༡. ཨུ་པྤཱ་ད་ཀ་ཀ་མྨཾ

༡༠༢༡. དེ་ཝཱ་ཏི. ཏ་ཡོ དེ་ཝཱ – ས་མྨུ་ཏི་དེ་ཝཱ [ས་མྨ་ཏི་དེ་ཝཱ (སྱཱ.)], ཨུ་པ་པ་ཏྟི་དེ་ཝཱ, ཝི་སུ་དྡྷི་དེ་ཝཱ.

ས་མྨུ་ཏི་དེ་ཝཱ ནཱ་མ – རཱ་ཛཱ་ནོ, དེ་ཝི་ཡོ, ཀུ་མཱ་རཱ.

ཨུ་པ་པ་ཏྟི་དེ་ཝཱ ནཱ་མ – ཙཱ་ཏུ་མ་ཧཱ་རཱ་ཛི་ཀེ [ཙཱ་ཏུ་མྨ་ཧཱ་རཱ་ཛི་ཀེ (སཱི. སྱཱ.)] དེ་ཝེ ཨུ་པཱ་དཱ་ཡ ཏ་དུ་པ་རི དེ་ཝཱ.

ཝི་སུ་དྡྷི་དེ་ཝཱ ནཱ་མ – ཨ་ར་ཧ་ནྟོ ཝུ་ཙྩ་ནྟི.

དཱ་ནཾ ད་ཏྭཱ, སཱི་ལཾ ས་མཱ་དི་ཡི་ཏྭཱ, ཨུ་པོ་ས་ཐ་ཀ་མྨཾ ཀ་ཏྭཱ ཀ་ཏྠ ཨུ་པ་པ་ཛྫ་ནྟི? དཱ་ནཾ ད་ཏྭཱ, སཱི་ལཾ ས་མཱ་དི་ཡི་ཏྭཱ, ཨུ་པོ་ས་ཐ་ཀ་མྨཾ ཀ་ཏྭཱ ཨ་པྤེ་ཀ་ཙྩེ ཁ་ཏྟི་ཡ་མ་ཧཱ་སཱ་ལཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ བྲཱ་ཧྨ་ཎ་མ་ཧཱ་སཱ་ལཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ག་ཧ་པ་ཏི་མ་ཧཱ་སཱ་ལཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཙཱ་ཏུ་མ་ཧཱ་རཱ་ཛི་ཀཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཏཱ་ཝ་ཏིཾ་སཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཡཱ་མཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ཏུ་སི་ཏཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ ནི་མྨཱ་ན་ར་ཏཱི་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི, ཨ་པྤེ་ཀ་ཙྩེ པ་ར་ནི་མྨི་ཏ་ཝ་ས་ཝ་ཏྟཱི་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫ་ནྟི.