༢. ཨཱ་ཡུ་པྤ་མཱ་ཎཾ
༡༠༢༢. མ་ནུ་སྶཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཝ་སྶ་ས་ཏཾ, ཨ་པྤཾ ཝཱ བྷི་ཡྻོ [ཨ་པྤཾ ཝཱ བྷི་ཡྻོ ཝཱ (སྱཱ. ཀ.) དཱི. ནི. ༢.༧].
༡༠༢༣. ཙཱ་ཏུ་མ་ཧཱ་རཱ་ཛི་ཀཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཡཱ་ནི མཱ་ནུ་ས་ཀཱ་ནི པ་ཉྙཱ་ས ཝ་སྶཱ་ནི, ཙཱ་ཏུ་མྨ་ཧཱ་རཱ་ཛི་ཀཱ་ནཾ དེ་ཝཱ་ནཾ ཨེ་སོ ཨེ་ཀོ ར་ཏྟི་ནྡི་ཝོ [ར་ཏྟི་དི་ཝོ (ཀ.) ཨ. ནི. ༣.༧༡]. ཏཱ་ཡ ར་ཏྟི་ཡཱ ཏིཾ་ས ར་ཏྟི་ཡོ མཱ་སོ. ཏེ་ན མཱ་སེ་ན དྭཱ་ད་ས་མཱ་སི་ཡོ སཾ་ཝ་ཙྪ་རོ. ཏེ་ན སཾ་ཝ་ཙྪ་རེ་ན དི་བྦཱ་ནི པ་ཉྩ ཝ་སྶ་ས་ཏཱ་ནི ཙཱ་ཏུ་མྨ་ཧཱ་རཱ་ཛི་ཀཱ་ནཾ དེ་ཝཱ་ནཾ ཨཱ་ཡུ་པྤ་མཱ་ཎཾ. མ་ནུ་སྶཱ་ནཾ ག་ཎ་ནཱ་ཡ ཀི་ཏྟ་ཀཾ ཧོ་ཏི? ན་ཝུ་ཏི ཝ་སྶ་ས་ཏ་ས་ཧ་སྶཱ་ནི.
ཏཱ་ཝ་ཏིཾ་སཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཡཾ མཱ་ནུ་ས་ཀཾ ཝ་སྶ་ས་ཏཾ, ཏཱ་ཝ་ཏིཾ་སཱ་ནཾ དེ་ཝཱ་ནཾ ཨེ་སོ ཨེ་ཀོ ར་ཏྟི་ནྡི་ཝོ. ཏཱ་ཡ ར་ཏྟི་ཡཱ ཏིཾ་ས ར་ཏྟི་ཡོ མཱ་སོ. ཏེ་ན མཱ་སེ་ན དྭཱ་ད་ས་མཱ་སི་ཡོ སཾ་ཝ་ཙྪ་རོ. ཏེ་ན སཾ་ཝ་ཙྪ་རེ་ན དི་བྦཾ ཝ་སྶ་ས་ཧ་སྶཾ ཏཱ་ཝ་ཏིཾ་སཱ་ནཾ དེ་ཝཱ་ནཾ ཨཱ་ཡུ་པྤ་མཱ་ཎཾ. མ་ནུ་སྶཱ་ནཾ ག་ཎ་ནཱ་ཡ ཀི་ཏྟ་ཀཾ ཧོ་ཏི? ཏི་སྶོ ཙ ཝ་སྶ་ཀོ་ཊི་ཡོ ས་ཊྛི ཙ ཝ་སྶ་ས་ཏ་ས་ཧ་སྶཱ་ནི.
ཡཱ་མཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཡཱ་ནི མཱ་ནུ་ས་ཀཱ་ནི དྭེ ཝ་སྶ་ས་ཏཱ་ནི, ཡཱ་མཱ་ནཾ དེ་ཝཱ་ནཾ ཨེ་སོ ཨེ་ཀོ ར་ཏྟི་ནྡི་ཝོ. ཏཱ་ཡ ར་ཏྟི་ཡཱ ཏིཾ་ས་ར་ཏྟི་ཡོ མཱ་སོ. ཏེ་ན མཱ་སེ་ན དྭཱ་ད་ས་མཱ་སི་ཡོ སཾ་ཝ་ཙྪ་རོ. ཏེ་ན སཾ་ཝ་ཙྪ་རེ་ན དི་བྦཱ་ནི དྭེ ཝ་སྶ་ས་ཧ་སྶཱ་ནི ཡཱ་མཱ་ནཾ དེ་ཝཱ་ནཾ ཨཱ་ཡུ་པྤ་མཱ་ཎཾ. མ་ནུ་སྶཱ་ནཾ ག་ཎ་ནཱ་ཡ ཀི་ཏྟ་ཀཾ ཧོ་ཏི? ཙུ་དྡ་ས་ཉྩ ཝ་སྶ་ཀོ་ཊི་ཡོ ཙ་ཏྟཱ་རཱི་ས་ཉྩ ཝ་སྶ་ས་ཏ་ས་ཧ་སྶཱ་ནི.
ཏུ་སི་ཏཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཡཱ་ནི མཱ་ནུ་ས་ཀཱ་ནི ཙ་ཏྟཱ་རི ཝ་སྶ་ས་ཏཱ་ནི, ཏུ་སི་ཏཱ་ནཾ དེ་ཝཱ་ནཾ ཨེ་སོ ཨེ་ཀོ ར་ཏྟི་ནྡི་ཝོ. ཏཱ་ཡ ར་ཏྟི་ཡཱ ཏིཾ་ས་ར་ཏྟི་ཡོ མཱ་སོ. ཏེ་ན མཱ་སེ་ན དྭཱ་ད་ས་མཱ་སི་ཡོ སཾ་ཝ་ཙྪ་རོ. ཏེ་ན སཾ་ཝ་ཙྪ་རེ་ན དི་བྦཱ་ནི ཙ་ཏྟཱ་རི ཝ་སྶ་ས་ཧ་སྶཱ་ནི ཏུ་སི་ཏཱ་ནཾ དེ་ཝཱ་ནཾ ཨཱ་ཡུ་པྤ་མཱ་ཎཾ. མ་ནུ་སྶཱ་ནཾ ག་ཎ་ནཱ་ཡ ཀི་ཏྟ་ཀཾ ཧོ་ཏི? ས་ཏྟ་པ་ཉྙཱ་ས ཝ་སྶ་ཀོ་ཊི་ཡོ ས་ཊྛི ཙ ཝ་སྶ་ས་ཏ་ས་ཧ་སྶཱ་ནི.
ནི་མྨཱ་ན་ར་ཏཱི་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཡཱ་ནི མཱ་ནུ་ས་ཀཱ་ནི ཨ་ཊྛ ཝ་སྶ་ས་ཏཱ་ནི, ནི་མྨཱ་ན་ར་ཏཱི་ནཾ དེ་ཝཱ་ནཾ ཨེ་སོ ཨེ་ཀོ ར་ཏྟི་ནྡི་ཝོ. ཏཱ་ཡ ར་ཏྟི་ཡཱ ཏིཾ་ས་ར་ཏྟི་ཡོ མཱ་སོ. ཏེ་ན མཱ་སེ་ན དྭཱ་ད་ས་མཱ་སི་ཡོ སཾ་ཝ་ཙྪ་རོ. ཏེ་ན སཾ་ཝ་ཙྪ་རེ་ན དི་བྦཱ་ནི ཨ་ཊྛ ཝ་སྶ་ས་ཧ་སྶཱ་ནི ནི་མྨཱ་ན་ར་ཏཱི་ནཾ དེ་ཝཱ་ནཾ ཨཱ་ཡུ་པྤ་མཱ་ཎཾ. མ་ནུ་སྶཱ་ནཾ ག་ཎ་ནཱ་ཡ ཀི་ཏྟ་ཀཾ ཧོ་ཏི? དྭེ ཝ་སྶ་ཀོ་ཊི་ས་ཏཱ་ནི ཏིཾ་ས་ཉྩ ཝ་སྶ་ཀོ་ཊི་ཡོ ཙ་ཏྟཱ་རཱི་ས་ཉྩ ཝ་སྶ་ས་ཏ་ས་ཧ་སྶཱ་ནི.
པ་ར་ནི་མྨི་ཏ་ཝ་ས་ཝ་ཏྟཱི་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཡཱ་ནི མཱ་ནུ་ས་ཀཱ་ནི སོ་ལ༹་ས ཝ་སྶ་ས་ཏཱ་ནི, པ་ར་ནི་མྨི་ཏ་ཝ་ས་ཝ་ཏྟཱི་ནཾ དེ་ཝཱ་ནཾ ཨེ་སོ ཨེ་ཀོ ར་ཏྟི་ནྡི་ཝོ. ཏཱ་ཡ ར་ཏྟི་ཡཱ ཏིཾ་ས་ར་ཏྟི་ཡོ མཱ་སོ. ཏེ་ན མཱ་སེ་ན དྭཱ་ད་ས་མཱ་སི་ཡོ སཾ་ཝ་ཙྪ་རོ. ཏེ་ན སཾ་ཝ་ཙྪ་རེ་ན དི་བྦཱ་ནི སོ་ལ༹་ས ཝ་སྶ་ས་ཧ་སྶཱ་ནི པ་ར་ནི་མྨི་ཏ་ཝ་ས་ཝ་ཏྟཱི་ནཾ དེ་ཝཱ་ནཾ ཨཱ་ཡུ་པྤ་མཱ་ཎཾ. མ་ནུ་སྶཱ་ནཾ ག་ཎ་ནཱ་ཡ ཀི་ཏྟ་ཀཾ ཧོ་ཏི? ན་ཝ ཙ ཝ་སྶ་ཀོ་ཊི་ས་ཏཱ་ནི ཨེ་ཀ་ཝཱི་ས་ཉྩ ཝ་སྶ་ཀོ་ཊི་ཡོ ས་ཊྛི ཙ ཝ་སྶ་ས་ཏ་ས་ཧ་སྶཱ་ནཱི་ཏི.
ཚ ཨེ་ཏེ [ཚ་པི ཏེ (སྱཱ.)] ཀཱ་མཱ་ཝ་ཙ་རཱ, ས་བྦ་ཀཱ་མ་ས་མི་དྡྷི་ནོ;
ས་བྦེ་སཾ ཨེ་ཀ་ས་ངྑཱ་ཏོ, ཨཱ་ཡུ བྷ་ཝ་ཏི ཀི་ཏྟ་ཀོ.
དྭཱ་ད་ས ཀོ་ཊི་ས་ཏཾ ཏེ་སཾ, ཨ་ཊྛ་ཝཱི་ས་ཉྩ ཀོ་ཊི་ཡོ;
པ་ཉྙཱ་ས ས་ཏ་ས་ཧ་སྶཱ་ནི, ཝ་སྶ་གྒེ་ན པ་ཀཱ་སི་ཏཱ་ཏི.
༡༠༢༤. པ་ཋ་མཾ ཛྷཱ་ནཾ པ་རི་ཏྟཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? པ་ཋ་མཾ ཛྷཱ་ནཾ པ་རི་ཏྟཾ བྷཱ་ཝེ་ཏྭཱ བྲ་ཧྨ་པཱ་རི་ས་ཛྫཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཀ་པྤ་སྶ ཏ་ཏི་ཡོ བྷཱ་གོ.
པ་ཋ་མཾ ཛྷཱ་ནཾ མ་ཛ྄ཛྷི་མཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? པ་ཋ་མཾ ཛྷཱ་ནཾ མ་ཛ྄ཛྷི་མཾ བྷཱ་ཝེ་ཏྭཱ བྲ་ཧྨ་པུ་རོ་ཧི་ཏཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཨུ་པ་ཌྜྷ་ཀ་པྤོ.
པ་ཋ་མཾ ཛྷཱ་ནཾ པ་ཎཱི་ཏཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? པ་ཋ་མཾ ཛྷཱ་ནཾ པ་ཎཱི་ཏཾ བྷཱ་ཝེ་ཏྭཱ མ་ཧཱ་བྲ་ཧྨཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཀ་པྤོ [ཨེ་ཀོ ཀ་པྤོ (སྱཱ.)].
༡༠༢༥. དུ་ཏི་ཡཾ ཛྷཱ་ནཾ པ་རི་ཏྟཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? དུ་ཏི་ཡཾ ཛྷཱ་ནཾ པ་རི་ཏྟཾ བྷཱ་ཝེ་ཏྭཱ པ་རི་ཏྟཱ་བྷཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? དྭེ ཀ་པྤཱ.
དུ་ཏི་ཡཾ ཛྷཱ་ནཾ མ་ཛ྄ཛྷི་མཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? དུ་ཏི་ཡཾ ཛྷཱ་ནཾ མ་ཛ྄ཛྷི་མཾ བྷཱ་ཝེ་ཏྭཱ ཨ་པྤ་མཱ་ཎཱ་བྷཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཙ་ཏྟཱ་རོ ཀ་པྤཱ.
དུ་ཏི་ཡཾ ཛྷཱ་ནཾ པ་ཎཱི་ཏཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? དུ་ཏི་ཡཾ ཛྷཱ་ནཾ པ་ཎཱི་ཏཾ བྷཱ་ཝེ་ཏྭཱ ཨཱ་བྷ་སྶ་རཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཨ་ཊྛ ཀ་པྤཱ.
༡༠༢༦. ཏ་ཏི་ཡཾ ཛྷཱ་ནཾ པ་རི་ཏྟཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? ཏ་ཏི་ཡཾ ཛྷཱ་ནཾ པ་རི་ཏྟཾ བྷཱ་ཝེ་ཏྭཱ པ་རི་ཏྟ་སུ་བྷཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? སོ་ལ༹་ས ཀ་པྤཱ.
ཏ་ཏི་ཡཾ ཛྷཱ་ནཾ མ་ཛ྄ཛྷི་མཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? ཏ་ཏི་ཡཾ ཛྷཱ་ནཾ མ་ཛ྄ཛྷི་མཾ བྷཱ་ཝེ་ཏྭཱ ཨ་པྤ་མཱ་ཎ་སུ་བྷཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? བཱ་ཏྟིཾ་ས ཀ་པྤཱ.
ཏ་ཏི་ཡཾ ཛྷཱ་ནཾ པ་ཎཱི་ཏཾ བྷཱ་ཝེ་ཏྭཱ ཀ་ཏྠ ཨུ་པ་པ་ཛྫ་ནྟི? ཏ་ཏི་ཡཾ ཛྷཱ་ནཾ པ་ཎཱི་ཏཾ བྷཱ་ཝེ་ཏྭཱ སུ་བྷ་ཀི་ཎྷཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི. ཏེ་སཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཙ་ཏུ་ས་ཊྛི ཀ་པྤཱ.
༡༠༢༧. ཙ་ཏུ་ཏྠཾ ཛྷཱ་ནཾ བྷཱ་ཝེ་ཏྭཱ ཨཱ་ར་མྨ་ཎ་ནཱ་ན་ཏྟ་ཏཱ མ་ན་སི་ཀཱ་ར་ནཱ་ན་ཏྟ་ཏཱ ཚ་ནྡ་ནཱ་ན་ཏྟ་ཏཱ པ་ཎི་དྷི་ནཱ་ན་ཏྟ་ཏཱ ཨ་དྷི་མོ་ཀྑ་ནཱ་ན་ཏྟ་ཏཱ ཨ་བྷི་ནཱི་ཧཱ་ར་ནཱ་ན་ཏྟ་ཏཱ པ་ཉྙཱ་ནཱ་ན་ཏྟ་ཏཱ ཨ་པྤེ་ཀ་ཙྩེ ཨ་ས་ཉྙ་ས་ཏྟཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཝེ་ཧ་པྥ་ལཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཨ་ཝི་ཧཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཨ་ཏ་པྤཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ སུ་ད་སྶཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ སུ་ད་སྶཱི་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཨ་ཀ་ནི་ཊྛཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཨཱ་ཀཱ་སཱ་ན་ཉྩཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཝི་ཉྙཱ་ཎ་ཉྩཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཨཱ་ཀི་ཉྩ་ཉྙཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི.
ཨ་ས་ཉྙ་ས་ཏྟཱ་ན་ཉྩ ཝེ་ཧ་པྥ་ལཱ་ན་ཉྩ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? པ་ཉྩ་ཀ་པྤ་ས་ཏཱ་ནི.
ཨ་ཝི་ཧཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཀ་པྤ་ས་ཧ་སྶཾ.
ཨ་ཏ་པྤཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? དྭེ ཀ་པྤ་ས་ཧ་སྶཱ་ནི.
སུ་ད་སྶཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཙ་ཏྟཱ་རི ཀ་པྤ་ས་ཧ་སྶཱ་ནི.
སུ་ད་སྶཱི་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཨ་ཊྛ ཀ་པྤ་ས་ཧ་སྶཱ་ནི.
ཨ་ཀ་ནི་ཊྛཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? སོ་ལ༹་ས ཀ་པྤ་ས་ཧ་སྶཱ་ནི.
༡༠༢༨. ཨཱ་ཀཱ་སཱ་ན་ཉྩཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཝཱི་ས་ཏི ཀ་པྤ་ས་ཧ་སྶཱ་ནི.
ཝི་ཉྙཱ་ཎ་ཉྩཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཙ་ཏྟཱ་རཱི་ས ཀ་པྤ་ས་ཧ་སྶཱ་ནི.
ཨཱ་ཀི་ཉྩ་ཉྙཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ས་ཊྛི ཀ་པྤ་ས་ཧ་སྶཱ་ནི.
ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཱུ་པ་གཱ་ནཾ དེ་ཝཱ་ནཾ ཀི་ཏྟ་ཀཾ ཨཱ་ཡུ་པྤ་མཱ་ཎཾ? ཙ་ཏུ་རཱ་སཱི་ཏི ཀ་པྤ་ས་ཧ་སྶཱ་ནཱི་ཏི.
༡༠༢༩. ཨུ་ཀྑི་ཏྟཱ པུ་ཉྙ་ཏེ་ཛེ་ན, ཀཱ་མ་རཱུ་པ་ག་ཏིཾ ག་ཏཱ.
བྷ་ཝ་གྒ་ཏ་མྤི [བྷ་ཝ་གྒཾ ཝཱ་པི (སྱཱ.)] ས་མྤ་ཏྟཱ, པུ་ནཱ་ག་ཙྪ་ནྟི [པུ་ན ག་ཙྪ་ནྟི (སྱཱ.)] དུ་གྒ་ཏིཾ.
ཏཱ་ཝ དཱི་གྷཱ་ཡུ་ཀཱ ས་ཏྟཱ, ཙ་ཝ་ནྟི ཨཱ་ཡུ་ས་ངྑ་ཡཱ;
ན་ཏྠི ཀོ་ཙི བྷ་ཝོ ནི་ཙྩོ, ཨི་ཏི ཝུ་ཏྟཾ མ་ཧེ་སི་ནཱ.
ཏ་སྨཱ ཧི དྷཱི་རཱ ནི་པ་ཀཱ, ནི་པུ་ཎཱ ཨ་ཏྠ་ཙི་ནྟ་ཀཱ;
ཛ་རཱ་མ་ར་ཎ་མོ་ཀྑཱ་ཡ, བྷཱ་ཝེ་ནྟི མ་གྒ་མུ་ཏྟ་མཾ.
བྷཱ་ཝ་ཡི་ཏྭཱ སུ་ཙིཾ མ་གྒཾ, ནི་བྦཱ་ནོ་ག་དྷ་གཱ་མི་ནཾ;
ས་བྦཱ་ས་ཝེ པ་རི་ཉྙཱ་ཡ, པ་རི་ནི་བྦ་ནྟི ཨ་ནཱ་ས་ཝཱ་ཏི.