༢. ཨཱ་ཡ་ཏ་ན་ཝི་བྷ་ངྒོ
༡. སུ་ཏྟ་ནྟ་བྷཱ་ཛ་ནཱི་ཡཾ
༡༥༤. དྭཱ་ད་སཱ་ཡ་ཏ་ནཱ་ནི – ཙ་ཀྑཱ་ཡ་ཏ་ནཾ, རཱུ་པཱ་ཡ་ཏ་ནཾ, སོ་ཏཱ་ཡ་ཏ་ནཾ, ས་དྡཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ག་ནྡྷཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ར་སཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, ཕོ་ཊྛ་བྦཱ་ཡ་ཏ་ནཾ, མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ.
ཙ་ཀྑུཾ ཨ་ནི་ཙྩཾ དུ་ཀྑཾ ཨ་ན་ཏྟཱ ཝི་པ་རི་ཎཱ་མ་དྷ་མྨཾ. རཱུ་པཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཝི་པ་རི་ཎཱ་མ་དྷ་མྨཱ. སོ་ཏཾ ཨ་ནི་ཙྩཾ དུ་ཀྑཾ ཨ་ན་ཏྟཱ ཝི་པ་རི་ཎཱ་མ་དྷ་མྨཾ. ས་དྡཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཝི་པ་རི་ཎཱ་མ་དྷ་མྨཱ. གྷཱ་ནཾ ཨ་ནི་ཙྩཾ དུ་ཀྑཾ ཨ་ན་ཏྟཱ ཝི་པ་རི་ཎཱ་མ་དྷ་མྨཾ. ག་ནྡྷཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཝི་པ་རི་ཎཱ་མ་དྷ་མྨཱ. ཛི་ཝ྄ཧཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཝི་པ་རི་ཎཱ་མ་དྷ་མྨཱ. ར་སཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཝི་པ་རི་ཎཱ་མ་དྷ་མྨཱ. ཀཱ་ཡོ ཨ་ནི་ཙྩོ དུ་ཀྑོ ཨ་ན་ཏྟཱ ཝི་པ་རི་ཎཱ་མ་དྷ་མྨོ. ཕོ་ཊྛ་བྦཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཝི་པ་རི་ཎཱ་མ་དྷ་མྨཱ. མ་ནོ ཨ་ནི་ཙྩོ དུ་ཀྑོ ཨ་ན་ཏྟཱ ཝི་པ་རི་ཎཱ་མ་དྷ་མྨོ. དྷ་མྨཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཝི་པ་རི་ཎཱ་མ་དྷ་མྨཱ.
སུ་ཏྟ་ནྟ་བྷཱ་ཛ་ནཱི་ཡཾ.
༢. ཨ་བྷི་དྷ་མྨ་བྷཱ་ཛ་ནཱི་ཡཾ
༡༥༥. དྭཱ་ད་སཱ་ཡ་ཏ་ནཱ་ནི – ཙ་ཀྑཱ་ཡ་ཏ་ནཾ, སོ་ཏཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, མ་ནཱ་ཡ་ཏ་ནཾ, རཱུ་པཱ་ཡ་ཏ་ནཾ, ས་དྡཱ་ཡ་ཏ་ནཾ, ག་ནྡྷཱ་ཡ་ཏ་ནཾ, ར་སཱ་ཡ་ཏ་ནཾ, ཕོ་ཊྛ་བྦཱ་ཡ་ཏ་ནཾ, དྷ་མྨཱ་ཡ་ཏ་ནཾ.
༡༥༦. ཏ་ཏྠ ཀ་ཏ་མཾ ཙ་ཀྑཱ་ཡ་ཏ་ནཾ? ཡཾ ཙ་ཀྑུ [ཙ་ཀྑུཾ (སཱི. སྱཱ. ཀ.) དྷ. ས. ༥༩༦-༥༩༩] ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ ཨ་ཏྟ་བྷཱ་ཝ་པ་རི་ཡཱ་པ་ནྣོ ཨ་ནི་ད་སྶ་ནོ ས་པྤ་ཊི་གྷོ, ཡེ་ན ཙ་ཀྑུ་ནཱ ཨ་ནི་ད་སྶ་ནེ་ན ས་པྤ་ཊི་གྷེ་ན རཱུ་པཾ ས་ནི་ད་སྶ་ནཾ ས་པྤ་ཊི་གྷཾ པ་སྶི ཝཱ པ་སྶ་ཏི ཝཱ པ་སྶི་སྶ་ཏི ཝཱ པ་སྶེ ཝཱ, ཙ་ཀྑུ་མྤེ་ཏཾ ཙ་ཀྑཱ་ཡ་ཏ་ན་མྤེ་ཏཾ ཙ་ཀྑུ་དྷཱ་ཏུ་པེ་སཱ ཙ་ཀྑུ་ནྡྲི་ཡ་མྤེ་ཏཾ ལོ་ཀོ་པེ་སོ དྭཱ་རཱ་པེ་སཱ ས་མུ་དྡོ་པེ་སོ པ་ཎྜ་ར་མྤེ་ཏཾ ཁེ་ཏྟ་མྤེ་ཏཾ ཝ་ཏྠུ་མྤེ་ཏཾ ནེ་ཏྟ་མྤེ་ཏཾ ན་ཡ་ན་མྤེ་ཏཾ ཨོ་རི་མཾ ཏཱི་ར་མྤེ་ཏཾ སུ་ཉྙོ གཱ་མོ་པེ་སོ. ཨི་དཾ ཝུ་ཙྩ་ཏི ‘‘ཙ་ཀྑཱ་ཡ་ཏ་ནཾ’’.
༡༥༧. ཏ་ཏྠ ཀ་ཏ་མཾ སོ་ཏཱ་ཡ་ཏ་ནཾ? ཡཾ སོ་ཏཾ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ ཨ་ཏྟ་བྷཱ་ཝ་པ་རི་ཡཱ་པ་ནྣོ ཨ་ནི་ད་སྶ་ནོ ས་པྤ་ཊི་གྷོ, ཡེ་ན སོ་ཏེ་ན ཨ་ནི་ད་སྶ་ནེ་ན ས་པྤ་ཊི་གྷེ་ན ས་དྡཾ ཨ་ནི་ད་སྶ་ནཾ ས་པྤ་ཊི་གྷཾ སུ་ཎི ཝཱ སུ་ཎཱ་ཏི ཝཱ སུ་ཎི་སྶ་ཏི ཝཱ སུ་ཎེ ཝཱ, སོ་ཏ་མྤེ་ཏཾ སོ་ཏཱ་ཡ་ཏ་ན་མྤེ་ཏཾ སོ་ཏ་དྷཱ་ཏུ་པེ་སཱ སོ་ཏི་ནྡྲི་ཡ་མྤེ་ཏཾ ལོ་ཀོ་པེ་སོ དྭཱ་རཱ་པེ་སཱ ས་མུ་དྡོ་པེ་སོ པ་ཎྜ་ར་མྤེ་ཏཾ ཁེ་ཏྟ་མྤེ་ཏཾ ཝ་ཏྠུ་མྤེ་ཏཾ ཨོ་རི་མཾ ཏཱི་ར་མྤེ་ཏཾ སུ་ཉྙོ གཱ་མོ་པེ་སོ. ཨི་དཾ ཝུ་ཙྩ་ཏི ‘‘སོ་ཏཱ་ཡ་ཏ་ནཾ’’.
༡༥༨. ཏ་ཏྠ ཀ་ཏ་མཾ གྷཱ་ནཱ་ཡ་ཏ་ནཾ? ཡཾ གྷཱ་ནཾ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ ཨ་ཏྟ་བྷཱ་ཝ་པ་རི་ཡཱ་པ་ནྣོ ཨ་ནི་ད་སྶ་ནོ ས་པྤ་ཊི་གྷོ, ཡེ་ན གྷཱ་ནེ་ན ཨ་ནི་ད་སྶ་ནེ་ན ས་པྤ་ཊི་གྷེ་ན ག་ནྡྷཾ ཨ་ནི་ད་སྶ་ནཾ ས་པྤ་ཊི་གྷཾ གྷཱ་ཡི ཝཱ གྷཱ་ཡ་ཏི ཝཱ གྷཱ་ཡི་སྶ་ཏི ཝཱ གྷཱ་ཡེ ཝཱ, གྷཱ་ན་མྤེ་ཏཾ གྷཱ་ནཱ་ཡ་ཏ་ན་མྤེ་ཏཾ གྷཱ་ན་དྷཱ་ཏུ་པེ་སཱ གྷཱ་ནི་ནྡྲི་ཡ་མྤེ་ཏཾ ལོ་ཀོ་པེ་སོ དྭཱ་རཱ་པེ་སཱ ས་མུ་དྡོ་པེ་སོ པ་ཎྜ་ར་མྤེ་ཏཾ ཁེ་ཏྟ་མྤེ་ཏཾ ཝ་ཏྠུ་མྤེ་ཏཾ ཨོ་རི་མཾ ཏཱི་ར་མྤེ་ཏཾ སུ་ཉྙོ གཱ་མོ་པེ་སོ. ཨི་དཾ ཝུ་ཙྩ་ཏི ‘‘གྷཱ་ནཱ་ཡ་ཏ་ནཾ’’.
༡༥༩. ཏ་ཏྠ ཀ་ཏ་མཾ ཛི་ཝ྄ཧཱ་ཡ་ཏ་ནཾ? ཡཱ ཛི་ཝ྄ཧཱ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ ཨ་ཏྟ་བྷཱ་ཝ་པ་རི་ཡཱ་པ་ནྣོ ཨ་ནི་ད་སྶ་ནོ ས་པྤ་ཊི་གྷོ, ཡཱ་ཡ ཛི་ཝ྄ཧཱ་ཡ ཨ་ནི་ད་སྶ་ནཱ་ཡ ས་པྤ་ཊི་གྷཱ་ཡ ར་སཾ ཨ་ནི་ད་སྶ་ནཾ ས་པྤ་ཊི་གྷཾ སཱ་ཡི ཝཱ སཱ་ཡ་ཏི ཝཱ སཱ་ཡི་སྶ་ཏི ཝཱ སཱ་ཡེ ཝཱ, ཛི་ཝ྄ཧཱ་པེ་སཱ ཛི་ཝ྄ཧཱ་ཡ་ཏ་ན་མྤེ་ཏཾ ཛི་ཝ྄ཧཱ་དྷཱ་ཏུ་པེ་སཱ ཛཱི་ཝ྄ཧི་ནྡྲི་ཡ་མྤེ་ཏཾ ལོ་ཀོ་པེ་སོ དྭཱ་རཱ་པེ་སཱ ས་མུ་དྡོ་པེ་སོ པ་ཎྜ་ར་མྤེ་ཏཾ ཁེ་ཏྟ་མྤེ་ཏཾ ཝ་ཏྠུ་མྤེ་ཏཾ ཨོ་རི་མཾ ཏཱི་ར་མྤེ་ཏཾ སུ་ཉྙོ གཱ་མོ་པེ་སོ. ཨི་དཾ ཝུ་ཙྩ་ཏི ‘‘ཛི་ཝ྄ཧཱ་ཡ་ཏ་ནཾ’’.
༡༦༠. ཏ་ཏྠ ཀ་ཏ་མཾ ཀཱ་ཡཱ་ཡ་ཏ་ནཾ? ཡོ ཀཱ་ཡོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ ཨ་ཏྟ་བྷཱ་ཝ་པ་རི་ཡཱ་པ་ནྣོ ཨ་ནི་ད་སྶ་ནོ ས་པྤ་ཊི་གྷོ, ཡེ་ན ཀཱ་ཡེ་ན ཨ་ནི་ད་སྶ་ནེ་ན ས་པྤ་ཊི་གྷེ་ན ཕོ་ཊྛ་བྦཾ ཨ་ནི་ད་སྶ་ནཾ ས་པྤ་ཊི་གྷཾ ཕུ་སི ཝཱ ཕུ་ས་ཏི ཝཱ ཕུ་སི་སྶ་ཏི ཝཱ ཕུ་སེ ཝཱ, ཀཱ་ཡོ་པེ་སོ ཀཱ་ཡཱ་ཡ་ཏ་ན་མྤེ་ཏཾ ཀཱ་ཡ་དྷཱ་ཏུ་པེ་སཱ ཀཱ་ཡི་ནྡྲི་ཡ་མྤེ་ཏཾ ལོ་ཀོ་པེ་སོ དྭཱ་རཱ་པེ་སཱ ས་མུ་དྡོ་པེ་སོ པ་ཎྜ་ར་མྤེ་ཏཾ ཁེ་ཏྟ་མྤེ་ཏཾ ཝ་ཏྠུ་མྤེ་ཏཾ ཨོ་རི་མཾ ཏཱི་ར་མྤེ་ཏཾ སུ་ཉྙོ གཱ་མོ་པེ་སོ. ཨི་དཾ ཝུ་ཙྩ་ཏི ‘‘ཀཱ་ཡཱ་ཡ་ཏ་ནཾ’’.
༡༦༡. ཏ་ཏྠ ཀ་ཏ་མཾ མ་ནཱ་ཡ་ཏ་ནཾ? ཨེ་ཀ་ཝི་དྷེ་ན མ་ནཱ་ཡ་ཏ་ནཾ – ཕ་སྶ་ས་མྤ་ཡུ་ཏྟཾ.
དུ་ཝི་དྷེ་ན མ་ནཱ་ཡ་ཏ་ནཾ – ཨ་ཏྠི ས་ཧེ་ཏུ་ཀཾ, ཨ་ཏྠི ཨ་ཧེ་ཏུ་ཀཾ.
ཏི་ཝི་དྷེ་ན མ་ནཱ་ཡ་ཏ་ནཾ – ཨ་ཏྠི ཀུ་ས་ལཾ, ཨ་ཏྠི ཨ་ཀུ་ས་ལཾ, ཨ་ཏྠི ཨ་བྱཱ་ཀ་ཏཾ.
ཙ་ཏུ་བྦི་དྷེ་ན མ་ནཱ་ཡ་ཏ་ནཾ – ཨ་ཏྠི ཀཱ་མཱ་ཝ་ཙ་རཾ, ཨ་ཏྠི རཱུ་པཱ་ཝ་ཙ་རཾ, ཨ་ཏྠི ཨ་རཱུ་པཱ་ཝ་ཙ་རཾ, ཨ་ཏྠི ཨ་པ་རི་ཡཱ་པ་ནྣཾ.
པ་ཉྩ་ཝི་དྷེ་ན མ་ནཱ་ཡ་ཏ་ནཾ – ཨ་ཏྠི སུ་ཁི་ནྡྲི་ཡ་ས་མྤ་ཡུ་ཏྟཾ, ཨ་ཏྠི དུ་ཀྑི་ནྡྲི་ཡ་ས་མྤ་ཡུ་ཏྟཾ, ཨ་ཏྠི སོ་མ་ན་སྶི་ནྡྲི་ཡ་ས་མྤ་ཡུ་ཏྟཾ, ཨ་ཏྠི དོ་མ་ན་སྶི་ནྡྲི་ཡ་ས་མྤ་ཡུ་ཏྟཾ, ཨ་ཏྠི ཨུ་པེ་ཀྑི་ནྡྲི་ཡ་ས་མྤ་ཡུ་ཏྟཾ.
ཚ་བྦི་དྷེ་ན མ་ནཱ་ཡ་ཏ་ནཾ – ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, གྷཱ་ན་ཝི་ཉྙཱ་ཎཾ, ཛི་ཝ྄ཧཱ་ཝི་ཉྙཱ་ཎཾ, ཀཱ་ཡ་ཝི་ཉྙཱ་ཎཾ, མ་ནོ་ཝི་ཉྙཱ་ཎཾ. ཨེ་ཝཾ ཚ་བྦི་དྷེ་ན མ་ནཱ་ཡ་ཏ་ནཾ.
ས་ཏྟ་ཝི་དྷེ་ན མ་ནཱ་ཡ་ཏ་ནཾ – ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, གྷཱ་ན་ཝི་ཉྙཱ་ཎཾ, ཛི་ཝ྄ཧཱ་ཝི་ཉྙཱ་ཎཾ, ཀཱ་ཡ་ཝི་ཉྙཱ་ཎཾ, མ་ནོ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ. ཨེ་ཝཾ ས་ཏྟ་ཝི་དྷེ་ན མ་ནཱ་ཡ་ཏ་ནཾ.
ཨ་ཊྛ་ཝི་དྷེ་ན མ་ནཱ་ཡ་ཏ་ནཾ – ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, གྷཱ་ན་ཝི་ཉྙཱ་ཎཾ, ཛི་ཝ྄ཧཱ་ཝི་ཉྙཱ་ཎཾ, ཀཱ་ཡ་ཝི་ཉྙཱ་ཎཾ ཨ་ཏྠི སུ་ཁ་ས་ཧ་ག་ཏཾ, ཨ་ཏྠི དུ་ཀྑ་ས་ཧ་ག་ཏཾ, མ་ནོ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ. ཨེ་ཝཾ ཨ་ཊྛ་ཝི་དྷེ་ན མ་ནཱ་ཡ་ཏ་ནཾ.
ན་ཝ་ཝི་དྷེ་ན མ་ནཱ་ཡ་ཏ་ནཾ – ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, གྷཱ་ན་ཝི་ཉྙཱ་ཎཾ, ཛི་ཝ྄ཧཱ་ཝི་ཉྙཱ་ཎཾ, ཀཱ་ཡ་ཝི་ཉྙཱ་ཎཾ, མ་ནོ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ ཨ་ཏྠི ཀུ་ས་ལཾ, ཨ་ཏྠི ཨ་ཀུ་ས་ལཾ, ཨ་ཏྠི ཨ་བྱཱ་ཀ་ཏཾ. ཨེ་ཝཾ ན་ཝ་ཝི་དྷེ་ན མ་ནཱ་ཡ་ཏ་ནཾ.
ད་ས་ཝི་དྷེ་ན མ་ནཱ་ཡ་ཏ་ནཾ – ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, གྷཱ་ན་ཝི་ཉྙཱ་ཎཾ, ཛི་ཝ྄ཧཱ་ཝི་ཉྙཱ་ཎཾ, ཀཱ་ཡ་ཝི་ཉྙཱ་ཎཾ ཨ་ཏྠི སུ་ཁ་ས་ཧ་ག་ཏཾ, ཨ་ཏྠི དུ་ཀྑ་ས་ཧ་ག་ཏཾ, མ་ནོ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ ཨ་ཏྠི ཀུ་ས་ལཾ, ཨ་ཏྠི ཨ་ཀུ་ས་ལཾ, ཨ་ཏྠི ཨ་བྱཱ་ཀ་ཏཾ. ཨེ་ཝཾ ད་ས་ཝི་དྷེ་ན མ་ནཱ་ཡ་ཏ་ནཾ.
ཨེ་ཀ་ཝི་དྷེ་ན མ་ནཱ་ཡ་ཏ་ནཾ – ཕ་སྶ་ས་མྤ་ཡུ་ཏྟཾ.
དུ་ཝི་དྷེ་ན མ་ནཱ་ཡ་ཏ་ནཾ – ཨ་ཏྠི ས་ཧེ་ཏུ་ཀཾ, ཨ་ཏྠི ཨ་ཧེ་ཏུ་ཀཾ.
ཏི་ཝི་དྷེ་ན མ་ནཱ་ཡ་ཏ་ནཾ – ཨ་ཏྠི སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, ཨ་ཏྠི དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, ཨ་ཏྠི ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ…པེ…. ཨེ་ཝཾ བ་ཧུ་ཝི་དྷེ་ན མ་ནཱ་ཡ་ཏ་ནཾ. ཨི་དཾ ཝུ་ཙྩ་ཏི ‘‘མ་ནཱ་ཡ་ཏ་ནཾ’’.
༡༦༢. ཏ་ཏྠ ཀ་ཏ་མཾ རཱུ་པཱ་ཡ་ཏ་ནཾ? ཡཾ རཱུ་པཾ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཝ་ཎྞ་ནི་བྷཱ ས་ནི་ད་སྶ་ནཾ ས་པྤ་ཊི་གྷཾ ནཱི་ལཾ པཱི་ཏ་ཀཾ ལོ་ཧི་ཏ་ཀཾ [པཱི་ཏཾ ལོ་ཧི་ཏཾ (སཱི.)] ཨོ་དཱ་ཏཾ ཀཱ་ལ༹་ཀཾ མ་ཉྫི་ཊྛ་ཀཾ [མ་ཉྫེ་ཊྛ་ཀཾ (སཱི. སྱཱ.)] ཧ་རི ཧ་རི་ཝ་ཎྞཾ ཨ་མྦ་ངྐུ་ར་ཝ་ཎྞཾ དཱི་གྷཾ ར་སྶཾ ཨ་ཎུཾ ཐཱུ་ལཾ ཝ་ཊྚཾ པ་རི་མ་ཎྜ་ལཾ ཙ་ཏུ་ར་སྶཾ ཚ་ལ༹ཾ་སཾ ཨ་ཊྛཾ་སཾ སོ་ལ༹་སཾ་སཾ ནི་ནྣཾ ཐ་ལཾ ཚཱ་ཡཱ ཨཱ་ཏ་པོ ཨཱ་ལོ་ཀོ ཨ་ནྡྷ་ཀཱ་རོ ཨ་བྦྷཱ མ་ཧི་ཀཱ དྷཱུ་མོ ར་ཛོ ཙ་ནྡ་མ་ཎྜ་ལ་སྶ ཝ་ཎྞ་ནི་བྷཱ སཱུ་རི་ཡ་མ་ཎྜ་ལ་སྶ [སུ་རི་ཡ་མ་ཎྜ་ལ་སྶ (སཱི. སྱཱ. ཀཾ.)] ཝ་ཎྞ་ནི་བྷཱ ཏཱ་ར་ཀ་རཱུ་པཱ་ནཾ ཝ་ཎྞ་ནི་བྷཱ ཨཱ་དཱ་ས་མ་ཎྜ་ལ་སྶ ཝ་ཎྞ་ནི་བྷཱ མ་ཎི་ས་ངྑ་མུ་ཏྟ་ཝེ་ལུ༹་རི་ཡ་སྶ ཝ་ཎྞ་ནི་བྷཱ ཛཱ་ཏ་རཱུ་པ་ར་ཛ་ཏ་སྶ ཝ་ཎྞ་ནི་བྷཱ, ཡཾ ཝཱ པ་ན་ཉྙ་མྤི ཨ་ཏྠི རཱུ་པཾ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཝ་ཎྞ་ནི་བྷཱ ས་ནི་ད་སྶ་ནཾ ས་པྤ་ཊི་གྷཾ, ཡཾ རཱུ་པཾ ས་ནི་ད་སྶ་ནཾ ས་པྤ་ཊི་གྷཾ ཙ་ཀྑུ་ནཱ ཨ་ནི་ད་སྶ་ནེ་ན ས་པྤ་ཊི་གྷེ་ན པ་སྶི ཝཱ པ་སྶ་ཏི ཝཱ པ་སྶི་སྶ་ཏི ཝཱ པ་སྶེ ཝཱ, རཱུ་པ་མྤེ་ཏཾ རཱུ་པཱ་ཡ་ཏ་ན་མྤེ་ཏཾ རཱུ་པ་དྷཱ་ཏུ་པེ་སཱ. ཨི་དཾ ཝུ་ཙྩ་ཏི ‘‘རཱུ་པཱ་ཡ་ཏ་ནཾ’’.
༡༦༣. ཏ་ཏྠ ཀ་ཏ་མཾ ས་དྡཱ་ཡ་ཏ་ནཾ? ཡོ ས་དྡོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ བྷེ་རི་ས་དྡོ མུ་དི་ངྒ་ས་དྡོ [མུ་ཏི་ངྒ་ས་དྡྷོ (སཱི.)] ས་ངྑ་ས་དྡོ པ་ཎ་ཝ་ས་དྡོ གཱི་ཏ་ས་དྡོ ཝཱ་དི་ཏ་ས་དྡོ ས་མྨ་ས་དྡོ པཱ་ཎི་ས་དྡོ ས་ཏྟཱ་ནཾ ནི་གྒྷོ་ས་ས་དྡོ དྷཱ་ཏཱུ་ནཾ ས་ནྣི་གྷཱ་ཏ་ས་དྡོ ཝཱ་ཏ་ས་དྡོ ཨུ་ད་ཀ་ས་དྡོ མ་ནུ་སྶ་ས་དྡོ ཨ་མ་ནུ་སྶ་ས་དྡོ, ཡོ ཝཱ པ་ན་ཉྙོ་པི ཨ་ཏྠི ས་དྡོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ, ཡཾ ས་དྡཾ ཨ་ནི་ད་སྶ་ནཾ ས་པྤ་ཊི་གྷཾ སོ་ཏེ་ན ཨ་ནི་ད་སྶ་ནེ་ན ས་པྤ་ཊི་གྷེ་ན སུ་ཎི ཝཱ སུ་ཎཱ་ཏི ཝཱ སུ་ཎི་སྶ་ཏི ཝཱ སུ་ཎེ ཝཱ, ས་དྡོ་པེ་སོ ས་དྡཱ་ཡ་ཏ་ན་མྤེ་ཏཾ ས་དྡ་དྷཱ་ཏུ་པེ་སཱ. ཨི་དཾ ཝུ་ཙྩ་ཏི ‘‘ས་དྡཱ་ཡ་ཏ་ནཾ’’.
༡༦༤. ཏ་ཏྠ ཀ་ཏ་མཾ ག་ནྡྷཱ་ཡ་ཏ་ནཾ? ཡོ ག་ནྡྷོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ མཱུ་ལ་ག་ནྡྷོ སཱ་ར་ག་ནྡྷོ ཏ་ཙ་ག་ནྡྷོ པ་ཏྟ་ག་ནྡྷོ པུ་པྥ་ག་ནྡྷོ ཕ་ལ་ག་ནྡྷོ ཨཱ་མ་ག་ནྡྷོ ཝི་སྶ་ག་ནྡྷོ སུ་ག་ནྡྷོ དུ་གྒ་ནྡྷོ, ཡོ ཝཱ པ་ན་ཉྙོ་པི ཨ་ཏྠི ག་ནྡྷོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ, ཡཾ ག་ནྡྷཾ ཨ་ནི་ད་སྶ་ནཾ ས་པྤ་ཊི་གྷཾ གྷཱ་ནེ་ན ཨ་ནི་ད་སྶ་ནེ་ན ས་པྤ་ཊི་གྷེ་ན གྷཱ་ཡི ཝཱ གྷཱ་ཡ་ཏི ཝཱ གྷཱ་ཡི་སྶ་ཏི ཝཱ གྷཱ་ཡེ ཝཱ, ག་ནྡྷོ་པེ་སོ ག་ནྡྷཱ་ཡ་ཏ་ན་མྤེ་ཏཾ ག་ནྡྷ་དྷཱ་ཏུ་པེ་སཱ. ཨི་དཾ ཝུ་ཙྩ་ཏི ‘‘ག་ནྡྷཱ་ཡ་ཏ་ནཾ’’.
༡༦༥. ཏ་ཏྠ ཀ་ཏ་མཾ ར་སཱ་ཡ་ཏ་ནཾ? ཡོ ར་སོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ མཱུ་ལ་ར་སོ ཁ་ནྡྷ་ར་སོ ཏ་ཙ་ར་སོ པ་ཏྟ་ར་སོ པུ་པྥ་ར་སོ ཕ་ལ་ར་སོ ཨ་མྦི་ལཾ མ་དྷུ་རཾ ཏི་ཏྟ་ཀཾ ཀ་ཊུ་ཀཾ ལོ་ཎི་ཀཾ [ལ་པི་ལ་ཀཾ (སཱི.), ལ་མྤི་ཀཾ (ཀ. སཱི.)] ཁཱ་རི་ཀཾ ལ་མྦི་ཀཾ ཀ་སཱ་ཝོ སཱ་དུ ཨ་སཱ་དུ, ཡོ ཝཱ པ་ན་ཉྙོ་པི ཨ་ཏྠི ར་སོ ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ ཨ་ནི་ད་སྶ་ནོ ས་པྤ་ཊི་གྷོ, ཡཾ ར་སཾ ཨ་ནི་ད་སྶ་ནཾ ས་པྤ་ཊི་གྷཾ ཛི་ཝ྄ཧཱ་ཡ ཨ་ནི་ད་སྶ་ནཱ་ཡ ས་པྤ་ཊི་གྷཱ་ཡ སཱ་ཡི ཝཱ སཱ་ཡ་ཏི ཝཱ སཱ་ཡི་སྶ་ཏི ཝཱ སཱ་ཡེ ཝཱ, ར་སོ་པེ་སོ ར་སཱ་ཡ་ཏ་ན་མྤེ་ཏཾ ར་ས་དྷཱ་ཏུ་པེ་སཱ. ཨི་དཾ ཝུ་ཙྩ་ཏི ‘‘ར་སཱ་ཡ་ཏ་ནཾ’’.
༡༦༦. ཏ་ཏྠ ཀ་ཏ་མཾ ཕོ་ཊྛ་བྦཱ་ཡ་ཏ་ནཾ? པ་ཐ་ཝཱི་དྷཱ་ཏུ ཏེ་ཛོ་དྷཱ་ཏུ ཝཱ་ཡོ་དྷཱ་ཏུ ཀ་ཀྑ་ལ༹ཾ མུ་དུ་ཀཾ ས་ཎྷཾ ཕ་རུ་སཾ སུ་ཁ་ས་མྥ་སྶཾ དུ་ཀྑ་ས་མྥ་སྶཾ ག་རུ་ཀཾ ལ་ཧུ་ཀཾ, ཡཾ ཕོ་ཊྛ་བྦཾ ཨ་ནི་ད་སྶ་ནཾ ས་པྤ་ཊི་གྷཾ ཀཱ་ཡེ་ན ཨ་ནི་ད་སྶ་ནེ་ན ས་པྤ་ཊི་གྷེ་ན ཕུ་སི ཝཱ ཕུ་ས་ཏི ཝཱ ཕུ་སི་སྶ་ཏི ཝཱ ཕུ་སེ ཝཱ, ཕོ་ཊྛ་བྦོ་པེ་སོ ཕོ་ཊྛ་བྦཱ་ཡ་ཏ་ན་མྤེ་ཏཾ ཕོ་ཊྛ་བྦ་དྷཱ་ཏུ་པེ་སཱ. ཨི་དཾ ཝུ་ཙྩ་ཏི ‘‘ཕོ་ཊྛ་བྦཱ་ཡ་ཏ་ནཾ’’.
༡༦༧. ཏ་ཏྠ ཀ་ཏ་མཾ དྷ་མྨཱ་ཡ་ཏ་ནཾ? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཡ་ཉྩ རཱུ་པཾ ཨ་ནི་ད་སྶ་ན་ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ, ཨ་ས་ངྑ་ཏཱ ཙ དྷཱ་ཏུ.
ཏ་ཏྠ ཀ་ཏ་མོ ཝེ་ད་ནཱ་ཀྑ་ནྡྷོ? ཨེ་ཀ་ཝི་དྷེ་ན ཝེ་ད་ནཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ. དུ་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ. ཏི་ཝི་དྷེ་ན ཝེ་ད་ནཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ… ཨེ་ཝཾ ད་ས་ཝི་དྷེ་ན ཝེ་ད་ནཱ་ཀྑ་ནྡྷོ…པེ… ཨེ་ཝཾ བ་ཧུ་ཝི་དྷེ་ན ཝེ་ད་ནཱ་ཀྑ་ནྡྷོ. ཨ་ཡཾ ཝུ་ཙྩ་ཏི ‘‘ཝེ་ད་ནཱ་ཀྑ་ནྡྷོ’’.
ཏ་ཏྠ ཀ་ཏ་མོ ས་ཉྙཱ་ཀྑ་ནྡྷོ? ཨེ་ཀ་ཝི་དྷེ་ན ས་ཉྙཱ་ཀྑ་ནྡྷོ – ཕ་སྶ་ས་མྤ་ཡུ་ཏྟོ. དུ་ཝི་དྷེ་ན ས་ཉྙཱ་ཀྑ་ནྡྷོ – ཨ་ཏྠི ས་ཧེ་ཏུ་ཀོ, ཨ་ཏྠི ཨ་ཧེ་ཏུ་ཀོ. ཏི་ཝི་དྷེ་ན ས་ཉྙཱ་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ… ཨེ་ཝཾ ད་ས་ཝི་དྷེ་ན ས་ཉྙཱ་ཀྑ་ནྡྷོ…པེ… ཨེ་ཝཾ བ་ཧུ་ཝི་དྷེ་ན ས་ཉྙཱ་ཀྑ་ནྡྷོ. ཨ་ཡཾ ཝུ་ཙྩ་ཏི ‘‘ས་ཉྙཱ་ཀྑ་ནྡྷོ’’.
ཏ་ཏྠ ཀ་ཏ་མོ ས་ངྑཱ་ར་ཀྑ་ནྡྷོ? ཨེ་ཀ་ཝི་དྷེ་ན ས་ངྑཱ་ར་ཀྑ་ནྡྷོ – ཙི་ཏྟ་ས་མྤ་ཡུ་ཏྟོ. དུ་ཝི་དྷེ་ན ས་ངྑཱ་ར་ཀྑ་ནྡྷོ – ཨ་ཏྠི ཧེ་ཏུ, ཨ་ཏྠི ན ཧེ་ཏུ. ཏི་ཝི་དྷེ་ན ས་ངྑཱ་ར་ཀྑ་ནྡྷོ – ཨ་ཏྠི ཀུ་ས་ལོ, ཨ་ཏྠི ཨ་ཀུ་ས་ལོ, ཨ་ཏྠི ཨ་བྱཱ་ཀ་ཏོ…པེ… ཨེ་ཝཾ ད་ས་ཝི་དྷེ་ན ས་ངྑཱ་ར་ཀྑ་ནྡྷོ…པེ… ཨེ་ཝཾ བ་ཧུ་ཝི་དྷེ་ན ས་ངྑཱ་ར་ཀྑ་ནྡྷོ. ཨ་ཡཾ ཝུ་ཙྩ་ཏི ‘‘ས་ངྑཱ་ར་ཀྑ་ནྡྷོ’’.
ཏ་ཏྠ ཀ་ཏ་མཾ རཱུ་པཾ ཨ་ནི་ད་སྶ་ན་ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ? ཨི་ཏྠི་ནྡྲི་ཡཾ པུ་རི་སི་ནྡྲི་ཡཾ…པེ… ཀ་བ་ལཱི༹་ཀཱ་རོ ཨཱ་ཧཱ་རོ. ཨི་དཾ ཝུ་ཙྩ་ཏི རཱུ་པཾ ‘‘ཨ་ནི་ད་སྶ་ན་ཨ་པྤ་ཊི་གྷཾ དྷ་མྨཱ་ཡ་ཏ་ན་པ་རི་ཡཱ་པ་ནྣཾ’’.
ཏ་ཏྠ ཀ་ཏ་མཱ ཨ་ས་ངྑ་ཏཱ དྷཱ་ཏུ? རཱ་ག་ཀྑ་ཡོ, དོ་ས་ཀྑ་ཡོ, མོ་ཧ་ཀྑ་ཡོ – ཨ་ཡཾ ཝུ་ཙྩ་ཏི ‘‘ཨ་ས་ངྑ་ཏཱ དྷཱ་ཏུ’’.
ཨི་དཾ ཝུ་ཙྩ་ཏི དྷ་མྨཱ་ཡ་ཏ་ནཾ.
ཨ་བྷི་དྷ་མྨ་བྷཱ་ཛ་ནཱི་ཡཾ.
༣. པ་ཉྷཱ་པུ་ཙྪ་ཀཾ
༡༦༨. དྭཱ་ད་སཱ་ཡ་ཏ་ནཱ་ནི – ཙ་ཀྑཱ་ཡ་ཏ་ནཾ, རཱུ་པཱ་ཡ་ཏ་ནཾ, སོ་ཏཱ་ཡ་ཏ་ནཾ, ས་དྡཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ག་ནྡྷཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ར་སཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, ཕོ་ཊྛ་བྦཱ་ཡ་ཏ་ནཾ, མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ.
༡༦༩. དྭཱ་ད་ས་ནྣཾ ཨཱ་ཡ་ཏ་ནཱ་ནཾ ཀ་ཏི ཀུ་ས་ལཱ, ཀ་ཏི ཨ་ཀུ་ས་ལཱ, ཀ་ཏི ཨ་བྱཱ་ཀ་ཏཱ…པེ… ཀ་ཏི ས་ར་ཎཱ, ཀ་ཏི ཨ་ར་ཎཱ?
༡. ཏི་ཀཾ
༡༧༠. ད་སཱ་ཡ་ཏ་ནཱ ཨ་བྱཱ་ཀ་ཏཱ. དྭཱ་ཡ་ཏ་ནཱ སི་ཡཱ ཀུ་ས་ལཱ, སི་ཡཱ ཨ་ཀུ་ས་ལཱ, སི་ཡཱ ཨ་བྱཱ་ཀ་ཏཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི, ‘‘དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི, ‘‘ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཱ’’ཏི་པི. མ་ནཱ་ཡ་ཏ་ནཾ སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ. དྷ་མྨཱ་ཡ་ཏ་ནཾ སི་ཡཱ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ, སི་ཡཱ ན ཝ་ཏྟ་བྦཾ – ‘‘སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི, ‘‘དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི, ‘‘ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ’’ནྟི་པི. ད་སཱ་ཡ་ཏ་ནཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ. དྭཱ་ཡ་ཏ་ནཱ སི་ཡཱ ཝི་པཱ་ཀཱ, སི་ཡཱ ཝི་པཱ་ཀ་དྷ་མྨ་དྷ་མྨཱ, སི་ཡཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ.
པ་ཉྩཱ་ཡ་ཏ་ནཱ ཨུ་པཱ་དི་ནྣུ་པཱ་དཱ་ནི་ཡཱ. ས་དྡཱ་ཡ་ཏ་ནཾ ཨ་ནུ་པཱ་དི་ནྣུ་པཱ་དཱ་ནི་ཡཾ. ཙ་ཏྟཱ་རོ ཨཱ་ཡ་ཏ་ནཱ སི་ཡཱ ཨུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དཱ་ནི་ཡཱ. དྭཱ་ཡ་ཏ་ནཱ སི་ཡཱ ཨུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣུ་པཱ་དཱ་ནི་ཡཱ, སི་ཡཱ ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡཱ. ད་སཱ་ཡ་ཏ་ནཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ. དྭཱ་ཡ་ཏ་ནཱ སི་ཡཱ སཾ་ཀི་ལི་ཊྛ་སཾ་ཀི་ལེ་སི་ཀཱ, སི་ཡཱ ཨ་སཾ་ཀི་ལི་ཊྛ་སཾ་ཀི་ལེ་སི་ཀཱ, སི་ཡཱ ཨ་སཾ་ཀི་ལི་ཊྛ་ཨ་སཾ་ཀི་ལེ་སི་ཀཱ. ད་སཱ་ཡ་ཏ་ནཱ ཨ་ཝི་ཏ་ཀྐ་ཨ་ཝི་ཙཱ་རཱ. མ་ནཱ་ཡ་ཏ་ནཾ སི་ཡཱ ས་ཝི་ཏ་ཀྐ་ས་ཝི་ཙཱ་རཾ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཾ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཾ. དྷ་མྨཱ་ཡ་ཏ་ནཾ སི་ཡཱ ས་ཝི་ཏ་ཀྐ་ས་ཝི་ཙཱ་རཾ, སི་ཡཱ ཨ་ཝི་ཏ་ཀྐ་ཝི་ཙཱ་ར་མ་ཏྟཾ, སི་ཡཱ ཨ་ཝི་ཏ་ཀྐ་ཨ་ཝི་ཙཱ་རཾ, སི་ཡཱ ན ཝ་ཏྟ་བྦཾ – ‘‘ས་ཝི་ཏ་ཀྐ་ས་ཝི་ཙཱ་ར’’ནྟི་པི, ‘‘ཨ་ཝི་ཏ་ཀྐ་ཝི་ཙཱ་ར་མ་ཏྟ’’ནྟི་པི, ‘‘ཨ་ཝི་ཏ་ཀྐ་ཨ་ཝི་ཙཱ་ར’’ནྟི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘པཱི་ཏི་ས་ཧ་ག་ཏཱ’’ཏི་པི, ‘‘སུ་ཁ་ས་ཧ་ག་ཏཱ’’ཏི་པི, ‘‘ཨུ་པེ་ཀྑཱ་ས་ཧ་ག་ཏཱ’’ཏི་པི. དྭཱ་ཡ་ཏ་ནཱ སི་ཡཱ པཱི་ཏི་ས་ཧ་ག་ཏཱ, སི་ཡཱ སུ་ཁ་ས་ཧ་ག་ཏཱ, སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཝ་ཏྟ་བྦཱ – ‘‘པཱི་ཏི་ས་ཧ་ག་ཏཱ’’ཏི་པི, ‘‘སུ་ཁ་ས་ཧ་ག་ཏཱ’’ཏི་པི, ‘‘ཨུ་པེ་ཀྑཱ་ས་ཧ་ག་ཏཱ’’ཏི་པི.
ད་སཱ་ཡ་ཏ་ནཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. དྭཱ་ཡ་ཏ་ནཱ སི་ཡཱ ད་སྶ་ནེ་ན པ་ཧཱ་ཏ་བྦཱ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཱ, སི་ཡཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦཱ. ད་སཱ་ཡ་ཏ་ནཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. དྭཱ་ཡ་ཏ་ནཱ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ, སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ, སི་ཡཱ ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ད་སཱ་ཡ་ཏ་ནཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ. དྭཱ་ཡ་ཏ་ནཱ སི་ཡཱ ཨཱ་ཙ་ཡ་གཱ་མི་ནོ, སི་ཡཱ ཨ་པ་ཙ་ཡ་གཱ་མི་ནོ, སི་ཡཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནོ. ད་སཱ་ཡ་ཏ་ནཱ ནེ་ཝ་སེ་ཀྑ་ནཱ་སེ་ཀྑཱ. དྭཱ་ཡ་ཏ་ནཱ སི་ཡཱ སེ་ཀྑཱ, སི་ཡཱ ཨ་སེ་ཀྑཱ, སི་ཡཱ ནེ་ཝ་སེ་ཀྑ་ནཱ་སེ་ཀྑཱ. ད་སཱ་ཡ་ཏ་ནཱ པ་རི་ཏྟཱ. དྭཱ་ཡ་ཏ་ནཱ སི་ཡཱ པ་རི་ཏྟཱ, སི་ཡཱ མ་ཧ་གྒ་ཏཱ, སི་ཡཱ ཨ་པྤ་མཱ་ཎཱ. ད་སཱ་ཡ་ཏ་ནཱ ཨ་ནཱ་ར་མྨ་ཎཱ. དྭཱ་ཡ་ཏ་ནཱ སི་ཡཱ པ་རི་ཏྟཱ་ར་མྨ་ཎཱ, སི་ཡཱ མ་ཧ་གྒ་ཏཱ་ར་མྨ་ཎཱ, སི་ཡཱ ཨ་པྤ་མཱ་ཎཱ་ར་མྨ་ཎཱ, སི་ཡཱ ན ཝ་ཏྟ་བྦཱ – ‘‘པ་རི་ཏྟཱ་ར་མྨ་ཎཱ’’ཏི་པི, ‘‘མ་ཧ་གྒ་ཏཱ་ར་མྨ་ཎཱ’’ཏི་པི, ‘‘ཨ་པྤ་མཱ་ཎཱ་ར་མྨ་ཎཱ’’ཏི་པི. ད་སཱ་ཡ་ཏ་ནཱ མ་ཛ྄ཛྷི་མཱ. དྭཱ་ཡ་ཏ་ནཱ སི་ཡཱ ཧཱི་ནཱ, སི་ཡཱ མ་ཛ྄ཛྷི་མཱ, སི་ཡཱ པ་ཎཱི་ཏཱ. ད་སཱ་ཡ་ཏ་ནཱ ཨ་ནི་ཡ་ཏཱ. དྭཱ་ཡ་ཏ་ནཱ སི་ཡཱ མི་ཙྪ་ཏྟ་ནི་ཡ་ཏཱ, སི་ཡཱ ས་མྨ་ཏྟ་ནི་ཡ་ཏཱ, སི་ཡཱ ཨ་ནི་ཡ་ཏཱ.
ད་སཱ་ཡ་ཏ་ནཱ ཨ་ནཱ་ར་མྨ་ཎཱ. དྭཱ་ཡ་ཏ་ནཱ སི་ཡཱ མ་གྒཱ་ར་མྨ་ཎཱ, སི་ཡཱ མ་གྒ་ཧེ་ཏུ་ཀཱ, སི་ཡཱ མ་གྒཱ་དྷི་པ་ཏི་ནོ, སི་ཡཱ ན ཝ་ཏྟ་བྦཱ – ‘‘མ་གྒཱ་ར་མྨ་ཎཱ’’ཏི་པི, ‘‘མ་གྒ་ཧེ་ཏུ་ཀཱ’’ཏི་པི, ‘‘མ་གྒཱ་དྷི་པ་ཏི་ནོ’’ཏི་པི. པ་ཉྩཱ་ཡ་ཏ་ནཱ སི་ཡཱ ཨུ་པྤ་ནྣཱ, སི་ཡཱ ཨུ་པྤཱ་དི་ནོ, ན ཝ་ཏྟ་བྦཱ – ‘‘ཨ་ནུ་པྤ་ནྣཱ’’ཏི. ས་དྡཱ་ཡ་ཏ་ནཾ སི་ཡཱ ཨུ་པྤ་ནྣཾ, སི་ཡཱ ཨ་ནུ་པྤ་ནྣཾ, ན ཝ་ཏྟ་བྦཾ – ‘‘ཨུ་པྤཱ་དཱི’’ཏི. པ་ཉྩཱ་ཡ་ཏ་ནཱ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, སི་ཡཱ ཨུ་པྤཱ་དི་ནོ. དྷ་མྨཱ་ཡ་ཏ་ནཾ སི་ཡཱ ཨུ་པྤ་ནྣཾ, སི་ཡཱ ཨ་ནུ་པྤ་ནྣཾ, སི་ཡཱ ཨུ་པྤཱ་དི, སི་ཡཱ ན ཝ་ཏྟ་བྦཾ – ‘‘ཨུ་པྤ་ནྣ’’ནྟི་པི, ‘‘ཨ་ནུ་པྤ་ནྣ’’ནྟི་པི, ‘‘ཨུ་པྤཱ་དཱི’’ཏི་པི. ཨེ་ཀཱ་ད་སཱ་ཡ་ཏ་ནཱ སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ. དྷ་མྨཱ་ཡ་ཏ་ནཾ སི་ཡཱ ཨ་ཏཱི་ཏཾ, སི་ཡཱ ཨ་ནཱ་ག་ཏཾ, སི་ཡཱ པ་ཙྩུ་པྤ་ནྣཾ, སི་ཡཱ ན ཝ་ཏྟ་བྦཾ – ‘‘ཨ་ཏཱི་ཏ’’ནྟི་པི, ‘‘ཨ་ནཱ་ག་ཏ’’ནྟི་པི, ‘‘པ་ཙྩུ་པྤ་ནྣ’’ནྟི་པི. ད་སཱ་ཡ་ཏ་ནཱ ཨ་ནཱ་ར་མྨ་ཎཱ. དྭཱ་ཡ་ཏ་ནཱ སི་ཡཱ ཨ་ཏཱི་ཏཱ་ར་མྨ་ཎཱ, སི་ཡཱ ཨ་ནཱ་ག་ཏཱ་ར་མྨ་ཎཱ, སི་ཡཱ པ་ཙྩུ་པྤ་ནྣཱ་ར་མྨ་ཎཱ, སི་ཡཱ ན ཝ་ཏྟ་བྦཱ – ‘‘ཨ་ཏཱི་ཏཱ་ར་མྨ་ཎཱ’’ཏི་པི, ‘‘ཨ་ནཱ་ག་ཏཱ་ར་མྨ་ཎཱ’’ཏི་པི, ‘‘པ་ཙྩུ་པྤ་ནྣཱ་ར་མྨ་ཎཱ’’ཏི་པི; སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ. ད་སཱ་ཡ་ཏ་ནཱ ཨ་ནཱ་ར་མྨ་ཎཱ. དྭཱ་ཡ་ཏ་ནཱ སི་ཡཱ ཨ་ཛ྄ཛྷ་ཏྟཱ་ར་མྨ་ཎཱ, སི་ཡཱ བ་ཧི་དྡྷཱ་ར་མྨ་ཎཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ, སི་ཡཱ ན ཝ་ཏྟ་བྦཱ – ‘‘ཨ་ཛ྄ཛྷ་ཏྟཱ་ར་མྨ་ཎཱ’’ཏི་པི, ‘‘བ་ཧི་དྡྷཱ་ར་མྨ་ཎཱ’’ཏི་པི, ‘‘ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ’’ཏི་པི. རཱུ་པཱ་ཡ་ཏ་ནཾ ས་ནི་ད་སྶ་ན་ས་པྤ་ཊི་གྷཾ. ན་ཝཱ་ཡ་ཏ་ནཱ ཨ་ནི་ད་སྶ་ན་ས་པྤ་ཊི་གྷཱ. དྭཱ་ཡ་ཏ་ནཱ ཨ་ནི་ད་སྶ་ན་ཨ་པྤ་ཊི་གྷཱ.
༢. དུ་ཀཾ
༡༧༡. ཨེ་ཀཱ་ད་སཱ་ཡ་ཏ་ནཱ ན ཧེ་ཏཱུ. དྷ་མྨཱ་ཡ་ཏ་ནཾ སི་ཡཱ ཧེ་ཏུ, སི་ཡཱ ན ཧེ་ཏུ. ད་སཱ་ཡ་ཏ་ནཱ ཨ་ཧེ་ཏུ་ཀཱ. དྭཱ་ཡ་ཏ་ནཱ སི་ཡཱ ས་ཧེ་ཏུ་ཀཱ, སི་ཡཱ ཨ་ཧེ་ཏུ་ཀཱ. ད་སཱ་ཡ་ཏ་ནཱ ཧེ་ཏུ་ཝི་པྤ་ཡུ་ཏྟཱ. དྭཱ་ཡ་ཏ་ནཱ སི་ཡཱ ཧེ་ཏུ་ས་མྤ་ཡུ་ཏྟཱ, སི་ཡཱ ཧེ་ཏུ་ཝི་པྤ་ཡུ་ཏྟཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཧེ་ཏཱུ ཙེ་ཝ ས་ཧེ་ཏུ་ཀཱ ཙཱ’’ཏི་པི, ‘‘ས་ཧེ་ཏུ་ཀཱ ཙེ་ཝ ན ཙ ཧེ་ཏཱུ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཧེ་ཏུ ཙེ་ཝ ས་ཧེ་ཏུ་ཀ་ཉྩཱ’’ཏི, སི་ཡཱ ས་ཧེ་ཏུ་ཀ་ཉྩེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཾ – ‘‘ས་ཧེ་ཏུ་ཀ་ཉྩེ་ཝ ན ཙ ཧེ་ཏཱུ’’ཏི. དྷ་མྨཱ་ཡ་ཏ་ནཾ སི་ཡཱ ཧེ་ཏུ ཙེ་ཝ ས་ཧེ་ཏུ་ཀ་ཉྩ, སི་ཡཱ ས་ཧེ་ཏུ་ཀ་ཉྩེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཾ – ‘‘ཧེ་ཏུ ཙེ་ཝ ས་ཧེ་ཏུ་ཀ་ཉྩཱ’’ཏི་པི, ‘‘ས་ཧེ་ཏུ་ཀ་ཉྩེ་ཝ ན ཙ ཧེ་ཏཱུ’’ཏི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཧེ་ཏཱུ ཙེ་ཝ ཧེ་ཏུ་ས་མྤ་ཡུ་ཏྟཱ ཙཱ’’ཏི་པི, ‘‘ཧེ་ཏུ་ས་མྤ་ཡུ་ཏྟཱ ཙེ་ཝ ན ཙ ཧེ་ཏཱུ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩཱ’’ཏི, སི་ཡཱ ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཾ – ‘‘ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏཱུ’’ཏི. དྷ་མྨཱ་ཡ་ཏ་ནཾ སི་ཡཱ ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩ, སི་ཡཱ ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏུ, སི་ཡཱ ན ཝ་ཏྟ་བྦཾ – ‘‘ཧེ་ཏུ ཙེ་ཝ ཧེ་ཏུ་ས་མྤ་ཡུ་ཏྟ་ཉྩཱ’’ཏི་པི, ‘‘ཧེ་ཏུ་ས་མྤ་ཡུ་ཏྟ་ཉྩེ་ཝ ན ཙ ཧེ་ཏཱུ’’ཏི་པི. ད་སཱ་ཡ་ཏ་ནཱ ན ཧེ་ཏཱུ་ཨ་ཧེ་ཏུ་ཀཱ. མ་ནཱ་ཡ་ཏ་ནཾ སི་ཡཱ ན ཧེ་ཏུ་ས་ཧེ་ཏུ་ཀཾ, སི་ཡཱ ན ཧེ་ཏུ་ཨ་ཧེ་ཏུ་ཀཾ. དྷ་མྨཱ་ཡ་ཏ་ནཾ སི་ཡཱ ན ཧེ་ཏུ་ས་ཧེ་ཏུ་ཀཾ, སི་ཡཱ ན ཧེ་ཏུ་ཨ་ཧེ་ཏུ་ཀཾ, སི་ཡཱ ན ཝ་ཏྟ་བྦཾ – ‘‘ན ཧེ་ཏུ་ས་ཧེ་ཏུ་ཀ’’ནྟི་པི, ‘‘ན ཧེ་ཏུ་ཨ་ཧེ་ཏུ་ཀ’’ནྟི་པི.
ཨེ་ཀཱ་ད་སཱ་ཡ་ཏ་ནཱ ས་པྤ་ཙྩ་ཡཱ. དྷ་མྨཱ་ཡ་ཏ་ནཾ སི་ཡཱ ས་པྤ་ཙྩ་ཡཾ, སི་ཡཱ ཨ་པྤ་ཙྩ་ཡཾ. ཨེ་ཀཱ་ད་སཱ་ཡ་ཏ་ནཱ ས་ངྑ་ཏཱ. དྷ་མྨཱ་ཡ་ཏ་ནཾ སི་ཡཱ ས་ངྑ་ཏཾ, སི་ཡཱ ཨ་ས་ངྑ་ཏཾ. རཱུ་པཱ་ཡ་ཏ་ནཾ ས་ནི་ད་སྶ་ནཾ. ཨེ་ཀཱ་ད་སཱ་ཡ་ཏ་ནཱ ཨ་ནི་ད་སྶ་ནཱ. ད་སཱ་ཡ་ཏ་ནཱ ས་པྤ་ཊི་གྷཱ. དྭཱ་ཡ་ཏ་ནཱ ཨ་པྤ་ཊི་གྷཱ. ད་སཱ་ཡ་ཏ་ནཱ རཱུ་པཱ. མ་ནཱ་ཡ་ཏ་ནཾ ཨ་རཱུ་པཾ. དྷ་མྨཱ་ཡ་ཏ་ནཾ སི་ཡཱ རཱུ་པཾ, སི་ཡཱ ཨ་རཱུ་པཾ. ད་སཱ་ཡ་ཏ་ནཱ ལོ་ཀི་ཡཱ. དྭཱ་ཡ་ཏ་ནཱ སི་ཡཱ ལོ་ཀི་ཡཱ, སི་ཡཱ ལོ་ཀུ་ཏྟ་རཱ; ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ.
ཨེ་ཀཱ་ད་སཱ་ཡ་ཏ་ནཱ ནོ ཨཱ་ས་ཝཱ. དྷ་མྨཱ་ཡ་ཏ་ནཾ སི་ཡཱ ཨཱ་ས་ཝོ, སི་ཡཱ ནོ ཨཱ་ས་ཝོ. ད་སཱ་ཡ་ཏ་ནཱ སཱ་ས་ཝཱ. དྭཱ་ཡ་ཏ་ནཱ སི་ཡཱ སཱ་ས་ཝཱ, སི་ཡཱ ཨ་ནཱ་ས་ཝཱ. ད་སཱ་ཡ་ཏ་ནཱ ཨཱ་ས་ཝ་ཝི་པྤ་ཡུ་ཏྟཱ. དྭཱ་ཡ་ཏ་ནཱ སི་ཡཱ ཨཱ་ས་ཝ་ས་མྤ་ཡུ་ཏྟཱ, སི་ཡཱ ཨཱ་ས་ཝ་ཝི་པྤ་ཡུ་ཏྟཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཨཱ་ས་ཝཱ ཙེ་ཝ སཱ་ས་ཝཱ ཙཱ’’ཏི, ‘‘སཱ་ས་ཝཱ ཙེ་ཝ ནོ ཙ ཨཱ་ས་ཝཱ’’. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཨཱ་ས་ཝོ ཙེ་ཝ སཱ་ས་ཝ་ཉྩཱ’’ཏི, སི་ཡཱ སཱ་ས་ཝ་ཉྩེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཾ – ‘‘སཱ་ས་ཝ་ཉྩེ་ཝ ནོ ཙ ཨཱ་ས་ཝོ’’ཏི. དྷ་མྨཱ་ཡ་ཏ་ནཾ སི་ཡཱ ཨཱ་ས་ཝོ ཙེ་ཝ སཱ་ས་ཝ་ཉྩ, སི་ཡཱ སཱ་ས་ཝ་ཉྩེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཾ – ‘‘ཨཱ་ས་ཝོ ཙེ་ཝ སཱ་ས་ཝ་ཉྩཱ’’ཏི་པི, ‘‘སཱ་ས་ཝ་ཉྩེ་ཝ ནོ ཙ ཨཱ་ས་ཝོ’’ཏི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཨཱ་ས་ཝཱ ཙེ་ཝ ཨཱ་ས་ཝ་ས་མྤ་ཡུ་ཏྟཱ ཙཱ’’ཏི་པི, ‘‘ཨཱ་ས་ཝ་ས་མྤ་ཡུ་ཏྟཱ ཙེ་ཝ ནོ ཙ ཨཱ་ས་ཝཱ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟ་ཉྩཱ’’ཏི, སི་ཡཱ ཨཱ་ས་ཝ་ས་མྤ་ཡུ་ཏྟ་ཉྩེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཾ – ‘‘ཨཱ་ས་ཝ་ས་མྤ་ཡུ་ཏྟ་ཉྩེ་ཝ ནོ ཙ ཨཱ་ས་ཝོ’’ཏི. དྷ་མྨཱ་ཡ་ཏ་ནཾ སི་ཡཱ ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟ་ཉྩ, སི་ཡཱ ཨཱ་ས་ཝ་ས་མྤ་ཡུ་ཏྟ་ཉྩེ་ཝ ནོ ཙ ཨཱ་ས་ཝོ, སི་ཡཱ ན ཝ་ཏྟ་བྦཾ – ‘‘ཨཱ་ས་ཝོ ཙེ་ཝ ཨཱ་ས་ཝ་ས་མྤ་ཡུ་ཏྟ་ཉྩཱ’’ཏི་པི, ‘‘ཨཱ་ས་ཝ་ས་མྤ་ཡུ་ཏྟ་ཉྩེ་ཝ ནོ ཙ ཨཱ་ས་ཝོ’’ཏི་པི. ད་སཱ་ཡ་ཏ་ནཱ ཨཱ་ས་ཝ་ཝི་པྤ་ཡུ་ཏྟ་སཱ་ས་ཝཱ. དྭཱ་ཡ་ཏ་ནཱ སི་ཡཱ ཨཱ་ས་ཝ་ཝི་པྤ་ཡུ་ཏྟ་སཱ་ས་ཝཱ, སི་ཡཱ ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝཱ, སི་ཡཱ ན ཝ་ཏྟ་བྦཱ – ‘‘ཨཱ་ས་ཝ་ཝི་པྤ་ཡུ་ཏྟ་སཱ་ས་ཝཱ’’ཏི་པི, ‘‘ཨཱ་ས་ཝ་ཝི་པྤ་ཡུ་ཏྟ་ཨ་ནཱ་ས་ཝཱ’’ཏི་པི.
ཨེ་ཀཱ་ད་སཱ་ཡ་ཏ་ནཱ ནོ སཾ་ཡོ་ཛ་ནཱ. དྷ་མྨཱ་ཡ་ཏ་ནཾ སི་ཡཱ སཾ་ཡོ་ཛ་ནཾ, སི་ཡཱ ནོ སཾ་ཡོ་ཛ་ནཾ. ད་སཱ་ཡ་ཏ་ནཱ སཾ་ཡོ་ཛ་ནི་ཡཱ. དྭཱ་ཡ་ཏ་ནཱ སི་ཡཱ སཾ་ཡོ་ཛ་ནི་ཡཱ, སི་ཡཱ ཨ་སཾ་ཡོ་ཛ་ནི་ཡཱ. ད་སཱ་ཡ་ཏ་ནཱ སཾ་ཡོ་ཛ་ན་ཝི་པྤ་ཡུ་ཏྟཱ. དྭཱ་ཡ་ཏ་ནཱ སི་ཡཱ སཾ་ཡོ་ཛ་ན་ས་མྤ་ཡུ་ཏྟཱ, སི་ཡཱ སཾ་ཡོ་ཛ་ན་ཝི་པྤ་ཡུ་ཏྟཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘སཾ་ཡོ་ཛ་ནཱ ཙེ་ཝ སཾ་ཡོ་ཛ་ནི་ཡཱ ཙཱ’’ཏི, སཾ་ཡོ་ཛ་ནི་ཡཱ ཙེ་ཝ ནོ ཙ སཾ་ཡོ་ཛ་ནཱ. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡ་ཉྩཱ’’ཏི, སི་ཡཱ སཾ་ཡོ་ཛ་ནི་ཡ་ཉྩེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཾ – ‘‘སཾ་ཡོ་ཛ་ནི་ཡ་ཉྩེ་ཝ ནོ ཙ སཾ་ཡོ་ཛ་ན’’ནྟི. དྷ་མྨཱ་ཡ་ཏ་ནཾ སི་ཡཱ སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡ་ཉྩ, སི་ཡཱ སཾ་ཡོ་ཛ་ནི་ཡ་ཉྩེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཾ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ནི་ཡ’’ནྟི་པི, ‘‘སཾ་ཡོ་ཛ་ནི་ཡ་ཉྩེ་ཝ ནོ ཙ སཾ་ཡོ་ཛ་ན’’ནྟི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘སཾ་ཡོ་ཛ་ནཱ ཙེ་ཝ སཾ་ཡོ་ཛ་ན་ས་མྤ་ཡུ་ཏྟཱ ཙཱ’’ཏི་པི, ‘‘སཾ་ཡོ་ཛ་ན་ས་མྤ་ཡུ་ཏྟཱ ཙེ་ཝ ནོ ཙ སཾ་ཡོ་ཛ་ནཱ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟ་ཉྩཱ’’ཏི, སི་ཡཱ སཾ་ཡོ་ཛ་ན་ས་མྤ་ཡུ་ཏྟ་ཉྩེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཾ – ‘‘སཾ་ཡོ་ཛ་ན་ས་མྤ་ཡུ་ཏྟ་ཉྩེ་ཝ ནོ ཙ སཾ་ཡོ་ཛ་ན’’ནྟི. དྷ་མྨཱ་ཡ་ཏ་ནཾ སི་ཡཱ སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟ་ཉྩ, སི་ཡཱ སཾ་ཡོ་ཛ་ན་ས་མྤ་ཡུ་ཏྟ་ཉྩེ་ཝ ནོ ཙ སཾ་ཡོ་ཛ་ནཾ, སི་ཡཱ ན ཝ་ཏྟ་བྦཾ – ‘‘སཾ་ཡོ་ཛ་ན་ཉྩེ་ཝ སཾ་ཡོ་ཛ་ན་ས་མྤ་ཡུ་ཏྟ་ཉྩཱ’’ཏི་པི, ‘‘སཾ་ཡོ་ཛ་ན་ས་མྤ་ཡུ་ཏྟ་ཉྩེ་ཝ ནོ ཙ སཾ་ཡོ་ཛ་ན’’ནྟི་པི. ད་སཱ་ཡ་ཏ་ནཱ སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡཱ. དྭཱ་ཡ་ཏ་ནཱ སི་ཡཱ སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡཱ, སི་ཡཱ སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡཱ, སི་ཡཱ ན ཝ་ཏྟ་བྦཱ – ‘‘སཾ་ཡོ་ཛ་ན་ཝི་པྤ་ཡུ་ཏྟ་སཾ་ཡོ་ཛ་ནི་ཡཱ’’ཏི་པི, ‘‘སཾ་ཡོ་ཛ་ན་ཝི་པྤ་ཡུ་ཏྟ་ཨ་སཾ་ཡོ་ཛ་ནི་ཡཱ’’ཏི་པི.
ཨེ་ཀཱ་ད་སཱ་ཡ་ཏ་ནཱ ནོ ག་ནྠཱ. དྷ་མྨཱ་ཡ་ཏ་ནཾ སི་ཡཱ ག་ནྠོ, སི་ཡཱ ནོ ག་ནྠོ. ད་སཱ་ཡ་ཏ་ནཱ ག་ནྠ་ནི་ཡཱ. དྭཱ་ཡ་ཏ་ནཱ སི་ཡཱ ག་ནྠ་ནི་ཡཱ, སི་ཡཱ ཨ་ག་ནྠ་ནི་ཡཱ. ད་སཱ་ཡ་ཏ་ནཱ ག་ནྠ་ཝི་པྤ་ཡུ་ཏྟཱ. དྭཱ་ཡ་ཏ་ནཱ སི་ཡཱ ག་ནྠ་ས་མྤ་ཡུ་ཏྟཱ, སི་ཡཱ ག་ནྠ་ཝི་པྤ་ཡུ་ཏྟཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ག་ནྠཱ ཙེ་ཝ ག་ནྠ་ནི་ཡཱ ཙཱ’’ཏི, ག་ནྠ་ནི་ཡཱ ཙེ་ཝ ནོ ཙ ག་ནྠཱ. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ག་ནྠོ ཙེ་ཝ ག་ནྠ་ནི་ཡ་ཉྩཱ’’ཏི, སི་ཡཱ ག་ནྠ་ནི་ཡ་ཉྩེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཾ – ‘‘ག་ནྠ་ནི་ཡ་ཉྩེ་ཝ ནོ ཙ ག་ནྠོ’’ཏི. དྷ་མྨཱ་ཡ་ཏ་ནཾ སི་ཡཱ ག་ནྠོ ཙེ་ཝ ག་ནྠ་ནི་ཡ་ཉྩ, སི་ཡཱ ག་ནྠ་ནི་ཡ་ཉྩེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཾ – ‘‘ག་ནྠོ ཙེ་ཝ ག་ནྠ་ནི་ཡ་ཉྩཱ’’ཏི་པི, ‘‘ག་ནྠ་ནི་ཡ་ཉྩེ་ཝ ནོ ཙ ག་ནྠོ’’ཏི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ག་ནྠཱ ཙེ་ཝ ག་ནྠ་ས་མྤ་ཡུ་ཏྟཱ ཙཱ’’ཏི་པི, ‘‘ག་ནྠ་ས་མྤ་ཡུ་ཏྟཱ ཙེ་ཝ ནོ ཙ ག་ནྠཱ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ག་ནྠོ ཙེ་ཝ ག་ནྠ་ས་མྤ་ཡུ་ཏྟ་ཉྩཱ’’ཏི, སི་ཡཱ ག་ནྠ་ས་མྤ་ཡུ་ཏྟ་ཉྩེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཾ – ‘‘ག་ནྠ་ས་མྤ་ཡུ་ཏྟ་ཉྩེ་ཝ ནོ ཙ ག་ནྠོ’’ཏི. དྷ་མྨཱ་ཡ་ཏ་ནཾ སི་ཡཱ ག་ནྠོ ཙེ་ཝ ག་ནྠ་ས་མྤ་ཡུ་ཏྟ་ཉྩ, སི་ཡཱ ག་ནྠ་ས་མྤ་ཡུ་ཏྟ་ཉྩེ་ཝ ནོ ཙ ག་ནྠོ, སི་ཡཱ ན ཝ་ཏྟ་བྦཾ – ‘‘ག་ནྠོ ཙེ་ཝ ག་ནྠ་ས་མྤ་ཡུ་ཏྟ་ཉྩཱ’’ཏི་པི, ‘‘ག་ནྠ་ས་མྤ་ཡུ་ཏྟ་ཉྩེ་ཝ ནོ ཙ ག་ནྠོ’’ཏི་པི. ད་སཱ་ཡ་ཏ་ནཱ ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ. དྭཱ་ཡ་ཏ་ནཱ སི་ཡཱ ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ, སི་ཡཱ ག་ནྠ་ཝི་པྤ་ཡུ་ཏྟ་ཨ་ག་ནྠ་ནི་ཡཱ, སི་ཡཱ ན ཝ་ཏྟ་བྦཱ – ‘‘ག་ནྠ་ཝི་པྤ་ཡུ་ཏྟ་ག་ནྠ་ནི་ཡཱ’’ཏི་པི, ‘‘ག་ནྠ་ཝི་པྤ་ཡུ་ཏྟ་ཨ་ག་ནྠ་ནི་ཡཱ’’ཏི་པི.
ཨེ་ཀཱ་ད་སཱ་ཡ་ཏ་ནཱ ནོ ཨོ་གྷཱ…པེ… ནོ ཡོ་གཱ…པེ… ནོ ནཱི་ཝ་ར་ཎཱ. དྷ་མྨཱ་ཡ་ཏ་ནཾ སི་ཡཱ ནཱི་ཝ་ར་ཎཾ, སི་ཡཱ ནོ ནཱི་ཝ་ར་ཎཾ. ད་སཱ་ཡ་ཏ་ནཱ ནཱི་ཝ་ར་ཎི་ཡཱ. དྭཱ་ཡ་ཏ་ནཱ སི་ཡཱ ནཱི་ཝ་ར་ཎི་ཡཱ, སི་ཡཱ ཨ་ནཱི་ཝ་ར་ཎི་ཡཱ. ད་སཱ་ཡ་ཏ་ནཱ ནཱི་ཝ་ར་ཎ་ཝི་པྤ་ཡུ་ཏྟཱ. དྭཱ་ཡ་ཏ་ནཱ སི་ཡཱ ནཱི་ཝ་ར་ཎ་ས་མྤ་ཡུ་ཏྟཱ, སི་ཡཱ ནཱི་ཝ་ར་ཎ་ཝི་པྤ་ཡུ་ཏྟཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ནཱི་ཝ་ར་ཎཱ ཙེ་ཝ ནཱི་ཝ་ར་ཎི་ཡཱ ཙཱ’’ཏི, ནཱི་ཝ་ར་ཎི་ཡཱ ཙེ་ཝ ནོ ཙ ནཱི་ཝ་ར་ཎཱ. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡ་ཉྩཱ’’ཏི, སི་ཡཱ ནཱི་ཝ་ར་ཎི་ཡ་ཉྩེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཾ – ‘‘ནཱི་ཝ་ར་ཎི་ཡ་ཉྩེ་ཝ ནོ ཙ ནཱི་ཝ་ར་ཎ’’ནྟི. དྷ་མྨཱ་ཡ་ཏ་ནཾ སི་ཡཱ ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡ་ཉྩ, སི་ཡཱ ནཱི་ཝ་ར་ཎི་ཡ་ཉྩེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཾ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎི་ཡ་ཉྩཱ’’ཏི་པི, ‘‘ནཱི་ཝ་ར་ཎི་ཡ་ཉྩེ་ཝ ནོ ཙ ནཱི་ཝ་ར་ཎ’’ནྟི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ནཱི་ཝ་ར་ཎཱ ཙེ་ཝ ནཱི་ཝ་ར་ཎ་ས་མྤ་ཡུ་ཏྟཱ ཙཱ’’ཏི་པི, ‘‘ནཱི་ཝ་ར་ཎ་ས་མྤ་ཡུ་ཏྟཱ ཙེ་ཝ ནོ ཙ ནཱི་ཝ་ར་ཎཱ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟ་ཉྩཱ’’ཏི, སི་ཡཱ ནཱི་ཝ་ར་ཎ་ས་མྤ་ཡུ་ཏྟ་ཉྩེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཾ – ‘‘ནཱི་ཝ་ར་ཎ་ས་མྤ་ཡུ་ཏྟ་ཉྩེ་ཝ ནོ ཙ ནཱི་ཝ་ར་ཎ’’ནྟི. དྷ་མྨཱ་ཡ་ཏ་ནཾ སི་ཡཱ ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟ་ཉྩ, སི་ཡཱ ནཱི་ཝ་ར་ཎ་ས་མྤ་ཡུ་ཏྟ་ཉྩེ་ཝ ནོ ཙ ནཱི་ཝ་ར་ཎཾ, སི་ཡཱ ན ཝ་ཏྟ་བྦཾ – ‘‘ནཱི་ཝ་ར་ཎ་ཉྩེ་ཝ ནཱི་ཝ་ར་ཎ་ས་མྤ་ཡུ་ཏྟ་ཉྩཱ’’ཏི་པི, ‘‘ནཱི་ཝ་ར་ཎ་ས་མྤ་ཡུ་ཏྟ་ཉྩེ་ཝ ནོ ཙ ནཱི་ཝ་ར་ཎ’’ནྟི་པི. ད་སཱ་ཡ་ཏ་ནཱ ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡཱ. དྭཱ་ཡ་ཏ་ནཱ སི་ཡཱ ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡཱ, སི་ཡཱ ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡཱ, སི་ཡཱ ན ཝ་ཏྟ་བྦཱ – ‘‘ནཱི་ཝ་ར་ཎ་ཝི་པྤ་ཡུ་ཏྟ་ནཱི་ཝ་ར་ཎི་ཡཱ’’ཏི་པི, ‘‘ནཱི་ཝ་ར་ཎ་ཝི་པྤ་ཡུ་ཏྟ་ཨ་ནཱི་ཝ་ར་ཎི་ཡཱ’’ཏི་པི.
ཨེ་ཀཱ་ད་སཱ་ཡ་ཏ་ནཱ ནོ པ་རཱ་མཱ་སཱ. དྷ་མྨཱ་ཡ་ཏ་ནཾ སི་ཡཱ པ་རཱ་མཱ་སོ, སི་ཡཱ ནོ པ་རཱ་མཱ་སོ. ད་སཱ་ཡ་ཏ་ནཱ པ་རཱ་མ་ཊྛཱ. དྭཱ་ཡ་ཏ་ནཱ སི་ཡཱ པ་རཱ་མ་ཊྛཱ, སི་ཡཱ ཨ་པ་རཱ་མ་ཊྛཱ. ད་སཱ་ཡ་ཏ་ནཱ པ་རཱ་མཱ་ས་ཝི་པྤ་ཡུ་ཏྟཱ. མ་ནཱ་ཡ་ཏ་ནཾ སི་ཡཱ པ་རཱ་མཱ་ས་ས་མྤ་ཡུ་ཏྟཾ, སི་ཡཱ པ་རཱ་མཱ་ས་ཝི་པྤ་ཡུ་ཏྟཾ. དྷ་མྨཱ་ཡ་ཏ་ནཾ སི་ཡཱ པ་རཱ་མཱ་ས་ས་མྤ་ཡུ་ཏྟཾ, སི་ཡཱ པ་རཱ་མཱ་ས་ཝི་པྤ་ཡུ་ཏྟཾ, སི་ཡཱ ན ཝ་ཏྟ་བྦཾ – ‘‘པ་རཱ་མཱ་ས་ས་མྤ་ཡུ་ཏྟ’’ནྟི་པི, ‘‘པ་རཱ་མཱ་ས་ཝི་པྤ་ཡུ་ཏྟ’’ནྟི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘པ་རཱ་མཱ་སཱ ཙེ་ཝ པ་རཱ་མ་ཊྛཱ ཙཱ’’ཏི, ‘‘པ་རཱ་མ་ཊྛཱ ཙེ་ཝ ནོ ཙ པ་རཱ་མཱ་སཱ’’. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘པ་རཱ་མཱ་སོ ཙེ་ཝ པ་རཱ་མ་ཊྛ་ཉྩཱ’’ཏི, སི་ཡཱ པ་རཱ་མ་ཊྛ་ཉྩེ་ཝ ནོ ཙ པ་རཱ་མཱ་སོ, སི་ཡཱ ན ཝ་ཏྟ་བྦཾ – ‘‘པ་རཱ་མ་ཊྛ་ཉྩེ་ཝ ནོ ཙ པ་རཱ་མཱ་སོ’’ཏི. དྷ་མྨཱ་ཡ་ཏ་ནཾ སི་ཡཱ པ་རཱ་མཱ་སོ ཙེ་ཝ པ་རཱ་མ་ཊྛ་ཉྩ, སི་ཡཱ པ་རཱ་མ་ཊྛ་ཉྩེ་ཝ ནོ ཙ པ་རཱ་མཱ་སོ, སི་ཡཱ ན ཝ་ཏྟ་བྦཾ – ‘‘པ་རཱ་མཱ་སོ ཙེ་ཝ པ་རཱ་མ་ཊྛ་ཉྩཱ’’ཏི་པི, ‘‘པ་རཱ་མ་ཊྛ་ཉྩེ་ཝ ནོ ཙ པ་རཱ་མཱ་སོ’’ཏི་པི. ད་སཱ་ཡ་ཏ་ནཱ པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ. དྭཱ་ཡ་ཏ་ནཱ སི་ཡཱ པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ, སི་ཡཱ པ་རཱ་མཱ་ས་ཝི་པྤ་ཡུ་ཏྟ་ཨ་པ་རཱ་མ་ཊྛཱ, སི་ཡཱ ན ཝ་ཏྟ་བྦཱ – ‘‘པ་རཱ་མཱ་ས་ཝི་པྤ་ཡུ་ཏྟ་པ་རཱ་མ་ཊྛཱ’’ཏི་པི, ‘‘པ་རཱ་མཱ་ས་ཝི་པྤ་ཡུ་ཏྟ་ཨ་པ་རཱ་མ་ཊྛཱ’’ཏི་པི.
ད་སཱ་ཡ་ཏ་ནཱ ཨ་ནཱ་ར་མྨ་ཎཱ. མ་ནཱ་ཡ་ཏ་ནཾ སཱ་ར་མྨ་ཎཾ. དྷ་མྨཱ་ཡ་ཏ་ནཾ སི་ཡཱ སཱ་ར་མྨ་ཎཾ, སི་ཡཱ ཨ་ནཱ་ར་མྨ་ཎཾ. མ་ནཱ་ཡ་ཏ་ནཾ ཙི་ཏྟཾ. ཨེ་ཀཱ་ད་སཱ་ཡ་ཏ་ནཱ ནོ ཙི་ཏྟཱ. ཨེ་ཀཱ་ད་སཱ་ཡ་ཏ་ནཱ ཨ་ཙེ་ཏ་སི་ཀཱ. དྷ་མྨཱ་ཡ་ཏ་ནཾ སི་ཡཱ ཙེ་ཏ་སི་ཀཾ, སི་ཡཱ ཨ་ཙེ་ཏ་སི་ཀཾ. ད་སཱ་ཡ་ཏ་ནཱ ཙི་ཏྟ་ཝི་པྤ་ཡུ་ཏྟཱ. དྷ་མྨཱ་ཡ་ཏ་ནཾ སི་ཡཱ ཙི་ཏྟ་ས་མྤ་ཡུ་ཏྟཾ, སི་ཡཱ ཙི་ཏྟ་ཝི་པྤ་ཡུ་ཏྟཾ. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཙི་ཏྟེ་ན ས་མྤ་ཡུ་ཏྟ’’ནྟི་པི, ‘‘ཙི་ཏྟེ་ན ཝི་པྤ་ཡུ་ཏྟ’’ནྟི་པི. ད་སཱ་ཡ་ཏ་ནཱ ཙི་ཏྟ་ཝི་སཾ་ས་ཊྛཱ. དྷ་མྨཱ་ཡ་ཏ་ནཾ སི་ཡཱ ཙི་ཏྟ་སཾ་ས་ཊྛཾ, སི་ཡཱ ཙི་ཏྟ་ཝི་སཾ་ས་ཊྛཾ. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཙི་ཏྟེ་ན སཾ་ས་ཊྛ’’ནྟི་པི, ‘‘ཙི་ཏྟེ་ན ཝི་སཾ་ས་ཊྛ’’ནྟི་པི. ཚཱ་ཡ་ཏ་ནཱ ནོ ཙི་ཏྟ་ས་མུ་ཊྛཱ་ནཱ. ཚཱ་ཡ་ཏ་ནཱ སི་ཡཱ ཙི་ཏྟ་ས་མུ་ཊྛཱ་ནཱ, སི་ཡཱ ནོ ཙི་ཏྟ་ས་མུ་ཊྛཱ་ནཱ. ཨེ་ཀཱ་ད་སཱ་ཡ་ཏ་ནཱ ནོ ཙི་ཏྟ་ས་ཧ་བྷུ་ནོ. དྷ་མྨཱ་ཡ་ཏ་ནཾ སི་ཡཱ ཙི་ཏྟ་ས་ཧ་བྷཱུ, སི་ཡཱ ནོ ཙི་ཏྟ་ས་ཧ་བྷཱུ. ཨེ་ཀཱ་ད་སཱ་ཡ་ཏ་ནཱ ནོ ཙི་ཏྟཱ་ནུ་པ་རི་ཝ་ཏྟི་ནོ. དྷ་མྨཱ་ཡ་ཏ་ནཾ སི་ཡཱ ཙི་ཏྟཱ་ནུ་པ་རི་ཝ་ཏྟི, སི་ཡཱ ནོ ཙི་ཏྟཱ་ནུ་པ་རི་ཝ་ཏྟི. ཨེ་ཀཱ་ད་སཱ་ཡ་ཏ་ནཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ. དྷ་མྨཱ་ཡ་ཏ་ནཾ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ནཾ, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཾ. ཨེ་ཀཱ་ད་སཱ་ཡ་ཏ་ནཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷུ་ནོ. དྷ་མྨཱ་ཡ་ཏ་ནཾ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ན་ས་ཧ་བྷཱུ. ཨེ་ཀཱ་ད་སཱ་ཡ་ཏ་ནཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི་ནོ. དྷ་མྨཱ་ཡ་ཏ་ནཾ སི་ཡཱ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི, སི་ཡཱ ནོ ཙི་ཏྟ་སཾ་ས་ཊྛ་ས་མུ་ཊྛཱ་ནཱ་ནུ་པ་རི་ཝ་ཏྟི.
ཚཱ་ཡ་ཏ་ནཱ ཨ་ཛ྄ཛྷ་ཏྟི་ཀཱ. ཚཱ་ཡ་ཏ་ནཱ བཱ་ཧི་རཱ. ན་ཝཱ་ཡ་ཏ་ནཱ ཨུ་པཱ་དཱ. དྭཱ་ཡ་ཏ་ནཱ ནོ ཨུ་པཱ་དཱ. དྷ་མྨཱ་ཡ་ཏ་ནཾ སི་ཡཱ ཨུ་པཱ་དཱ, སི་ཡཱ ནོ ཨུ་པཱ་དཱ. པ་ཉྩཱ་ཡ་ཏ་ནཱ ཨུ་པཱ་དི་ནྣཱ. ས་དྡཱ་ཡ་ཏ་ནཾ ཨ་ནུ་པཱ་དི་ནྣཾ. ཚཱ་ཡ་ཏ་ནཱ སི་ཡཱ ཨུ་པཱ་དི་ནྣཱ, སི་ཡཱ ཨ་ནུ་པཱ་དི་ནྣཱ. ཨེ་ཀཱ་ད་སཱ་ཡ་ཏ་ནཱ ནོ ཨུ་པཱ་དཱ་ནཱ. དྷ་མྨཱ་ཡ་ཏ་ནཾ སི་ཡཱ ཨུ་པཱ་དཱ་ནཾ, སི་ཡཱ ནོ ཨུ་པཱ་དཱ་ནཾ. ད་སཱ་ཡ་ཏ་ནཱ ཨུ་པཱ་དཱ་ནི་ཡཱ. དྭཱ་ཡ་ཏ་ནཱ སི་ཡཱ ཨུ་པཱ་དཱ་ནི་ཡཱ, སི་ཡཱ ཨ་ནུ་པཱ་དཱ་ནི་ཡཱ. ད་སཱ་ཡ་ཏ་ནཱ ཨུ་པཱ་དཱ་ན་ཝི་པྤ་ཡུ་ཏྟཱ. དྭཱ་ཡ་ཏ་ནཱ སི་ཡཱ ཨུ་པཱ་དཱ་ན་ས་མྤ་ཡུ་ཏྟཱ, སི་ཡཱ ཨུ་པཱ་དཱ་ན་ཝི་པྤ་ཡུ་ཏྟཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཨུ་པཱ་དཱ་ནཱ ཙེ་ཝ ཨུ་པཱ་དཱ་ནི་ཡཱ ཙཱ’’ཏི, ཨུ་པཱ་དཱ་ནི་ཡཱ ཙེ་ཝ ནོ ཙ ཨུ་པཱ་དཱ་ནཱ. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡ་ཉྩཱ’’ཏི, སི་ཡཱ ཨུ་པཱ་དཱ་ནི་ཡ་ཉྩེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཾ – ‘‘ཨུ་པཱ་དཱ་ནི་ཡ་ཉྩེ་ཝ ནོ ཙ ཨུ་པཱ་དཱ་ན’’ནྟི. དྷ་མྨཱ་ཡ་ཏ་ནཾ སི་ཡཱ ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡ་ཉྩ, སི་ཡཱ ཨུ་པཱ་དཱ་ནི་ཡ་ཉྩེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཾ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ནི་ཡ་ཉྩཱ’’ཏི་པི, ‘‘ཨུ་པཱ་དཱ་ནི་ཡ་ཉྩེ་ཝ ནོ ཙ ཨུ་པཱ་དཱ་ན’’ནྟི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཨུ་པཱ་དཱ་ནཱ ཙེ་ཝ ཨུ་པཱ་དཱ་ན་ས་མྤ་ཡུ་ཏྟཱ ཙཱ’’ཏི་པི, ‘‘ཨུ་པཱ་དཱ་ན་ས་མྤ་ཡུ་ཏྟཱ ཙེ་ཝ ནོ ཙ ཨུ་པཱ་དཱ་ནཱ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཨུ་པཱ་དཱ་ནི་ཡ་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟ་ཉྩཱ’’ཏི, སི་ཡཱ ཨུ་པཱ་དཱ་ན་ས་མྤ་ཡུ་ཏྟ་ཉྩེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཾ – ‘‘ཨུ་པཱ་དཱ་ན་ས་མྤ་ཡུ་ཏྟ་ཉྩེ་ཝ ནོ ཙ ཨུ་པཱ་དཱ་ན’’ནྟི. དྷ་མྨཱ་ཡ་ཏ་ནཾ སི་ཡཱ ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟ་ཉྩ, སི་ཡཱ ཨུ་པཱ་དཱ་ན་ས་མྤ་ཡུ་ཏྟ་ཉྩེ་ཝ ནོ ཙ ཨུ་པཱ་དཱ་ནཾ, སི་ཡཱ ན ཝ་ཏྟ་བྦཾ – ‘‘ཨུ་པཱ་དཱ་ན་ཉྩེ་ཝ ཨུ་པཱ་དཱ་ན་ས་མྤ་ཡུ་ཏྟ་ཉྩཱ’’ཏི་པི, ‘‘ཨུ་པཱ་དཱ་ན་ས་མྤ་ཡུ་ཏྟ་ཉྩེ་ཝ ནོ ཙ ཨུ་པཱ་དཱ་ན’’ནྟི་པི. ད་སཱ་ཡ་ཏ་ནཱ ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡཱ. དྭཱ་ཡ་ཏ་ནཱ སི་ཡཱ ཨུ་པཱ་དཱ་ན་ས་མྤ་ཡུ་ཏྟ་ཨུ་པཱ་དཱ་ནི་ཡཱ, སི་ཡཱ ཨུ་པཱ་དཱ་ན་ཝི་པྤ་ཡུ་ཏྟ་ཨ་ནུ་པཱ་དཱ་ནི་ཡཱ, སི་ཡཱ ན ཝ་ཏྟ་བྦཱ – ‘‘ཨུ་པཱ་དཱ་ན་ཝི་པྤ་ཡུ་ཏྟ་ཨུ་པཱ་དཱ་ནི་ཡཱ’’ཏི་པི, ‘‘ཨུ་པཱ་དཱ་ན་ཝི་པྤ་ཡུ་ཏྟ་ཨ་ནུ་པཱ་དཱ་ནི་ཡཱ’’ཏི་པི.
ཨེ་ཀཱ་ད་སཱ་ཡ་ཏ་ནཱ ནོ ཀི་ལེ་སཱ. དྷ་མྨཱ་ཡ་ཏ་ནཾ སི་ཡཱ ཀི་ལེ་སོ, སི་ཡཱ ནོ ཀི་ལེ་སོ. ད་སཱ་ཡ་ཏ་ནཱ སཾ་ཀི་ལེ་སི་ཀཱ. དྭཱ་ཡ་ཏ་ནཱ སི་ཡཱ སཾ་ཀི་ལེ་སི་ཀཱ, སི་ཡཱ ཨ་སཾ་ཀི་ལེ་སི་ཀཱ. ད་སཱ་ཡ་ཏ་ནཱ ཨ་སཾ་ཀི་ལི་ཊྛཱ. དྭཱ་ཡ་ཏ་ནཱ སི་ཡཱ སཾ་ཀི་ལི་ཊྛཱ, སི་ཡཱ ཨ་སཾ་ཀི་ལི་ཊྛཱ. ད་སཱ་ཡ་ཏ་ནཱ ཀི་ལེ་ས་ཝི་པྤ་ཡུ་ཏྟཱ. དྭཱ་ཡ་ཏ་ནཱ སི་ཡཱ ཀི་ལེ་ས་ས་མྤ་ཡུ་ཏྟཱ, སི་ཡཱ ཀི་ལེ་ས་ཝི་པྤ་ཡུ་ཏྟཱ. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ སཾ་ཀི་ལེ་སི་ཀཱ ཙཱ’’ཏི, ‘‘སཾ་ཀི་ལེ་སི་ཀཱ ཙེ་ཝ ནོ ཙ ཀི་ལེ་སཱ’’. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ སཾ་ཀི་ལེ་སི་ཀ་ཉྩཱ’’ཏི, སི་ཡཱ སཾ་ཀི་ལེ་སི་ཀ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘སཾ་ཀི་ལེ་སི་ཀ་ཉྩེ་ཝ ནོ ཙ ཀི་ལེ་སོ’’ཏི. དྷ་མྨཱ་ཡ་ཏ་ནཾ སི་ཡཱ ཀི་ལེ་སོ ཙེ་ཝ སཾ་ཀི་ལེ་སི་ཀ་ཉྩ, སི་ཡཱ སཾ་ཀི་ལེ་སི་ཀ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ སཾ་ཀི་ལེ་སི་ཀ་ཉྩཱ’’ཏི་པི, ‘‘སཾ་ཀི་ལེ་སི་ཀ་ཉྩེ་ཝ ནོ ཙ ཀི་ལེ་སོ’’ཏི་པི. ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ སཾ་ཀི་ལི་ཊྛཱ ཙཱ’’ཏི་པི, ‘‘སཾ་ཀི་ལི་ཊྛཱ ཙེ་ཝ ནོ ཙ ཀི་ལེ་སཱ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ སཾ་ཀི་ལི་ཊྛ་ཉྩཱ’’ཏི, སི་ཡཱ སཾ་ཀི་ལི་ཊྛ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘སཾ་ཀི་ལི་ཊྛ་ཉྩེ་ཝ ནོ ཙ ཀི་ལེ་སོ’’ཏི. དྷ་མྨཱ་ཡ་ཏ་ནཾ སི་ཡཱ ཀི་ལེ་སོ ཙེ་ཝ སཾ་ཀི་ལི་ཊྛ་ཉྩ, སི་ཡཱ སཾ་ཀི་ལི་ཊྛ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ སཾ་ཀི་ལི་ཊྛ་ཉྩཱ’’ཏི་པི, ‘‘སཾ་ཀི་ལི་ཊྛ་ཉྩེ་ཝ ནོ ཙ ཀི་ལེ་སོ’’ཏི་པི.
ད་སཱ་ཡ་ཏ་ནཱ ན ཝ་ཏྟ་བྦཱ – ‘‘ཀི་ལེ་སཱ ཙེ་ཝ ཀི་ལེ་ས་ས་མྤ་ཡུ་ཏྟཱ ཙཱ’’ཏི་པི, ‘‘ཀི་ལེ་ས་ས་མྤ་ཡུ་ཏྟཱ ཙེ་ཝ ནོ ཙ ན ཀི་ལེ་སཱ’’ཏི་པི. མ་ནཱ་ཡ་ཏ་ནཾ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟ་ཉྩཱ’’ཏི, སི་ཡཱ ཀི་ལེ་ས་ས་མྤ་ཡུ་ཏྟ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘ཀི་ལེ་ས་ས་མྤ་ཡུ་ཏྟ་ཉྩེ་ཝ ནོ ཙ ཀི་ལེ་སོ’’ཏི. དྷ་མྨཱ་ཡ་ཏ་ནཾ སི་ཡཱ ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟ་ཉྩ, སི་ཡཱ ཀི་ལེ་ས་ས་མྤ་ཡུ་ཏྟ་ཉྩེ་ཝ ནོ ཙ ཀི་ལེ་སོ, སི་ཡཱ ན ཝ་ཏྟ་བྦཾ – ‘‘ཀི་ལེ་སོ ཙེ་ཝ ཀི་ལེ་ས་ས་མྤ་ཡུ་ཏྟ་ཉྩཱ’’ཏི་པི, ‘‘ཀི་ལེ་ས་ས་མྤ་ཡུ་ཏྟ་ཉྩེ་ཝ ནོ ཙ ཀི་ལེ་སོ’’ཏི་པི. ད་སཱ་ཡ་ཏ་ནཱ ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀཱ. དྭཱ་ཡ་ཏ་ནཱ སི་ཡཱ ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀཱ, སི་ཡཱ ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀཱ, སི་ཡཱ ན ཝ་ཏྟ་བྦཱ – ‘‘ཀི་ལེ་ས་ཝི་པྤ་ཡུ་ཏྟ་སཾ་ཀི་ལེ་སི་ཀཱ’’ཏི་པི, ‘‘ཀི་ལེ་ས་ཝི་པྤ་ཡུ་ཏྟ་ཨ་སཾ་ཀི་ལེ་སི་ཀཱ’’ཏི་པི.
ད་སཱ་ཡ་ཏ་ནཱ ན ད་སྶ་ནེ་ན པ་ཧཱ་ཏ་བྦཱ. དྭཱ་ཡ་ཏ་ནཱ སི་ཡཱ ད་སྶ་ནེ་ན པ་ཧཱ་ཏ་བྦཱ, སི་ཡཱ ན ད་སྶ་ནེ་ན པ་ཧཱ་ཏ་བྦཱ. ད་སཱ་ཡ་ཏ་ནཱ ན བྷཱ་ཝ་ནཱ་ཡ པ་ཧཱ་ཏ་བྦཱ. དྭཱ་ཡ་ཏ་ནཱ སི་ཡཱ བྷཱ་ཝ་ནཱ་ཡ པ་ཧཱ་ཏ་བྦཱ, སི་ཡཱ ན བྷཱ་ཝ་ནཱ་ཡ པ་ཧཱ་ཏ་བྦཱ. ད་སཱ་ཡ་ཏ་ནཱ ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. དྭཱ་ཡ་ཏ་ནཱ སི་ཡཱ ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ, སི་ཡཱ ན ད་སྶ་ནེ་ན པ་ཧཱ་ཏ་བྦ་ཧེ་ཏུ་ཀཱ. ད་སཱ་ཡ་ཏ་ནཱ ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. དྭཱ་ཡ་ཏ་ནཱ སི་ཡཱ བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ, སི་ཡཱ ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀཱ. ད་སཱ་ཡ་ཏ་ནཱ ཨ་ཝི་ཏ་ཀྐཱ. དྭཱ་ཡ་ཏ་ནཱ སི་ཡཱ ས་ཝི་ཏ་ཀྐཱ, སི་ཡཱ ཨ་ཝི་ཏ་ཀྐཱ. ད་སཱ་ཡ་ཏ་ནཱ ཨ་ཝི་ཙཱ་རཱ. དྭཱ་ཡ་ཏ་ནཱ སི་ཡཱ ས་ཝི་ཙཱ་རཱ, སི་ཡཱ ཨ་ཝི་ཙཱ་རཱ. ད་སཱ་ཡ་ཏ་ནཱ ཨ་པྤཱི་ཏི་ཀཱ. དྭཱ་ཡ་ཏ་ནཱ སི་ཡཱ ས་པྤཱི་ཏི་ཀཱ, སི་ཡཱ ཨ་པྤཱི་ཏི་ཀཱ. ད་སཱ་ཡ་ཏ་ནཱ ན པཱི་ཏི་ས་ཧ་ག་ཏཱ. དྭཱ་ཡ་ཏ་ནཱ སི་ཡཱ པཱི་ཏི་ས་ཧ་ག་ཏཱ, སི་ཡཱ ན པཱི་ཏི་ས་ཧ་ག་ཏཱ. ད་སཱ་ཡ་ཏ་ནཱ ན སུ་ཁ་ས་ཧ་ག་ཏཱ. དྭཱ་ཡ་ཏ་ནཱ སི་ཡཱ སུ་ཁ་ས་ཧ་ག་ཏཱ, སི་ཡཱ ན སུ་ཁ་ས་ཧ་ག་ཏཱ. ད་སཱ་ཡ་ཏ་ནཱ ན ཨུ་པེ་ཀྑཱ་ས་ཧ་ག་ཏཱ. དྭཱ་ཡ་ཏ་ནཱ སི་ཡཱ ཨུ་པེ་ཀྑཱ་ས་ཧ་ག་ཏཱ, སི་ཡཱ ན ཨུ་པེ་ཀྑཱ་ས་ཧ་ག་ཏཱ.
ད་སཱ་ཡ་ཏ་ནཱ ཀཱ་མཱ་ཝ་ཙ་རཱ. དྭཱ་ཡ་ཏ་ནཱ སི་ཡཱ ཀཱ་མཱ་ཝ་ཙ་རཱ, སི་ཡཱ ན ཀཱ་མཱ་ཝ་ཙ་རཱ. ད་སཱ་ཡ་ཏ་ནཱ ན རཱུ་པཱ་ཝ་ཙ་རཱ. དྭཱ་ཡ་ཏ་ནཱ སི་ཡཱ རཱུ་པཱ་ཝ་ཙ་རཱ, སི་ཡཱ ན རཱུ་པཱ་ཝ་ཙ་རཱ. ད་སཱ་ཡ་ཏ་ནཱ ན ཨ་རཱུ་པཱ་ཝ་ཙ་རཱ. དྭཱ་ཡ་ཏ་ནཱ སི་ཡཱ ཨ་རཱུ་པཱ་ཝ་ཙ་རཱ, སི་ཡཱ ན ཨ་རཱུ་པཱ་ཝ་ཙ་རཱ. ད་སཱ་ཡ་ཏ་ནཱ པ་རི་ཡཱ་པ་ནྣཱ. དྭཱ་ཡ་ཏ་ནཱ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ. ད་སཱ་ཡ་ཏ་ནཱ ཨ་ནི་ཡྻཱ་ནི་ཀཱ. དྭཱ་ཡ་ཏ་ནཱ སི་ཡཱ ནི་ཡྻཱ་ནི་ཀཱ, སི་ཡཱ ཨ་ནི་ཡྻཱ་ནི་ཀཱ. ད་སཱ་ཡ་ཏ་ནཱ ཨ་ནི་ཡ་ཏཱ. དྭཱ་ཡ་ཏ་ནཱ སི་ཡཱ ནི་ཡ་ཏཱ, སི་ཡཱ ཨ་ནི་ཡ་ཏཱ. ད་སཱ་ཡ་ཏ་ནཱ ས་ཨུ་ཏྟ་རཱ. དྭཱ་ཡ་ཏ་ནཱ སི་ཡཱ ས་ཨུ་ཏྟ་རཱ, སི་ཡཱ ཨ་ནུ་ཏྟ་རཱ. ད་སཱ་ཡ་ཏ་ནཱ ཨ་ར་ཎཱ. དྭཱ་ཡ་ཏ་ནཱ སི་ཡཱ ས་ར་ཎཱ, སི་ཡཱ ཨ་ར་ཎཱ་ཏི.
པ་ཉྷཱ་པུ་ཙྪ་ཀཾ.
ཨཱ་ཡ་ཏ་ན་ཝི་བྷ་ངྒོ ནི་ཊྛི་ཏོ.