༥. བྷཱུ་མ་ནྟ་ར་ད་སྶ་ན་ཝཱ་རོ

༡༠༢༠. ཀཱ་མཱ་ཝ་ཙ་རཱ དྷ་མྨཱ, ན ཀཱ་མཱ་ཝ་ཙ་རཱ དྷ་མྨཱ, རཱུ་པཱ་ཝ་ཙ་རཱ དྷ་མྨཱ, ན རཱུ་པཱ་ཝ་ཙ་རཱ དྷ་མྨཱ, ཨ་རཱུ་པཱ་ཝ་ཙ་རཱ དྷ་མྨཱ, ན ཨ་རཱུ་པཱ་ཝ་ཙ་རཱ དྷ་མྨཱ, པ་རི་ཡཱ་པ་ནྣཱ དྷ་མྨཱ, ཨ་པ་རི་ཡཱ་པ་ནྣཱ དྷ་མྨཱ.

ཀ་ཏ་མེ དྷ་མྨཱ ཀཱ་མཱ་ཝ་ཙ་རཱ? ཧེ་ཊྛ་ཏོ ཨ་ཝཱི་ཙི་ནི་ར་ཡཾ པ་རི་ཡ་ནྟཾ ཀ་རི་ཏྭཱ, ཨུ་པ་རི་ཏོ པ་ར་ནི་མྨི་ཏ་ཝ་ས་ཝ་ཏྟཱི དེ་ཝེ ཨ་ནྟོ་ཀ་རི་ཏྭཱ, ཡཾ ཨེ་ཏ་སྨིཾ ཨ་ནྟ་རེ ཨེ་ཏྠཱ་ཝ་ཙ་རཱ ཨེ་ཏྠ པ་རི་ཡཱ་པ་ནྣཱ ཁ་ནྡྷ་དྷཱ་ཏུ་ཨཱ་ཡ་ཏ་ནཱ; རཱུ་པཾ, ཝེ་ད་ནཱ, ས་ཉྙཱ, ས་ངྑཱ་རཱ, ཝི་ཉྙཱ་ཎཾ – ཨི་མེ དྷ་མྨཱ ཀཱ་མཱ་ཝ་ཙ་རཱ.

ཀ་ཏ་མེ དྷ་མྨཱ ན ཀཱ་མཱ་ཝ་ཙ་རཱ? རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ – ཨི་མེ དྷ་མྨཱ ན ཀཱ་མཱ་ཝ་ཙ་རཱ.

ཀ་ཏ་མེ དྷ་མྨཱ རཱུ་པཱ་ཝ་ཙ་རཱ? ཧེ་ཊྛ་ཏོ བྲ་ཧྨ་ལོ་ཀཾ པ་རི་ཡ་ནྟཾ ཀ་རི་ཏྭཱ, ཨུ་པ་རི་ཏོ ཨ་ཀ་ནི་ཊྛེ དེ་ཝེ ཨ་ནྟོ་ཀ་རི་ཏྭཱ, ཡཾ ཨེ་ཏ་སྨིཾ ཨ་ནྟ་རེ ཨེ་ཏྠཱ་ཝ་ཙ་རཱ ཨེ་ཏྠ པ་རི་ཡཱ་པ་ནྣཱ ས་མཱ་པ་ནྣ་སྶ ཝཱ ཨུ་པ་པ་ནྣ་སྶ ཝཱ དི་ཊྛ་དྷ་མྨ་སུ་ཁ་ཝི་ཧཱ་རི་སྶ ཝཱ ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ རཱུ་པཱ་ཝ་ཙ་རཱ.

ཀ་ཏ་མེ དྷ་མྨཱ ན རཱུ་པཱ་ཝ་ཙ་རཱ? ཀཱ་མཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ – ཨི་མེ དྷ་མྨཱ ན རཱུ་པཱ་ཝ་ཙ་རཱ.

ཀ་ཏ་མེ དྷ་མྨཱ ཨ་རཱུ་པཱ་ཝ་ཙ་རཱ? ཧེ་ཊྛ་ཏོ ཨཱ་ཀཱ་སཱ་ན་ཉྩཱ་ཡ་ཏ་ནཱུ་པ་གེ དེ་ཝེ པ་རི་ཡ་ནྟཾ ཀ་རི་ཏྭཱ, ཨུ་པ་རི་ཏོ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཱུ་པ་གེ དེ་ཝེ ཨ་ནྟོ་ཀ་རི་ཏྭཱ, ཡཾ ཨེ་ཏ་སྨིཾ ཨ་ནྟ་རེ ཨེ་ཏྠཱ་ཝ་ཙ་རཱ ཨེ་ཏྠ པ་རི་ཡཱ་པ་ནྣཱ ས་མཱ་པ་ནྣ་སྶ ཝཱ ཨུ་པ་པ་ནྣ་སྶ ཝཱ དི་ཊྛ་དྷ་མྨ་སུ་ཁ་ཝི་ཧཱ་རི་སྶ ཝཱ ཙི་ཏྟ་ཙེ་ཏ་སི་ཀཱ དྷ་མྨཱ – ཨི་མེ དྷ་མྨཱ ཨ་རཱུ་པཱ་ཝ་ཙ་རཱ.

ཀ་ཏ་མེ དྷ་མྨཱ ན ཨ་རཱུ་པཱ་ཝ་ཙ་རཱ? ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་པ་རི་ཡཱ་པ་ནྣཱ – ཨི་མེ དྷ་མྨཱ ན ཨ་རཱུ་པཱ་ཝ་ཙ་རཱ.

ཀ་ཏ་མེ དྷ་མྨཱ པ་རི་ཡཱ་པ་ནྣཱ? སཱ་ས་ཝཱ ཀུ་ས་ལཱ་ཀུ་ས་ལ་བྱཱ་ཀ་ཏཱ དྷ་མྨཱ ཀཱ་མཱ་ཝ་ཙ་རཱ, རཱུ་པཱ་ཝ་ཙ་རཱ, ཨ་རཱུ་པཱ་ཝ་ཙ་རཱ, རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ དྷ་མྨཱ པ་རི་ཡཱ་པ་ནྣཱ.

ཀ་ཏ་མེ དྷ་མྨཱ ཨ་པ་རི་ཡཱ་པ་ནྣཱ? མ་གྒཱ ཙ, མ་གྒ་ཕ་ལཱ་ནི ཙ, ཨ་ས་ངྑ་ཏཱ ཙ དྷཱ་ཏུ – ཨི་མེ དྷ་མྨཱ ཨ་པ་རི་ཡཱ་པ་ནྣཱ.