༣. པ་རི་ཡཱ་པ་ནྣཱ་པ་རི་ཡཱ་པ་ནྣ་ཝཱ་རོ
༡. ཀཱ་མ་དྷཱ་ཏུ
༩༩༩. པ་ཉྩ་ནྣཾ ཁ་ནྡྷཱ་ནཾ ཀ་ཏི ཀཱ་མ་དྷཱ་ཏུ་པ་རི་ཡཱ་པ་ནྣཱ, ཀ་ཏི ན ཀཱ་མ་དྷཱ་ཏུ་པ་རི་ཡཱ་པ་ནྣཱ…པེ… ས་ཏྟ་ནྣཾ ཙི་ཏྟཱ་ནཾ ཀ་ཏི ཀཱ་མ་དྷཱ་ཏུ་པ་རི་ཡཱ་པ་ནྣཱ, ཀ་ཏི ན ཀཱ་མ་དྷཱ་ཏུ་པ་རི་ཡཱ་པ་ནྣཱ?
༡༠༠༠. རཱུ་པ་ཀྑ་ནྡྷོ ཀཱ་མ་དྷཱ་ཏུ་པ་རི་ཡཱ་པ་ནྣོ; ཙ་ཏྟཱ་རོ ཁ་ནྡྷཱ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ.
ད་སཱ་ཡ་ཏ་ནཱ ཀཱ་མ་དྷཱ་ཏུ་པ་རི་ཡཱ་པ་ནྣཱ; དྭེ ཨཱ་ཡ་ཏ་ནཱ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ.
སོ་ལ༹་ས དྷཱ་ཏུ་ཡོ ཀཱ་མ་དྷཱ་ཏུ་པ་རི་ཡཱ་པ་ནྣཱ; དྭེ དྷཱ་ཏུ་ཡོ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ.
ས་མུ་ད་ཡ་ས་ཙྩཾ ཀཱ་མ་དྷཱ་ཏུ་པ་རི་ཡཱ་པ་ནྣཾ; དྭེ ས་ཙྩཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ; དུ་ཀྑ་ས་ཙྩཾ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཾ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཾ.
ད་སི་ནྡྲི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ; ཏཱི་ཎི་ནྡྲི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ; ན་ཝི་ནྡྲི་ཡཱ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ.
ཏ་ཡོ ཨ་ཀུ་ས་ལ་ཧེ་ཏཱུ ཀཱ་མ་དྷཱ་ཏུ་པ་རི་ཡཱ་པ་ནྣཱ; ཚ ཧེ་ཏཱུ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ.
ཀ་བ་ལཱི༹་ཀཱ་རོ ཨཱ་ཧཱ་རོ ཀཱ་མ་དྷཱ་ཏུ་པ་རི་ཡཱ་པ་ནྣོ; ཏ་ཡོ ཨཱ་ཧཱ་རཱ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ.
ཚ ཕ་སྶཱ ཀཱ་མ་དྷཱ་ཏུ་པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ སི་ཡཱ ཀཱ་མ་དྷཱ་ཏུ པ་རི་ཡཱ་པ་ནྣོ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣོ.
ཚ ཝེ་ད་ནཱ…པེ… ཚ ས་ཉྙཱ… ཚ ཙེ་ཏ་ནཱ… ཚ ཙི་ཏྟཱ ཀཱ་མ་དྷཱ་ཏུ་པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ སི་ཡཱ ཀཱ་མ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཀཱ་མ་དྷཱ་ཏུ་པ་རི་ཡཱ་པ་ནྣཱ.
༢. རཱུ་པ་དྷཱ་ཏུ
༡༠༠༡. པ་ཉྩ་ནྣཾ ཁ་ནྡྷཱ་ནཾ ཀ་ཏི རཱུ་པ་དྷཱ་ཏུ་པ་རི་ཡཱ་པ་ནྣཱ, ཀ་ཏི ན རཱུ་པ་དྷཱ་ཏུ་པ་རི་ཡཱ་པ་ནྣཱ …པེ… ས་ཏྟ་ནྣཾ ཙི་ཏྟཱ་ནཾ ཀ་ཏི རཱུ་པ་དྷཱ་ཏུ་པ་རི་ཡཱ་པ་ནྣཱ, ཀ་ཏི ན རཱུ་པ་དྷཱ་ཏུ་པ་རི་ཡཱ་པ་ནྣཱ?
༡༠༠༢. རཱུ་པ་ཀྑ་ནྡྷོ ན རཱུ་པ་དྷཱ་ཏུ་པ་རི་ཡཱ་པ་ནྣོ; ཙ་ཏྟཱ་རོ ཁ་ནྡྷཱ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ.
ད་སཱ་ཡ་ཏ་ནཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ; དྭེ ཨཱ་ཡ་ཏ་ནཱ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ.
སོ་ལ༹་ས དྷཱ་ཏུ་ཡོ ན རཱུ་པ་དྷཱ་ཏུ་པ་རི་ཡཱ་པ་ནྣཱ; དྭེ དྷཱ་ཏུ་ཡོ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ.
ཏཱི་ཎི ས་ཙྩཱ་ནི ན རཱུ་པ་དྷཱ་ཏུ་པ་རི་ཡཱ་པ་ནྣཱ; དུ་ཀྑ་ས་ཙྩཾ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཾ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཾ.
ཏེ་ར་སི་ནྡྲི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ; ན་ཝི་ནྡྲི་ཡཱ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ.
ཏ་ཡོ ཨ་ཀུ་ས་ལ་ཧེ་ཏཱུ ན རཱུ་པ་དྷཱ་ཏུ་པ་རི་ཡཱ་པ་ནྣཱ; ཚ ཧེ་ཏཱུ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ.
ཀ་བ་ལཱི༹་ཀཱ་རོ ཨཱ་ཧཱ་རོ ན རཱུ་པ་དྷཱ་ཏུ་པ་རི་ཡཱ་པ་ནྣོ; ཏ་ཡོ ཨཱ་ཧཱ་རཱ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ.
ཚ ཕ་སྶཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣོ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣོ.
ཚ ཝེ་ད་ནཱ…པེ… ཚ ས་ཉྙཱ… ཚ ཙེ་ཏ་ནཱ… ཚ ཙི་ཏྟཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ སི་ཡཱ རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན རཱུ་པ་དྷཱ་ཏུ་པ་རི་ཡཱ་པ་ནྣཱ.
༣. ཨ་རཱུ་པ་དྷཱ་ཏུ
༡༠༠༣. པ་ཉྩ་ནྣཾ ཁ་ནྡྷཱ་ནཾ ཀ་ཏི ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, ཀ་ཏི ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ…པེ… ས་ཏྟ་ནྣཾ ཙི་ཏྟཱ་ནཾ ཀ་ཏི ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, ཀ་ཏི ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ?
༡༠༠༤. རཱུ་པ་ཀྑ་ནྡྷོ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣོ; ཙ་ཏྟཱ་རོ ཁ་ནྡྷཱ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ.
ད་སཱ་ཡ་ཏ་ནཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ; དྭེ ཨཱ་ཡ་ཏ་ནཱ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ.
སོ་ལ༹་ས དྷཱ་ཏུ་ཡོ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ; དྭེ དྷཱ་ཏུ་ཡོ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ.
ཏཱི་ཎི ས་ཙྩཱ་ནི ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ་ནི.
དུ་ཀྑ་ས་ཙྩཾ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཾ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཾ.
ཙུ་དྡ་སི་ནྡྲི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ; ཨ་ཊྛི་ནྡྲི་ཡཱ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ.
ཏ་ཡོ ཨ་ཀུ་ས་ལ་ཧེ་ཏཱུ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ; ཚ ཧེ་ཏཱུ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ.
ཀ་བ་ལཱི༹་ཀཱ་རོ ཨཱ་ཧཱ་རོ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣོ; ཏ་ཡོ ཨཱ་ཧཱ་རཱ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ.
ཚ ཕ་སྶཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣོ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣོ.
ཚ ཝེ་ད་ནཱ…པེ… ཚ ས་ཉྙཱ … ཚ ཙེ་ཏ་ནཱ… ཚ ཙི་ཏྟཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ སི་ཡཱ ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ, སི་ཡཱ ན ཨ་རཱུ་པ་དྷཱ་ཏུ་པ་རི་ཡཱ་པ་ནྣཱ.
༤. པ་རི་ཡཱ་པ་ནྣཱ་པ་རི་ཡཱ་པ་ནྣཾ
༡༠༠༥. པ་ཉྩ་ནྣཾ ཁ་ནྡྷཱ་ནཾ ཀ་ཏི པ་རི་ཡཱ་པ་ནྣཱ, ཀ་ཏི ཨ་པ་རི་ཡཱ་པ་ནྣཱ…པེ… ས་ཏྟ་ནྣཾ ཙི་ཏྟཱ་ནཾ ཀ་ཏི པ་རི་ཡཱ་པ་ནྣཱ, ཀ་ཏི ཨ་པ་རི་ཡཱ་པ་ནྣཱ?
༡༠༠༦. རཱུ་པ་ཀྑ་ནྡྷོ པ་རི་ཡཱ་པ་ནྣོ; ཙ་ཏྟཱ་རོ ཁ་ནྡྷཱ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ.
ད་སཱ་ཡ་ཏ་ནཱ པ་རི་ཡཱ་པ་ནྣཱ; དྭེ ཨཱ་ཡ་ཏ་ནཱ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ.
སོ་ལ༹་ས དྷཱ་ཏུ་ཡོ པ་རི་ཡཱ་པ་ནྣཱ; དྭེ དྷཱ་ཏུ་ཡོ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ.
དྭེ ས་ཙྩཱ པ་རི་ཡཱ་པ་ནྣཱ; དྭེ ས་ཙྩཱ ཨ་པ་རི་ཡཱ་པ་ནྣཱ.
ད་སི་ནྡྲི་ཡཱ པ་རི་ཡཱ་པ་ནྣཱ, ཏཱི་ཎི་ནྡྲི་ཡཱ ཨ་པ་རི་ཡཱ་པ་ནྣཱ; ན་ཝི་ནྡྲི་ཡཱ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ.
ཏ་ཡོ ཨ་ཀུ་ས་ལ་ཧེ་ཏཱུ པ་རི་ཡཱ་པ་ནྣཱ; ཚ ཧེ་ཏཱུ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ.
ཀ་བ་ལཱི༹་ཀཱ་རོ ཨཱ་ཧཱ་རོ པ་རི་ཡཱ་པ་ནྣོ; ཏ་ཡོ ཨཱ་ཧཱ་རཱ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ.
ཚ ཕ་སྶཱ པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ་ས་མྥ་སྶོ སི་ཡཱ པ་རི་ཡཱ་པ་ནྣོ, སི་ཡཱ ཨ་པ་རི་ཡཱ་པ་ནྣོ.
ཚ ཝེ་ད་ནཱ…པེ… ཚ ས་ཉྙཱ… ཚ ཙེ་ཏ་ནཱ… ཚ ཙི་ཏྟཱ པ་རི་ཡཱ་པ་ནྣཱ; མ་ནོ་ཝི་ཉྙཱ་ཎ་དྷཱ་ཏུ སི་ཡཱ པ་རི་ཡཱ་པ་ནྣཱ, སི་ཡཱ ཨ་པ་རི་ཡཱ་པ་ནྣཱ.