༢. ཨུ་པྤ་ཏྟཱ་ནུ་པྤ་ཏྟི་ཝཱ་རོ
༡. ཀཱ་མ་དྷཱ་ཏུ
༩༩༡. ཀཱ་མ་དྷཱ་ཏུ་ཡཱ ཀ་ཏི ཁ་ནྡྷཱ, ཀ་ཏི ཨཱ་ཡ་ཏ་ནཱ་ནི, ཀ་ཏི དྷཱ་ཏུ་ཡོ, ཀ་ཏི ས་ཙྩཱ་ནི, ཀ་ཏི ཨི་ནྡྲི་ཡཱ་ནི, ཀ་ཏི ཧེ་ཏཱུ, ཀ་ཏི ཨཱ་ཧཱ་རཱ, ཀ་ཏི ཕ་སྶཱ, ཀ་ཏི ཝེ་ད་ནཱ, ཀ་ཏི ས་ཉྙཱ, ཀ་ཏི ཙེ་ཏ་ནཱ, ཀ་ཏི ཙི་ཏྟཱ་ནི?
ཀཱ་མ་དྷཱ་ཏུ་ཡཱ པ་ཉྩ་ཀྑ་ནྡྷཱ, དྭཱ་ད་སཱ་ཡ་ཏ་ནཱ་ནི, ཨ་ཊྛཱ་ར་ས དྷཱ་ཏུ་ཡོ, ཏཱི་ཎི ས་ཙྩཱ་ནི, བཱ་ཝཱི་ས་ཏི་ནྡྲི་ཡཱ་ནི, ན་ཝ ཧེ་ཏཱུ, ཙ་ཏྟཱ་རོ ཨཱ་ཧཱ་རཱ, ས་ཏྟ ཕ་སྶཱ, ས་ཏྟ ཝེ་ད་ནཱ, ས་ཏྟ ས་ཉྙཱ, ས་ཏྟ ཙེ་ཏ་ནཱ, ས་ཏྟ ཙི་ཏྟཱ་ནི.
༩༩༢. ཏ་ཏྠ ཀ་ཏ་མེ ཀཱ་མ་དྷཱ་ཏུ་ཡཱ པ་ཉྩ་ཀྑ་ནྡྷཱ? རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ པ་ཉྩ་ཀྑ་ནྡྷཱ’’.
ཏ་ཏྠ ཀ་ཏ་མཱ་ནི ཀཱ་མ་དྷཱ་ཏུ་ཡཱ དྭཱ་ད་སཱ་ཡ་ཏ་ནཱ་ནི? ཙ་ཀྑཱ་ཡ་ཏ་ནཾ, རཱུ་པཱ་ཡ་ཏ་ནཾ, སོ་ཏཱ་ཡ་ཏ་ནཾ, ས་དྡཱ་ཡ་ཏ་ནཾ, གྷཱ་ནཱ་ཡ་ཏ་ནཾ, ག་ནྡྷཱ་ཡ་ཏ་ནཾ, ཛི་ཝ྄ཧཱ་ཡ་ཏ་ནཾ, ར་སཱ་ཡ་ཏ་ནཾ, ཀཱ་ཡཱ་ཡ་ཏ་ནཾ, ཕོ་ཊྛ་བྦཱ་ཡ་ཏ་ནཾ, མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ – ཨི་མཱ་ནི ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ དྭཱ་ད་སཱ་ཡ་ཏ་ནཱ་ནི’’.
ཏ་ཏྠ ཀ་ཏ་མཱ ཀཱ་མ་དྷཱ་ཏུ་ཡཱ ཨ་ཊྛཱ་ར་ས དྷཱ་ཏུ་ཡོ? ཙ་ཀྑུ་དྷཱ་ཏུ, རཱུ་པ་དྷཱ་ཏུ, ཙ་ཀྑུ་ཝི་ཉྙཱ་ཎ་དྷཱ་ཏུ, སོ་ཏ་དྷཱ་ཏུ, ས་དྡ་དྷཱ་ཏུ, སོ་ཏ་ཝི་ཉྙཱ་ཎ་དྷཱ་ཏུ, གྷཱ་ན་དྷཱ་ཏུ, ག་ནྡྷ་དྷཱ་ཏུ, གྷཱ་ན་ཝི་ཉྙཱ་ཎ་དྷཱ་ཏུ, ཛི་ཝ྄ཧཱ་དྷཱ་ཏུ, ར་ས་དྷཱ་ཏུ, ཛི་ཝ྄ཧཱ་ཝི་ཉྙཱ་ཎ་དྷཱ་ཏུ, ཀཱ་ཡ་དྷཱ་ཏུ, ཕོ་ཊྛ་བྦ་དྷཱ་ཏུ, ཀཱ་ཡ་ཝི་ཉྙཱ་ཎ་དྷཱ་ཏུ, མ་ནོ་དྷཱ་ཏུ, དྷ་མྨ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ – ཨི་མཱ ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ཨ་ཊྛཱ་ར་ས དྷཱ་ཏུ་ཡོ’’.
ཏ་ཏྠ ཀ་ཏ་མཱ་ནི ཀཱ་མ་དྷཱ་ཏུ་ཡཱ ཏཱི་ཎི ས་ཙྩཱ་ནི? དུ་ཀྑ་ས་ཙྩཾ, ས་མུ་ད་ཡ་ས་ཙྩཾ, མ་གྒ་ས་ཙྩཾ – ཨི་མཱ་ནི ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ཏཱི་ཎི ས་ཙྩཱ་ནི’’.
ཏ་ཏྠ ཀ་ཏ་མཱ་ནི ཀཱ་མ་དྷཱ་ཏུ་ཡཱ བཱ་ཝཱི་ས་ཏི་ནྡྲི་ཡཱ་ནི? ཙ་ཀྑུ་ནྡྲི་ཡཾ, སོ་ཏི་ནྡྲི་ཡཾ…པེ… ཨ་ཉྙཱ་ཏཱ་ཝི་ནྡྲི་ཡཾ – ཨི་མཱ་ནི ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ བཱ་ཝཱི་ས་ཏི་ནྡྲི་ཡཱ་ནི’’.
ཏ་ཏྠ ཀ་ཏ་མེ ཀཱ་མ་དྷཱ་ཏུ་ཡཱ ན་ཝ ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ…པེ… ཨི་མེ ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ན་ཝ ཧེ་ཏཱུ’’.
ཏ་ཏྠ ཀ་ཏ་མེ ཀཱ་མ་དྷཱ་ཏུ་ཡཱ ཙ་ཏྟཱ་རོ ཨཱ་ཧཱ་རཱ? ཀ་བ་ལཱི༹་ཀཱ་རཱ་ཧཱ་རོ, ཕ་སྶཱ་ཧཱ་རོ, མ་ནོ་ས་ཉྩེ་ཏ་ནཱ་ཧཱ་རོ, ཝི་ཉྙཱ་ཎཱ་ཧཱ་རོ – ཨི་མེ ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ཙ་ཏྟཱ་རོ ཨཱ་ཧཱ་རཱ’’.
ཏ་ཏྠ ཀ་ཏ་མེ ཀཱ་མ་དྷཱ་ཏུ་ཡཱ ས་ཏྟ ཕ་སྶཱ? ཙ་ཀྑུ་ས་མྥ་སྶོ སོ་ཏ་ས་མྥ་སྶོ, གྷཱ་ན་ས་མྥ་སྶོ, ཛི་ཝ྄ཧཱ་ས་མྥ་སྶོ, ཀཱ་ཡ་ས་མྥ་སྶོ, མ་ནོ་དྷཱ་ཏུ་ས་མྥ་སྶོ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ – ཨི་མེ ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ས་ཏྟ ཕ་སྶཱ’’.
ཏ་ཏྠ ཀ་ཏ་མཱ ཀཱ་མ་དྷཱ་ཏུ་ཡཱ ས་ཏྟ ཝེ་ད་ནཱ? ཙ་ཀྑུ་ས་མྥ་སྶ་ཛཱ ཝེ་ད་ནཱ, སོ་ཏ་ས་མྥ་སྶ་ཛཱ ཝེ་ད་ནཱ, གྷཱ་ན་ས་མྥ་སྶ་ཛཱ ཝེ་ད་ནཱ, ཛི་ཝ྄ཧཱ་ས་མྥ་སྶ་ཛཱ ཝེ་ད་ནཱ, ཀཱ་ཡ་ས་མྥ་སྶ་ཛཱ ཝེ་ད་ནཱ, མ་ནོ་དྷཱ་ཏུ་ས་མྥ་སྶ་ཛཱ ཝེ་ད་ནཱ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཝེ་ད་ནཱ – ཨི་མཱ ཝུ་ཙྩ་ཏྟི ‘‘ཀཱ་མ་དྷཱ་ཏུ་ཡཱ ས་ཏྟ ཝེ་ད་ནཱ’’.
ཏ་ཏྠ ཀ་ཏ་མཱ ཀཱ་མ་དྷཱ་ཏུ་ཡཱ ས་ཏྟ ས་ཉྙཱ? ཙ་ཀྑུ་ས་མྥ་སྶ་ཛཱ ས་ཉྙཱ, སོ་ཏ་ས་མྥ་སྶ་ཛཱ ས་ཉྙཱ, གྷཱ་ན་ས་མྥ་སྶ་ཛཱ ས་ཉྙཱ, ཛི་ཝ྄ཧཱ་ས་མྥ་སྶ་ཛཱ ས་ཉྙཱ, ཀཱ་ཡ་ས་མྥ་སྶ་ཛཱ ས་ཉྙཱ, མ་ནོ་དྷཱ་ཏུ་ས་མྥ་སྶ་ཛཱ ས་ཉྙཱ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ས་ཉྙཱ – ཨི་མཱ ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ས་ཏྟ ས་ཉྙཱ’’.
ཏ་ཏྠ ཀ་ཏ་མཱ ཀཱ་མ་དྷཱ་ཏུ་ཡཱ ས་ཏྟ ཙེ་ཏ་ནཱ? ཙ་ཀྑུ་ས་མྥ་སྶ་ཛཱ ཙེ་ཏ་ནཱ, སོ་ཏ་ས་མྥ་སྶ་ཛཱ ཙེ་ཏ་ནཱ, གྷཱ་ན་ས་མྥ་སྶ་ཛཱ ཙེ་ཏ་ནཱ, ཛི་ཝ྄ཧཱ་ས་མྥ་སྶ་ཛཱ ཙེ་ཏ་ནཱ, ཀཱ་ཡ་ས་མྥ་སྶ་ཛཱ ཙེ་ཏ་ནཱ, མ་ནོ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶ་ཛཱ ཙེ་ཏ་ནཱ – ཨི་མཱ ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ས་ཏྟ ཙེ་ཏ་ནཱ’’.
ཏ་ཏྠ ཀ་ཏ་མཱ་ནི ཀཱ་མ་དྷཱ་ཏུ་ཡཱ ས་ཏྟ ཙི་ཏྟཱ་ནི? ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, གྷཱ་ན་ཝི་ཉྙཱ་ཎཾ, ཛི་ཝ྄ཧཱ་ཝི་ཉྙཱ་ཎཾ, ཀཱ་ཡ་ཝི་ཉྙཱ་ཎཾ, མ་ནོ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ – ཨི་མཱ་ནི ཝུ་ཙྩ་ནྟི ‘‘ཀཱ་མ་དྷཱ་ཏུ་ཡཱ ས་ཏྟ ཙི་ཏྟཱ་ནི’’.
༢. རཱུ་པ་དྷཱ་ཏུ
༩༩༣. རཱུ་པ་དྷཱ་ཏུ་ཡཱ ཀ་ཏི ཁ་ནྡྷཱ, ཀ་ཏི ཨཱ་ཡ་ཏ་ནཱ, ཀ་ཏི དྷཱ་ཏུ་ཡོ, ཀ་ཏི ས་ཙྩཱ་ནི, ཀ་ཏི ཨི་ནྡྲི་ཡཱ་ནི…པེ… ཀ་ཏི ཙི་ཏྟཱ་ནི?
རཱུ་པ་དྷཱ་ཏུ་ཡཱ པ་ཉྩ་ཀྑ་ནྡྷཱ, ཚ ཨཱ་ཡ་ཏ་ནཱ་ནི, ན་ཝ དྷཱ་ཏུ་ཡོ, ཏཱི་ཎི ས་ཙྩཱ་ནི, ཙུ་དྡ་སི་ནྡྲི་ཡཱ་ནི, ཨ་ཊྛ ཧེ་ཏཱུ, ཏ་ཡོ ཨཱ་ཧཱ་རཱ, ཙ་ཏྟཱ་རོ ཕ་སྶཱ, ཙ་ཏ་སྶོ ཝེ་ད་ནཱ, ཙ་ཏ་སྶོ ས་ཉྙཱ, ཙ་ཏ་སྶོ ཙེ་ཏ་ནཱ, ཙ་ཏྟཱ་རི ཙི་ཏྟཱ་ནི.
༩༩༤. ཏ་ཏྠ ཀ་ཏ་མེ རཱུ་པ་དྷཱ་ཏུ་ཡཱ པ་ཉྩ་ཀྑ་ནྡྷཱ? རཱུ་པ་ཀྑ་ནྡྷོ, ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ པ་ཉྩ་ཀྑ་ནྡྷཱ’’.
ཏ་ཏྠ ཀ་ཏ་མཱ་ནི རཱུ་པ་དྷཱ་ཏུ་ཡཱ ཚ ཨཱ་ཡ་ཏ་ནཱ་ནི? ཙ་ཀྑཱ་ཡ་ཏ་ནཾ, རཱུ་པཱ་ཡ་ཏ་ནཾ, སོ་ཏཱ་ཡ་ཏ་ནཾ, ས་དྡཱ་ཡ་ཏ་ནཾ, མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ – ཨི་མཱ་ནི ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ ཚ ཨཱ་ཡ་ཏ་ནཱ་ནི’’.
ཏ་ཏྠ ཀ་ཏ་མཱ རཱུ་པ་དྷཱ་ཏུ་ཡཱ ན་ཝ དྷཱ་ཏུ་ཡོ? ཙ་ཀྑུ་དྷཱ་ཏུ, རཱུ་པ་དྷཱ་ཏུ, ཙ་ཀྑུ་ཝི་ཉྙཱ་ཎ་དྷཱ་ཏུ, སོ་ཏ་དྷཱ་ཏུ, ས་དྡ་དྷཱ་ཏུ, སོ་ཏ་ཝི་ཉྙཱ་ཎ་དྷཱ་ཏུ, མ་ནོ་དྷཱ་ཏུ, དྷ་མྨ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ – ཨི་མཱ ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ ན་ཝ དྷཱ་ཏུ་ཡོ’’.
ཏ་ཏྠ ཀ་ཏ་མཱ་ནི རཱུ་པ་དྷཱ་ཏུ་ཡཱ ཏཱི་ཎི ས་ཙྩཱ་ནི? དུ་ཀྑ་ས་ཙྩཾ, ས་མུ་ད་ཡ་ས་ཙྩཾ, མ་གྒ་ས་ཙྩཾ – ཨི་མཱ་ནི ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ ཏཱི་ཎི ས་ཙྩཱ་ནི’’.
ཏ་ཏྠ ཀ་ཏ་མཱ་ནི རཱུ་པ་དྷཱ་ཏུ་ཡཱ ཙུ་དྡ་སི་ནྡྲི་ཡཱ་ནི? ཙ་ཀྑུ་ནྡྲི་ཡཾ, སོ་ཏི་ནྡྲི་ཡཾ, མ་ནི་ནྡྲི་ཡཾ, ཛཱི་ཝི་ཏི་ནྡྲི་ཡཾ, སོ་མ་ན་སྶི་ནྡྲི་ཡཾ, ཨུ་པེ་ཀྑི་ནྡྲི་ཡཾ, ས་དྡྷི་ནྡྲི་ཡཾ, ཝཱི་རི་ཡི་ནྡྲི་ཡཾ, ས་ཏི་ནྡྲི་ཡཾ, ས་མཱ་དྷི་ནྡྲི་ཡཾ, པ་ཉྙི་ནྡྲི་ཡཾ, ཨ་ན་ཉྙཱ་ཏ་ཉྙ་སྶཱ་མཱི་ཏི་ནྡྲི་ཡཾ, ཨ་ཉྙི་ནྡྲི་ཡཾ, ཨ་ཉྙཱ་ཏཱ་ཝི་ནྡྲི་ཡཾ – ཨི་མཱ་ནི ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ ཙུ་དྡ་སི་ནྡྲི་ཡཱ་ནི’’.
ཏ་ཏྠ ཀ་ཏ་མེ རཱུ་པ་དྷཱ་ཏུ་ཡཱ ཨ་ཊྛ ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, དྭེ ཨ་ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ.
ཏ་ཏྠ ཀ་ཏ་མེ ཏ་ཡོ ཀུ་ས་ལ་ཧེ་ཏཱུ? ཨ་ལོ་བྷོ ཀུ་ས་ལ་ཧེ་ཏུ, ཨ་དོ་སོ ཀུ་ས་ལ་ཧེ་ཏུ, ཨ་མོ་ཧོ ཀུ་ས་ལ་ཧེ་ཏུ – ཨི་མེ ཏ་ཡོ ཀུ་ས་ལ་ཧེ་ཏཱུ.
ཏ་ཏྠ ཀ་ཏ་མེ དྭེ ཨ་ཀུ་ས་ལ་ཧེ་ཏཱུ? ལོ་བྷོ ཨ་ཀུ་ས་ལ་ཧེ་ཏུ, མོ་ཧོ ཨ་ཀུ་ས་ལ་ཧེ་ཏུ – ཨི་མེ དྭེ ཨ་ཀུ་ས་ལ་ཧེ་ཏཱུ.
ཏ་ཏྠ ཀ་ཏ་མེ ཏ་ཡོ ཨ་བྱཱ་ཀ་ཏ་ཧེ་ཏཱུ? ཀུ་ས་ལཱ་ནཾ ཝཱ དྷ་མྨཱ་ནཾ ཝི་པཱ་ཀ་ཏོ ཀི་རི་ཡཱ་བྱཱ་ཀ་ཏེ་སུ ཝཱ དྷ་མྨེ་སུ ཨ་ལོ་བྷོ, ཨ་དོ་སོ, ཨ་མོ་ཧོ – ཨི་མེ ཏ་ཡོ ཨ་བྱཱ་ཀ་ཏ་ཧེ་ཏཱུ. ཨི་མེ ཝུ་ཙྩ་ནྟི རཱུ་པ་དྷཱ་ཏུ་ཡཱ ཨ་ཊྛ ཧེ་ཏཱུ.
ཏ་ཏྠ ཀ་ཏ་མེ རཱུ་པ་དྷཱ་ཏུ་ཡཱ ཏ་ཡོ ཨཱ་ཧཱ་རཱ? ཕ་སྶཱ་ཧཱ་རོ, མ་ནོ་ས་ཉྩེ་ཏ་ནཱ་ཧཱ་རོ, ཝི་ཉྙཱ་ཎཱ་ཧཱ་རོ – ཨི་མེ ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ ཏ་ཡོ ཨཱ་ཧཱ་རཱ’’.
ཏ་ཏྠ ཀ་ཏ་མེ རཱུ་པ་དྷཱ་ཏུ་ཡཱ ཙ་ཏྟཱ་རོ ཕ་སྶཱ? ཙ་ཀྑུ་ས་མྥ་སྶོ, སོ་ཏ་ས་མྥ་སྶོ, མ་ནོ་དྷཱ་ཏུ་ས་མྥ་སྶོ, མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ – ཨི་མེ ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ ཙ་ཏྟཱ་རོ ཕ་སྶཱ’’.
ཏ་ཏྠ ཀ་ཏ་མཱ རཱུ་པ་དྷཱ་ཏུ་ཡཱ ཙ་ཏ་སྶོ ཝེ་ད་ནཱ…པེ… ཙ་ཏ་སྶོ ས་ཉྙཱ…པེ… ཙ་ཏ་སྶོ ཙེ་ཏ་ནཱ…པེ… ཙ་ཏྟཱ་རི ཙི་ཏྟཱ་ནི? ཙ་ཀྑུ་ཝི་ཉྙཱ་ཎཾ, སོ་ཏ་ཝི་ཉྙཱ་ཎཾ, མ་ནོ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ – ཨི་མཱ་ནི ཝུ་ཙྩ་ནྟི ‘‘རཱུ་པ་དྷཱ་ཏུ་ཡཱ ཙ་ཏྟཱ་རི ཙི་ཏྟཱ་ནི’’.
༣. ཨ་རཱུ་པ་དྷཱ་ཏུ
༩༩༥. ཨ་རཱུ་པ་དྷཱ་ཏུ་ཡཱ ཀ་ཏི ཁ་ནྡྷཱ…པེ… ཀ་ཏི ཙི་ཏྟཱ་ནི?
ཨ་རཱུ་པ་དྷཱ་ཏུ་ཡཱ ཙ་ཏྟཱ་རོ ཁ་ནྡྷཱ, དྭེ ཨཱ་ཡ་ཏ་ནཱ་ནི, དྭེ དྷཱ་ཏུ་ཡོ, ཏཱི་ཎི ས་ཙྩཱ་ནི, ཨེ་ཀཱ་ད་སི་ནྡྲི་ཡཱ་ནི, ཨ་ཊྛ ཧེ་ཏཱུ, ཏ་ཡོ ཨཱ་ཧཱ་རཱ, ཨེ་ཀོ ཕ་སྶོ, ཨེ་ཀཱ ཝེ་ད་ནཱ, ཨེ་ཀཱ ས་ཉྙཱ, ཨེ་ཀཱ ཙེ་ཏ་ནཱ, ཨེ་ཀཾ ཙི་ཏྟཾ.
༩༩༦. ཏ་ཏྠ ཀ་ཏ་མེ ཨ་རཱུ་པ་དྷཱ་ཏུ་ཡཱ ཙ་ཏྟཱ་རོ ཁ་ནྡྷཱ? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ ཝུ་ཙྩ་ནྟི ‘‘ཨ་རཱུ་པ་དྷཱ་ཏུ་ཡཱ ཙ་ཏྟཱ་རོ ཁ་ནྡྷཱ’’.
ཏ་ཏྠ ཀ་ཏ་མཱ་ནི ཨ་རཱུ་པ་དྷཱ་ཏུ་ཡཱ དྭེ ཨཱ་ཡ་ཏ་ནཱ་ནི? མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ – ཨི་མཱ་ནི ཝུ་ཙྩ་ནྟི ‘‘ཨ་རཱུ་པ་དྷཱ་ཏུ་ཡཱ དྭེ ཨཱ་ཡ་ཏ་ནཱ་ནི’’.
ཏ་ཏྠ ཀ་ཏ་མཱ ཨ་རཱུ་པ་དྷཱ་ཏུ་ཡཱ དྭེ དྷཱ་ཏུ་ཡོ? མ་ནོ་ཝི་ཉྙཱ་ཎ་དྷཱ་ཏུ, དྷ་མྨ་དྷཱ་ཏུ – ཨི་མཱ ཝུ་ཙྩ་ནྟི ‘‘ཨ་རཱུ་པ་དྷཱ་ཏུ་ཡཱ དྭེ དྷཱ་ཏུ་ཡོ’’.
ཏ་ཏྠ ཀ་ཏ་མཱ་ནི ཨ་རཱུ་པ་དྷཱ་ཏུ་ཡཱ ཏཱི་ཎི ས་ཙྩཱ་ནི? དུ་ཀྑ་ས་ཙྩཾ, ས་མུ་ད་ཡ་ས་ཙྩཾ, མ་གྒ་ས་ཙྩཾ – ཨི་མཱ་ནི ཝུ་ཙྩ་ནྟི ‘‘ཨ་རཱུ་པ་དྷཱ་ཏུ་ཡཱ ཏཱི་ཎི ས་ཙྩཱ་ནི’’.
ཏ་ཏྠ ཀ་ཏ་མཱ་ནི ཨ་རཱུ་པ་དྷཱ་ཏུ་ཡཱ ཨེ་ཀཱ་ད་སི་ནྡྲི་ཡཱ་ནི? མ་ནི་ནྡྲི་ཡཾ, ཛཱི་ཝི་ཏི་ནྡྲི་ཡཾ, སོ་མ་ན་སྶི་ནྡྲི་ཡཾ, ཨུ་པེ་ཀྑི་ནྡྲི་ཡཾ, ས་དྡྷི་ནྡྲི་ཡཾ, ཝཱི་རི་ཡི་ནྡྲི་ཡཾ, ས་ཏི་ནྡྲི་ཡཾ, ས་མཱ་དྷི་ནྡྲི་ཡཾ, པ་ཉྙི་ནྡྲི་ཡཾ, ཨ་ཉྙི་ནྡྲི་ཡཾ, ཨ་ཉྙཱ་ཏཱ་ཝི་ནྡྲི་ཡཾ – ཨི་མཱ་ནི ཝུ་ཙྩ་ནྟི ‘‘ཨ་རཱུ་པ་དྷཱ་ཏུ་ཡཱ ཨེ་ཀཱ་ད་སི་ནྡྲི་ཡཱ་ནི’’.
ཏ་ཏྠ ཀ་ཏ་མེ ཨ་རཱུ་པ་དྷཱ་ཏུ་ཡཱ ཨ་ཊྛ ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, དྭེ ཨ་ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ…པེ… ཨི་མེ ཝུ་ཙྩ་ནྟི ‘‘ཨ་རཱུ་པ་དྷཱ་ཏུ་ཡཱ ཨ་ཊྛ ཧེ་ཏཱུ’’.
ཏ་ཏྠ ཀ་ཏ་མེ ཨ་རཱུ་པ་དྷཱ་ཏུ་ཡཱ ཏ་ཡོ ཨཱ་ཧཱ་རཱ? ཕ་སྶཱ་ཧཱ་རོ, མ་ནོ་ས་ཉྩེ་ཏ་ནཱ་ཧཱ་རོ, ཝི་ཉྙཱ་ཎཱ་ཧཱ་རོ – ཨི་མེ ཝུ་ཙྩ་ནྟི ‘‘ཨ་རཱུ་པ་དྷཱ་ཏུ་ཡཱ ཏ་ཡོ ཨཱ་ཧཱ་རཱ’’.
ཏ་ཏྠ ཀ་ཏ་མོ ཨ་རཱུ་པ་དྷཱ་ཏུ་ཡཱ ཨེ་ཀོ ཕ་སྶོ? མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ – ཨ་ཡཾ ཝུ་ཙྩ་ཏི ‘‘ཨ་རཱུ་པ་དྷཱ་ཏུ་ཡཱ ཨེ་ཀོ ཕ་སྶོ’’.
ཏ་ཏྠ ཀ་ཏ་མཱ ཨ་རཱུ་པ་དྷཱ་ཏུ་ཡཱ ཨེ་ཀཱ ཝེ་ད་ནཱ…པེ… ཨེ་ཀཱ ས་ཉྙཱ…པེ… ཨེ་ཀཱ ཙེ་ཏ་ནཱ…པེ… ཨེ་ཀཾ ཙི་ཏྟཾ? མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཨ་རཱུ་པ་དྷཱ་ཏུ་ཡཱ ཨེ་ཀཾ ཙི་ཏྟཾ’’.
༤. ཨ་པ་རི་ཡཱ་པ་ནྣཾ
༩༩༧. ཨ་པ་རི་ཡཱ་པ་ནྣེ ཀ་ཏི ཁ་ནྡྷཱ…པེ… ཀ་ཏི ཙི་ཏྟཱ་ནི?
ཨ་པ་རི་ཡཱ་པ་ནྣེ ཙ་ཏྟཱ་རོ ཁ་ནྡྷཱ, དྭེ ཨཱ་ཡ་ཏ་ནཱ་ནི, དྭེ དྷཱ་ཏུ་ཡོ, དྭེ ས་ཙྩཱ་ནི, དྭཱ་ད་སི་ནྡྲི་ཡཱ་ནི, ཚ ཧེ་ཏཱུ, ཏ་ཡོ ཨཱ་ཧཱ་རཱ, ཨེ་ཀོ ཕ་སྶོ, ཨེ་ཀཱ ཝེ་ད་ནཱ, ཨེ་ཀཱ ས་ཉྙཱ, ཨེ་ཀཱ ཙེ་ཏ་ནཱ, ཨེ་ཀཾ ཙི་ཏྟཾ.
༩༩༨. ཏ་ཏྠ ཀ་ཏ་མེ ཨ་པ་རི་ཡཱ་པ་ནྣེ ཙ་ཏྟཱ་རོ ཁ་ནྡྷཱ? ཝེ་ད་ནཱ་ཀྑ་ནྡྷོ, ས་ཉྙཱ་ཀྑ་ནྡྷོ, ས་ངྑཱ་ར་ཀྑ་ནྡྷོ, ཝི་ཉྙཱ་ཎ་ཀྑ་ནྡྷོ – ཨི་མེ ཝུ་ཙྩ་ནྟི ‘‘ཨ་པ་རི་ཡཱ་པ་ནྣེ ཙ་ཏྟཱ་རོ ཁ་ནྡྷཱ’’.
ཏ་ཏྠ ཀ་ཏ་མཱ་ནི ཨ་པ་རི་ཡཱ་པ་ནྣེ དྭེ ཨཱ་ཡ་ཏ་ནཱ་ནི? མ་ནཱ་ཡ་ཏ་ནཾ, དྷ་མྨཱ་ཡ་ཏ་ནཾ – ཨི་མཱ་ནི ཝུ་ཙྩ་ནྟི ‘‘ཨ་པ་རི་ཡཱ་པ་ནྣེ དྭེ ཨཱ་ཡ་ཏ་ནཱ་ནི’’.
ཏ་ཏྠ ཀ་ཏ་མཱ ཨ་པ་རི་ཡཱ་པ་ནྣེ དྭེ དྷཱ་ཏུ་ཡོ? མ་ནོ་ཝི་ཉྙཱ་ཎ་དྷཱ་ཏུ, དྷ་མྨ་དྷཱ་ཏུ – ཨི་མཱ ཝུ་ཙྩ་ནྟི ‘‘ཨ་པ་རི་ཡཱ་པ་ནྣེ དྭེ དྷཱ་ཏུ་ཡོ’’.
ཏ་ཏྠ ཀ་ཏ་མཱ་ནི ཨ་པ་རི་ཡཱ་པ་ནྣེ དྭེ ས་ཙྩཱ་ནི? མ་གྒ་ས་ཙྩཾ, ནི་རོ་དྷ་ས་ཙྩཾ – ཨི་མཱ་ནི ཝུ་ཙྩ་ནྟི ‘‘ཨ་པ་རི་ཡཱ་པ་ནྣེ དྭེ ས་ཙྩཱ་ནི’’.
ཏ་ཏྠ ཀ་ཏ་མཱ་ནི ཨ་པ་རི་ཡཱ་པ་ནྣེ དྭཱ་ད་སི་ནྡྲི་ཡཱ་ནི? མ་ནི་ནྡྲི་ཡཾ, ཛཱི་ཝི་ཏི་ནྡྲི་ཡཾ, སོ་མ་ན་སྶི་ནྡྲི་ཡཾ, ཨུ་པེ་ཀྑི་ནྡྲི་ཡཾ, ས་དྡྷི་ནྡྲི་ཡཾ, ཝཱི་རི་ཡི་ནྡྲི་ཡཾ, ས་ཏི་ནྡྲི་ཡཾ, ས་མཱ་དྷི་ནྡྲི་ཡཾ, པ་ཉྙི་ནྡྲི་ཡཾ, ཨ་ན་ཉྙཱ་ཏ་ཉྙ་སྶཱ་མཱི་ཏི་ནྡྲི་ཡཾ, ཨ་ཉྙི་ནྡྲི་ཡཾ, ཨ་ཉྙཱ་ཏཱ་ཝི་ནྡྲི་ཡཾ – ཨི་མཱ་ནི ཝུ་ཙྩ་ནྟི ‘‘ཨ་པ་རི་ཡཱ་པ་ནྣེ དྭཱ་ད་སི་ནྡྲི་ཡཱ་ནི’’.
ཏ་ཏྠ ཀ་ཏ་མེ ཨ་པ་རི་ཡཱ་པ་ནྣེ ཚ ཧེ་ཏཱུ? ཏ་ཡོ ཀུ་ས་ལ་ཧེ་ཏཱུ, ཏ་ཡོ ཨ་བྱཱ་ཀ་ཏ་ཧེ་ཏཱུ.
ཏ་ཏྠ ཀ་ཏ་མེ ཏ་ཡོ ཀུ་ས་ལ་ཧེ་ཏཱུ? ཨ་ལོ་བྷོ ཀུ་ས་ལ་ཧེ་ཏུ, ཨ་དོ་སོ ཀུ་ས་ལ་ཧེ་ཏུ, ཨ་མོ་ཧོ ཀུ་ས་ལ་ཧེ་ཏུ – ཨི་མེ ཏ་ཡོ ཀུ་ས་ལ་ཧེ་ཏཱུ.
ཏ་ཏྠ ཀ་ཏ་མེ ཏ་ཡོ ཨ་བྱཱ་ཀ་ཏ་ཧེ་ཏཱུ? ཀུ་ས་ལཱ་ནཾ དྷ་མྨཱ་ནཾ ཝི་པཱ་ཀ་ཏོ ཨ་ལོ་བྷོ, ཨ་དོ་སོ, ཨ་མོ་ཧོ – ཨི་མེ ཏ་ཡོ ཨ་བྱཱ་ཀ་ཏ་ཧེ་ཏཱུ. ཨི་མེ ཝུ་ཙྩ་ནྟི ‘‘ཨ་པ་རི་ཡཱ་པ་ནྣེ ཚ ཧེ་ཏཱུ’’.
ཏ་ཏྠ ཀ་ཏ་མེ ཨ་པ་རི་ཡཱ་པ་ནྣེ ཏ་ཡོ ཨཱ་ཧཱ་རཱ? ཕ་སྶཱ་ཧཱ་རོ, མ་ནོ་ས་ཉྩེ་ཏ་ནཱ་ཧཱ་རོ, ཝི་ཉྙཱ་ཎཱ་ཧཱ་རོ – ཨི་མེ ཝུ་ཙྩ་ནྟི ‘‘ཨ་པ་རི་ཡཱ་པ་ནྣེ ཏ་ཡོ ཨཱ་ཧཱ་རཱ’’.
ཏ་ཏྠ ཀ་ཏ་མོ ཨ་པ་རི་ཡཱ་པ་ནྣེ ཨེ་ཀོ ཕ་སྶོ? མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ – ཨ་ཡཾ ཝུ་ཙྩ་ཏི ‘‘ཨ་པ་རི་ཡཱ་པ་ནྣེ ཨེ་ཀོ ཕ་སྶོ’’.
ཏ་ཏྠ ཀ་ཏ་མཱ ཨ་པ་རི་ཡཱ་པ་ནྣེ ཨེ་ཀཱ ཝེ་ད་ནཱ…པེ… ཨེ་ཀཱ ས་ཉྙཱ…པེ… ཨེ་ཀཱ ཙེ་ཏ་ནཱ…པེ… ཨེ་ཀཾ ཙི་ཏྟཾ? མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི ‘‘ཨ་པ་རི་ཡཱ་པ་ནྣེ ཨེ་ཀཾ ཙི་ཏྟཾ’’.