༤. ཨ་རཱུ་པ་དྷཱ་ཏུ
༡༠༡༨. ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏི ཁ་ནྡྷཱ པཱ་ཏུ་བྷ་ཝ་ནྟི…པེ… ཀ་ཏི ཙི་ཏྟཱ་ནི པཱ་ཏུ་བྷ་ཝ་ནྟི?
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཙ་ཏྟཱ་རོ ཁ་ནྡྷཱ པཱ་ཏུ་བྷ་ཝ་ནྟི, དྭེ ཨཱ་ཡ་ཏ་ནཱ་ནི པཱ་ཏུ་བྷ་ཝ་ནྟི, དྭེ དྷཱ་ཏུ་ཡོ པཱ་ཏུ་བྷ་ཝ་ནྟི, ཨེ་ཀཾ ས་ཙྩཾ པཱ་ཏུ་བྷ་ཝ་ཏི, ཨ་ཊྛི་ནྡྲི་ཡཱ་ནི པཱ་ཏུ་བྷ་ཝ་ནྟི, ཏ་ཡོ ཧེ་ཏཱུ པཱ་ཏུ་བྷ་ཝ་ནྟི, ཏ་ཡོ ཨཱ་ཧཱ་རཱ པཱ་ཏུ་བྷ་ཝ་ནྟི, ཨེ་ཀོ ཕ་སྶོ པཱ་ཏུ་བྷ་ཝ་ཏི, ཨེ་ཀཱ ཝེ་ད་ནཱ… ཨེ་ཀཱ ས་ཉྙཱ… ཨེ་ཀཱ ཙེ་ཏ་ནཱ… ཨེ་ཀཾ ཙི་ཏྟཾ པཱ་ཏུ་བྷ་ཝ་ཏི.
༡༠༡༩. ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མེ ཙ་ཏྟཱ་རོ ཁ་ནྡྷཱ པཱ་ཏུ་བྷ་ཝ་ནྟི? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མེ ཙ་ཏྟཱ་རོ ཁ་ནྡྷཱ པཱ་ཏུ་བྷ་ཝ་ནྟི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ་ནི དྭེ ཨཱ་ཡ་ཏ་ནཱ་ནི པཱ་ཏུ་བྷ་ཝ་ནྟི? མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མཱ་ནི དྭེ ཨཱ་ཡ་ཏ་ནཱ་ནི པཱ་ཏུ་བྷ་ཝ་ནྟི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ དྭེ དྷཱ་ཏུ་ཡོ པཱ་ཏུ་བྷ་ཝ་ནྟི? མ་ནོ་ཝི་ཉྙཱ་ཎ་དྷཱ་ཏུ, དྷ་མྨ་དྷཱ་ཏུ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མཱ དྭེ དྷཱ་ཏུ་ཡོ པཱ་ཏུ་བྷ་ཝ་ནྟི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཾ ཨེ་ཀཾ ས་ཙྩཾ པཱ་ཏུ་བྷ་ཝ་ཏི? དུ་ཀྑ་ས་ཙྩཾ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་དཾ ཨེ་ཀཾ ས་ཙྩཾ པཱ་ཏུ་བྷ་ཝ་ཏི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ་ནི ཨ་ཊྛི་ནྡྲི་ཡཱ་ནི པཱ་ཏུ་བྷ་ཝ་ནྟི? མ་ནི་ནྡྲི་ཡཾ, ཛཱི་ཝི་ཏི་ནྡྲི་ཡཾ, ཨུ་པེ་ཀྑི་ནྡྲི་ཡཾ, ས་དྡྷི་ནྡྲི་ཡཾ, ཝཱི་རི་ཡི་ནྡྲི་ཡཾ, ས་ཏི་ནྡྲི་ཡཾ, ས་མཱ་དྷི་ནྡྲི་ཡཾ, པ་ཉྙི་ནྡྲི་ཡཾ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མཱ་ནི ཨ་ཊྛི་ནྡྲི་ཡཱ་ནི པཱ་ཏུ་བྷ་ཝ་ནྟི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མེ ཏ་ཡོ ཧེ་ཏཱུ པཱ་ཏུ་བྷ་ཝ་ནྟི? ཨ་ལོ་བྷོ ཝི་པཱ་ཀ་ཧེ་ཏུ, ཨ་དོ་སོ ཝི་པཱ་ཀ་ཧེ་ཏུ, ཨ་མོ་ཧོ ཝི་པཱ་ཀ་ཧེ་ཏུ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མེ ཏ་ཡོ ཧེ་ཏཱུ པཱ་ཏུ་བྷ་ཝ་ནྟི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མེ ཏ་ཡོ ཨཱ་ཧཱ་རཱ པཱ་ཏུ་བྷ་ཝ་ནྟི? ཕ་སྶཱ་ཧཱ་རོ, མ་ནོ་ས་ཉྩེ་ཏ་ནཱ་ཧཱ་རོ, ཝི་ཉྙཱ་ཎཱ་ཧཱ་རོ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་མེ ཏ་ཡོ ཨཱ་ཧཱ་རཱ པཱ་ཏུ་བྷ་ཝ་ནྟི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མོ ཨེ་ཀོ ཕ་སྶོ པཱ་ཏུ་བྷ་ཝ་ཏི? མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨ་ཡཾ ཨེ་ཀོ ཕ་སྶོ པཱ་ཏུ་བྷ་ཝ་ཏི.
ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཀ་ཏ་མཱ ཨེ་ཀཱ ཝེ་ད་ནཱ…པེ… ཨེ་ཀཱ ས་ཉྙཱ… ཨེ་ཀཱ ཙེ་ཏ་ནཱ… ཨེ་ཀཾ ཙི་ཏྟཾ པཱ་ཏུ་བྷ་ཝ་ཏི? མ་ནོ་ཝི་ཉྙཱ་ཎ་དྷཱ་ཏུ – ཨ་རཱུ་པ་དྷཱ་ཏུ་ཡཱ ཨུ་པ་པ་ཏྟི་ཀྑ་ཎེ ཨི་དཾ ཨེ་ཀཾ ཙི་ཏྟཾ པཱ་ཏུ་བྷ་ཝ་ཏི.