨ་ཊྛཱ་ར་ས དྷཱ་ཏུ་ཡོ ཧོ་ནྟི.
སུ་ཏྟ་ནྟ་བྷཱ་ཛ་ནཱི་ཡཾ.
༢. ཨ་བྷི་དྷ་མྨ་བྷཱ་ཛ་ནཱི་ཡཾ
༡༨༣. ཨ་ཊྛཱ་ར་ས དྷཱ་ཏུ་ཡོ – ཙ་ཀྑུ་དྷཱ་ཏུ, རཱུ་པ་དྷཱ་ཏུ, ཙ་ཀྑུ་ཝི་ཉྙཱ་ཎ་དྷཱ་ཏུ, སོ་ཏ་དྷཱ་ཏུ, ས་དྡ་དྷཱ་ཏུ, སོ་ཏ་ཝི་ཉྙཱ་ཎ་དྷཱ་ཏུ, གྷཱ་ན་དྷཱ་ཏུ, ག་ནྡྷ་དྷཱ་ཏུ, གྷཱ་ན་ཝི་ཉྙཱ་ཎ་དྷཱ་ཏུ, ཛི་ཝ྄ཧཱ་དྷཱ་ཏུ, ར་ས་དྷཱ་ཏུ, ཛི་ཝ྄ཧཱ་ཝི་ཉྙཱ་ཎ་དྷཱ་ཏུ, ཀཱ་ཡ་དྷཱ་ཏུ, ཕོ་ཊྛ་བྦ་དྷཱ་ཏུ, ཀཱ་ཡ་ཝི་ཉྙཱ་ཎ་དྷཱ་ཏུ, མ་ནོ་དྷཱ་ཏུ, དྷ་མྨ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ.
༡༨༤. ཏ་ཏྠ ཀ་ཏ་མཱ ཙ་ཀྑུ་དྷཱ་ཏུ? ཡཾ ཙ་ཀྑུ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ…པེ… སུ་ཉྙོ གཱ་མོ་པེ་སོ – ཨ་ཡཾ ཝུ་ཙྩ་ཏི ‘‘ཙ་ཀྑུ་དྷཱ་ཏུ’’.
ཏ་ཏྠ ཀ་ཏ་མཱ རཱུ་པ་དྷཱ་ཏུ? ཡཾ རཱུ་པཾ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཝ་ཎྞ་ནི་བྷཱ…པེ… རཱུ་པ་དྷཱ་ཏུ་པེ་སཱ – ཨ་ཡཾ ཝུ་ཙྩ་ཏི ‘‘རཱུ་པ་དྷཱ་ཏུ’’.
ཏ་ཏྠ ཀ་ཏ་མཱ ཙ་ཀྑུ་ཝི་ཉྙཱ་ཎ་དྷཱ་ཏུ? ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་ཙ་ཀྑུ་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘ཙ་ཀྑུ་ཝི་ཉྙཱ་ཎ་དྷཱ་ཏུ’’.
ཏ་ཏྠ ཀ་ཏ་མཱ སོ་ཏ་དྷཱ་ཏུ? ཡཾ སོ་ཏཾ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ…པེ… སུ་ཉྙོ གཱ་མོ་པེ་སོ – ཨ་ཡཾ ཝུ་ཙྩ་ཏི ‘‘སོ་ཏ་དྷཱ་ཏུ’’.
ཏ་ཏྠ ཀ་ཏ་མཱ ས་དྡ་དྷཱ་ཏུ? ཡོ ས་དྡོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ…པེ… ས་དྡ་དྷཱ་ཏུ་པེ་སཱ – ཨ་ཡཾ ཝུ་ཙྩ་ཏི ‘‘ས་དྡ་དྷཱ་ཏུ’’.
ཏ་ཏྠ ཀ་ཏ་མཱ སོ་ཏ་ཝི་ཉྙཱ་ཎ་དྷཱ་ཏུ? སོ་ཏ་ཉྩ པ་ཊི་ཙྩ ས་དྡེ ཙ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་སོ་ཏ་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘སོ་ཏ་ཝི་ཉྙཱ་ཎ་དྷཱ་ཏུ’’.
ཏ་ཏྠ ཀ་ཏ་མཱ གྷཱ་ན་དྷཱ་ཏུ? ཡཾ གྷཱ་ནཾ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ…པེ… སུ་ཉྙོ གཱ་མོ་པེ་སོ – ཨ་ཡཾ ཝུ་ཙྩ་ཏི ‘‘གྷཱ་ན་དྷཱ་ཏུ’’.
ཏ་ཏྠ ཀ་ཏ་མཱ ག་ནྡྷ་དྷཱ་ཏུ? ཡོ ག་ནྡྷོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ…པེ… ག་ནྡྷ་དྷཱ་ཏུ་པེ་སཱ – ཨ་ཡཾ ཝུ་ཙྩ་ཏི ‘‘ག་ནྡྷ་དྷཱ་ཏུ’’.
ཏ་ཏྠ ཀ་ཏ་མཱ གྷཱ་ན་ཝི་ཉྙཱ་ཎ་དྷཱ་ཏུ? གྷཱ་ན་ཉྩ པ་ཊི་ཙྩ ག་ནྡྷེ ཙ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་གྷཱ་ན་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘གྷཱ་ན་ཝི་ཉྙཱ་ཎ་དྷཱ་ཏུ’’.
ཏ་ཏྠ ཀ་ཏ་མཱ ཛི་ཝ྄ཧཱ་དྷཱ་ཏུ? ཡཱ ཛི་ཝ྄ཧཱ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ…པེ… སུ་ཉྙོ གཱ་མོ་པེ་སོ – ཨ་ཡཾ ཝུ་ཙྩ་ཏི ‘‘ཛི་ཝ྄ཧཱ་དྷཱ་ཏུ’’.
ཏ་ཏྠ ཀ་ཏ་མཱ ར་ས་དྷཱ་ཏུ? ཡོ ར་སོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ…པེ… ར་ས་དྷཱ་ཏུ་པེ་སཱ – ཨ་ཡཾ ཝུ་ཙྩ་ཏི ‘‘ར་ས་དྷཱ་ཏུ’’.
ཏ་ཏྠ ཀ་ཏ་མཱ ཛི་ཝ྄ཧཱ་ཝི་ཉྙཱ་ཎ་དྷཱ་ཏུ? ཛི་ཝ྄ཧ་ཉྩ པ་ཊི་ཙྩ ར་སེ ཙ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་ཛི་ཝ྄ཧཱ་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘ཛི་ཝ྄ཧཱ་ཝི་ཉྙཱ་ཎ་དྷཱ་ཏུ’’.
ཏ་ཏྠ ཀ་ཏ་མཱ ཀཱ་ཡ་དྷཱ་ཏུ? ཡོ ཀཱ་ཡོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ…པེ… སུ་ཉྙོ གཱ་མོ་པེ་སོ – ཨ་ཡཾ ཝུ་ཙྩ་ཏི ‘‘ཀཱ་ཡ་དྷཱ་ཏུ’’.
ཏ་ཏྠ ཀ་ཏ་མཱ ཕོ་ཊྛ་བྦ་དྷཱ་ཏུ? པ་ཐ་ཝཱི་དྷཱ་ཏུ…པེ… ཕོ་ཊྛ་བྦ་དྷཱ་ཏུ་པེ་སཱ – ཨ་ཡཾ ཝུ་ཙྩ་ཏི ‘‘ཕོ་ཊྛ་བྦ་དྷཱ་ཏུ’’.
ཏ་ཏྠ ཀ་ཏ་མཱ ཀཱ་ཡ་ཝི་ཉྙཱ་ཎ་དྷཱ་ཏུ? ཀཱ་ཡ་ཉྩ པ་ཊི་ཙྩ ཕོ་ཊྛ་བྦེ ཙ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་ཀཱ་ཡ་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘ཀཱ་ཡ་ཝི་ཉྙཱ་ཎ་དྷཱ་ཏུ’’.
ཏ་ཏྠ ཀ་ཏ་མཱ མ་ནོ་དྷཱ་ཏུ? ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ ཨུ་པྤ་ཛྫི་ཏྭཱ ནི་རུ་དྡྷ་ས་མ་ན་ནྟ་རཱ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་དྷཱ་ཏུ; སོ་ཏ་ཝི་ཉྙཱ་ཎ་དྷཱ་ཏུ་ཡཱ…པེ… གྷཱ་ན་ཝི་ཉྙཱ་ཎ་དྷཱ་ཏུ་ཡཱ…པེ… ཛི་ཝ྄ཧཱ་ཝི་ཉྙཱ་ཎ་དྷཱ་ཏུ་ཡཱ…པེ… ཀཱ་ཡ་ཝི་ཉྙཱ་ཎ་དྷཱ་ཏུ་ཡཱ ཨུ་པྤ་ཛྫི་ཏྭཱ ནི་རུ་དྡྷ་ས་མ་ན་ནྟ་རཱ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་དྷཱ་ཏུ ས་བྦ་དྷ་མྨེ་སུ ཝཱ པ་ན པ་ཋ་མ་ས་མ་ནྣཱ་ཧཱ་རོ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་དྷཱ་ཏུ – ཨ་ཡཾ ཝུ་ཙྩ་ཏི ‘‘མ་ནོ་དྷཱ་ཏུ’’.
ཏ་ཏྠ ཀ་ཏ་མཱ དྷ་མྨ་དྷཱ་ཏུ? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཡ་ཉྩ རཱུ་པཾ ཨ་ནི་ད་སྶ་ན་ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ, ཨ་ས་ངྑ་ཏཱ ཙ དྷཱ་ཏུ.
ཏ་ཏྠ ཀ་ཏ་མོ ཝེ་ད་ནཱ་ཀྑ་ནྡྷོ? ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ. དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ. ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ… ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ…པེ… ཨེ་ཝཾ བ་ཧུ་ཝི་དྷེ་ན ཝེ་ད་ནཱ་ཀྑ་ནྡྷོ. ཨ་ཡཾ ཝུ་ཙྩ་ཏི ‘‘ཝེ་ད་ནཱ་ཀྑ་ནྡྷོ’’.
ཏ་ཏྠ ཀ་ཏ་མོ ས་ཉྙཱ་ཀྑ་ནྡྷོ? ཨེ་ཀ་ཝི་དྷེ་ན ས་ཉྙཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ. དུ་ཝི་དྷེ་ན ས་ཉྙཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ. ཏི་ཝི་དྷེ་ན ས་ཉྙཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ… ཨེ་ཝཾ ད་ས་ཝི་དྷེ་ན ས་ཉྙཱ་ཀྑ་ནྡྷོ…པེ… ཨེ་ཝཾ བ་ཧུ་ཝི་དྷེ་ན ས་ཉྙཱ་ཀྑ་ནྡྷོ. ཨ་ཡཾ ཝུ་ཙྩ་ཏི ‘‘ས་ཉྙཱ་ཀྑ་ནྡྷོ’’.
ཏ་ཏྠ ཀ་ཏ་མོ ས་ངྑཱ་ར་ཀྑ་ནྡྷོ? ཨེ་ཀ་ཝི་དྷེ་ན ས་ངྑཱ་ར་ཀྑ་ནྡྷོ – ཙི་ཏྟ་ས་མྤ་ཡུ་ཏྟོ. དུ་ཝི་དྷེ་ན ས་ངྑཱ་ར་ཀྑ་ནྡྷོ – ཨ་ཏྠི ཧེ་ཏུ, ཨ་ཏྠི ཨ་ཧེ་ཏུ. ཏི་ཝི་དྷེ་ན ས་ངྑཱ་ར་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ… ཨེ་ཝཾ ད་ས་ཝི་དྷེ་ན ས་ངྑཱ་ར་ཀྑ་ནྡྷོ…པེ… ཨེ་ཝཾ བ་ཧུ་ཝི་དྷེ་ན ས་ངྑཱ་ར་ཀྑ་ནྡྷོ – ཨ་ཡཾ ཝུ་ཙྩ་ཏི ‘‘ས་ངྑཱ་ར་ཀྑ་ནྡྷོ’’.
ཏ་ཏྠ ཀ་ཏ་མཾ རཱུ་པཾ ཨ་ནི་ད་སྶ་ན་ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ? ཨི་ཏྠི་ནྡྲི་ཡཾ…པེ… ཀ་བ་ལཱི༹་ཀཱ་རོ ཨཱ་ཧཱ་རོ – ཨི་དཾ ཝུ་ཙྩ་ཏི རཱུ་པཾ ‘‘ཨ་ནི་ད་སྶ་ན་ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ’’.
ཏ་ཏྠ ཀ་ཏ་མཱ ཨ་ས་ངྑ་ཏཱ དྷཱ་ཏུ? རཱ་ག་ཀྑ་ཡོ, དོ་ས་ཀྑ་ཡོ, མོ་ཧ་ཀྑ་ཡོ – ཨ་ཡཾ ཝུ་ཙྩ་ཏི ‘‘ཨ་ས་ངྑ་ཏཱ དྷཱ་ཏུ’’. ཨ་ཡཾ ཝུ་ཙྩ་ཏི ‘‘དྷ་མྨ་དྷཱ་ཏུ’’.
ཏ་ཏྠ ཀ་ཏ་མཱ མ་ནོ་ཝི་ཉྙཱ་ཎ་དྷཱ་ཏུ? ཙ་ཀྑུ་ཝི་ཉྙཱ་ཎ་དྷཱ་ཏུ་ཡཱ ཨུ་པྤ་ཛྫི་ཏྭཱ ནི་རུ་དྡྷ་ས་མ་ན་ནྟ་རཱ ཨུ་པྤ་ཛྫ་ཏི མ་ནོ་དྷཱ་ཏུ, མ་ནོ་དྷཱ་ཏུ་ཡཱ ཨུ་པྤ་ཛྫི་ཏྭཱ ནི་རུ་དྡྷ་ས་མ་ན་ནྟ་རཱ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ; སོ་ཏ་ཝི་ཉྙཱ་ཎ་དྷཱ་ཏུ་ཡཱ…པེ… གྷཱ་ན་ཝི་ཉྙཱ་ཎ་དྷཱ་ཏུ་ཡཱ …པེ… ཛི་ཝ྄ཧཱ་ཝི་ཉྙཱ་ཎ་དྷཱ་ཏུ་ཡཱ…པེ… ཀཱ་ཡ་ཝི་ཉྙཱ་ཎ་དྷཱ་ཏུ་ཡཱ ཨུ་པྤ་ཛྫི་ཏྭཱ ནི་རུ་དྡྷ་ས་མ་ན་ནྟ་རཱ ཨུ་པྤ་ཛྫ་ཏི མ་ནོ་དྷཱ་ཏུ, མ་ནོ་དྷཱ་ཏུ་ཡཱ་པི ཨུ་པྤ་ཛྫི་ཏྭཱ ནི་རུ་དྡྷ་ས་མ་ན་ནྟ་རཱ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ…པེ… ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི ཙི་ཏྟཾ མ་ནོ མཱ་ན་སཾ ཧ་ད་ཡཾ པ་ཎྜ་རཾ མ་ནོ མ་ནཱ་ཡ་ཏ་ནཾ མ་ནི་ནྡྲི་ཡཾ ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ ཏ་ཛྫཱ་མ་ནོ་ཝི་ཉྙཱ་ཎ་དྷཱ་ཏུ – ཨ་ཡཾ ཝུ་ཙྩ་ཏི ‘‘མ་ནོ་ཝི་ཉྙཱ་ཎ་དྷཱ་ཏུ’’.
ཨ་བྷི་དྷ་མྨ་བྷཱ་ཛ་ནཱི་ཡཾ.
༣. པ་ཉྷཱ་པུ་ཙྪ་ཀཾ
ཨ་ཊྛཱ་ར་ས དྷཱ་ཏུ་ཡོ – ཙ་ཀྑུ་དྷཱ་ཏུ, རཱུ་པ་དྷཱ་ཏུ, ཙ་ཀྑུ་ཝི་ཉྙཱ་ཎ་དྷཱ་ཏུ, སོ་ཏ་དྷཱ་ཏུ, ས་དྡ་དྷཱ་ཏུ, སོ་ཏ་ཝི་ཉྙཱ་ཎ་དྷཱ་ཏུ, གྷཱ་ན་དྷཱ་ཏུ, ག་ནྡྷ་དྷཱ་ཏུ, གྷཱ་ན་ཝི་ཉྙཱ་ཎ་དྷཱ་ཏུ, ཛི་ཝ྄ཧཱ་དྷཱ་ཏུ, ར་ས་དྷཱ་ཏུ, ཛི་ཝ྄ཧཱ་ཝི་ཉྙཱ་ཎ་དྷཱ་ཏུ, ཀཱ་ཡ་དྷཱ་ཏུ, ཕོ་ཊྛ་བྦ་དྷཱ་ཏུ, ཀཱ་ཡ་ཝི་ཉྙཱ་ཎ་དྷཱ་ཏུ, མ་ནོ་དྷཱ་ཏུ, དྷ་མྨ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ.
༡༨༦. ཨ་ཊྛཱ་ར་ས་ནྣཾ དྷཱ་ཏཱུ་ནཾ ཀ་ཏི ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ…པེ… ཀ་ཏི ས་ར་ཎཱ, ཀ་ཏི ཨ་ར་ཎཱ?
༡. ཏི་ཀཾ
༡༨༧. སོ་ལ༹་ས དྷཱ་ཏུ་ཡོ ཨ་བྱཱ་ཀ་ཏཱ. དྭེ དྷཱ་ཏུ་ཡོ སི་ཡཱ ཀུ་ས་ལཱ, སི་ཡཱ ཨ་ཀུ་ས་ལཱ, སི་ཡཱ ཨ་བྱཱ་ཀ་ཏཱ. ད་ས དྷཱ་ཏུ་ཡོ ན ཝ་ཏྟ་བྦཱ – ‘‘སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི, ‘‘དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི, ‘‘ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི. པ་ཉྩ དྷཱ་ཏུ་ཡོ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. ཀཱ་ཡ་ཝི་ཉྙཱ་ཎ་དྷཱ་ཏུ སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. མ་ནོ་ཝི་ཉྙཱ་ཎ་དྷཱ་ཏུ སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ. དྷ་མྨ་དྷཱ་ཏུ སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ, སི་ཡཱ ན ཝ་ཏྟ་བྦཱ – ‘‘སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི, ‘‘དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི, ‘‘ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི.
ད་ས དྷཱ་ཏུ་ཡོ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ. པ་ཉྩ དྷཱ་ཏུ་ཡོ ཝི་པཱ་ཀཱ. མ་ནོ་དྷཱ་ཏུ སི་ཡཱ ཝི་པཱ་ཀཱ, སི་ཡཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ. དྭེ དྷཱ་ཏུ་ཡོ སི་ཡཱ ཝི་པཱ་ཀཱ, སི་ཡཱ ཝི་པཱ་ཀ་དྷ་མྨ་དྷ་མྨཱ, སི་ཡཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ.
ད་ས དྷཱ་ཏུ་ཡོ ཨུ་པཱ་དི་ནྣུ་པཱ་དཱ་ནི་ཡཱ. ས་དྡ་དྷཱ་ཏུ ཨ་ནུ་པཱ་དི་ནྣུ་པཱ་དཱ་ནི་ཡཱ. པ་ཉྩ དྷཱ་ཏུ་ཡོ སི་ཡཱ ཨུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣུ་པཱ་དཱ་ནི་ཡཱ. དྭེ དྷཱ་ཏུ་ཡོ སི་ཡཱ ཨུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡཱ.
སོ་ལ༹་ས དྷཱ་ཏུ་ཡོ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ. དྭེ དྷཱ་ཏུ་ཡོ སི་ཡཱ སཾ་ཀི་ལི་ཊྛ་སཾ་ཀི་ལེ་སི་ཀཱ, སི་ཡཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ, སི་ཡཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ. པ་ནྣ་ར་ས དྷཱ་ཏུ་ཡོ ཨ་ཝི་ཏ་ཀྐ་ཨ་ཝི་ཙཱ་རཱ. མ་ནོ་དྷཱ་ཏུ ས་ཝི་ཏ་ཀྐ་ས་ཝི་ཙཱ་རཱ. མ་ནོ་ཝི་ཉྙཱ་ཎ་དྷཱ་ཏུ སི་ཡཱ ས་ཝི་ཏ་ཀྐ་ས་ཝི་ཙཱ་རཱ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཱ. དྷ་མྨ་དྷཱ་ཏུ སི་ཡཱ ས་ཝི་ཏ་ཀྐ་ས་ཝི་ཙཱ་རཱ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཱ, སི་ཡཱ ན ཝ་ཏྟ་བྦཱ – ‘‘ས་ཝི་ཏ་ཀྐ་ས་ཝི་ཙཱ་རཱ’’ཏི་པི, ‘‘ཨ་ཝི་ཏ་ཀྐ་ཝི་ཙཱ་ར་མ་ཏྟཱ’’ཏི་པི, ‘‘ཨ་ཝི་ཏ་ཀྐ་ཨ་ཝི་ཙཱ་རཱ’’ཏི་པི. ད་ས དྷཱ་ཏུ་ཡོ ན ཝ་ཏྟ་བྦཱ – ‘‘པཱི་ཏི་ས་ཧ་ག་ཏཱ’’ཏི་པི, ‘‘སུ་ཁ་ས་ཧ་ག་ཏཱ’’ཏི་པི, ‘‘ཨུ་པེ་ཀྑཱ་ས་ཧ་ག་ཏཱ’’ཏི་པི. པ་ཉྩ དྷཱ་ཏུ་ཡོ ཨུ་པེ་ཀྑཱ་ས་ཧ་ག་ཏཱ. ཀཱ་ཡ་ཝི་ཉྙཱ་ཎ་དྷཱ་ཏུ ན པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, ན ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཝ་ཏྟ་བྦཱ – ‘‘སུ་ཁ་ས་ཧ་ག་ཏཱ’’ཏི. དྭེ དྷཱ་ཏུ་ཡོ སི་ཡཱ པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཝ་ཏྟ་བྦཱ – ‘‘པཱི་ཏི་ས་ཧ་ག་ཏཱ’’ཏི་པི, ‘‘སུ་ཁ་ས་ཧ་ག་ཏཱ’’ཏི་པི, ‘‘ཨུ་པེ་ཀྑཱ་ས་ཧ་ག་ཏཱ’’ཏི་པི.
སོ་ལ༹་ས དྷཱ་ཏུ་ཡོ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. དྭེ དྷཱ་ཏུ་ཡོ སི་ཡཱ ད་སྶ་ནེ་ན པ་ཧཱ་ཏ་བྦཱ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཱ, སི་ཡཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. སོ་ལ༹་ས དྷཱ་ཏུ་ཡོ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. དྭེ དྷཱ་ཏུ་ཡོ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ, སི་ཡཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. སོ་ལ༹་ས དྷཱ་ཏུ་ཡོ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ. དྭེ དྷཱ་ཏུ་ཡོ སི་ཡཱ ཨཱ་ཙ་ཡ་གཱ་མི་ནོ, སི་ཡཱ ཨ་པ་ཙ་ཡ་གཱ་མི་ནོ, སི་ཡཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ. སོ་ལ༹་ས དྷཱ་ཏུ་ཡོ ནེ་ཝ་སེ་ཀྑ་ནཱ་སེ་ཀྑཱ. དྭེ དྷཱ་ཏུ་ཡོ སི་ཡཱ སེ་ཀྑཱ, སི་ཡཱ ཨ་སེ་ཀྑཱ, སི་ཡཱ ནེ་ཝ་སེ་ཀྑ་ནཱ་སེ་ཀྑཱ.
སོ་ལ༹་ས དྷཱ་ཏུ་ཡོ པ་རི་ཏྟཱ. དྭེ དྷཱ་ཏུ་ཡོ སི་ཡཱ པ་རི་ཏྟཱ, སི་ཡཱ མ་ཧ་གྒ་ཏཱ, སི་ཡཱ ཨ་པྤ་མཱ་ཎཱ. ད་ས དྷཱ་ཏུ་ཡོ ཨ་ནཱ་ར་མྨ་ཎཱ. ཚ དྷཱ་ཏུ་ཡོ པ་རི་ཏྟཱ་ར་མྨ་ཎཱ. དྭེ དྷཱ་ཏུ་ཡོ སི་ཡཱ པ་རི་ཏྟཱ་ར་མྨ་ཎཱ, སི་ཡཱ མ་ཧ་གྒ་ཏཱ་ར་མྨ་ཎཱ, སི་ཡཱ ཨ་པྤ་མཱ་ཎཱ་ར་མྨ་ཎཱ, སི་ཡཱ ན ཝ་ཏྟ་བྦཱ – ‘‘པ་རི་ཏྟཱ་ར་མྨ་ཎཱ’’ཏི་པི, ‘‘མ་ཧ་གྒ་ཏཱ་ར་མྨ་ཎཱ’’ཏི་པི, ‘‘ཨ་པྤ་མཱ་ཎཱ་ར་མྨ་ཎཱ’’ཏི་པི. སོ་ལ༹་ས དྷཱ་ཏུ་ཡོ མ་ཛ྄ཛྷི་མཱ. དྭེ དྷཱ་ཏུ་ཡོ སི་ཡཱ ཧཱི་ནཱ, སི་ཡཱ མ་ཛ྄ཛྷི་མཱ, སི་ཡཱ པ་ཎཱི་ཏཱ. སོ་ལ༹་ས དྷཱ་ཏུ་ཡོ ཨ་ནི་ཡ་ཏཱ. དྭེ དྷཱ་ཏུ་ཡོ སི་ཡཱ མི་ཙྪ་ཏྟ་ནི་ཡ་ཏཱ, སི་ཡཱ ས་མྨ་ཏྟ་ནི་ཡ་ཏཱ, སི་ཡཱ ཨ་ནི་ཡ་ཏཱ.
ད་ས དྷཱ་ཏུ་ཡོ ཨ་ནཱ་ར་མྨ་ཎཱ. ཚ དྷཱ་ཏུ་ཡོ ན ཝ་ཏྟ་བྦཱ – ‘‘མ་གྒཱ་ར་མྨ་ཎཱ’’ཏི་པི, ‘‘མ་གྒ་ཧེ་ཏུ་ཀཱ’’ཏི་པི, ‘‘མ་གྒཱ་དྷི་པ་ཏི་ནོ’’ཏི་པི. དྭེ དྷཱ་ཏུ་ཡོ སི་ཡཱ མ་གྒཱ་ར་མྨ་ཎཱ, སི་ཡཱ མ་གྒ་ཧེ་ཏུ་ཀཱ, སི་ཡཱ མ་གྒཱ་དྷི་པ་ཏི་ནོ, སི་ཡཱ ན ཝ་ཏྟ་བྦཱ – ‘‘མ་གྒཱ་ར་མྨ་ཎཱ’’ཏི་པི, ‘‘མ་གྒ་ཧེ་ཏུ་ཀཱ’’ཏི་པི, ‘‘མ་གྒཱ་དྷི་པ་ཏི་ནོ’’ཏི་པི. ད་ས དྷཱ་ཏུ་ཡོ སི་ཡཱ ཨུ་པྤ་ནྣཱ, སི་ཡཱ ཨུ་པྤཱ་དི་ནོ, སི་ཡཱ ན ཝ་ཏྟ་བྦཱ – ‘‘ཨ་ནུ་པྤ་ནྣཱ’’ཏི. ས་དྡ་དྷཱ་ཏུ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, སི་ཡཱ ན ཝ་ཏྟ་བྦཱ – ‘‘ཨུ་པྤཱ་དི་ནཱི’’ཏི. ཚ དྷཱ་ཏུ་ཡོ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, སི་ཡཱ ཨུ་པྤཱ་དི་ནོ. དྷ་མྨ་དྷཱ་ཏུ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, སི་ཡཱ ཨུ་པྤཱ་དི་ནཱི, སི་ཡཱ ན ཝ་ཏྟ་བྦཱ – ‘‘ཨུ་པྤ་ནྣཱ’’ཏི་པི, ‘‘ཨ་ནུ་པྤ་ནྣཱ’’ཏི་པི, ‘‘ཨུ་པྤཱ་དི་ནཱི’’ཏི་པི.
ས་ཏྟ་ར་ས དྷཱ་ཏུ་ཡོ སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. དྷ་མྨ་དྷཱ་ཏུ སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ, སི་ཡཱ ན ཝ་ཏྟ་བྦཱ – ‘‘ཨ་ཏཱི་ཏཱ’’ཏི་པི, ‘‘ཨ་ནཱ་ག་ཏཱ’’ཏི་པི, ‘‘པ་ཙྩུ་པྤ་ནྣཱ’’ཏི་པི. ད་ས དྷཱ་ཏུ་ཡོ ཨ་ནཱ་ར་མྨ་ཎཱ. ཚ དྷཱ་ཏུ་ཡོ པ་ཙྩུ་པྤ་ནྣཱ་ར་མྨ་ཎཱ. དྭེ དྷཱ་ཏུ་ཡོ སི་ཡཱ ཨ་ཏཱི་ཏཱ་ར་མྨ་ཎཱ, སི་ཡཱ ཨ་ནཱ་ག་ཏཱ་ར་མྨ་ཎཱ, སི་ཡཱ པ་ཙྩུ་པྤ་ནྣཱ་ར་མྨ་ཎཱ, སི་ཡཱ ན ཝ་ཏྟ་བྦཱ – ‘‘ཨ་ཏཱི་ཏཱ་ར་མྨ་ཎཱ’’ཏི་པི, ‘‘ཨ་ནཱ་ག་ཏཱ་ར་མྨ་ཎཱ’’ཏི་པི, ‘‘པ་ཙྩུ་པྤ་ནྣཱ་ར་མྨ་ཎཱ’’ཏི་པི; སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ.
ད་ས དྷཱ་ཏུ་ཡོ ཨ་ནཱ་ར་མྨ་ཎཱ. ཚ དྷཱ་ཏུ་ཡོ སི་ཡཱ ཨ་ཛ྄ཛྷ་ཏྟཱ་ར་མྨ་ཎཱ, སི་ཡཱ བ་ཧི་དྡྷཱ་ར་མྨ་ཎཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ. དྭེ དྷཱ་ཏུ་ཡོ སི་ཡཱ ཨ་ཛ྄ཛྷ་ཏྟཱ་ར་མྨ་ཎཱ, སི་ཡཱ བ་ཧི་དྡྷཱ་ར་མྨ་ཎཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ, སི་ཡཱ ན ཝ་ཏྟ་བྦཱ – ‘‘ཨ་ཛ྄ཛྷ་ཏྟཱ་ར་མྨ་ཎཱ’’ཏི་པི, ‘‘བ་ཧི་དྡྷཱ་ར་མྨ་ཎཱ’’ཏི་པི, ‘‘ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ’’ཏི་པི. རཱུ་པ་དྷཱ་ཏུ ས་ནི་ད་སྶ་ན་ས་པྤ་ཊི་གྷཱ. ན་ཝ དྷཱ་ཏུ་ཡོ ཨ་ནི་ད་སྶ་ན་ཨ་པྤ་ཊི་གྷཱ. ཨ་ཊྛ དྷཱ་ཏུ་ཡོ ཨ་ནི་ད་སྶ་ན་ཨ་པྤ་ཊི་གྷཱ.
༢. དུ་ཀཾ
༡༨༨. ས་ཏྟ་ར་ས དྷཱ་ཏུ་ཡོ ན ཧེ་ཏཱུ. དྷ་མྨ་དྷཱ་ཏུ སི་ཡཱ ཧེ་ཏུ, སི་ཡཱ ན ཧེ་ཏུ. སོ་ལ༹་ས དྷཱ་ཏུ་ཡོ ཨ་ཧེ་ཏུ་ཀཱ. དྭེ དྷཱ་ཏུ་ཡོ སི་ཡཱ ས་ཧེ་ཏུ་ཀཱ, སི་ཡཱ ཨ་ཧེ་ཏུ་ཀཱ. སོ་ལ༹་ས དྷཱ་ཏུ་ཡོ ཨ་ཧེ་ཏུ་ཀཱ. དྭེ དྷཱ་ཏུ་ཡོ སི་ཡཱ ས་ཧེ་ཏུ་ཀཱ, སི་ཡཱ ཨ་ཧེ་ཏུ་ཀཱ. སོ་ལ༹་ས དྷཱ་ཏུ་ཡོ ཧེ་ཏུ་ཝི་པྤ་ཡུ་ཏྟཱ. དྭེ དྷཱ་ཏུ་ཡོ སི་ཡཱ ཧེ་ཏུ་ས་མྤ་ཡུ་ཏྟཱ, སི་ཡཱ ཧེ་ཏུ་ཝི་པྤ་ཡུ་ཏྟཱ. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཧེ་ཏུ ཙེ་ཝ ས་ཧེ་ཏུ་ཀཱ ཙཱ’’ཏི་པི, ‘‘ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཧེ་ཏུ ཙེ་ཝ ས་ཧེ་ཏུ་ཀཱ ཙཱ’’ཏི, སི་ཡཱ ས་ཧེ་ཏུ་ཀཱ ཙེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཱ – ‘‘ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ’’ཏི. དྷ་མྨ་དྷཱ་ཏུ སི་ཡཱ ཧེ་ཏུ ཙེ་ཝ ས་ཧེ་ཏུ་ཀཱ ཙ, སི་ཡཱ ས་ཧེ་ཏུ་ཀཱ ཙེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཱ – ‘‘ཧེ་ཏུ ཙེ་ཝ ས་ཧེ་ཏུ་ཀཱ ཙཱ’’ཏི་པི, ‘‘ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ’’ཏི་པི. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ’’ཏི་པི, ‘‘ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ’’ཏི, སི་ཡཱ ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཱ – ‘‘ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ’’ཏི. དྷ་མྨ་དྷཱ་ཏུ སི་ཡཱ ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟཱ ཙ, སི་ཡཱ ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཱ – ‘‘ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ’’ཏི་པི, ‘‘ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ’’ཏི་པི. སོ་ལ༹་ས དྷཱ་ཏུ་ཡོ ན ཧེ་ཏུ་ཨ་ཧེ་ཏུ་ཀཱ. མ་ནོ་ཝི་ཉྙཱ་ཎ་དྷཱ་ཏུ སི་ཡཱ ན ཧེ་ཏུ་ས་ཧེ་ཏུ་ཀཱ, སི་ཡཱ ན ཧེ་ཏུ་ཨ་ཧེ་ཏུ་ཀཱ. དྷ་མྨ་དྷཱ་ཏུ སི་ཡཱ ན ཧེ་ཏུ་ས་ཧེ་ཏུ་ཀཱ, སི་ཡཱ ན ཧེ་ཏུ་ཨ་ཧེ་ཏུ་ཀཱ, སི་ཡཱ ན ཝ་ཏྟ་བྦཱ – ‘‘ན ཧེ་ཏུ་ས་ཧེ་ཏུ་ཀཱ’’ཏི་པི, ‘‘ན ཧེ་ཏུ་ཨ་ཧེ་ཏུ་ཀཱ’’ཏི་པི.
ས་ཏྟ་ར་ས དྷཱ་ཏུ་ཡོ ས་པྤ་ཙྩ་ཡཱ. དྷ་མྨ་དྷཱ་ཏུ སི་ཡཱ ས་པྤ་ཙྩ་ཡཱ, སི་ཡཱ ཨ་པྤ་ཙྩ་ཡཱ. ས་ཏྟ་ར་ས དྷཱ་ཏུ་ཡོ ས་ངྑ་ཏཱ. དྷ་མྨ་དྷཱ་ཏུ སི་ཡཱ ས་ངྑ་ཏཱ, སི་ཡཱ ཨ་ས་ངྑ་ཏཱ. རཱུ་པ་དྷཱ་ཏུ ས་ནི་ད་སྶ་ནཱ. ས་ཏྟ་ར་ས དྷཱ་ཏུ་ཡོ ཨ་ནི་ད་སྶ་ནཱ. ད་ས དྷཱ་ཏུ་ཡོ ས་པྤ་ཊི་གྷཱ. ཨ་ཊྛ དྷཱ་ཏུ་ཡོ ཨ་པྤ་ཊི་གྷཱ. ད་ས དྷཱ་ཏུ་ཡོ རཱུ་པཱ. ས་ཏྟ དྷཱ་ཏུ་ཡོ ཨ་རཱུ་པཱ. དྷ་མྨ་དྷཱ་ཏུ སི་ཡཱ རཱུ་པཱ, སི་ཡཱ ཨ་རཱུ་པཱ. སོ་ལ༹་ས དྷཱ་ཏུ་ཡོ ལོ་ཀི་ཡཱ. དྭེ དྷཱ་ཏུ་ཡོ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ; ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ.
ས་ཏྟ་ར་ས དྷཱ་ཏུ་ཡོ ནོ ཨཱ་ས་ཝཱ. དྷ་མྨ་དྷཱ་ཏུ སི་ཡཱ ཨཱ་ས་ཝཱ, སི་ཡཱ ནོ ཨཱ་ས་ཝཱ. སོ་ལ༹་ས དྷཱ་ཏུ་ཡོ སཱ་ས་ཝཱ. དྭེ དྷཱ་ཏུ་ཡོ སི་ཡཱ སཱ་ས་ཝཱ, སི་ཡཱ ཨ་ནཱ་ས་ཝཱ. སོ་ལ༹་ས དྷཱ་ཏུ་ཡོ ཨཱ་ས་ཝ་ཝི་པྤ་ཡུ་ཏྟཱ. དྭེ དྷཱ་ཏུ་ཡོ སི་ཡཱ ཨཱ་ས་ཝ་ས་མྤ་ཡུ་ཏྟཱ, སི་ཡཱ ཨཱ་ས་ཝ་ཝི་པྤ་ཡུ་ཏྟཱ. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཨཱ་ས་ཝཱ ཙེ་ཝ སཱ་ས་ཝཱ ཙཱ’’ཏི, ‘‘སཱ་ས་ཝཱ ཙེ་ཝ ནོ ཙ ཨཱ་ས་ཝཱ’’. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཨཱ་ས་ཝོ ཙེ་ཝ སཱ་ས་ཝཱ ཙཱ’’ཏི, སི་ཡཱ སཱ་ས་ཝཱ ཙེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཱ – ‘‘སཱ་ས་ཝཱ ཙེ་ཝ ནོ ཙ ཨཱ་ས་ཝོ’’ཏི. དྷ་མྨ་དྷཱ་ཏུ སི་ཡཱ ཨཱ་ས་ཝོ ཙེ་ཝ སཱ་ས་ཝཱ ཙ, སི་ཡཱ སཱ་ས་ཝཱ ཙེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཱ – ‘‘ཨཱ་ས་ཝོ ཙེ་ཝ སཱ་ས་ཝཱ ཙཱ’’ཏི་པི, ‘‘སཱ་ས་ཝཱ ཙེ་ཝ ནོ ཙ ཨཱ་ས་ཝོ’’ཏི་པི.
སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ’’ཏི་པི, ‘‘ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ’’ཏི, སི་ཡཱ ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཱ – ‘‘ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝོ’’ཏི. དྷ་མྨ་དྷཱ་ཏུ སི་ཡཱ ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙ, སི་ཡཱ ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཱ – ‘‘ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ’’ཏི་པི, ‘‘ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝོ’’ཏི་པི. སོ་ལ༹་ས དྷཱ་ཏུ་ཡོ ཨཱ་ས་ཝ་ཝི་པྤ་ཡུ་ཏྟ་སཱ་ས་ཝཱ. དྭེ དྷཱ་ཏུ་ཡོ སི་ཡཱ ཨཱ་ས་ཝ་ཝི་པྤ་ཡུ་ཏྟ་སཱ་ས་ཝཱ, སི་ཡཱ ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝཱ, སི་ཡཱ ན ཝ་ཏྟ་བྦཱ – ‘‘ཨཱ་ས་ཝ་ཝི་པྤ་ཡུ་ཏྟ་སཱ་ས་ཝཱ’’ཏི་པི, ‘‘ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝཱ’’ཏི་པི.
ས་ཏྟ་ར་ས དྷཱ་ཏུ་ཡོ ནོ སཾ་ཡོ་ཛ་ནཱ. དྷ་མྨ་དྷཱ་ཏུ སི་ཡཱ སཾ་ཡོ་ཛ་ནཾ, སི་ཡཱ ནོ སཾ་ཡོ་ཛ་ནཾ. སོ་ལ༹་ས དྷཱ་ཏུ་ཡོ སཾ་ཡོ་ཛ་ནི་ཡཱ. དྭེ དྷཱ་ཏུ་ཡོ སི་ཡཱ སཾ་ཡོ་ཛ་ནི་ཡཱ, སི་ཡཱ ཨ་སཾ་ཡོ་ཛ་ནི་ཡཱ. སོ་ལ༹་ས དྷཱ་ཏུ་ཡོ སཾ་ཡོ་ཛ་ན་ཝི་པྤ་ཡུ་ཏྟཱ. དྭེ དྷཱ་ཏུ་ཡོ སི་ཡཱ སཾ་ཡོ་ཛ་ན་ས་མྤ་ཡུ་ཏྟཱ, སི་ཡཱ སཾ་ཡོ་ཛ་ན་ཝི་པྤ་ཡུ་ཏྟཱ. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘སཾ་ཡོ་ཛ་ནཱ ཙེ་ཝ སཾ་ཡོ་ཛ་ནི་ཡཱ ཙཱ’’ཏི, སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཱ. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡཱ ཙཱ’’ཏི, སི་ཡཱ སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཱ – ‘‘སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ན’’ནྟི. དྷ་མྨ་དྷཱ་ཏུ སི་ཡཱ སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡཱ ཙ, སི་ཡཱ སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཱ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡཱ ཙཱ’’ཏི་པི, ‘‘སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ན’’ནྟི་པི. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘སཾ་ཡོ་ཛ་ནཱ ཙེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙཱ’’ཏི་པི, ‘‘སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཱ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙཱ’’ཏི, སི་ཡཱ སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཱ – ‘‘སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ན’’ནྟི. དྷ་མྨ་དྷཱ་ཏུ སི་ཡཱ སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙ, སི་ཡཱ སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཱ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙཱ’’ཏི་པི, ‘‘སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ན’’ནྟི་པི. སོ་ལ༹་ས དྷཱ་ཏུ་ཡོ སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡཱ. དྭེ དྷཱ་ཏུ་ཡོ སི་ཡཱ སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡཱ, སི་ཡཱ སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡཱ, སི་ཡཱ ན ཝ་ཏྟ་བྦཱ – ‘‘སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡཱ’’ཏི་པི, ‘‘སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡཱ’’ཏི་པི.
ས་ཏྟ་ར་ས དྷཱ་ཏུ་ཡོ ནོ ག་ནྠཱ. དྷ་མྨ་དྷཱ་ཏུ སི་ཡཱ ག་ནྠོ, སི་ཡཱ ནོ ག་ནྠོ. སོ་ལ༹་ས དྷཱ་ཏུ་ཡོ ག་ནྠ་ནི་ཡཱ. དྭེ དྷཱ་ཏུ་ཡོ སི་ཡཱ ག་ནྠ་ནི་ཡཱ, སི་ཡཱ ཨ་ག་ནྠ་ནི་ཡཱ. སོ་ལ༹་ས དྷཱ་ཏུ་ཡོ ག་ནྠ་ཝི་པྤ་ཡུ་ཏྟཱ. དྭེ དྷཱ་ཏུ་ཡོ སི་ཡཱ ག་ནྠ་ས་མྤ་ཡུ་ཏྟཱ, སི་ཡཱ ག་ནྠ་ཝི་པྤ་ཡུ་ཏྟཱ. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ག་ནྠཱ ཙེ་ཝ ག་ནྠ་ནི་ཡཱ ཙཱ’’ཏི, ག་ནྠ་ནི་ཡཱ ཙེ་ཝ ནོ ཙ ག་ནྠཱ. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ག་ནྠོ ཙེ་ཝ ག་ནྠ་ནི་ཡཱ ཙཱ’’ཏི, སི་ཡཱ ག་ནྠ་ནི་ཡཱ ཙེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཱ – ‘‘ག་ནྠ་ནི་ཡཱ ཙེ་ཝ ནོ ཙ ག་ནྠོ’’ཏི. དྷ་མྨ་དྷཱ་ཏུ སི་ཡཱ ག་ནྠོ ཙེ་ཝ ག་ནྠ་ནི་ཡཱ ཙ, སི་ཡཱ ག་ནྠ་ནི་ཡཱ ཙེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཱ – ‘‘ག་ནྠོ ཙེ་ཝ ག་ནྠ་ནི་ཡཱ ཙཱ’’ཏི་པི, ‘‘ག་ནྠ་ནི་ཡཱ ཙེ་ཝ ནོ ཙ ག་ནྠོ’’ཏི་པི. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ག་ནྠཱ ཙེ་ཝ ག་ནྠ་ས་མྤ་ཡུ་ཏྟཱ ཙཱ’’ཏི་པི, ‘‘ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠཱ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ག་ནྠོ ཙེ་ཝ ག་ནྠ་ས་མྤ་ཡུ་ཏྟཱ ཙཱ’’ཏི, སི་ཡཱ ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཱ – ‘‘ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠོ’’ཏི. དྷ་མྨ་དྷཱ་ཏུ སི་ཡཱ ག་ནྠོ ཙེ་ཝ ག་ནྠ་ས་མྤ་ཡུ་ཏྟཱ ཙ, སི་ཡཱ ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཱ – ‘‘ག་ནྠོ ཙེ་ཝ ག་ནྠ་ས་མྤ་ཡུ་ཏྟཱ ཙཱ’’ཏི་པི, ‘‘ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠོ’’ཏི་པི. སོ་ལ༹་ས དྷཱ་ཏུ་ཡོ ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ. དྭེ དྷཱ་ཏུ་ཡོ སི་ཡཱ ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ, སི་ཡཱ ག་ནྠ་ཝི་པྤ་ཡུ་ཏྟ་ཨ་ག་ནྠ་ནི་ཡཱ, སི་ཡཱ ན ཝ་ཏྟ་བྦཱ – ‘‘ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ’’ཏི་པི, ‘‘ག་ནྠ་ཝི་པྤ་ཡུ་ཏྟ་ཨ་ག་ནྠ་ནི་ཡཱ’’ཏི་པི.
ས་ཏྟ་ར་ས དྷཱ་ཏུ་ཡོ ནོ ཨོ་གྷཱ…པེ… ནོ ཡོ་གཱ…པེ… ནོ ནཱི་ཝ་ར་ཎཱ. དྷ་མྨ་དྷཱ་ཏུ སི་ཡཱ ནཱི་ཝ་ར་ཎཾ, སི་ཡཱ ནོ ནཱི་ཝ་ར་ཎཾ. སོ་ལ༹་ས དྷཱ་ཏུ་ཡོ ནཱི་ཝ་ར་ཎི་ཡཱ. དྭེ དྷཱ་ཏུ་ཡོ སི་ཡཱ ནཱི་ཝ་ར་ཎི་ཡཱ, སི་ཡཱ ཨ་ནཱི་ཝ་ར་ཎི་ཡཱ. སོ་ལ༹་ས དྷཱ་ཏུ་ཡོ ནཱི་ཝ་ར་ཎ་ཝི་པྤ་ཡུ་ཏྟཱ. དྭེ དྷཱ་ཏུ་ཡོ སི་ཡཱ ནཱི་ཝ་ར་ཎ་ས་མྤ་ཡུ་ཏྟཱ, སི་ཡཱ ནཱི་ཝ་ར་ཎ་ཝི་པྤ་ཡུ་ཏྟཱ. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ནཱི་ཝ་ར་ཎཱ ཙེ་ཝ ནཱི་ཝ་ར་ཎི་ཡཱ ཙཱ’’ཏི, ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཱ. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡཱ ཙཱ’’ཏི, སི་ཡཱ ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཱ – ‘‘ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎ’’ནྟི. དྷ་མྨ་དྷཱ་ཏུ སི་ཡཱ ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡཱ ཙ, སི་ཡཱ ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཱ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡཱ ཙཱ’’ཏི་པི, ‘‘ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎ’’ནྟི་པི. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ནཱི་ཝ་ར་ཎཱ ཙེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙཱ’’ཏི་པི, ‘‘ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཱ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙཱ’’ཏི, སི་ཡཱ ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཱ – ‘‘ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎ’’ནྟི. དྷ་མྨ་དྷཱ་ཏུ སི་ཡཱ ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙ, སི་ཡཱ ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཱ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙཱ’’ཏི་པི, ‘‘ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎ’’ནྟི་པི. སོ་ལ༹་ས དྷཱ་ཏུ་ཡོ ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡཱ. དྭེ དྷཱ་ཏུ་ཡོ སི་ཡཱ ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡཱ, སི་ཡཱ ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡཱ, སི་ཡཱ ན ཝ་ཏྟ་བྦཱ – ‘‘ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡཱ’’ཏི་པི, ‘‘ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡཱ’’ཏི་པི.
ས་ཏྟ་ར་ས དྷཱ་ཏུ་ཡོ ནོ པ་རཱ་མཱ་སཱ. དྷ་མྨ་དྷཱ་ཏུ སི་ཡཱ པ་རཱ་མཱ་སོ, སི་ཡཱ ནོ པ་རཱ་མཱ་སོ. སོ་ལ༹་ས དྷཱ་ཏུ་ཡོ པ་རཱ་མ་ཊྛཱ. དྭེ དྷཱ་ཏུ་ཡོ སི་ཡཱ པ་རཱ་མ་ཊྛཱ, སི་ཡཱ ཨ་པ་རཱ་མ་ཊྛཱ. སོ་ལ༹་ས དྷཱ་ཏུ་ཡོ པ་རཱ་མཱ་ས་ཝི་པྤ་ཡུ་ཏྟཱ. མ་ནོ་ཝི་ཉྙཱ་ཎ་དྷཱ་ཏུ སི་ཡཱ པ་རཱ་མཱ་ས་ས་མྤ་ཡུ་ཏྟཱ, སི་ཡཱ པ་རཱ་མཱ་ས་ཝི་པྤ་ཡུ་ཏྟཱ. དྷ་མྨ་དྷཱ་ཏུ སི་ཡཱ པ་རཱ་མཱ་ས་ས་མྤ་ཡུ་ཏྟཱ, སི་ཡཱ པ་རཱ་མཱ་ས་ཝི་པྤ་ཡུ་ཏྟཱ, སི་ཡཱ ན ཝ་ཏྟ་བྦཱ – ‘‘པ་རཱ་མཱ་ས་ས་མྤ་ཡུ་ཏྟཱ’’ཏི་པི, ‘‘པ་རཱ་མཱ་ས་ཝི་པྤ་ཡུ་ཏྟཱ’’ཏི་པི. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘པ་རཱ་མཱ་སཱ ཙེ་ཝ པ་རཱ་མ་ཊྛཱ ཙཱ་ཏི པ་རཱ་མ་ཊྛཱ ཙེ་ཝ ནོ ཙ པ་རཱ་མཱ་སཱ’’. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘པ་རཱ་མཱ་སོ ཙེ་ཝ པ་རཱ་མ་ཊྛཱ ཙཱ’’ཏི, སི་ཡཱ པ་རཱ་མ་ཊྛཱ ཙེ་ཝ ནོ ཙ པ་རཱ་མཱ་སོ, སི་ཡཱ ན ཝ་ཏྟ་བྦཱ – ‘‘པ་རཱ་མ་ཊྛཱ ཙེ་ཝ ནོ ཙ པ་རཱ་མཱ་སོ’’ཏི. དྷ་མྨ་དྷཱ་ཏུ སི་ཡཱ པ་རཱ་མཱ་སོ ཙེ་ཝ པ་རཱ་མ་ཊྛཱ ཙ, སི་ཡཱ པ་རཱ་མ་ཊྛཱ ཙེ་ཝ ནོ ཙ པ་རཱ་མཱ་སོ, སི་ཡཱ ན ཝ་ཏྟ་བྦཱ – ‘‘པ་རཱ་མཱ་སོ ཙེ་ཝ པ་རཱ་མ་ཊྛཱ ཙཱ’’ཏི་པི, ‘‘པ་རཱ་མ་ཊྛཱ ཙེ་ཝ ནོ ཙ པ་རཱ་མཱ་སོ’’ཏི་པི. སོ་ལ༹་ས དྷཱ་ཏུ་ཡོ པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ. དྭེ དྷཱ་ཏུ་ཡོ སི་ཡཱ པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ, སི་ཡཱ པ་རཱ་མཱ་ས་ཝི་པྤ་ཡུ་ཏྟ་ཨ་པ་རཱ་མ་ཊྛཱ, སི་ཡཱ ན ཝ་ཏྟ་བྦཱ – ‘‘པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ’’ཏི་པི, ‘‘པ་རཱ་མཱ་ས་ཝི་པྤ་ཡུ་ཏྟ་ཨ་པ་རཱ་མ་ཊྛཱ’’ཏི་པི.
ད་ས དྷཱ་ཏུ་ཡོ ཨ་ནཱ་ར་མྨ་ཎཱ. ས་ཏྟ དྷཱ་ཏུ་ཡོ སཱ་ར་མྨ་ཎཱ. དྷ་མྨ་དྷཱ་ཏུ སི་ཡཱ སཱ་ར་མྨ་ཎཱ, སི་ཡཱ ཨ་ནཱ་ར་མྨ་ཎཱ. ས་ཏྟ དྷཱ་ཏུ་ཡོ ཙི་ཏྟཱ. ཨེ་ཀཱ་ད་ས དྷཱ་ཏུ་ཡོ ནོ ཙི་ཏྟཱ. ས་ཏྟ་ར་ས དྷཱ་ཏུ་ཡོ ཨ་ཙེ་ཏ་སི་ཀཱ. དྷ་མྨ་དྷཱ་ཏུ སི་ཡཱ ཙེ་ཏ་སི་ཀཱ, སི་ཡཱ ཨ་ཙེ་ཏ་སི་ཀཱ. ད་ས དྷཱ་ཏུ་ཡོ ཙི་ཏྟ་ཝི་པྤ་ཡུ་ཏྟཱ. དྷ་མྨ་དྷཱ་ཏུ སི་ཡཱ ཙི་ཏྟ་ས་མྤ་ཡུ་ཏྟཱ, སི་ཡཱ ཙི་ཏྟ་ཝི་པྤ་ཡུ་ཏྟཱ. ས་ཏྟ དྷཱ་ཏུ་ཡོ ན ཝ་ཏྟ་བྦཱ – ‘‘ཙི་ཏྟེ་ན ས་མྤ་ཡུ་ཏྟཱ’’ཏི་པི, ‘‘ཙི་ཏྟེ་ན ཝི་པྤ་ཡུ་ཏྟཱ’’ཏི་པི. ད་ས དྷཱ་ཏུ་ཡོ ཙི་ཏྟ་ཝི་སཾ་ས་ཊྛཱ. དྷ་མྨ་དྷཱ་ཏུ སི་ཡཱ ཙི་ཏྟ་སཾ་ས་ཊྛཱ, སི་ཡཱ ཙི་ཏྟ་ཝི་སཾ་ས་ཊྛཱ. ས་ཏྟ དྷཱ་ཏུ་ཡོ ན ཝ་ཏྟ་བྦཱ – ‘‘ཙི་ཏྟེ་ན སཾ་ས་ཊྛཱ’’ཏི་པི, ‘‘ཙི་ཏྟེ་ན ཝི་སཾ་ས་ཊྛཱ’’ཏི་པི.
དྭཱ་ད་ས དྷཱ་ཏུ་ཡོ ནོ ཙི་ཏྟ་ས་མུ་ཊྛཱ་ནཱ. ཚ དྷཱ་ཏུ་ཡོ སི་ཡཱ ཙི་ཏྟ་ས་མུ་ཊྛཱ་ནཱ, སི་ཡཱ ནོ ཙི་ཏྟ་ས་མུ་ཊྛཱ་ནཱ. ས་ཏྟ་ར་ས དྷཱ་ཏུ་ཡོ ནོ ཙི་ཏྟ་ས་ཧ་བྷུ་ནོ. དྷ་མྨ་དྷཱ་ཏུ སི་ཡཱ ཙི་ཏྟ་ས་ཧ་བྷཱུ, སི་ཡཱ ནོ ཙི་ཏྟ་ས་ཧ་བྷཱུ. ས་ཏྟ་ར་ས དྷཱ་ཏུ་ཡོ ནོ ཙི་ཏྟཱ་ནུ་པ་རི་ཝ་ཏྟི་ནོ. དྷ་མྨ་དྷཱ་ཏུ སི་ཡཱ ཙི་ཏྟཱ་ནུ་པ་རི་ཝ་ཏྟཱི, སི་ཡཱ ནོ ཙི་ཏྟཱ་ནུ་པ་རི་ཝ་ཏྟཱི. ས་ཏྟ་ར་ས དྷཱ་ཏུ་ཡོ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ. དྷ་མྨ་དྷཱ་ཏུ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ. ས་ཏྟ་ར་ས དྷཱ་ཏུ་ཡོ ནོ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷུ་ནོ. དྷ་མྨ་དྷཱ་ཏུ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ. ས་ཏྟ་ར་ས དྷཱ་ཏུ་ཡོ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི་ནོ. དྷ་མྨ་དྷཱ་ཏུ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟཱི, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟཱི. དྭཱ་ད་ས དྷཱ་ཏུ་ཡོ ཨ་ཛ྄ཛྷ་ཏྟི་ཀཱ. ཚ དྷཱ་ཏུ་ཡོ བཱ་ཧི་རཱ.
ན་ཝ དྷཱ་ཏུ་ཡོ ཨུ་པཱ་དཱ. ཨ་ཊྛ དྷཱ་ཏུ་ཡོ ནོ ཨུ་པཱ་དཱ. དྷ་མྨ་དྷཱ་ཏུ སི་ཡཱ ཨུ་པཱ་དཱ, སི་ཡཱ ནོ ཨུ་པཱ་དཱ. ད་ས དྷཱ་ཏུ་ཡོ ཨུ་པཱ་དི་ནྣཱ. ས་དྡ་དྷཱ་ཏུ ཨ་ནུ་པཱ་དི་ནྣཱ. ས་ཏྟ་དྷཱ་ཏུ་ཡོ སི་ཡཱ ཨུ་པཱ་དི་ནྣཱ, སི་ཡཱ ཨ་ནུ་པཱ་དི་ནྣཱ. ས་ཏྟ་ར་ས དྷཱ་ཏུ་ཡོ ནོ ཨུ་པཱ་དཱ་ནཱ. དྷ་མྨ་དྷཱ་ཏུ སི་ཡཱ ཨུ་པཱ་དཱ་ནཾ, སི་ཡཱ ནོ ཨུ་པཱ་དཱ་ནཾ. སོ་ལ༹་ས དྷཱ་ཏུ་ཡོ ཨུ་པཱ་དཱ་ནི་ཡཱ. དྭེ དྷཱ་ཏུ་ཡོ སི་ཡཱ ཨུ་པཱ་དཱ་ནི་ཡཱ, སི་ཡཱ ཨ་ནུ་པཱ་དཱ་ནི་ཡཱ. སོ་ལ༹་ས དྷཱ་ཏུ་ཡོ ཨུ་པཱ་དཱ་ན་ཝི་པྤ་ཡུ་ཏྟཱ. དྭེ དྷཱ་ཏུ་ཡོ སི་ཡཱ ཨུ་པཱ་དཱ་ན་ས་མྤ་ཡུ་ཏྟཱ, སི་ཡཱ ཨུ་པཱ་དཱ་ན་ཝི་པྤ་ཡུ་ཏྟཱ. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཨུ་པཱ་དཱ་ནཱ ཙེ་ཝ ཨུ་པཱ་དཱ་ནི་ཡཱ ཙཱ’’ཏི, ‘‘ཨུ་པཱ་དཱ་ནི་ཡཱ ཙེ་ཝ ནོ ཙ ཨུ་པཱ་དཱ་ནཱ’’. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡཱ ཙཱ’’ཏི, སི་ཡཱ ཨུ་པཱ་དཱ་ནི་ཡཱ ཙེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཱ – ‘‘ཨུ་པཱ་དཱ་ནི་ཡཱ ཙེ་ཝ ནོ ཙ ཨུ་པཱ་དཱ་ན’’ནྟི. དྷ་མྨ་དྷཱ་ཏུ སི་ཡཱ ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡཱ ཙ, སི་ཡཱ ཨུ་པཱ་དཱ་ནི་ཡཱ ཙེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཱ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡཱ ཙཱ’’ཏི་པི, ‘‘ཨུ་པཱ་དཱ་ནི་ཡཱ ཙེ་ཝ ནོ ཙ ཨུ་པཱ་དཱ་ན’’ནྟི་པི.
སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཨུ་པཱ་དཱ་ནཱ ཙེ་ཝ ཨུ་པཱ་དཱ་ན་ས་མྤ་ཡུ་ཏྟཱ ཙཱ’’ཏི་པི, ‘‘ཨུ་པཱ་དཱ་ན་ས་མྤ་ཡུ་ཏྟཱ ཙེ་ཝ ནོ ཙ ཨུ་པཱ་དཱ་ནཱ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟཱ ཙཱ’’ཏི, སི་ཡཱ ཨུ་པཱ་དཱ་ན་ས་མྤ་ཡུ་ཏྟཱ ཙེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཱ – ‘‘ཨུ་པཱ་དཱ་ན་ས་མྤ་ཡུ་ཏྟཱ ཙེ་ཝ ནོ ཙ ཨུ་པཱ་དཱ་ན’’ནྟི. དྷ་མྨ་དྷཱ་ཏུ སི་ཡཱ ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟཱ ཙ, སི་ཡཱ ཨུ་པཱ་དཱ་ན་ས་མྤ་ཡུ་ཏྟཱ ཙེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཱ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟཱ ཙཱ’’ཏི་པི, ‘‘ཨུ་པཱ་དཱ་ན་ས་མྤ་ཡུ་ཏྟཱ ཙེ་ཝ ནོ ཙ ཨུ་པཱ་དཱ་ན’’ནྟི་པི. སོ་ལ༹་ས དྷཱ་ཏུ་ཡོ ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡཱ. དྭེ དྷཱ་ཏུ་ཡོ སི་ཡཱ ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡཱ, སི་ཡཱ ཨུ་པཱ་དཱ་ན་ཝི་པྤ་ཡུ་ཏྟ་ཨ་ནུ་པཱ་དཱ་ནི་ཡཱ, སི་ཡཱ ན ཝ་ཏྟ་བྦཱ – ‘‘ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡཱ’’ཏི་པི, ‘‘ཨུ་པཱ་དཱ་ན་ཝི་པྤ་ཡུ་ཏྟ་ཨ་ནུ་པཱ་དཱ་ནི་ཡཱ’’ཏི་པི.
ས་ཏྟ་ར་ས དྷཱ་ཏུ་ཡོ ནོ ཀི་ལེ་སཱ. དྷ་མྨ་དྷཱ་ཏུ སི་ཡཱ ཀི་ལེ་སཱ, སི་ཡཱ ནོ ཀི་ལེ་སཱ. སོ་ལ༹་ས དྷཱ་ཏུ་ཡོ སཾ་ཀི་ལེ་སི་ཀཱ. དྭེ དྷཱ་ཏུ་ཡོ སི་ཡཱ སཾ་ཀི་ལེ་སི་ཀཱ, སི་ཡཱ ཨ་སཾ་ཀི་ལེ་སི་ཀཱ. སོ་ལ༹་ས དྷཱ་ཏུ་ཡོ ཨ་སཾ་ཀི་ལི་ཊྛཱ. དྭེ དྷཱ་ཏུ་ཡོ སི་ཡཱ སཾ་ཀི་ལི་ཊྛཱ, སི་ཡཱ ཨ་སཾ་ཀི་ལི་ཊྛཱ. སོ་ལ༹་ས དྷཱ་ཏུ་ཡོ ཀི་ལེ་ས་ཝི་པྤ་ཡུ་ཏྟཱ. དྭེ དྷཱ་ཏུ་ཡོ སི་ཡཱ ཀི་ལེ་ས་ས་མྤ་ཡུ་ཏྟཱ, སི་ཡཱ ཀི་ལེ་ས་ཝི་པྤ་ཡུ་ཏྟཱ. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ སཾ་ཀི་ལེ་སི་ཀཱ ཙཱ’’ཏི, སཾ་ཀི་ལེ་སི་ཀཱ ཙེ་ཝ ནོ ཙ ཀི་ལེ་སཱ. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཀི་ལེ་སོ ཙེ་ཝ སཾ་ཀི་ལེ་སི་ཀཱ ཙཱ’’ཏི, སི་ཡཱ སཾ་ཀི་ལེ་སི་ཀཱ ཙེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཱ – ‘‘སཾ་ཀི་ལེ་སི་ཀཱ ཙེ་ཝ ནོ ཙ ཀི་ལེ་སོ’’ཏི. དྷ་མྨ་དྷཱ་ཏུ སི་ཡཱ ཀི་ལེ་སོ ཙེ་ཝ སཾ་ཀི་ལེ་སི་ཀཱ ཙ, སི་ཡཱ སཾ་ཀི་ལེ་སི་ཀཱ ཙེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཱ – ‘‘ཀི་ལེ་སོ ཙེ་ཝ སཾ་ཀི་ལེ་སི་ཀཱ ཙཱ’’ཏི་པི, ‘‘སཾ་ཀི་ལེ་སི་ཀཱ ཙེ་ཝ ནོ ཙ ཀི་ལེ་སོ’’ཏི་པི.
སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ སཾ་ཀི་ལི་ཊྛཱ ཙཱ’’ཏི་པི, ‘‘སཾ་ཀི་ལི་ཊྛཱ ཙེ་ཝ ནོ ཙ ཀི་ལེ་སཱ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཀི་ལེ་སོ ཙེ་ཝ སཾ་ཀི་ལི་ཊྛཱ ཙཱ’’ཏི, སི་ཡཱ སཾ་ཀི་ལི་ཊྛཱ ཙེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཱ – ‘‘སཾ་ཀི་ལི་ཊྛཱ ཙེ་ཝ ནོ ཙ ཀི་ལེ་སོ’’ཏི. དྷ་མྨ་དྷཱ་ཏུ སི་ཡཱ ཀི་ལེ་སོ ཙེ་ཝ སཾ་ཀི་ལི་ཊྛཱ ཙ, སི་ཡཱ སཾ་ཀི་ལི་ཊྛཱ ཙེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཱ – ‘‘ཀི་ལེ་སོ ཙེ་ཝ སཾ་ཀི་ལི་ཊྛཱ ཙཱ’’ཏི་པི, ‘‘སཾ་ཀི་ལི་ཊྛཱ ཙེ་ཝ ནོ ཙ ཀི་ལེ་སོ’’ཏི་པི. སོ་ལ༹་ས དྷཱ་ཏུ་ཡོ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ ཀི་ལེ་ས་ས་མྤ་ཡུ་ཏྟཱ ཙཱ’’ཏི་པི, ‘‘ཀི་ལེ་ས་ས་མྤ་ཡུ་ཏྟཱ ཙེ་ཝ ནོ ཙ ཀི་ལེ་སཱ’’ཏི་པི. མ་ནོ་ཝི་ཉྙཱ་ཎ་དྷཱ་ཏུ ན ཝ་ཏྟ་བྦཱ – ‘‘ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟཱ ཙཱ’’ཏི, སི་ཡཱ ཀི་ལེ་ས་ས་མྤ་ཡུ་ཏྟཱ ཙེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཱ – ‘‘ཀི་ལེ་ས་ས་མྤ་ཡུ་ཏྟཱ ཙེ་ཝ ནོ ཙ ཀི་ལེ་སོ’’ཏི. དྷ་མྨ་དྷཱ་ཏུ སི་ཡཱ ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟཱ ཙ, སི་ཡཱ ཀི་ལེ་ས་ས་མྤ་ཡུ་ཏྟཱ ཙེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཱ – ‘‘ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟཱ ཙཱ’’ཏི་པི, ‘‘ཀི་ལེ་ས་ས་མྤ་ཡུ་ཏྟཱ ཙེ་ཝ ནོ ཙ ཀི་ལེ་སོ’’ཏི་པི. སོ་ལ༹་ས དྷཱ་ཏུ་ཡོ ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀཱ. དྭེ དྷཱ་ཏུ་ཡོ སི་ཡཱ ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀཱ, སི་ཡཱ ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀཱ, སི་ཡཱ ན ཝ་ཏྟ་བྦཱ – ‘‘ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀཱ’’ཏི་པི, ‘‘ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀཱ’’ཏི་པི.
སོ་ལ༹་ས དྷཱ་ཏུ་ཡོ ན ད་སྶ་ནེ་ན པ་ཧཱ་ཏ་བྦཱ. དྭེ དྷཱ་ཏུ་ཡོ སི་ཡཱ ད་སྶ་ནེ་ན པ་ཧཱ་ཏ་བྦཱ, སི་ཡཱ ན ད་སྶ་ནེ་ན པ་ཧཱ་ཏ་བྦཱ. སོ་ལ༹་ས དྷཱ་ཏུ་ཡོ ན བྷཱ་ཝ་ནཱ་ཡ པ་ཧཱ་ཏ་བྦཱ. དྭེ དྷཱ་ཏུ་ཡོ སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཱ, སི་ཡཱ ན བྷཱ་ཝ་ནཱ་ཡ པ་ཧཱ་ཏ་བྦཱ. སོ་ལ༹་ས དྷཱ་ཏུ་ཡོ ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. དྭེ དྷཱ་ཏུ་ཡོ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ, སི་ཡཱ ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. སོ་ལ༹་ས དྷཱ་ཏུ་ཡོ ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. དྭེ དྷཱ་ཏུ་ཡོ སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ, སི་ཡཱ ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ.
པ་ནྣ་ར་ས དྷཱ་ཏུ་ཡོ ཨ་ཝི་ཏ་ཀྐཱ. མ་ནོ་དྷཱ་ཏུ ས་ཝི་ཏ་ཀྐཱ. དྭེ དྷཱ་ཏུ་ཡོ སི་ཡཱ ས་ཝི་ཏ་ཀྐཱ, སི་ཡཱ ཨ་ཝི་ཏ་ཀྐཱ. པ་ནྣ་ར་ས དྷཱ་ཏུ་ཡོ ཨ་ཝི་ཙཱ་རཱ. མ་ནོ་དྷཱ་ཏུ ས་ཝི་ཙཱ་རཱ. དྭེ དྷཱ་ཏུ་ཡོ སི་ཡཱ ས་ཝི་ཙཱ་རཱ, སི་ཡཱ ཨ་ཝི་ཙཱ་རཱ. སོ་ལ༹་ས དྷཱ་ཏུ་ཡོ ཨ་པྤཱི་ཏི་ཀཱ. དྭེ དྷཱ་ཏུ་ཡོ སི་ཡཱ ས་པྤཱི་ཏི་ཀཱ, སི་ཡཱ ཨ་པྤཱི་ཏི་ཀཱ. སོ་ལ༹་ས དྷཱ་ཏུ་ཡོ ན པཱི་ཏི་ས་ཧ་ག་ཏཱ. དྭེ དྷཱ་ཏུ་ཡོ སི་ཡཱ པཱི་ཏི་ས་ཧ་ག་ཏཱ, སི་ཡཱ ན པཱི་ཏི་ས་ཧ་ག་ཏཱ. པ་ནྣ་ར་ས དྷཱ་ཏུ་ཡོ ན སུ་ཁ་ས་ཧ་ག་ཏཱ. ཏི་སྶོ དྷཱ་ཏུ་ཡོ སི་ཡཱ སུ་ཁ་ས་ཧ་ག་ཏཱ, སི་ཡཱ ན སུ་ཁ་ས་ཧ་ག་ཏཱ. ཨེ་ཀཱ་ད་ས དྷཱ་ཏུ་ཡོ ན ཨུ་པེ་ཀྑཱ་ས་ཧ་ག་ཏཱ. པ་ཉྩ དྷཱ་ཏུ་ཡོ ཨུ་པེ་ཀྑཱ་ས་ཧ་ག་ཏཱ. དྭེ དྷཱ་ཏུ་ཡོ སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཨུ་པེ་ཀྑཱ་ས་ཧ་ག་ཏཱ.
སོ་ལ༹་ས དྷཱ་ཏུ་ཡོ ཀཱ་མཱ་ཝ་ཙ་རཱ. དྭེ དྷཱ་ཏུ་ཡོ སི་ཡཱ ཀཱ་མཱ་ཝ་ཙ་རཱ, སི་ཡཱ ན ཀཱ་མཱ་ཝ་ཙ་རཱ. སོ་ལ༹་ས དྷཱ་ཏུ་ཡོ ན རཱུ་པཱ་ཝ་ཙ་རཱ. དྭེ དྷཱ་ཏུ་ཡོ སི་ཡཱ རཱུ་པཱ་ཝ་ཙ་རཱ, སི་ཡཱ ན རཱུ་པཱ་ཝ་ཙ་རཱ. སོ་ལ༹་ས དྷཱ་ཏུ་ཡོ ན ཨ་རཱུ་པཱ་ཝ་ཙ་རཱ. དྭེ དྷཱ་ཏུ་ཡོ སི་ཡཱ ཨ་རཱུ་པཱ་ཝ་ཙ་རཱ, སི་ཡཱ ན ཨ་རཱུ་པཱ་ཝ་ཙ་རཱ. སོ་ལ༹་ས དྷཱ་ཏུ་ཡོ པ་རི་ཡཱ་པ་ནྣཱ. དྭེ དྷཱ་ཏུ་ཡོ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ. སོ་ལ༹་ས དྷཱ་ཏུ་ཡོ ཨ་ནི་ཡྻཱ་ནི་ཀཱ. དྭེ དྷཱ་ཏུ་ཡོ སི་ཡཱ ནི་ཡྻཱ་ནི་ཀཱ, སི་ཡཱ ཨ་ནི་ཡྻཱ་ནི་ཀཱ. སོ་ལ༹་ས དྷཱ་ཏུ་ཡོ ཨ་ནི་ཡ་ཏཱ. དྭེ དྷཱ་ཏུ་ཡོ སི་ཡཱ ནི་ཡ་ཏཱ, སི་ཡཱ ཨ་ནི་ཡ་ཏཱ. སོ་ལ༹་ས དྷཱ་ཏུ་ཡོ ས་ཨུ་ཏྟ་རཱ. དྭེ དྷཱ་ཏུ་ཡོ སི་ཡཱ ས་ཨུ་ཏྟ་རཱ, སི་ཡཱ ཨ་ནུ་ཏྟ་རཱ. སོ་ལ༹་ས དྷཱ་ཏུ་ཡོ ཨ་ར་ཎཱ. དྭེ དྷཱ་ཏུ་ཡོ སི་ཡཱ ས་ར་ཎཱ, སི་ཡཱ ཨ་ར་ཎཱ་ཏི.
པ་ཉྷཱ་པུ་ཙྪ་ཀཾ.
དྷཱ་ཏུ་ཝི་བྷ་ངྒོ ནི་ཊྛི་ཏོ.