༧. ཨ་བྷི་ཉྙེ་ཡྻཱ་དི་ཝཱ་རོ

༡༠༣༠. པ་ཉྩ་ནྣཾ ཁ་ནྡྷཱ་ནཾ ཀ་ཏི ཨ་བྷི་ཉྙེ་ཡྻཱ, ཀ་ཏི པ་རི་ཉྙེ་ཡྻཱ, ཀ་ཏི པ་ཧཱ་ཏ་བྦཱ, ཀ་ཏི བྷཱ་ཝེ་ཏ་བྦཱ, ཀ་ཏི ས་ཙྪི་ཀཱ་ཏ་བྦཱ, ཀ་ཏི ན པ་ཧཱ་ཏ་བྦཱ, ན བྷཱ་ཝེ་ཏ་བྦཱ, ན ས་ཙྪི་ཀཱ་ཏ་བྦཱ…པེ… ས་ཏྟ་ནྣཾ ཙི་ཏྟཱ་ནཾ ཀ་ཏི ཨ་བྷི་ཉྙེ་ཡྻཱ, ཀ་ཏི པ་རི་ཉྙེ་ཡྻཱ, ཀ་ཏི པ་ཧཱ་ཏ་བྦཱ, ཀ་ཏི བྷཱ་ཝེ་ཏ་བྦཱ, ཀ་ཏི ས་ཙྪི་ཀཱ་ཏ་བྦཱ, ཀ་ཏི ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ?

༡༠༣༡. རཱུ་པ་ཀྑ་ནྡྷོ ཨ་བྷི་ཉྙེ་ཡྻོ པ་རི་ཉྙེ་ཡྻོ ན པ་ཧཱ་ཏ་བྦོ ན བྷཱ་ཝེ་ཏ་བྦོ ན ས་ཙྪི་ཀཱ་ཏ་བྦོ. ཙ་ཏྟཱ་རོ ཁ་ནྡྷཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ, སི་ཡཱ པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ.

ད་སཱ་ཡ་ཏ་ནཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ. དྭེ ཨཱ་ཡ་ཏ་ནཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ, སི་ཡཱ པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ.

སོ་ལ༹་ས དྷཱ་ཏུ་ཡོ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ. དྭེ དྷཱ་ཏུ་ཡོ ཨ་བྷི་ཉྙེ་ཡྻཱ པ་རི་ཉྙེ་ཡྻཱ, སི་ཡཱ པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ.

ས་མུ་ད་ཡ་ས་ཙྩཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ པ་ཧཱ་ཏ་བྦཾ ན བྷཱ་ཝེ་ཏ་བྦཾ ན ས་ཙྪི་ཀཱ་ཏ་བྦཾ. མ་གྒ་ས་ཙྩཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ ན པ་ཧཱ་ཏ་བྦཾ བྷཱ་ཝེ་ཏ་བྦཾ ན ས་ཙྪི་ཀཱ་ཏ་བྦཾ. ནི་རོ་དྷ་ས་ཙྩཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ ན པ་ཧཱ་ཏ་བྦཾ ན བྷཱ་ཝེ་ཏ་བྦཾ ས་ཙྪི་ཀཱ་ཏ་བྦཾ. དུ་ཀྑ་ས་ཙྩཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ, སི་ཡཱ པ་ཧཱ་ཏ་བྦཾ, ན བྷཱ་ཝེ་ཏ་བྦཾ, ན ས་ཙྪི་ཀཱ་ཏ་བྦཾ, སི་ཡཱ ན པ་ཧཱ་ཏ་བྦཾ.

ན་ཝི་ནྡྲི་ཡཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ. དོ་མ་ན་སྶི་ནྡྲི་ཡཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ པ་ཧཱ་ཏ་བྦཾ ན བྷཱ་ཝེ་ཏ་བྦཾ ན ས་ཙྪི་ཀཱ་ཏ་བྦཾ. ཨ་ན་ཉྙཱ་ཏ་ཉྙ་སྶཱ་མཱི་ཏི་ནྡྲི་ཡཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ ན པ་ཧཱ་ཏ་བྦཾ བྷཱ་ཝེ་ཏ་བྦཾ ན ས་ཙྪི་ཀཱ་ཏ་བྦཾ. ཨ་ཉྙི་ནྡྲི་ཡཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ ན པ་ཧཱ་ཏ་བྦཾ, སི་ཡཱ བྷཱ་ཝེ་ཏ་བྦཾ, སི་ཡཱ ས་ཙྪི་ཀཱ་ཏ་བྦཾ. ཨ་ཉྙཱ་ཏཱ་ཝི་ནྡྲི་ཡཾ ཨ་བྷི་ཉྙེ་ཡྻཾ པ་རི་ཉྙེ་ཡྻཾ ན པ་ཧཱ་ཏ་བྦཾ ན བྷཱ་ཝེ་ཏ་བྦཾ ས་ཙྪི་ཀཱ་ཏ་བྦཾ. ཏཱི་ཎི་ནྡྲི་ཡཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན བྷཱ་ཝེ་ཏ་བྦཱ, ས་ཙྪི་ཀཱ་ཏ་བྦཱ. ཚ ཨི་ནྡྲི་ཡཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ, སི་ཡཱ པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ.

ཏ་ཡོ ཨ་ཀུ་ས་ལ་ཧེ་ཏཱུ ཨ་བྷི་ཉྙེ་ཡྻཱ པ་རི་ཉྙེ་ཡྻཱ པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ. ཏ་ཡོ ཀུ་ས་ལ་ཧེ་ཏཱུ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, ན ས་ཙྪི་ཀཱ་ཏ་བྦཱ, སི་ཡཱ ན བྷཱ་ཝེ་ཏ་བྦཱ. ཏ་ཡོ ཨ་བྱཱ་ཀ་ཏ་ཧེ་ཏཱུ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན ས་ཙྪི་ཀཱ་ཏ་བྦཱ.

ཀ་བ་ལཱི༹་ཀཱ་རོ ཨཱ་ཧཱ་རོ ཨ་བྷི་ཉྙེ་ཡྻོ པ་རི་ཉྙེ་ཡྻོ ན པ་ཧཱ་ཏ་བྦོ ན བྷཱ་ཝེ་ཏ་བྦོ ན ས་ཙྪི་ཀཱ་ཏ་བྦོ. ཏ་ཡོ ཨཱ་ཧཱ་རཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ, སི་ཡཱ པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ.

ཚ ཕ་སྶཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ. མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ ཨ་བྷི་ཉྙེ་ཡྻོ པ་རི་ཉྙེ་ཡྻོ, སི་ཡཱ པ་ཧཱ་ཏ་བྦོ, སི་ཡཱ བྷཱ་ཝེ་ཏ་བྦོ, སི་ཡཱ ས་ཙྪི་ཀཱ་ཏ་བྦོ, སི་ཡཱ ན པ་ཧཱ་ཏ་བྦོ ན བྷཱ་ཝེ་ཏ་བྦོ ན ས་ཙྪི་ཀཱ་ཏ་བྦོ.

ཚ ཝེ་ད་ནཱ…པེ… ཚ ས་ཉྙཱ… ཚ ཙེ་ཏ་ནཱ… ཚ ཙི་ཏྟཱ ཨ་བྷི་ཉྙེ་ཡྻཱ པ་རི་ཉྙེ་ཡྻཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ. མ་ནོ་ཝི་ཉྙཱ་ཎ་དྷཱ་ཏུ ཨ་བྷི་ཉྙེ་ཡྻཱ པ་རི་ཉྙེ་ཡྻཱ, སི་ཡཱ པ་ཧཱ་ཏ་བྦཱ, སི་ཡཱ བྷཱ་ཝེ་ཏ་བྦཱ, སི་ཡཱ ས་ཙྪི་ཀཱ་ཏ་བྦཱ, སི་ཡཱ ན པ་ཧཱ་ཏ་བྦཱ ན བྷཱ་ཝེ་ཏ་བྦཱ ན ས་ཙྪི་ཀཱ་ཏ་བྦཱ.